ﺩﺍﻻﻱ ﻻﻣﺎ ﻧﯧﻤﻪ ﺋﯜﭼﯜﻥ ﺋﺎﭘﺘﻮﻧﻮﻣﯩﻴﻪ ﻳﻮﻟﯩﻨﻰ ﺗﺎﻟﻠﯩﺪﻯ؟

• ﺋﯩﺨﺘﯩﻴﺎﺭﻯ ﻣﯘﺧﺒﯩﺮﯨﻤﯩﺰ ﻛﺎﻣﯩﻠﻨﯩﯔ ﺑﯘ ﻫﻪﻗﺘﯩﻜﻰ ﻣﻪﻟﯘﻣﺎﺗﻰ
• Download story audio

ﺋﺎﻣﯧﺮﯨﻜﺎ ﭘﺮﯦﺰﯨﺪﯦﻨﺘﻰ ﺑﯘﺵ 2001-ﻳﯩﻠﻰ 23-ﻣﺎﻱ ﻛﯜﻧﻰ ﺩﺍﻻﺋﻰ ﻻﻣﺎﻧﻰ ﻗﻮﺑﯘﻝ ﻗﯩﻠﺪﻯ. AFP

ﺋﺎﻟﺪﯨﻨﻘﻰ ﺋﺎﻳﺪﺍ ﺗﯩﺒﻪﺗﻨﯩﯔ ﺭﻭﻫﺎﻧﻰ ﺩﺍﻫﯩﻴﺴﻰ ﺩﺍﻻﻱ ﻻﻣﺎﻧﯩﯔ ﺋﻪﻟﭽﯩﻠﯩﺮﻯ، ﺑﯧﻴﺠﯩﯖﺪﺍ ﺧﯩﺘﺎﻱ ﻫﯚﻛﯜﻣﯩﺘﻰ ﺑﯩﻠﻪﻥ ﺗﯩﺒﻪﺗﻜﻪ ﺋﺎﻟﻰ ﺋﺎﭘﺘﻮﻧﻮﻣﯩﻴﻪ ﺑﯧﺮﯨﺶ ﻣﻪﺳﯩﻠﯩﺴﯩﺪﻩ ﺳﯚﻫﺒﻪﺕ ﺋﯧﻠﯩﭗ ﺑﺎﺭﺩﻯ. ﺑﯘ 2002 –ﻳﯩﻠﻰ 9-ﺋﺎﻳﺪﺍ ﺧﯩﺘﺎﻱ ﺗﯩﺒﻪﺕ ﺳﯚﻫﺒﯩﺘﻰ ﺋﻪﺳﻠﯩﮕﻪ ﻛﻪﻟﮕﻪﻧﺪﯨﻦ ﺑﯘﻳﺎﻧﻘﻰ 5-ﻗﯧﺘﯩﻤﻠﯩﻖ ﺭﻩﺳﻤﯩﻲ ﺋﯘﭼﺮﯨﺸﯩﺶ ﺑﻮﻟﯘﭖ ﻫﯧﺴﺎﺑﻠﯩﻨﯩﺪﯗ.

1959-ﻳﯩﻠﻰ ﺗﯩﺒﻪﺕ ﻗﻮﺯﻏﯩﻠﯩﯖﻰ ﺑﺎﺳﺘﯘﺭﯗﻟﯘﭖ، ﺗﯩﺒﻪﺕ ﻫﯚﻛﯜﻣﯩﺘﻰ ﻫﯩﻨﺪﯨﺴﺘﺎﻧﻐﺎ ﻗﯧﭽﯩﭗ ﭼﯩﻘﯩﺸﻘﺎ ﻣﻪﺟﺒﯘﺭ ﺑﻮﻟﻐﺎﻧﺪﯨﻦ ﻛﯧﻴﯩﻦ، ﺩﺍﻻﻱ ﻻﻣﺎ ﺑﯩﻠﻪﻥ ﺑﯧﻴﺠﯩﯖﻨﯩﯔ ﻣﯘﻧﺎﺳﯩﯟﯨﺘﻰ ﺑﯘﺯﯗﻟﻐﺎﻧﯩﺪﻯ.. 1979-ﻳﯩﻠﻰ ﺧﯩﺘﺎﻱ ﺭﻩﻫﺒﯩﺮﻯ ﺩﯦﯔ ﺷﺎﯞﭘﯩﯔ ﺩﺍﻻﻱ ﻻﻣﺎ ﺑﯩﻠﻪﻥ، ﻣﯘﺳﺘﻪﻗﯩﻠﻠﯩﻘﺘﯩﻦ ﺑﺎﺷﻘﺎ ﻫﻪﺭﻗﺎﻧﺪﺍﻕ ﺑﯩﺮ ﻣﻪﺳﯩﻠﯩﺪﻩ ﺳﯚﻫﺒﻪﺕ ﺋﯚﺗﻜﯜﺯﯛﺷﻜﻪ ﺗﻪﻳﻴﺎﺭ ﺋﯩﻜﻪﻧﻠﯩﻜﯩﻨﻰ ﺑﯩﻠﺪﯛﺭﺩﻯ ﯞﻩ ﺷﯘ ﻳﯩﻠﻰ ﺑﯧﻴﺠﯩﯔ ﺑﯩﻠﻪﻥ ﺳﯜﺭﮔﯜﻧﺪﯨﻜﻰ ﺗﯩﺒﻪﺕ ﻫﯚﻛﯜﻣﯩﺘﻰ ﺋﻮﺗﺘﯘﺭﯨﺴﯩﺪﺍ ﺗﯘﻧﺠﻰ ﻗﯧﺘﯩﻢ ﻣﯘﻧﺎﺳﯩﯟﻩﺕ ﺋﻮﺭﻧﯩﺘﯩﻠﺪﻯ.. ﺧﯩﺘﺎﻱ ﺩﺍﺋﯩﺮﻟﯩﺮﻯ 1985 ﻳﯩﻠﯩﺪﯨﻦ ﺑﺎﺷﻼﭖ ﺩﺍﻻﻱ ﻻﻣﺎﻧﯩﯔ ﺋﻪﻟﭽﯩﻠﯩﺮﯨﻨﯩﯔ ﺑﯧﻴﯩﺠﯩﯔ ﯞﻩ ﺗﯩﺒﻪﺗﻨﻰ ﺯﯨﻴﺎﺭﻩﺕ ﻗﯩﻠﯩﺸﯩﻐﺎ ﻳﻮﻝ ﻗﻮﻳﻐﺎﻥ ﺑﻮﻟﺴﯩﻤﯘ، ﺋﺎﻣﺎ ﺑﯘ ﺋﯩﻠﻠﯩﻖ ﻫﺎﯞﺍ ﺋﯘﺯﯗﻥ ﺩﻩﯞﺍﻡ ﻗﯩﻠﻤﯩﺪﻯ. ﺩﺍﻻﻱ ﻻﻣﺎﻧﯩﯔ ﺋﺎﻛﯩﺴﻰ ﺗﯩﺒﻪﺗﻨﻰ ﺯﯨﻴﺎﺭﻩﺕ ﻗﯩﻠﻐﺎﻧﺪﺍ، ﻧﻪﭼﻪ ﻳﯜﺯﻣﯩﯖﻠﯩﻐﺎﻥ ﺗﯩﺒﻪﺗﻠﯩﻜﻨﯩﯔ ﺋﯘﻧﯩﯖﻐﺎ ﺋﺎﻻﻫﯩﺪﻩ ﻫﯚﺭﻣﻪﺕ ﻛﯚﺭﺳﻪﺗﻜﻪﻧﻠﯩﻜﻰ ﺧﯩﺘﺎﻳﻼﺭﻧﻰ ﭼﯚﭼﯜﺗﯩﯟﻩﺗﺘﻰ. ﺑﯘﻧﯩﯔ ﺑﯩﻠﻪﻥ. ﺧﯩﺘﺎﻱ ﺩﺍﺋﯩﺮﻟﯩﺮﻯ، ﺗﯩﺒﻪﺕ ﺧﻪﻟﻘﻰ ﺩﺍﻻﻱ ﻻﻣﺎﻧﯩﯔ ﺋﺎﻛﯩﺴﯩﻐﺎ ﺑﯘ ﻗﻪﺩﻩﺭ ﻫﯚﺭﻣﻪﺕ ﺑﯩﻠﺪﯛﺭﮔﻪﻥ ﻳﻪﺭﺩﻩ، ﺩﺍﻻﻱ ﻻﻣﺎ ﺗﯩﺒﻪﺗﻜﻪ ﻗﺎﻳﺘﺴﺎ ﺗﯩﺒﻪﺗﻨﯩﯔ ﯞﻩﺯﯨﻴﯩﺘﯩﻨﻰ ﻛﻮﻧﺘﺮﻭﻝ ﻗﯩﻠﻐﯩﻠﻰ ﺑﻮﻟﻤﺎﻳﺪﯨﻜﻪﻥ ﺩﯦﮕﻪﻧﺪﻩﻙ ﺗﻪﺷﯟﯨﺶ ﺋﻪﻧﺪﯨﺸﯩﻨﻰ ﭼﯩﻘﯩﺶ ﻗﯩﻠﯩﭗ، ﺳﯜﺭﮔﯜﻧﺪﯨﻜﻰ ﺗﯩﺒﻪﺕ ﻫﯚﻛﯜﻣﯩﺘﻰ ﺑﯩﻠﻪﻥ ﺑﻮﻟﻐﺎﻥ ﺳﯚﻫﺒﻪﺗﻨﻰ ﺗﻮﺧﺘﺎﺗﺘﻰ.. ﺋﯘﻧﯩﯖﺪﯨﻦ ﺑﺎﺷﻘﺎ، ﺋﯘﻳﻐﯘﺭ، ﺗﯩﺒﻪﺕ ﻣﻪﺳﯩﻠﯩﻠﯩﺮﯨﻨﯩﯔ ﺳﯩﻴﺎﺳﻰ ﻳﻮﻝ ﺑﯩﻠﻪﻥ ﻫﻪﻝ ﻗﯩﻠﯩﻨﯩﺸﯩﻨﻰ ﺗﻪﺷﻪﺑﺒﯘﺱ ﻗﯩﻠﻐﺎﻥ، ﻣﯚﺗﯩﺪﯨﻞ ﻗﺎﺭﺍﺷﺘﯩﻜﻰ ﺧﯩﺘﺎﻱ ﺭﻩﻫﺒﯩﺮﻯ ﺧﯘ ﻳﺎﯞﺑﺎﯕﻨﯩﯔ ﯞﻩﺯﯨﭙﯩﺴﯩﺪﯨﻦ ﺋﯧﻠﯩﭗ ﺗﺎﺷﻠﯩﻨﯩﺸﯩﻤﯘ، ﺑﯘ ﺳﯚﻫﺒﻪﺗﻨﯩﯔ ﺗﻮﺧﺘﯩﻠﯩﺸﯩﺪﺍ ﻣﯘﻫﯩﻢ ﺭﻭﻝ ﺋﻮﻳﻨﯩﻐﺎﻧﯩﺪﻯ.

ﺩﺍﻻﻱ ﻻﻣﺎ 10 ﻧﻪﭼﭽﻪ ﻳﯩﻠﺪﯨﻦ ﺑﻪﺭﻯ، ﺗﯩﺒﻪﺗﻨﯩﯔ ﻣﯘﺳﺘﻪﻗﯩﻠﻠﯩﻘﯩﺪﯨﻦ ﯞﺍﺯ ﻛﻪﭼﻜﻪﻧﻠﯩﻜﯩﻨﻰ، ﭘﻪﻗﻪﺕ ﺗﯩﺒﻪﺗﻨﯩﯔ ﺋﺎﻻﻫﯩﺪﻩ ﻣﻪﺩﻩﻧﯩﻴﻪﺕ ﺋﻪﻧﺌﻪﻧﯩﺴﯩﻨﻰ ﺳﺎﻗﻼﭖ ﻗﯧﻠﯩﺶ ﺋﯜﭼﯜﻥ، ﺧﯩﺘﺎﻳﺪﯨﻦ ﺋﺎﻟﻰ ﺋﺎﭘﺘﻮﻧﻮﻣﯩﻴﻪ ﺗﻪﻟﻪﭖ ﻗﯩﻠﯩﺪﯨﻐﺎﻧﻠﯩﻘﯩﻨﻰ ﺗﻪﻛﯩﺘﻠﻪﭖ ﻛﻪﻟﻤﻪﻛﺘﻪ... ﺩﺍﻻﻱ ﻻﻣﺎﻧﯩﯔ ﺗﻪﻟﯩﭙﻰ ﺑﻮﻳﯩﭽﻪ ﺑﻮﻟﻐﺎﻧﺪﺍ، ﺗﯩﺒﻪﺗﻨﯩﯔ ﺩﯙﻟﻪﺕ ﻣﯘﺩﺍﭘﯩﺌﻪﺳﻰ ﯞﻩ ﺗﺎﺷﻘﻰ ﺋﯩﺸﻠﯩﺮﻯ ﺑﯧﻴﯩﺠﯩﯔ ﻣﻪﺭﻛﯩﺰﻯ ﻫﯚﻛﯜﻣﯩﺘﯩﻨﯩﯔ ﺑﺎﺷﻘﯘﺭﯨﺸﯩﺪﺍ ﺑﻮﻟﺴﺎ، ﺗﯩﺒﻪﺗﻨﯩﯔ ﺋﯩﭽﻜﻰ ﺋﯩﺸﻠﯩﺮﯨﻨﻰ ﺗﯩﺒﻪﺗﻠﯩﻜﻠﻪﺭ ﺋﯚﺯﻟﯩﺮﻯ ﺑﺎﺷﻘﯘﺭﯨﺪﯨﻜﻪﻥ.

ﺩﺍﻻﻱ ﻻﻣﺎ ﻧﯧﻤﻪ ﺋﯜﭼﯜﻥ ﺗﯩﺒﻪﺗﻨﯩﯔ ﻣﯘﺳﺘﻪﻗﯩﻠﻠﯩﻘﯩﺪﯨﻦ ﯞﺍﺯ ﻛﯧﭽﯩﭗ، ﺋﺎﻟﻰ ﺋﺎﭘﺘﻮﻧﻮﻣﯩﻴﻪ ﺗﻪﻟﻪﭖ ﻗﯩﻠﯩﺶ ﻳﻮﻟﯩﻨﻰ ﺗﯘﺗﯩﺪﯗ؟

ﺩﺍﻻﻱ ﻻﻣﺎ ﻧﯧﻤﻪ ﺋﯜﭼﯜﻥ ﺗﯩﺒﻪﺗﻨﯩﯔ ﻣﯘﺳﺘﻪﻗﯩﻠﻠﯩﻘﯩﺪﯨﻦ ﯞﺍﺯ ﻛﯧﭽﯩﭗ، ﺧﯩﺘﺎﻳﺪﯨﻦ ﺋﺎﻟﻰ ﺋﺎﭘﺘﻮﻧﻮﻣﯩﻴﻪ ﺗﻪﻟﻪﭖ ﻗﯩﻠﯩﺶ ﻳﻮﻟﯩﻨﻰ ﺗﯘﺗﯩﺪﯗ؟ ﺑﯘ ﺑﯩﺮ ﺳﯩﻴﺎﺳﻰ ﺗﺎﻛﺘﯩﻜﯩﻤﯘ ﻗﺎﻧﺪﺍﻕ؟ ﺑﯘ ﻫﻪﻗﺘﻪ ﻛﯩﺸﯩﻠﻪﺭ ﻫﻪﺭ ﺧﯩﻞ ﭼﯜﺷﻪﻧﺪﯛﺭﯛﺷﻠﻪﺭﺩﻩ ﺑﻮﻟﻤﺎﻗﺘﺎ. ﻫﻪﺗﺘﺎ ﺧﯩﺘﺎﻱ ﻫﯚﻛﯜﻣﯩﺘﯩﻤﯘ ﺑﯘﻧﯩﯖﻐﺎ ﮔﯘﻣﺎﻧﯩﻲ ﻧﻪﺯﻩﺭ ﺑﯩﻠﻪﻥ ﻗﺎﺭﯨﻤﺎﻗﺘﺎ.

ﻛﺎﻧﺎﺩﺍﺩﯨﻜﻰ ﺷﺎﺋﯩﺮ ﯞﻩ ﺳﯩﻴﺎﺳﻰ ﺋﺎﻧﺎﻟﯩﺰﭼﻰ ﺋﻪﺧﻤﻪﺗﺠﺎﻥ ﺋﻮﺳﻤﺎﻥ ﺧﻪﻟﻘﺌﺎﺭﺍﺩﺍ ﺋﺎﻻﻫﯩﺪﻩ ﻗﻮﻟﻼﺷﻘﺎ ﺋﯧﺮﯨﺸﻜﻪﻥ ﺩﺍﻻﻱ ﻻﻣﺎﻧﯩﯔ، ﻧﯧﻤﻪ ﺋﯜﭼﯜﻥ ﻣﯘﺳﺘﻪﻗﯩﻠﻠﯩﻘﺘﯩﻦ ﯞﺍﺯ ﻛﯧﭽﯩﭗ، ﺋﺎﻟﻰ ﺋﺎﭘﺘﻮﻧﻮﻣﯩﻴﻪ ﻳﻮﻟﯩﻨﻰ ﺗﺎﻟﻠﯩﻐﺎﻧﻠﯩﻘﯩﺪﯨﻜﻰ ﺳﻪﯞﻩﺑﻠﻪﺭﻧﻰ ﻣﯘﻧﺪﺍﻕ ﭼﯜﺷﻪﻧﺪﯛﺭﯨﺪﯗ:

"ﺩﺍﻻﻱ ﻻﻣﺎﻧﯩﯔ ﺋﺎﭘﺘﻮﻧﻮﻣﯩﻴﻪ ﺗﻪﻟﻪﭖ ﻗﯩﻠﯩﺸﯩﺪﺍ ﺑﯩﺮ ﻗﺎﻧﭽﻪ ﺳﻪﯞﻩﺏ ﺑﺎﺭ. ﺑﯩﺮﯨﻨﭽﻰ، ﺧﻪﻟﻘﺌﺎﺭﺍ ﻗﺎﻧﯘﻧﻼﺭﻏﺎ ﻣﯘﻧﺎﺳﯩﯟﻩﺗﻠﯩﻚ ﻣﻪﺳﯩﻠﯩﻠﻪﺭﺩﻩ، ﺩﺍﻻﻱ ﻻﻣﺎ ﺋﻪﮔﻪﺭ ﻣﯘﺳﺘﻪﻗﯩﻠﻠﯩﻖ ﺗﻪﻟﻪﭖ ﻗﯩﻠﺴﺎ، ﺑﺎﺷﻘﺎ ﺩﯙﻟﻪﺗﻠﻪﺭﻧﯩﯔ ﺩﺍﻻﻱ ﻻﻣﺎﻧﯩﯔ ﺑﯘ ﺩﻩﯞﺍﺳﯩﻨﻰ ﻗﻮﻟﻼﺵ ﻳﻮﻟﯩﺪﺍ ﺑﯩﺮ ﺗﻮﺳﻘﯘﻧﻠﯘﻕ ﻳﯜﺯ ﺑﯧﺮﯨﺸﻰ ﻣﯘﻣﻜﯩﻦ. ﭼﯜﻧﻜﻰ، ﻫﻪﺭﻗﺎﻧﺪﺍﻕ ﺑﯩﺮ ﺩﯙﻟﻪﺕ ﺧﻪﻟﻘﺌﺎﺭﺍ ﻗﺎﻧﯘﻧﻨﯩﯔ ﭘﺮﯨﻨﺴﯩﭙﻠﯩﺮﻯ ﺑﻮﻳﯩﭽﻪ ﺧﯩﺘﺎﻳﻨﯩﯔ ﺯﻩﻣﯩﻦ ﭘﯜﺗﯜﻧﻠﯜﻛﻰ ﯞﻩ ﺧﯩﺘﺎﻳﻨﯩﯔ ﺋﯩﮕﯩﻠﯩﻚ ﻫﻮﻗﯘﻗﯩﻐﺎ ﻫﯚﺭﻣﻪﺕ ﻗﯩﻠﯩﺸﻰ ﻛﯧﺮﯦﻚ. ﺑﯘﻧﺪﺍﻕ ﺋﻪﻫﯟﺍﻟﺪﺍ ﺩﺍﻻﻱ ﻻﻣﺎﻧﯩﯔ ﺗﯩﺒﻪﺗﻨﯩﯔ ﻣﯘﺳﺘﻪﻗﯩﻞ ﺩﯙﻟﻪﺕ ﺑﻮﻟﯩﺪﯨﻐﺎﻥ ﺑﯘﻧﺪﺍﻕ ﺗﻪﻟﯩﭙﯩﻨﻰ ﻗﻮﻟﻠﯩﺸﻰ ﺑﯩﺮ ﺋﺎﺯ ﺑﯩﺌﻪﭖ ﺑﻮﻟﯩﺪﯗ. ﺋﯩﻜﻜﯩﻨﭽﻰ ﺳﻪﯞﻩﺏ، ﺗﯩﺒﻪﺗﻨﯩﯔ ﺟﯘﻏﺮﺍﭘﯩﻴﯩﻠﯩﻚ ﺋﻮﺭﻧﻰ ﻳﻪﻧﻪ ﺩﺍﻻﻱ ﻻﻣﺎﻧﯩﯔ ﺋﺎﭘﺘﻮﻧﻮﻣﯩﻴﻪ ﺗﻪﻟﻪﭖ ﻗﯩﻠﯩﺸﯩﻨﻰ ﺑﻪﻟﮕﯩﻠﯩﮕﻪﻥ. ﺑﯘﻧﯩﯖﺪﺍ ﺗﯩﺒﻪﺕ ﺋﻪﮔﻪﺭ ﻣﯘﺳﺘﻪﻗﯩﻞ ﺩﯙﻟﻪﺕ ﺑﻮﻟﺴﺎ، ﺗﯩﺒﻪﺗﻨﯩﯔ ﺟﯘﻏﺮﺍﭘﯩﻴﯩﻠﯩﻚ ﺋﻮﺭﻧﻰ، ﺋﯩﻘﺘﯩﺴﺎﺩﯨﻲ ﺷﺎﺭﺍﺋﯩﺘﻰ ﺗﯩﺒﻪﺕ ﺧﻪﻟﻘﯩﻨﯩﯔ ﺑﺎﻳﺎﺷﺎﺕ ﺋﯚﺯ-ﺋﯚﺯﯨﮕﻪ ﺧﻮﺟﺎ، ﻣﯘﺳﺘﻪﻗﯩﻞ ﺋﯩﻘﺘﯩﺴﺎﺕ، ﺋﯩﮕﯩﻠﯩﻚ ﻣﻪﺳﯩﻠﻠﯩﺮﯨﺪﻩ ﻧﯘﺭﻏﯘﻥ ﻗﯩﻴﯩﻨﭽﯩﻠﯩﻘﻼﺭﻏﺎ ﺩﯗﭺ ﻛﯧﻠﯩﺪﯗ. 3- ﺳﻪﯞﻩﺏ ﺩﺍﻻﻱ ﻻﻣﺎ ﺑﯩﺮ ﺩﯨﻨﯩﻲ ﺩﺍﻫﻰ. ﻳﻪﻧﻰ ﺗﯩﺒﻪﺕ ﺧﻪﻟﻘﻰ ﺋﯧﺘﯩﻘﺎﺕ ﻗﯩﻠﯩﺪﯨﻐﺎﻥ ﺑﯘﺩﺩﯨﺴﺖ ﺩﯨﻨﯩﻨﯩﯔ ﺑﯩﺮ ﺋﯩﻼﻫﻰ ﻫﯧﺴﺎﺑﻠﯩﻨﯩﺪﯗ. ﺑﯘﻧﺪﺍﻕ ﺩﯨﻨﯩﻲ ﺩﺍﻫﻰ ﺩﻩﯞﺍﻣﻠﯩﻖ ﺋﯚﺯﯨﻤﯘ ﺧﻪﻟﻘﺌﺎﺭﺍﺩﺍ ﺗﻪﺷﯟﯨﻖ ﻗﯩﻠﯩﯟﺍﺗﻘﺎﻧﺪﻩﻙ ﺗﯩﻨﭽﻠﯩﻘﻘﺎ، ﻗﺎﻥ ﺗﯚﻛﯜﻟﻤﻪﻳﺪﯨﻐﺎﻥ، ﺧﯘﺩﺩﻯ ﮔﻪﻧﺪﯨﺪﻩﻙ ﺗﯩﻨﭽﻠﯩﻖ ﻳﻮﻟﻰ ﺑﯩﻠﻪﻥ ﻣﻪﺳﯩﻠﯩﻨﻰ ﻫﻪﻝ ﻗﯩﻠﯩﺸﻘﺎ ﺩﻩﯞﻩﺕ ﻗﯩﻠﯩﺪﯗ. ﺋﻪﮔﻪﺭ ﻣﯘﺳﺘﻪﻗﯩﻠﻠﯩﻖ ﺩﯦﮕﻪﻥ ﺑﯘ ﺗﻪﻟﻪﭖ ﺋﻮﺗﺘﯘﺭﯨﻐﺎ ﻗﻮﻳﯘﻟﺴﺎ، ﻣﯘﺳﺘﻪﻗﯩﻠﻠﯩﻖ ﻗﺎﻧﺪﺍﻗﺘﯘ ﺳﯩﻴﺎﺳﻰ ﺳﯚﻫﺒﻪﺗﻠﻪﺭ ﺑﯩﻠﻪﻥ، ﺳﯩﻴﺎﺳﻰ ﻳﻮﻟﻼﺭ ﺑﯩﻠﻪﻥ ﺋﺎﺳﺎﻥ ﻗﻮﻟﻐﺎ ﻛﯧﻠﯩﺪﯨﻐﺎﻥ ﻧﻪﺭﺳﻪ ﺋﻪﻣﻪﺱ. ﺑﯘﻧﯩﯔ ﺋﯜﭼﯜﻥ ﻗﺎﻥ ﺗﯚﻛﯜﻟﯜﺷﻠﻪﺭ، ﻗﻮﺭﺍﻟﻠﯩﻖ ﺗﻮﻗﯘﻧﯘﺷﻼﺭ ﺑﻮﻟﯩﺪﯗ. ﺑﯘ ﺭﯦﺌﺎﻟﻠﯩﻖ ﺑﯩﻠﻪﻥ ﺩﺍﻻﻱ ﻻﻣﺎﻧﯩﯔ ﺗﯩﭽﻠﯩﻘﭙﻪﺭﯞﻩﺭﻟﯩﻜﯩﺪﻩ ﻳﻪﻧﯩﻼ ﺗﻮﻗﯘﻧﯘﺵ ﻳﯜﺯ ﺑﯧﺮﯨﭗ ﻗﯧﻠﯩﺸﻰ ﻣﯘﻣﻜﯩﻦ. ﺷﯘﯕﺎ ﺩﺍﻻﻱ ﻻﻣﺎﻧﯩﯔ ﻣﯘﺳﺘﻪﻗﯩﻠﻠﯩﻖ ﺋﻪﻣﻪﺱ، ﺋﺎﭘﺘﻮﻧﻮﻣﯩﻴﻪ ﺗﻪﻟﻪﭖ ﻗﯩﻠﯩﺸﻰ ﺩﺍﻻﻱ ﻻﻣﺎﻧﯩﯔ ﺋﯚﺯﯨﻨﯩﯔ ﺧﯩﺘﺎﺑﯩﻨﯩﯔ ﻫﻪﻗﯩﻘﻰ ﺭﻭﻫﯩﻐﺎ ﯞﺍﺭﯨﺴﻠﯩﻖ ﻗﯩﻠﻐﺎﻧﻠﯩﻘﻰ ﺑﻮﻟﯘﭖ ﻫﯧﺴﺎﺑﻠﯩﻨﯩﺪﯗ.

ﺧﯩﺘﺎﻳﻨﯩﯔ ﺩﺍﻻﻱ ﻻﻣﺎﻧﯩﯔ ﺋﻪﻟﭽﯩﻠﯩﺮﻯ ﺑﯩﻠﻪﻥ ﺳﯚﻫﺒﻪﺕ ﺋﯚﺗﻜﯜﺯﯛﺷﻰ ﻏﻪﺭﺑﻨﯩﯔ ﺑﯧﺴﯩﻤﯩﻐﺎ ﺗﺎﻗﺎﺑﯩﻞ ﺗﯘﺭﯗﺵ

ﺗﯩﺒﻪﺕ ﺭﻭﻫﺎﻧﻰ ﺩﺍﻫﯩﻴﺴﻰ ﺩﺍﻻﻱ ﻻﻣﺎ 13 - ﻧﻮﻳﺎﺑﯩﺮ ﻛﯜﻧﻰ ﺋﺎﻣﯧﺮﯨﻜﺎ ﭘﺎﻳﺘﻪﺧﺘﻰ ﯞﺍﺷﯩﻨﮕﺘﻮﻥ "ﻳﻪﺭ ﺷﺎﺭﻯ ﺗﯩﻨﭽﻠﯩﻘﻰ ﯞﻩ ﻣﯧﻬﺮﻯ - ﺷﻪﭘﻘﻪﺕ" ﺩﯦﮕﻪﻥ ﺗﯧﻤﯩﺪﺍ ﻧﯘﺗﯘﻕ ﺳﯚﺯﻟﯩﮕﻪﻧﺪﻩ ﺭﺍﺑﯩﻴﻪ ﻗﺎﺩﯨﺮ ﺧﺎﻧﯩﻢ ﺑﯩﻠﻪﻥ. RFA

ﺟﯩﺎﯓ ﺯﯦﻤﯩﻦ ﻫﺎﻛﯩﻤﯩﻴﻪﺕ ﺑﯧﺸﯩﻐﺎ ﻛﻪﻟﮕﻪﻧﺪﯨﻦ ﻛﯧﻴﯩﻦ، ﺩﺍﻻﻱ ﻻﻣﺎﻏﺎ ﻧﯩﺴﺒﻪﺗﻪﻥ ﺋﺎﺳﺎﺳﻪﻥ ﺋﯩﺸﯩﻜﻨﻰ ﺗﺎﻗﺎﺵ ﺳﯩﻴﺎﺳﯩﺘﯩﻨﻰ ﻳﯜﺭﮔﯜﺯﯛﭖ، ﺳﯜﺭﮔﯜﻧﺪﯨﻜﻰ ﺗﯩﺒﻪﺕ ﻫﯚﻛﯜﻣﯩﺘﻰ ﺑﯩﻠﻪﻥ ﺳﯚﻫﺒﻪﺗﻠﯩﺸﯩﺸﻨﻰ ﺭﻩﺕ ﻗﯩﻠﯩﭗ ﻛﻪﻟﺪﻯ. ﻛﯧﻴﯩﻨﻜﻰ ﻛﯜﻧﻠﻪﺭﺩﻩ ﺋﺎﻣﯧﺮﯨﻜﺎ ﺑﺎﺷﭽﯩﻠﯩﻘﯩﺪﯨﻜﻰ ﻏﻪﺭﺏ ﺩﯙﻟﻪﺗﻠﯩﺮﯨﻨﯩﯔ ﺗﯩﺒﻪﺕ ﻣﻪﺳﯩﻠﯩﺴﯩﺪﻩ ﻛﯜﭼﻠﯜﻙ ﺑﯧﺴﯩﻤﯩﻐﺎ ﺋﯘﭼﺮﯨﻐﺎﻥ ﺧﯩﺘﺎﻱ، ﺋﺎﺧﯩﺮﻯ ﺩﺍﻻﻱ ﻻﻣﺎ ﺑﯩﻠﻪﻥ ﺳﯚﻫﺒﻪﺗﻠﯩﺸﯩﺶ ﺗﺎﻛﺘﯩﻜﯩﺴﯩﻨﻰ ﻗﻮﻟﻼﻧﺪﻯ ﯞﻩ "ﺑﯩﺮﺩﯨﻦ ﯞﺍﺯ ﻛﯧﭽﯩﺶ، ﺋﯩﻜﻜﯩﻨﻰ ﺋﯧﺘﯩﺮﺍﭖ ﻗﯩﻠﯩﺶ" ﻧﻰ ﺩﺍﻻﻱ ﻻﻣﺎ ﺑﯩﻠﻪﻥ ﺳﯚﻫﺒﻪﺗﻠﯩﺸﯩﺸﻨﯩﯔ ﺋﺎﻟﺪﯨﻨﻘﻰ ﺷﻪﺭﺗﻰ ﻗﯩﻠﺪﻯ، ﻳﻪﻧﻰ ﺩﺍﻻﻱ ﻻﻣﺎﺩﯨﻦ ﺗﯩﺒﻪﺗﻨﯩﯔ ﻣﯘﺳﺘﻪﻗﻘﯩﻠﻠﯩﻘﯩﺪﯨﻦ ﯞﺍﺯ ﻛﯧﭽﯩﺸﻨﻰ ﺋﺎﺷﻜﺎﺭﺍ ﺟﺎﻛﺎﺭﻻﺵ ﯞﻩ ﺗﯩﺒﻪﺕ ﺑﯩﻠﻪﻥ ﺗﻪﻳﯟﻩﻧﻨﯩﯔ ﺧﯩﺘﺎﻳﻨﯩﯔ ﺑﯩﺮ ﺗﻪﺭﻛﯩﺒﻰ ﻗﯩﺴﻤﻰ ﺋﯩﻜﻪﻧﻠﯩﻜﯩﻨﻰ ﺋﯧﺘﯩﺮﺍﭖ ﻗﯩﻠﯩﺸﻨﻰ ﺗﻪﻟﻪﭖ ﻗﯩﻠﺪﻯ. ﺩﺍﻻﻱ ﻻﻣﺎ ﺧﯩﺘﺎﻳﻨﯩﯔ ﺑﯘ ﺗﻪﻟﻪﭘﻠﯩﺮﯨﻨﻰ ﺋﺎﺳﺎﺳﻪﻥ ﺋﻮﺭﯗﻧﺪﯨﺪﻯ. ﺑﻪﺋﯩﺠﯩﯔ ﺩﺍﺋﯩﺮﻟﯩﺮﻯ ﺑﯘﻧﯩﯔ ﺑﯩﻠﻪﻧﻼ ﻗﺎﻟﻤﺎﻱ، ﻳﻪﻧﻪ ﺋﯘﻧﯩﯖﺪﯨﻦ ﺗﯩﺒﻪﺗﻨﯩﯔ ﺋﻪﺯﻩﻟﺪﯨﻦ ﺧﯩﺘﺎﻳﻨﯩﯔ ﺑﯩﺮ ﻗﯩﺴﻤﻰ ﺋﯩﻜﻪﻧﻠﯩﻜﯩﻨﻰ ﺋﯧﺘﯩﺮﺍﭖ ﻗﯩﻠﯩﺸﻨﻰ ﺗﻪﻟﻪﭖ ﻗﯩﻠﺪﻯ. ﺋﺎﻣﻤﺎ ﺩﺍﻻﻱ ﻻﻣﺎ ﺩﯨﻨﻰ ﺋﯚﻟﯩﻤﺎﻧﯩﯔ ﺗﯩﻠﯩﻨﯩﯔ ﻳﺎﻟﻐﺎﻥ ﮔﻪﭘﻜﻪ ﻛﻪﻟﻤﻪﻳﺪﯨﻐﺎﻧﻠﯩﻘﯩﻨﻰ ﺋﯩﻠﮕﯩﺮﻯ ﺳﯜﺭﯛﭖ، ﺑﯘ ﺗﻪﻟﻪﭘﻨﻰ ﺭﻩﺕ ﻗﯩﻠﺪﻯ. ﺷﯘﯕﺎ ﻏﻪﺭﺏ ﻣﻪﺗﺒﯘﺋﺎﺗﻠﯩﺮﻯ ﺗﯩﺒﻪﺕ ﺑﯩﻠﻪﻥ ﺑﻮﻟﻐﺎﻥ ﺳﯚﻫﺒﻪﺗﺘﻪ ﺧﯩﺘﺎﻱ ﻫﯚﻛﯜﻣﯩﺘﯩﻨﯩﯔ ﺳﻪﻣﯩﻤﯩﻴﯩﺘﻰ ﺯﺍﺩﻯ ﻗﺎﻧﭽﯩﻠﯩﻚ ﺩﯦﮕﻪﻥ ﻣﻪﺳﯩﻠﯩﻨﻰ ﻛﯚﭘﺮﻩﻙ ﺗﻪﻛﯩﺘﻠﯩﻤﻪﻛﺘﻪ.

ﺧﯩﺘﺎﻱ ﺗﯩﺒﻪﺕ ﺳﯚﻫﺒﯩﺘﯩﺪﻩ ﺋﺎﻣﯧﺮﯨﻜﺎ ﺋﺎﻣﯩﻠﻰ ﻣﯘﻫﯩﻢ ﺭﻭﻝ ﺋﻮﻳﻨﯩﻐﺎﻥ

ﺧﯩﺘﺎﻱ ﻫﯚﻛﯜﻣﯩﺘﯩﻨﯩﯔ ﺳﯜﺭﮔﯜﻧﺪﯨﻜﻰ ﺗﯩﺒﻪﺕ ﻫﯚﻛﯜﻣﯩﺘﻰ ﺑﯩﻠﻪﻥ ﺳﯚﻫﺒﻪﺗﻜﻪ ﺋﻮﻟﺘﯘﺭﯨﺸﯩﺪﺍ ﺋﺎﻣﯧﺮﯨﻜﺎ ﻫﯚﻛﯜﻣﯩﺘﯩﻨﯩﯔ ﺑﯧﺴﯩﻤﻰ ﻣﯘﻫﯩﻢ ﺭﻭﻝ ﺋﻮﻳﻨﯩﺪﻯ. ﺋﺎﻣﯧﺮﯨﻜﺎ ﻫﯚﻛﯜﻣﯩﺘﯩﻨﯩﯔ ﺗﯩﺒﻪﺕ ﺳﯩﻴﺎﺳﯩﺘﻰ ﺋﻪﺯﻩﻟﺪﯨﻦ ﺳﯩﺮﻟﯩﻖ ﺑﻮﻟﯘﭖ ﻛﻪﻟﺪﻯ. ﺋﺎﻣﯧﺮﯨﻜﺎ ﻫﯚﻛﯜﻣﯩﺘﻰ ﺑﯩﺮ ﺧﯩﺘﺎﻱ ﭘﺮﯨﻨﺴﯩﭙﯩﺪﺍ ﭼﯩﯔ ﺗﯘﺭﯨﺪﯨﻐﺎﻧﻠﯩﻘﻰ ﯞﻩ ﺩﺍﻻﻱ ﻻﻣﺎﻧﯩﯔ ﺳﯜﺭﮔﯜﻧﺪﯨﻜﻰ ﻫﯚﻛﯜﻣﯩﺘﯩﻨﻰ ﺋﯧﺘﯩﺮﺍﭖ ﻗﯩﻠﻤﺎﻳﺪﯨﻐﺎﻧﻠﯩﻘﯩﻨﻰ ﺗﻪﻛﯩﺘﻠﯩﺴﯩﻤﯘ، ﺋﺎﻣﻤﺎ ﻳﯧﻘﯩﻨﻘﻰ ﻳﯩﻠﻼﺭﺩﯨﻦ ﺑﯘﻳﺎﻧﻘﻰ ﻫﯚﻛﯜﻣﻪﺗﻨﯩﯔ ﻛﯩﺸﯩﻠﯩﻚ ﻫﻮﻗﯘﻕ ﺩﻭﻛﻼﺗﻠﯩﺮﯨﺪﺍ ﺗﯩﺒﻪﺗﻜﻪ ﺋﺎﻻﻫﯩﺪﻩ ﺋﻮﺭﯗﻥ ﺑﯧﺮﯨﻠﻤﻪﻛﺘﻪ. ﻳﻪﻧﻰ ﺗﯩﺒﻪﺗﺘﯩﻜﻰ ﻛﯩﺸﯩﻠﯩﻚ ﻫﻮﻗﯘﻕ ﺋﻪﻫﯟﺍﻟﯩﻨﻰ ﺧﯩﺘﺎﻳﺪﯨﻜﻰ ﻛﯩﺸﯩﻠﯩﻚ ﻫﻮﻗﯘﻗﻨﯩﯔ ﺩﺍﺋﯩﺮﯨﺴﯩﺪﯨﻦ ﺋﺎﻳﺮﯨﭗ ﻣﯘﺋﺎﻣﯩﻠﻪ ﻗﯩﻠﻤﺎﻗﺘﺎ. ﺋﯘﻧﯩﯖﺪﯨﻦ ﺑﺎﺷﻘﺎ ﺋﺎﻣﯧﺮﯨﻜﯩﻨﯩﯔ ﺋﯩﻠﮕﯩﺮﯨﻜﻰ ﭘﺮﯦﺰﯨﺪﯦﻨﺘﻰ ﺑﯩﻠﻞ ﻛﯩﻠﯩﻨﺘﻮﻥ ﺧﯩﺘﺎﻳﻨﯩﯔ ﻧﺎﺭﺍﺯﯨﻠﯩﻘﯩﻨﻰ ﻗﻮﺯﻏﯩﻤﺎﺳﻠﯩﻖ ﺋﯜﭼﯜﻥ، ﺩﺍﻻﻱ ﻻﻣﺎ ﺑﯩﻠﻪﻥ ﻛﯚﺭﯛﺷﻜﻪﻧﺪﻩ ﺋﺎﻗﺴﺎﺭﺍﺩﺍ ﺗﺎﺳﺎﺩﺩﯨﭙﯩﻲ ﺋﯘﭼﺮﯨﺸﯩﭗ ﻗﯩﻠﯩﺸﺘﻪﻙ ﺗﺎﻛﺘﯩﻜﯩﻠﯩﻖ ﻛﯚﺭﯛﺷﯜﺵ ﺋﯘﺳﯘﻟﯩﻨﻰ ﻗﻮﻟﻼﻧﻐﺎﻥ ﺑﻮﻟﺴﺎ، ﺑﯘﺵ ﻫﺎﻛﯩﻤﯩﻴﻪﺕ ﺑﯧﺸﯩﻐﺎ ﻛﻪﻟﮕﻪﻧﺪﯨﻦ ﻛﯧﻴﯩﻦ، ﺩﺍﻻﻱ ﻻﻣﺎﻧﻰ ﺋﺎﻗﺴﺎﺭﺍﻳﺪﯨﻜﻰ ﺋﯚﺯﯨﻨﯩﯔ ﺋﯩﺸﺨﺎﻧﯩﺴﯩﺪﺍ ﻗﻮﺑﯘﻝ ﻗﯩﻠﯩﭗ ﻛﻪﻟﺪﻯ. ﻣﯘﺗﻪﺧﻪﺳﺴﯩﺴﻠﻪﺭﻧﯩﯔ ﻗﺎﺭﯨﺸﯩﭽﻪ، ﺑﯘﻻﺭ ﺋﺎﻣﯧﺮﯨﻜﺎ ﻫﯚﻛﯜﻣﯩﺘﯩﻨﯩﯔ ﺗﯩﺒﻪﺕ ﻣﻪﺳﯩﻠﯩﺴﯩﺪﯨﻜﻰ ﻣﻪﻳﺪﺍﻧﯩﺪﺍ ﺋﯚﺯﮔﯩﺮﯨﺶ ﺑﻮﻟﻐﺎﻧﻠﯩﻘﯩﻨﻰ ﻛﯚﺭﺳﯩﺘﯩﭗ ﺑﯧﺮﯨﺪﯨﻜﻪﻥ.

ﺗﯩﺒﻪﺕ ﺩﻩﯞﺍﺳﻰ ﺋﯘﻳﻐﯘﺭ ﺩﻩﯞﺍﺳﯩﺪﯨﻦ ﻣﻪﻟﯘﻡ ﻧﯘﻗﺘﯩﺪﺍ ﭘﻪﺭﻗﻠﯩﻨﯩﺪﯗ

ﺋﯘﻳﻐﯘﺭ ﯞﻩ ﺗﯩﺒﻪﺕ ﺩﻩﯞﺍﻟﯩﺮﻯ ﺧﺎﺭﺍﻛﺘﯧﺮ ﺟﻪﻫﻪﺗﺘﯩﻦ ﺋﻮﺧﺸﺎﺵ ﺩﻩﯞﺍ، ﺩﻩﭖ ﻗﺎﺭﯨﻠﯩﺪﯗ. ﻟﯧﻜﯩﻦ ﻫﺎﺯﯨﺮ ﺑﯘ ﺩﻩﯞﺍﻧﻰ ﻫﻪﻝ ﻗﯩﻠﯩﺶ ﺗﻪﺷﻪﺑﺒﯘﺳﻠﯩﺮﻯ ﯞﻩ ﺗﻪﻟﻪﺑﻠﯩﺮﯨﺪﻩ ﭘﻪﺭﻗﻠﻪﺭ ﺋﻮﺗﺘﯘﺭﯨﻐﺎ ﭼﯩﻘﻤﺎﻗﺘﺎ. ﺋﯘﻳﻐﯘﺭﻻﺭ، ﺗﯩﺒﻪﺕ ﺧﯩﺘﺎﻱ ﺳﯚﻫﺒﯩﺘﯩﻨﯩﯔ ﻧﻪﺗﯩﺠﯩﺴﯩﺪﯨﻦ ﺋﺎﻧﭽﻪ ﺋﯜﻣﯩﺪﯞﺍﺭ ﺑﻮﻟﻤﯩﺴﯩﻤﯘ، ﺋﺎﻣﻤﺎ ﺋﯘﻻﺭ ﺋﯚﺯﻯ ﺑﯩﻠﻪﻥ ﺗﻪﻗﺪﯨﺮﺩﺍﺵ ﺑﯘ ﺧﻪﻟﻘﻨﯩﯔ ﺩﻩﯞﺍﺳﯩﺪﯨﻜﻰ ﻳﯧﯖﻰ ﻳﯜﺯﻟﯩﻨﯩﺸﻠﻪﺭﮔﻪ ﻳﯧﻘﯩﻨﺪﯨﻦ ﻛﯚﯕﯜﻝ ﺑﯚﻟﻤﻪﻛﺘﻪ.

ﺳﯩﻴﺎﺳﻰ ﺋﺎﻧﺎﻟﯩﺰﭼﻰ ﺋﻪﺧﻤﻪﺗﺠﺎﻥ ﺋﻮﺳﻤﺎﻥ، ﺗﯩﺒﻪﺕ ﺧﻪﻟﻘﻰ ﺑﯩﻠﻪﻥ ﺋﯘﻳﻐﯘﺭ ﺧﻪﻟﻘﯩﻨﯩﯔ ﺳﯩﻴﺎﺳﻰ ﺩﻩﯞﺍﺳﯩﺪﯨﻜﻰ ﭘﻪﺭﻗﻨﻰ ﻣﯘﻧﺪﺍﻕ ﺋﯩﺰﺍﻫﻼﻳﺪﯗ: ﺗﯩﺒﻪﺕ ﺧﻪﻟﻘﻰ ﺑﯩﻠﻪﻥ ﺋﯘﻳﻐﯘﺭ ﺧﻪﻟﻘﯩﻨﯩﯔ ﺳﯩﻴﺎﺳﻰ ﺩﻩﯞﺍﻟﯩﺮﻯ ﻣﻪﻟﯘﻡ ﺗﻪﺭﻩﭘﻠﻪﺭﺩﻩ ﺋﻮﺧﺸﺎﺵ ﺑﻮﻟﻐﯩﻨﻰ ﺑﯩﻠﻪﻥ ﻳﻪﻧﻪ ﻣﻪﻟﯘﻡ ﺗﻪﺭﻩﭘﻠﻪﺭﺩﻩ ﭘﻪﺭﻗﻠﯩﻖ. ﺑﯘ ﭘﻪﺭﻕ ﺋﺎﺳﺎﺳﻪﻥ ﺋﯩﺨﺘﯩﺴﺎﺩﯨﻲ ﺗﻪﺭﻩﭘﻠﻪﺭﺩﻩ ﻛﯚﺭﯛﻟﯩﺪﯗ. ﺗﯩﺒﻪﺗﻨﯩﯔ ﺋﯩﺨﺘﯩﺴﺎﺩﯨﻲ ﺑﯩﻠﻪﻥ ﺷﻪﺭﻗﻰ ﺗﯜﺭﻛﯩﺴﺘﺎﻧﻨﯩﯔ ﻣﯩﻠﻠﻰ ﺋﯩﺨﺘﯩﺴﺎﺩﯨﻲ ﻣﻪﻧﺒﻪﺳﻰ ﺋﻮﺧﺸﯩﻤﺎﻳﺪﯗ. ﺷﻪﺭﻗﻰ ﺗﯜﺭﻛﯩﺴﺘﺎﻥ ﺑﺎﻱ ﺯﯦﻤﯩﻦ، ﺋﻪﮔﻪﺭ ﻣﯘﺳﺘﻪﻗﯩﻞ ﺩﯙﻟﻪﺕ ﺑﻮﻟﺴﺎ ﻳﻪﻧﻪ ﺋﯚﺯﯨﻨﯩﯔ ﺯﯦﻤﯩﻨﯩﺪﯨﻜﻰ ﺑﺎﻳﻠﯩﻘﻼﺭﻏﺎ ﺗﺎﻳﯩﻨﯩﭗ، ﺑﯩﺮ ﻣﯘﺳﺘﻪﻗﯩﻞ ﻣﯩﻠﻠﻰ ﺋﯩﻘﺘﯩﺴﺎﺕ ﺗﯩﻜﻠﻪﭖ، ﺋﯘﻳﻐﯘﺭ ﺧﻪﻟﻘﻰ ﺑﺎﻳﺎﺷﺎﺕ ﺗﯘﺭﻣﯘﺵ ﻛﯚﭼﯜﺭﯨﺪﯨﻐﺎﻥ ﺋﻪﻫﯟﺍﻟﻐﺎ ﻳﯧﺘﻪﻟﻪﻳﺪﯗ. ﺗﯩﺒﻪﺕ ﺑﯘﻧﯩﯔ ﺋﻪﻛﺴﯩﭽﻪ. ﺷﯘﯕﺎ ﺋﯘﻳﻐﯘﺭ ﺧﻪﻟﻘﯩﻨﯩﯔ ﻣﯘﺳﺘﻪﻗﯩﻠﻠﯩﻖ ﺗﻪﻟﻪﭖ ﻗﯩﻠﯩﭗ، ﺑﯩﺮ ﻣﯘﺳﺘﻪﻗﯩﻞ ﺩﯙﻟﻪﺗﺘﻪ ﻳﺎﺷﺎﺵ ﺋﯩﻘﺘﯩﺪﺍﺭﻯ ﻣﺎﺩﺩﻯ ﺟﻪﻫﻪﺗﺘﯩﻦ ﺑﻮﻟﻐﺎﻥ ﺑﯩﻠﻪﻥ ﺗﯩﺒﻪﺗﻨﯩﯔ ﺑﯘﻧﺪﺍﻕ ﻣﺎﺩﺩﻯ ﺋﯩﻘﺘﯩﺪﺍﺭﻯ ﻳﻮﻕ.

ﺳﯜﺭﮔﯜﻧﺪﯨﻜﻰ ﺗﯩﺒﻪﺕ ﻫﯚﻛﯜﻣﯩﺘﯩﻨﯩﯔ ﺑﯩﻠﺪﯛﺭﯨﺸﯩﭽﻪ، ﺋﯘﻻﺭ ﺗﯩﺒﻪﺗﻨﯩﯔ ﻛﻪﻟﮕﯜﺳﻰ ﺳﯩﻴﺎﺳﻰ ﺋﻮﺭﻧﻰ ﻫﻪﻗﻘﯩﺪﻩ ﺧﯩﺘﺎﻱ ﻫﯚﻛﯜﻣﯩﺘﻰ ﺑﯩﻠﻪﻥ ﻣﯘﺭﻩﺳﺴﻪ ﻗﯩﻠﺴﯩﻤﯘ، ﺋﺎﻣﻤﺎ ﺗﯩﺒﻪﺕ ﺧﻪﻟﻘﯩﻨﯩﯔ ﻫﻮﻗﯘﻗﻠﯩﺮﻯ ﯞﻩ ﺋﻪﻧﺌﻪﻧﯩﻠﯩﺮﻯ ﻗﺎﺗﺎﺭﻟﯩﻘﻼﺭﺩﺍ ﻣﯘﺭﻩﺳﺴﻪ ﻗﯩﻠﻤﺎﻳﺪﯨﻜﻪﻥ. ﺋﯘﻻﺭﻧﯩﯔ ﺗﻪﻛﯩﺘﻠﯩﺸﯩﭽﻪ، ﺧﯩﺘﺎﻱ ﺑﯩﻠﻪﻥ ﺗﯩﺒﻪﺕ ﺋﻮﺗﺘﯘﺭﯨﺴﯩﺪﯨﻜﻰ ﺳﯚﻫﺒﻪﺗﺘﻪ ﻣﺎﻫﯩﻴﻪﺗﻠﯩﻚ ﻣﻪﺳﯩﻠﯩﻠﻪﺭﻧﯩﯔ ﻫﻪﻝ ﻗﯩﻠﯩﻨﯩﺸﯩﺪﯨﻦ ﺳﯚﺯ ﺋﯧﭽﯩﺸﻘﺎ، ﺗﯧﺨﻰ ﺑﺎﻟﺪﯗﺭﻟﯘﻕ ﻗﯩﻠﯩﺪﯨﻜﻪﻥ. (ﻛﺎﻣﯩﻞ ﺗﯘﺭﺳﯘﻥ )