ﺩﺍﻻﻱ ﻻﻣﺎ ﺧﯩﺘﺎﻳﻨﻰ ﺯﯨﻴﺎﺭﻩﺕ ﻗﯩﻠﯩﺸﻨﻰ ﺋﺎﺭﺯﯗ ﻗﯩﻠﯩﺪﯗ

ﺗﯩﺒﻪﺕ ﺭﻭﻫﺎﻧﻰ ﺩﺍﻫﯩﻴﺴﻰ ﺩﺍﻻﻱ ﻻﻣﺎ ﺟﯜﻣﻪ ﻛﯜﻧﻰ ﺩﺍﺭﺍﻣﺴﺎﻻﺩﺍ 1959 ‏- ﻳﯩﻠﺪﯨﻜﻰ ﺗﯩﺒﻪﺕ ﻗﻮﺯﻏﯩﻠﯩﯖﯩﻨﻰ ﺧﺎﺗﯩﺮﯨﻠﻪﺵ ﻣﯘﺭﺍﺳﯩﻤﯩﺪﺍ ﺳﯚﺯ ﻗﯩﻠﯩﭗ، ﺧﯩﺘﺎﻳﺪﯨﻜﻰ ﻣﻪﺷﻬﯘﺭ ﺑﯘﺩﺩﺍ ﺗﺎﯞﺍﺑﮕﺎﻫﻠﯩﺮﯨﻨﻰ ﺯﯨﻴﺎﺭﻩﺕ ﻗﯩﻠﯩﺶ ﺋﯜﻣﯩﺪﻯ ﺑﺎﺭﻟﯩﻘﯩﻨﻰ ﺑﯩﻠﺪﯛﺭﺩﻯ. ﺩﺍﻻﻱ ﻻﻣﺎﻧﯩﯔ ﺋﻪﺳﻜﻪﺭﺗﯩﺸﯩﭽﻪ، ﺋﯘﻧﯩﯔ ﻳﯧﻘﯩﻨﺪﺍ ﺧﯩﺘﺎﻳﻨﻰ ﺯﯨﻴﺎﺭﻩﺕ ﻗﯩﻠﯩﭗ ﻗﺎﻳﺘﻘﺎﻥ ﯞﻩﻛﯩﻠﻠﯩﺮﻯ ﺩﺍﻻﻱ ﻻﻣﺎﻧﯩﯔ ﺑﯘ ﺋﺎﺭﺯﯗﺳﯩﻨﻰ ﺧﯩﺘﺎﻱ ﻫﯚﻛﯜﻣﯩﺘﯩﮕﻪ ﺋﯘﻗﺘﯘﺭﻏﺎﻥ.

ﺋﯘ، " ﻣﯧﻨﯩﯔ ﯞﻩﻛﯩﻠﻠﯩﺮﯨﻢ ﺧﯩﺘﺎﻳﻐﺎ ﺑﯧﺮﯨﭗ ﺗﺎﯞﺍﺏ ﻗﯩﻠﯩﺶ ﺋﺎﺭﺯﯗﻳﯘﻣﻨﻰ ﺋﯘﻻﺭﻏﺎ ﻳﻪﺗﻜﯜﺯﺩﻯ " ﺩﻩﻳﺪﯗ. ﺋﯘﻧﯩﯔ ﺗﻪﻛﯩﺘﻠﯩﺸﯩﭽﻪ، ﺧﯩﺘﺎﻳﺪﺍ ﺑﯘﺩﺩﯨﺰﯨﻤﻨﯩﯔ ﺋﯘﺯﯗﻥ ﺗﺎﺭﯨﺨﯩﻐﺎ ﺋﯩﮕﻪ ﺩﯙﻟﻪﺕ ﺑﻮﻟﯘﺵ ﺳﯜﭘﯩﺘﯩﺪﻩ ﺗﺎﯞﺍﺏ ﻗﯩﻠﯩﺪﯨﻐﺎﻥ ﻧﯘﺭﻏﯘﻥ ﻳﻪﺭﻟﻪﺭ ﺑﺎﺭ " ﺋﯩﻜﻪﻥ. ﺑﯘ ﺩﺍﻻﻱ ﻻﻣﺎﻧﯩﯔ ﺗﯘﻧﺠﻰ ﻗﯧﺘﯩﻢ ﺧﯩﺘﺎﻳﺪﯨﻜﻰ ﺑﯘﺩﺩﺍ ﺗﺎﯞﺍﺑﮕﺎﻫﻠﯩﺮﯨﻨﻰ ﺯﯨﻴﺎﺭﻩﺕ ﻗﯩﻠﯩﺶ ﺗﻪﻟﯩﭙﯩﻨﻰ ﺋﺎﺷﻜﺎﺭﺍ ﺗﯩﻠﻐﺎ ﺋﯧﻠﯩﺸﻰ ﺑﻮﻟﯘﭖ ﻫﯧﺴﺎﺑﻠﯩﻨﯩﺪﯗ.

ﺑﯩﺮﻟﻪﺷﻤﻪ ﺋﺎﺧﺒﺎﺭﺍﺕ ﺋﺎﮔﯧﻨﺘﻠﯩﻘﯩﻨﯩﯔ ﺧﻪﯞﻩﺭ ﻗﯩﻠﯩﺸﯩﭽﻪ، ﺧﯩﺘﺎﻱ ﺗﺎﺷﻘﻰ ﺋﯩﺸﻼﺭﻣﯩﻨﯩﺴﺘﯩﺮﻟﯩﻘﯩﻨﯩﯔ ﺑﺎﻳﺎﻧﺎﺗﭽﯩﺴﻰ ﺩﺍﻻﻱ ﻻﻣﺎﻧﯩﯔ ﺯﯨﻴﺎﺭﻩﺕ ﺗﻪﻟﯩﭙﯩﮕﻪ ﺩﻩﺭﻫﺎﻝ ﺟﺎﯞﺍﺏ ﻗﺎﻳﺘﯘﺭﻣﯩﻐﺎﻥ. ﺩﺍﻻﻱ ﻻﻣﺎ ﻣﯘﺭﺍﺳﯩﻤﺪﺍ ﺗﯩﺒﻪﺗﻠﻪﺭﻧﯩﯔ ﺋﺎﻟﯩﻲ ﺋﺎﭘﺘﻮﻧﻮﻣﯩﻴﻪ ﺗﻪﻟﯩﭙﯩﻨﻰ " ﻣﻪﻣﻠﯩﻜﻪﺕ ﺋﯩﭽﻰ ﯞﻩ ﺳﯩﺮﺗﯩﺪﯨﻜﻰ ﺗﯩﺒﻪﺗﻠﻪﺭﻧﯩﯔ ﻫﺎﻳﺎﺗﻠﯩﻖ ﻳﻮﻟﯩﺪﯨﻜﻰ ﻗﺎﻧﯘﻧﻐﺎ ﺋﯘﻳﻐﯘﻥ، ﺋﺎﺩﯨﻞ ﯞﻩ ﻣﯘﯞﺍﭘﯩﻖ ﺗﻪﻟﻪﭖ " ﺩﻩﭖ ﻛﯚﺭﺳﻪﺗﺘﻰ.

ﺧﯩﺘﺎﻱ ﻫﯚﻛﯜﻣﯩﺘﻰ ﺑﯘ ﻳﯩﻞ 2 - ﺋﺎﻳﺪﺍ ﺩﺍﻻﻱ ﻻﻣﺎﻧﯩﯔ ﻟﻮﺩﻯ ﮔﻴﺎﺭﻯ ﻗﺎﺗﺎﺭﻟﯩﻖ ﯞﻩﻛﯩﻠﻠﯩﺮﻯ ﺑﯩﻠﻪﻥ ﺑﯧﻴﺠﯩﯖﺪﺍ ﺗﯩﺒﻪﺕ ﻣﻪﺳﯩﻠﯩﺴﻰ ﺑﻮﻳﯩﭽﻪ ﺳﯚﻫﺒﻪﺕ ﺋﯧﻠﯩﭗ ﺑﺎﺭﻏﺎﻥ. ﮔﻪﺭﭼﻪ ﻫﻪﺭ ﺋﯩﻜﻜﯩﻼ ﺗﻪﺭﻩﭖ ﺳﯚﻫﺒﻪﺗﻨﯩﯔ ﻣﻪﺯﻣﯘﻧﯩﻨﻰ ﺋﺎﺷﻜﺎﺭﯨﻠﯩﻤﯩﻐﺎﻥ ﺑﻮﻟﺴﯩﻤﯘ، ﺑﯩﺮﺍﻕ ﺗﯩﺒﻪﺕ ﺳﯚﻫﺒﻪﺕ ﺋﯚﻣﯩﻜﯩﮕﻪ ﺑﺎﺷﭽﯩﻠﯩﻖ ﻗﯩﻠﻐﺎﻥ ﻟﻮﺩﻯ ﮔﻴﺎﺭﻯ، ﺑﯧﻴﺠﯩﯔ ﻫﯚﻛﯜﻣﯩﺘﯩﻨﯩﯔ ﺗﯩﺒﻪﺕ ﻣﻪﺳﯩﻠﯩﺴﯩﻨﻰ ﺑﯘﺭﯗﻧﻘﯩﻐﺎ ﻗﺎﺭﯨﻐﺎﻧﺪﺍ ﺗﯧﺨﯩﻤﯘ ﺳﻪﻣﯩﻤﯩﻲ ﺳﯚﺯﻟﯩﺸﯩﺸﻜﻪ ﺋﯩﻨﺘﯩﻠﯩﯟﺍﺗﻘﺎﻧﻠﯩﻘﯩﻨﻰ ﺑﺎﻳﻘﯩﺪﯨﻢ، ﺩﯦﮕﻪﻥ. (ﺋﻪﺭﻛﯩﻦ)