ﺗﺎﺷﻰ ﯞﺍﯕﺪﻯ: ﺑﯧﻴﺠﯩﯔ ﺩﺍﻻﻱ ﻻﻣﺎﻧﯩﯔ ﺧﯩﺘﺎﻳﻨﻰ ﺯﯨﻴﺎﺭﻩﺕ ﻗﯩﻠﯩﺸﯩﻐﺎ ﻳﻮﻝ ﻗﻮﻳﯘﺷﻰ ﻛﯧﺮﻩﻙ

ﺗﯩﺒﻪﺕ ﺭﻭﻫﺎﻧﻰ ﺩﺍﻫﯩﺴﻰ ﺩﺍﻻﻱ ﻻﻣﺎﻧﯩﯔ ﺋﺎﻣﯧﺮﯨﻜﯩﺪﺍ ﺗﯘﺭﯗﺷﻠﯘﻕ ﯞﻩﻛﯩﻠﻰ ﺗﺎﺷﻰ ﯞﺍﯕﺪﻯ، ﺑﯧﻴﺠﯩﯔ ﻫﯚﻛﯜﻣﯩﺘﻰ ﺩﺍﻻﻱ ﻻﻣﺎﻧﯩﯔ ﺧﯩﺘﺎﻳﻨﻰ ﺯﯨﻴﺎﺭﻩﺕ ﻗﯩﻠﯩﺶ ﺗﻪﻟﯩﭙﯩﻨﻰ ﻗﺎﻧﺪﯗﺭﺳﺎ، ﺑﯘ ﺗﯩﺒﻪﺕ ﺭﺍﻳﻮﻧﯩﺪﯨﻜﻰ ﺳﯩﻴﺎﺳﯩﻲ ﺟﯩﺪﺩﯨﻴﻠﯩﻜﻨﻰ ﭘﻪﺳﻪﻳﺘﯩﺶ ﺭﻭﻟﯩﻨﻰ ﺋﻮﻳﻨﺎﻳﺪﯗ، ﺩﻩﭖ ﻛﯚﺭﺳﻪﺗﺘﻰ.

ﺩﺍﻻﻱ ﻻﻣﺎ ﺋﯚﺗﻜﻪﻥ ﻫﻪﭘﺘﻪ ﺧﯩﺘﺎﻳﻨﻰ ﺯﯨﻴﺎﺭﻩﺕ ﻗﯩﻠﯩﭗ، ﺑﯘ ﺩﯙﻟﻪﺗﺘﯩﻜﻰ ﺗﺎﺭﯨﺨﯩﻲ ﺑﯘﺩﺩﺍ ﺋﯩﺒﺎﺩﻩﺗﺨﺎﻧﯩﻠﯩﺮﯨﻨﻰ ﺗﺎﯞﺍﺏ ﻗﯩﻠﯩﺶ ﺋﺎﺭﺯﯗﺳﻰ ﺑﺎﺭﻟﯩﻘﯩﻨﻰ ﺑﯩﻠﺪﯛﺭﮔﻪﻥ ﯞﻩ ﺑﯘ ﺋﺎﺭﺯﯗﺳﯩﻨﯩﯔ ﻳﯧﻘﯩﻨﺪﺍ ﺑﯧﻴﺠﯩﯖﻨﻰ ﺯﯨﻴﺎﺭﻩﺕ ﻗﯩﻠﻐﺎﻥ ﯞﻩﻛﯩﻠﻠﯩﺮﻯ ﺗﻪﺭﯨﭙﯩﺪﯨﻦ ﺧﯩﺘﺎﻱ ﺩﺍﺋﯩﺮﯨﻠﯩﺮﯨﮕﻪ ﻳﻪﺗﻜﯜﺯﯛﻟﮕﻪﻧﻠﯩﻜﯩﻨﻰ ﺋﺎﺷﻜﺎﺭﯨﻠﯩﻐﺎﻥ ﺋﯩﺪﻯ. ﺗﺎﺷﻰ ﯞﺍﯕﺪﻯ ﺋﺎﻣﯧﺮﯨﻜﺎ ﺩﯙﻟﻪﺕ ﻣﻪﺟﻠﯩﺴﯩﻨﯩﯔ ﺑﯩﺮ ﻛﻮﻣﯩﺘﯧﺘﻰ ﭼﺎﻗﯩﺮﻏﺎﻥ ﺋﯩﺴﭙﺎﺕ ﺑﯧﺮﯨﺶ ﻳﯩﻐﯩﻨﯩﺪﺍ، ﺧﯩﺘﺎﻱ ﺩﺍﺋﯩﺮﯨﻠﯩﺮﯨﻨﻰ ﺩﺍﻻﻱ ﻻﻣﺎﻧﯩﯔ ﺯﯨﻴﺎﺭﯨﺘﯩﺪﯨﻦ ﺋﻪﻧﺪﯨﺸﻪ ﻗﯩﻠﻤﺎﺳﻠﯩﻘﻘﺎ ﭼﺎﻗﯩﺮﺩﻯ. ﺋﯘ، ﺧﯩﺘﺎﻱ ﺭﻩﻫﺒﻪﺭﻟﯩﺮﻯ ﺋﯘﻧﯩﯔ ﺯﯨﻴﺎﺭﯨﺘﯩﮕﻪ ﻳﻮﻝ ﻗﻮﻳﯘﻟﺴﺎ، ﺑﯩﺮﻩ ﯞﻩﻗﻪ ﻳﯜﺯ ﺑﯧﺮﻩﻣﺪﯨﻜﯩﻦ، ﺩﻩﭖ ﺋﻪﻧﺪﯨﺸﻪ ﻗﯩﻠﻤﺎﺳﻠﯩﻘﻰ ﻛﯧﺮﻩﻙ. ﺩﺍﻻﻱ ﻻﻣﺎﻧﯩﯔ ﺯﯨﻴﺎﺭﯨﺘﻰ ﺋﯚﺯ ﺋﺎﺭﺍ ﭼﯜﺷﯩﻨﯩﺶ، ﺋﺎﺭﯨﻠﯩﺸﯩﺶ ﯞﻩ ﺩﻭﺳﺘﻠﯘﻗﻨﻰ ﺋﯩﻠﮕﯩﺮﻯ ﺳﯜﺭﯨﺪﯗ،" ﺩﯦﺪﻯ.

ﺋﯘﻧﯩﯔ ﺋﻪﺳﻜﻪﺭﺗﯩﺸﯩﭽﻪ، "ﺩﺍﻻﻱ ﻻﻣﺎﻧﯩﯔ ﺯﯨﻴﺎﺭﻩﺕ ﭘﯩﻼﻧﻰ ﻫﻪﺭ ﺋﯩﻜﻜﯩﻼ ﺗﻪﺭﻩﭘﻜﻪ ﭘﺎﻳﺪﯨﻠﯩﻖ" ﺋﯩﻜﻪﻥ. ﺋﯘ، " ﺧﯩﺘﺎﻱ ﻫﯚﻛﯜﻣﯩﺘﻰ ﺑﯩﻠﻪﻥ ﺗﯩﺒﻪﺕ ﺋﺎﺭﯨﺴﯩﺪﯨﻜﻰ ﺟﯩﺪﺩﯨﻴﭽﯩﻠﯩﻚ ﺧﯩﺘﺎﻳﺪﺍ ﺳﯩﻴﺎﺳﻰ ، ﻣﻪﺩﻩﻧﯩﻴﻪﺕ ﯞﻩ ﺩﯨﻨﯩﻲ ﺗﯘﺭﻣﯘﺷﻨﯩﯔ ﻛﯧﻠﻪﭼﯩﮕﻰ ﺑﯩﻠﻪﻥ ﺑﺎﻏﻠﯩﻨﯩﺸﻠﯩﻖ " ﺩﻩﻳﺪﯗ. ﺗﺎﺷﻰ ﯞﺍﯕﺪﯨﻨﯩﯔ ﺋﻪﺳﻜﻪﺭﺗﯩﺸﯩﭽﻪ، ﺋﯘ ﺑﯧﻴﺠﯩﯔ ﻫﯚﻛﯜﻣﯩﺘﻰ ﺗﯩﺒﻪﺕ ﻣﻪﺳﯩﻠﯩﺴﯩﺪﻩ ﺋﯩﻠﮕﯩﺮﯨﻠﻪﺷﻜﻪ ﺋﯧﺮﯨﺸﺴﻪ، ﺧﯩﺘﺎﻳﻨﯩﯔ ﺩﯗﻧﻴﺎ ﺑﻮﻳﯩﭽﻪ ﻧﯘﺭﻏﯘﻥ ﺩﻭﺳﺘﻼﺭﻏﺎ ﺋﯧﺮﯨﺸﯩﺪﯨﻐﺎﻧﻠﯩﻘﯩﻐﺎ ﺋﯩﺸﯩﻨﯩﺪﯨﻜﻪﻥ.

ﺩﺍﻻﻱ ﻻﻣﺎ ﺋﯚﺗﻜﻪﻥ ﺟﯜﻣﻪ ﻛﯜﻧﻰ ﺩﺍﺭﺍﻣﺴﺎﻻﺩﺍ ﺗﯩﺒﻪﺕ ﻗﻮﺯﻏﯩﻠﯩﯖﯩﻨﯩﯔ 47 ﻳﯩﻠﻠﯩﻘﻰ ﻣﯘﻧﺎﺳﯩﯟﯨﺘﻰ ﺑﯩﻠﻪﻥ ﻧﯘﺗﯘﻕ ﺳﯚﺯﻟﻪﭖ، ﺧﯩﺘﺎﻳﻨﻰ ﺯﯨﻴﺎﺭﻩﺕ ﻗﯩﻠﯩﺶ ﺋﯜﻣﯩﺪﻯ ﺑﺎﺭﻟﯩﻘﯩﻨﻰ ﺟﺎﻛﺎﺭﻟﯩﻐﺎﻥ. (ﺋﻪﺭﻛﯩﻦ)