ﺩﺍﻻﻱ ﻻﻣﺎ ﻳﺎﭘﻮﻧﯩﻴﯩﻨﻰ ﺯﯨﻴﺎﺭﻩﺕ ﻗﯩﻠﯩﺪﯗ

ﺗﯩﺒﻪﺕ ﺭﻭﻫﺎﻧﻰ ﺩﺍﻫﯩﺴﻰ ﺩﺍﻻﻱ ﻻﻣﺎ ﻳﺎﭘﻮﻧﯩﻴﯩﻨﯩﯔ ﺧﯩﺮﻭﺷﯩﻤﺎ ﺭﺍﻳﻮﻧﯩﺪﯨﻜﻰ ﺑﯩﺮ ﺩﯨﻨﯩﻲ ﻣﻪﺯﻫﻪﭘﻨﯩﯔ ﺗﻪﻛﻠﯩﭙﻰ ﺑﻮﻳﯩﭽﻪ ﺑﯘ ﻳﯩﻞ 10 - ﺋﺎﻳﻨﯩﯔ 30 - ﻛﯜﻧﯩﺪﯨﻦ 11 - ﺋﺎﻳﻨﯩﯔ 10 -ﻛﯜﻧﯩﮕﯩﭽﻪ ﻳﺎﭘﻮﻧﯩﻴﯩﻨﻰ ﺯﯨﻴﺎﺭﻩﺕ ﻗﯩﻠﯩﺪﯗ. ﺋﯘ، ﻳﺎﭘﻮﻧﯩﻴﯩﺪﯨﻜﻰ ﺯﯨﻴﺎﺭﯨﺘﻰ ﺟﻪﺭﻳﺎﻧﯩﺪﺍ ﺑﯘﺩﺩﯨﺰﯨﻤﻨﯩﯔ ﺩﯨﻨﯩﻲ ﺗﻪﻟﯩﻤﺎﺗﻠﯩﺮﻯ ﻫﻪﻗﻘﯩﺪﻩ ﻧﯘﺗﯘﻕ ﺳﯚﺯﻟﻪﻳﺪﯗ ﯞﻩ ﺧﯩﺮﻭﺷﯩﻤﺎﺩﺍ ﺋﯚﺗﻜﯜﺯﯨﻠﯩﺪﯨﻐﺎﻥ ﺩﯨﻨﯩﻲ ﭘﺎﺋﺎﻟﯩﻴﻪﺗﻠﻪﺭﮔﻪ ﺋﯩﺸﺘﯩﺮﺍﻙ ﻗﯩﻠﯩﺪﯗ.

ﻳﺎﭘﻮﻧﯩﻴﻪ ﻫﯚﻛﯜﻣﯩﺘﻰ ﺩﺍﻻﻱ ﻻﻣﺎﻧﯩﯔ ﺯﯨﻴﺎﺭﻩﺕ ﺗﻪﻟﯩﭙﯩﻨﻰ ﻗﻮﺑﯘﻝ ﻗﯩﻠﯩﺶ ﺑﯩﻠﻪﻥ ﺑﯩﺮﮔﻪ، ﺳﯩﻴﺎﺳﯩﻲ ﭘﺎﺋﺎﻟﯩﻴﻪﺕ ﺑﯩﻠﻪﻥ ﺷﯘﻏﯘﻟﻼﻧﻤﺎﺳﻠﯩﻘﯩﻨﻰ ﺷﻪﺭﺕ ﻗﯩﻠﯩﭗ ﻗﻮﻳﻐﺎﻥ. ﺩﺍﻻﻱ ﻻﻣﺎ ﺋﺎﺧﯩﺮﻗﻰ ﻗﯧﺘﯩﻢ ﻳﺎﭘﻮﻧﯩﻴﯩﻨﻰ ﺋﯚﺗﻜﻪﻥ ﻳﯩﻠﻰ 4 - ﺋﺎﻳﺪﺍ ﺯﯨﻴﺎﺭﻩﺕ ﻗﯩﻠﻐﺎﻥ ﯞﻩ ﺯﯨﻴﺎﺭﻩﺕ ﺟﻪﺭﻳﺎﻧﯩﺪﺍ ﻳﺎﭘﻮﻧﯩﻴﻪ ﭘﺎﺭﻻﻣﯧﻨﺖ ﺋﻪﺯﺍﻟﯩﺮﻯ ﺑﯩﻠﻪﻥ ﻛﯚﺭﯛﺷﯜﭖ، ﺗﯩﺒﻪﺕ ﻣﻪﺳﯩﻠﯩﺴﯩﻨﻰ ﻣﯘﺯﺍﻛﯩﺮﻩ ﻗﯩﻠﻐﺎﻥ ﺋﯩﺪﻯ. ﻧﻪﺗﯩﺠﯩﺴﯩﺪﻩ ﺑﯘ ﺧﯩﺘﺎﻱ ﺩﺍﺋﯩﺮﯨﻠﯩﺮﯨﻨﯩﯔ ﻧﺎﺭﺍﺯﯨﻠﯩﻘﯩﻨﻰ ﻗﻮﺯﻏﯩﻐﺎﻥ. ﺗﯩﺒﻪﺕ ﺭﻭﻫﺎﻧﻰ ﺩﺍﻫﯩﺴﯩﻨﯩﯔ ﻳﺎﭘﻮﻧﯩﻴﻪ ﺯﯨﻴﺎﺭﯨﺘﻰ ﺧﯩﺘﺎﻱ - ﻳﺎﭘﻮﻧﯩﻴﻪ ﻣﯘﻧﺎﺳﯩﯟﯨﺘﻰ ﻳﯩﺮﯨﻜﻠﯩﺸﯩﯟﺍﺗﻘﺎﻥ ﺑﯩﺮ ﻣﻪﺯﮔﯩﻠﮕﻪ ﺗﻮﻏﺮﺍ ﻛﻪﻟﺪﻯ.

ﺧﯩﺘﺎﻱ ﻫﯚﻛﯜﻣﯩﺘﻰ ﻳﺎﭘﻮﻧﯩﻴﻪ ﺑﺎﺵ ﻣﯩﻨﯩﺴﺘﯩﺮﻯ ﻛﻮﻳﺰﯗﻣﯩﻨﻰ ﻳﺎﺳﯩﻜﯘﻧﻮ ﺑﯘﺯﺭﯗﻛﮕﺎﻫﯩﻨﻰ ﺯﯨﻴﺎﺭﻩﺕ ﻗﯩﻠﯩﺶ ﺑﯩﻠﻪﻥ ﺋﻪﻳﯩﺒﻠﯩﻤﻪﻛﺘﻪ ﯞﻩ ﺧﯩﺘﺎﻱ - ﻳﺎﭘﻮﻧﯩﻴﻪ ﺋﻮﺗﺘﯘﺭﯨﺴﯩﺪﺍ ﺳﺎﻧﺴﺎﻛﻮ ﺗﺎﻗﯩﻢ ﺋﺎﺭﺍﻟﻠﯩﺮﯨﻨﯩﯔ ﺋﯩﮕﯩﻠﯩﻚ ﻫﻮﻗﯘﻗﻰ ﻫﻪﻗﻘﯩﺪﯨﻜﻰ ﺋﯩﺨﺘﯩﻼﭘﻼﺭ ﻛﯜﭼﻪﻳﻤﻪﻛﺘﻪ. ﺑﻮﻟﯘﭘﻤﯘ ﺧﯩﺘﺎﻳﻨﯩﯔ ﻫﻪﺭﺑﯩﻲ ﺗﻪﺭﻩﻗﻘﯩﻴﺎﺗﻰ ﯞﻩ ﺧﯩﺘﺎﻱ ﻫﻪﺭﺑﯩﻲ ﺧﺎﻡ ﭼﻮﺗﯩﻨﯩﯔ ﻳﯧﻘﯩﻨﺪﺍ ﻳﻪﻧﻪ 14 % ﺋﯚﺳﺘﯜﺭﯛﻟﮕﻪﻧﻠﯩﻜﻰ ﻳﺎﭘﻮﻧﯩﻴﯩﻨﻰ ﺑﯩﺌﺎﺭﺍﻡ ﻗﯩﻠﻐﺎﻥ.

ﻳﺎﭘﻮﻧﯩﻴﻪ ﺗﺎﺷﻘﯩﻲ ﺋﯩﺸﻼﺭ ﻣﯩﻨﯩﺴﺘﯩﺮﻯ ﺗﺎﺭﻭ ﺋﺎﺳﻮ ، ﺋﺎﻣﯧﺮﯨﻜﺎ Wall Street Journal ﮔﯧﺰﯨﺘﯩﮕﻪ ﻳﺎﺯﻏﺎﻥ ﻣﺎﻗﺎﻟﯩﺴﯩﺪﻩ ﺧﯩﺘﺎﻳﻨﻰ " ﺋﯩﻤﭙﯩﺮﯨﻴﻪ ﺩﯙﻟﯩﺘﻰ" ﺑﻮﻟﯘﺵ ﻳﻮﻟﯩﻐﺎ ﻣﯧﯖﯩﺸﺘﯩﻦ ﯞﺍﺯ ﻛﯧﭽﯩﺸﻜﻪ ﭼﺎﻗﯩﺮﻏﺎﻥ. ﺩﺍﻻﻱ ﻻﻣﺎ ﺗﯩﺒﻪﺗﻜﻪ ﺋﺎﻟﯩﻲ ﺋﺎﭘﺘﻮﻧﻮﻣﯩﻴﻪ ﺗﻪﻟﻪﭖ ﻗﯩﻠﯩﺪﯨﻐﺎﻧﻠﯩﻘﯩﻨﻰ ﺗﻪﻛﯩﺘﻠﯩﺴﯩﻤﯘ، ﻟﯧﻜﯩﻦ ﺧﯩﺘﺎﻱ ﻫﯚﻛﯜﻣﯩﺘﻰ ﺋﯘﻧﻰ ﺑﯩﺮ ﺗﻪﺭﻩﭘﺘﯩﻦ ﺑﯚﻟﮕﯜﻧﭽﯩﻠﯩﻚ" ﺑﯩﻠﻪﻥ ﺋﻪﻳﯩﺒﻠﯩﺴﻪ، ﻳﻪﻧﻪ ﺑﯩﺮ ﺗﻪﺭﻩﭘﺘﯩﻦ ﺋﯘﻧﯩﯔ ﯞﻩﻛﯩﻠﻠﯩﺮﻯ ﺑﯩﻠﻪﻥ ﺳﯚﻫﺒﻪﺕ ﺋﯧﻠﯩﭗ ﺑﺎﺭﻣﺎﻗﺘﺎ. (ﺋﻪﺭﻛﯩﻦ)