ﻏﻪﺭﺏ ﺋﻪﻟﻠﯩﺮﻯ ﺧﯩﺘﺎﻳﻨﻰ ﻟﺨﺎﺳﺎﺩﯨﻜﻰ ﺗﻮﻗﯘﻧﯘﺷﺘﺎ ﺧﯩﺘﺎﻳﻨﻰ ﻛﯜﭺ ﺋﯩﺸﻠﻪﺗﻤﻪﺳﻠﯩﻜﻜﻪ ﭼﺎﻗﯩﺮﺩﻯ

ﺗﯩﺒﻪﺕ ﻧﺎﻣﺎﻳﯩﺸﭽﯩﻠﯩﺮﻯ ﺑﯩﻠﻪﻥ ﺧﯩﺘﺎﻱ ﻗﻮﺭﺍﻟﻠﯩﻖ ﻗﯩﺴﯩﻤﻠﯩﺮﻯ ﺋﺎﺭﯨﺴﯩﺪﺍ ﭘﺎﺭﺗﻠﯩﻐﺎﻥ ﻟﺨﺎﺳﺎﺩﯨﻜﻰ ﺗﻮﻗﯘﻧﯘﺵ ﻏﻪﺭﺏ ﺋﻪﻟﻠﯩﺮﯨﻨﯩﯔ ﺩﯨﻘﻘﯩﺘﯩﻨﻰ ﻗﻮﺯﻏﺎﭖ، ﺧﯩﺘﺎﻱ ﺩﺍﺋﯩﺮﯨﻠﯩﺮﯨﺪﯨﻦ ﻧﺎﻣﺎﻳﯩﺸﭽﯩﻼﺭﻏﺎ ﻗﻮﺭﺍﻝ ﻛﯜﭼﻰ ﺋﯩﺸﻠﻪﺗﻤﻪﺳﻠﯩﻜﻨﻰ ﺗﻪﻟﻪﭖ ﻗﯩﻠﺪﻯ. ﻓﺮﺍﻧﺴﯩﻴﻪ ﺗﺎﺷﻘﯩﻲ ﺋﯩﺸﻼﺭ ﻣﯩﻨﯩﺴﺘﯩﺮﻯ ﻛﻮﭼﯩﻨﯧﺮ، ﺟﯜﻣﻪ ﻛﯜﻧﻰ ﺧﯩﺘﺎﻱ ﺩﺍﺋﯩﺮﯨﻠﯩﺮﯨﻨﻰ ﺋﯚﺯﯨﻨﻰ ﺗﯘﺗﯘﯞﯦﻠﯩﺸﻘﺎ ﭼﺎﻗﯩﺮﯨﭗ، ﻳﺎﯞﺭﻭﭘﺎ ﺋﯩﺘﺘﯩﭙﺎﻗﯩﺪﯨﻜﻰ 27 ﺩﯙﻟﻪﺗﻨﯩﯔ ﺑﯘ ﻣﻪﺳﯩﻠﯩﮕﻪ ﺟﯩﺪﺩﻯ ﻛﯚﯕﯜﻝ ﺑﯚﻟﯜﯞﺍﺗﻘﺎﻧﻠﯩﻘﯩﻨﻰ ﺑﯩﻠﺪﯛﺭﺩﻯ. ﻟﯧﻜﯩﻦ ﻳﺎﯞﺭﻭﭘﺎ ﺋﯩﺘﺘﯩﭙﺎﻗﻰ 8 - ﺋﺎﻳﺪﺍ ﺋﯧﭽﯩﻠﯩﺪﯨﻐﺎﻥ ﺑﯧﻴﺠﯩﯔ ﺋﻮﻟﯩﻤﭙﯩﻚ ﻣﯘﺳﺎﺑﯩﻘﯩﺴﯩﻐﺎ ﻗﺎﺭﯨﺘﺎ ﺗﻪﺩﺑﯩﺮ ﻗﻮﻟﻠﯘﻧﯘﺵ ﭘﯩﻜﯩﺮﯨﺪﻩ ﺑﻮﻟﻤﯩﺪﻯ.

ﺋﺎﻣﯧﺮﯨﻜﺎ ﺗﺎﺷﻘﯩﻲ ﺋﯩﺸﻼﺭ ﻣﯩﻨﯩﺴﺘﯩﺮﻟﯩﻜﯩﻨﯩﯔ ﺋﻪﺳﻜﻪﺭﺗﯩﺸﯩﭽﻪ، ﺑﯧﻴﺠﯩﯖﺪﯨﻜﻰ ﺋﺎﻣﯧﺮﯨﻜﺎ ﺑﺎﺵ ﺋﻪﻟﭽﯩﺴﻰ ﺧﯩﺘﺎﻱ ﺩﺍﺋﯩﺮﯨﻠﯩﺮﯨﺪﯨﻦ ﺋﯚﺯﯨﻨﻰ ﺗﯘﺗﯘﯞﯦﻠﯩﺸﻨﻰ، ﻧﺎﻣﺎﻳﯩﺸﭽﯩﻼﺭﻏﺎ ﻗﻮﺭﺍﻝ ﻛﯜﭼﻰ ﺋﯩﺸﻠﻪﺗﻤﻪﺳﻠﯩﻜﻨﻰ ﺗﻪﻟﻪﭖ ﻗﯩﻠﻐﺎﻥ. ﺋﺎﻣﯧﺮﯨﻜﺎ ﭘﺮﯦﺰﯨﺪﯦﻨﺖ ﺋﯩﺸﺨﺎﻧﯩﺴﻰ ﺋﺎﻗﺴﺎﺭﺍﻱ ﺑﻮﻟﺴﺎ ﺑﯧﻴﺠﯩﯖﻨﻰ " ﺗﯩﺒﻪﺕ ﻣﻪﺩﻩﻧﯩﻴﯩﺘﯩﮕﻪ ﻫﯚﺭﻣﻪﺕ ﻗﯩﻠﯩﺶ"ﻗﺎ ﺋﯜﻧﺪﯨﺪﻯ.

ﺑﺮﻳﯘﺳﺴﯧﻠﺪﺍ ﻳﺎﯞﺭﻭﭘﺎ ﺋﯩﺘﺘﯩﭙﺎﻗﯩﻨﯩﯔ ﺑﺎﺷﻠﯩﻘﻼﺭ ﻳﯩﻐﯩﻨﯩﻐﺎ ﻗﺎﺗﻨﯩﺸﯩﯟﺍﺗﻘﺎﻥ ﺋﻪﻧﮕﯩﻠﯩﻴﻪ ﺑﺎﺵ ﻣﯩﻨﯩﺴﺘﯩﺮﻯ ﮔﻮﻟﺪﯦﻦ ﺑﺮﻭﯞﯦﻦ، "ﯞﻩﻗﻪﺩﻩ ﻳﯜﺯ ﺑﯧﺮﯨﯟﺍﺗﻘﺎﻥ ﺋﯩﺸﻼﺭ ﺑﯩﺰﻧﻰ ﺋﻪﻧﺪﯨﺸﯩﮕﻪ ﺳﯧﻠﯩﯟﺍﺗﯩﺪﯗ،" ﺩﯨﺪﻯ. ﺋﯘ ﻳﻪﻧﻪ ﻛﯩﺸﯩﻠﯩﻚ ﻫﻮﻗﯘﻗﻨﯩﯔ ﻛﺎﭘﺎﻟﻪﺗﻜﻪ ﺋﯩﮕﻪ ﻗﯩﻠﯩﻨﯩﺸﯩﻨﻰ ﺗﻪﻟﻪﭖ ﻗﯩﻠﯩﭗ، ﺧﯩﺘﺎﻳﻐﺎ " ﻧﺎﺭﺍﺯﯨﻠﯩﻘﻨﯩﯔ ﻧﺎﻫﺎﻳﯩﺘﻰ ﻛﯜﭼﻠﯜﻙ" ﺋﯩﻜﻪﻧﻠﯩﻜﯩﻨﻰ ﺑﯩﻠﺪﯛﺭﺩﻯ.

ﮔﯧﺮﻣﺎﻧﯩﻴﻪ ﻫﯚﻛﯜﻣﯩﺘﻰ ﺑﻮﻟﺴﺎ ﺗﯩﻨﭻ ﻧﺎﻣﺎﻳﯩﺸﻼﺭﻏﺎ ﻳﻮﻝ ﻗﻮﻳﯘﻟﯘﺷﻨﻰ ﺗﻪﻟﻪﭖ ﻗﯩﻠﺪﻯ. ﮔﯧﺮﻣﺎﻧﯩﻴﻪ ﺗﺎﺷﻘﻰ ﺋﯩﺸﻼﺭ ﺑﺎﻳﺎﻧﺎﺗﭽﯩﺴﻰ،ﻓﯧﺪﯦﺮﺍﻝ ﻫﯚﻛﯜﻣﻪﺗﻨﯩﯔ ﻟﺨﺎﺳﺎﺩﯨﻜﻰ ﯞﻩﺯﯨﻴﻪﺗﻨﻰ ﺋﻪﻧﺪﯨﺸﻪ ﺑﯩﻠﻪﻥ ﻛﯚﺯﯨﺘﯩﯟﺍﺗﻘﺎﻧﻠﯩﻘﯩﻨﻰ ﺋﻪﺳﻜﻪﺭﺗﯩﭗ،"ﺗﻪﺭﻩﭘﻠﻪﺭ ﻛﯜﭺ ﺋﯩﺸﻠﯩﺘﯩﺸﺘﯩﻦ ﺳﺎﻗﻠﯩﻨﯩﺶ ﻛﯧﺮﻩﻙ،" ﺩﻩﭖ ﺋﻪﺳﻜﻪﺭﺗﺘﻰ ﻫﻪﻡ " ﺑﯩﺰﻧﯩﯔ ﻧﻪﺯﯨﺮﯨﻤﯩﺰﺩﻩ ﺗﯩﻨﭻ ﻧﺎﻣﺎﻳﯩﺶ ﭘﯩﻜﯩﺮ ﺋﻪﺭﻛﯩﻨﻠﯩﻜﯩﻨﯩﯔ ﻗﺎﻧﯘﻧﻰ ﻳﻮﻟﻼﺭﺩﺍ ﺋﯩﭙﺎﺩﯨﻠﯩﻨﯩﺸﯩﺪﯗﺭ،" ﺩﻩﭖ ﻛﯚﺭﺳﻪﺗﺘﻰ.

ﺗﯩﺒﻪﺕ ﺭﻭﻫﺎﻧﻰ ﺩﺍﻫﯩﻴﺴﻰ ﺩﺍﻻﻱ ﻻﻣﺎ ﺟﯜﻣﻪ ﻛﯜﻧﻰ ﺑﺎﻳﺎﻧﺎﺕ ﺋﯧﻼﻥ ﻗﯩﻠﯩﭗ، ﺗﯩﺒﻪﺕ ﯞﻩﺯﯨﻴﯩﺘﯩﺪﯨﻦ " ﭼﻮﯕﻘﯘﺭ ﺋﻪﻧﺪﯨﺸﻪ" ﻗﯩﻠﯩﯟﺍﺗﻘﺎﻧﻠﯩﻘﯩﻨﻰ ﯞﻩ ﺧﯩﺘﺎﻱ ﺩﺍﺋﯩﺮﯨﻠﯩﺮﯨﺪﯨﻦ ﻧﺎﻣﺎﻳﯩﺸﭽﯩﻼﺭﻏﺎ ﻗﻮﺭﺍﻝ ﻛﯜﭼﻰ ﺋﯩﺸﻠﻪﺗﻤﻪﺳﻠﯩﻜﻨﻰ ﺗﻪﻟﻪﭖ ﻗﯩﻠﺪﻯ. ﺋﻪﯓ ﻳﯧﯖﻰ ﺧﻪﯞﻩﺭﻟﻪﺭﮔﻪ ﻗﺎﺭﯨﻐﺎﻧﺪﺍ ﺟﯜﻣﻪ ﻛﯜﻧﻰ ﺧﯩﺘﺎﻱ ﺳﺎﻗﭽﯩﻼﺭ ﺑﯩﻠﻪﻥ ﺗﯩﺒﻪﺕ ﻧﺎﻣﺎﻳﯩﺸﭽﯩﻼﺭ ﺋﺎﺭﯨﺴﯩﺪﺍ ﻳﯜﺯ ﺑﻪﺭﮔﻪﻥ ﺗﻮﻗﯘﻧﯘﺷﺘﺎ 2 ﺗﯩﺒﻪﺕ ﭘﯘﻗﺮﺍﺳﻰ ﺋﯚﻟﮕﻪﻥ. (ﺋﻪﺭﻛﯩﻦ)