ﺧﯩﺘﺎﻱ ﺳﺎﻗﭽﯩﻠﯩﺮﻯ ﺗﯩﺒﻪﺗﺘﻪ ﺋﯚﻳﻤﯘ - ﺋﯚﻱ ﺋﺎﺧﺘﯘﺭﯗﭖ ﺗﯘﺗﯘﺵ ﻫﻪﺭﯨﻜﯩﺘﻰ ﺋﯧﻠﯩﭗ ﺑﺎﺭﻣﺎﻗﺘﺎ

10 - ﻣﺎﺭﺕ ﺗﯩﺒﻪﺗﻨﯩﯔ ﻟﺨﺎﺳﺎ ﺷﻪﻫﯩﺮﯨﺪﻩ ﺑﺎﺷﻼﻧﻐﺎﻥ ﻧﺎﺭﺍﺯﯨﻠﯩﻖ ﻧﺎﻣﺎﻳﯩﺸﻰ ﺑﯜﮔﯜﻥ ﺑﯩﺮ ﺋﺎﺯ ﭘﻪﺳﻜﻮﻳﻐﺎ ﭼﯜﺷﻜﻪﻥ ﺑﻮﻟﺴﯩﻤﯘ، ﺋﻪﻣﻤﺎ ﺑﯘ ﻧﺎﻣﺎﻳﯩﺸﻨﯩﯔ ﺗﻪﺳﯩﺮﻯ ﻫﺎﺯﯨﺮ ﺳﯩﭽﯘﻩﻥ، ﮔﻪﻧﺴﯘ ﯞﻩ ﭼﯩﯖﺨﻪﻱ ﻗﺎﺗﺎﺭﻟﯩﻖ ﺋﯚﻟﻜﻪ ﺭﺍﻳﻮﻧﻼﺭﻏﺎ ﺗﺎﺭﺍﻟﻐﺎﻥ ﺑﻮﻟﯘﭖ، ﻫﺎﺯﯨﺮ ﺧﯩﺘﺎﻱ ﻫﯚﻛﯜﻣﯩﺘﻰ ﺋﻪﺳﻜﻪﺭ ﯞﻩ ﻗﻮﺭﺍﻟﻠﯩﻖ ﺳﺎﻗﭽﻰ ﻗﯩﺴﯩﻤﻠﯩﺮﯨﻨﻰ ﺗﯩﺒﻪﺗﻠﻪﺭ ﺋﻮﻟﺘﯘﺭﺍﻗﻼﺷﻘﺎﻥ ﺭﺍﻳﻮﻧﻼﺭﻏﺎ ﻳﯚﺗﻜﯩﮕﻪﻥ.

ﺭﺍﺩﯨﺌﻮﻣﯩﺰ ﺋﯩﮕﯩﻠﯩﮕﻪﻥ ﻣﻪﻟﯘﻣﺎﺗﻼﺭﻏﺎ ﻗﺎﺭﯨﻐﺎﻧﺪﺍ، ﻫﺎﺯﯨﺮ ﺳﯩﭽﯘﻩﻥ ﺋﯚﻟﻜﯩﺴﯩﻨﯩﯔ ﺋﺎﺑﺎ ﺗﯩﺒﻪﺕ ﺋﺎﭘﺘﻮﻧﻮﻡ ﺋﻮﺑﻼﺳﺘﻰ ﺋﺎﺑﺎ ﻧﺎﻫﯩﻴﯩﺴﯩﺪﻩ ﻳﻪﻛﺸﻪﻧﺒﻪ ﻛﯜﻧﻰ ﻛﻪﯓ ﻛﯚﻟﻪﻣﻠﯩﻚ ﻧﺎﻣﺎﻳﯩﺶ ﻳﯜﺯ ﺑﻪﺭﮔﻪﻥ ﺑﻮﻟﯘﭖ، ﻣﯩﯖﻠﯩﻐﺎﻥ ﻧﺎﻣﺎﻳﯩﺸﭽﻰ ﺋﺎﻣﻤﺎ ﮔﺎﺭﺩﻩﻥ ﺋﯩﺒﺎﺩﻩﺗﺨﺎﻧﯩﺴﻰ ﺋﺎﻟﺪﯨﻐﺎ ﻳﯩﻐﯩﻠﯩﭗ ﻗﺎﺭﺷﯩﻠﯩﻖ ﻛﯚﺭﺳﯩﺘﯩﺶ ﻧﺎﻣﺎﻳﯩﺸﻰ ﺋﯧﻠﯩﭗ ﺑﺎﺭﻏﺎﻥ ﻫﻪﻣﺪﻩ ﺑﻪﺯﻯ ﻧﺎﻣﺎﻳﯩﺸﭽﯩﻼﺭ ﺗﺎﺵ ‏ - ﻛﯧﺴﻪﻙ ﺋﯧﺘﯩﭗ ﺳﺎﻗﭽﻰ ﺋﺎﭘﺘﻮﻣﻮﺑﯩﻠﻠﯩﺮﯨﻨﯩﯔ ﺋﻪﻳﻨﯩﻜﯩﻨﻰ ﭼﺎﻗﻘﺎﻥ.

ﻣﻪﻟﯘﻡ ﺑﻮﻟﯘﺷﯩﭽﻪ، ﺗﺎﺵ ﺋﺎﺗﻘﯘﭼﯩﻼﺭﻏﺎ ﺳﺎﻗﭽﯩﻼﺭ ﺋﻮﻕ ﭼﯩﻘﺎﺭﻏﺎﻥ ﺑﻮﻟﯘﭖ، ﻧﻪﺗﯩﺠﯩﺪﻩ ﺋﻪﯓ ﺋﺎﺯ ﺩﯦﮕﻪﻧﺪﯨﻤﯘ 8 ﺋﺎﺩﻩﻡ ﺋﯚﻟﮕﻪﻥ.

ﻳﻪﺭﻟﯩﻚ ﺑﯩﺮ ﺗﯩﺒﻪﺗﻨﯩﯔ ﺭﺍﺩﯨﺌﻮﻣﯩﺰﻏﺎ ﺑﻪﺭﮔﻪﻥ ﻣﻪﻟﯘﻣﺎﺗﯩﺪﯨﻦ ﺋﺎﺷﻜﺎﺭﯨﻠﯩﻨﯩﺸﯩﭽﻪ، ﯞﻩﻗﻪ ﺋﺎﺳﺎﺳﻪﻥ ﮔﻪﺭﺩﻩﻥ ﺋﯩﺒﺎﺩﻩﺗﺨﺎﻧﯩﺴﯩﺪﯨﻜﻰ ﻻﻣﺎﻻﺭ ﺑﯩﻠﻪﻥ ﺳﺎﻗﭽﯩﻼﺭ ﺋﺎﺭﯨﺴﯩﺪﯨﻜﻰ ﺗﻮﻗﯘﻧﯘﺷﺘﯩﻦ ﻛﯧﻠﯩﭗ ﭼﯩﻘﻘﺎﻥ ﺑﻮﻟﯘﭖ، ﺗﻮﻗﯘﻧﯘﺵ ﺟﻪﺭﻳﺎﻧﯩﺪﺍ ﺳﺎﻗﭽﯩﻼﺭ ﻧﺎﻣﺎﻳﯩﺸﭽﯩﻼﺭﻧﯩﯔ ﺑﻪﺯﯨﻠﯩﺮﯨﻨﻰ ﺋﯘﺭﯗﭖ ﺋﯚﻟﺘﯜﺭﯛﯞﻩﺗﻜﻪﻥ.

ﻣﻪﺯﻛﯘﺭ ﺗﯩﺒﻪﺗﻨﯩﯔ ﺑﯩﻠﺪﯛﺭﯛﺷﯩﭽﻪ ﻳﻪﻧﻪ، ﺗﯩﺒﻪﺗﻠﻪﺭ ﻣﯘﺳﺘﻪﻗﯩﻠﻠﯩﻖ ﺋﯜﭼﯜﻥ ﺋﯧﻠﯩﭗ ﺑﺎﺭﻏﺎﻥ ﻧﺎﻣﺎﻳﯩﺶ ﺳﻪﯞﻩﺑﯩﺪﯨﻦ ﺳﺎﻗﭽﯩﻼﺭ ﺑﯩﻠﻪﻥ ﺭﺍﻫﯩﺒﻼﺭ ﺗﻮﻗﯘﻧﯘﺷﻘﺎﻥ ﻫﻪﻣﺪﻩ ﺧﯩﺘﺎﻱ ﺳﺎﻗﭽﻰ ‏ - ﺋﻪﺳﻜﻪﺭﻟﯩﺮﯨﺪﯨﻦ ﺑﯩﺮ ﻧﻪﭼﭽﻪ ﺋﺎﺩﻩﻣﻨﻰ ﺋﯘﺭﯗﭖ ﺋﯚﻟﺘﯜﺭﯛﯞﻩﺗﻜﻪﻥ ﺋﯩﻜﻪﻥ.

14 - ﻣﺎﺭﺕ ﺑﺎﺷﻼﻧﻐﺎﻥ ﻧﺎﻣﺎﻳﯩﺶ ﺗﻮﻗﯘﻧﯘﺷﯩﻨﻰ ﺗﯩﻨﺠﯩﺘﯩﺶ ﺋﯜﭼﯜﻥ ﺧﯩﺘﺎﻱ ﺋﻪﺳﻜﻪﺭ ﯞﻩ ﺗﯩﻨﭽﻠﯩﻖ ﺳﺎﻗﻼﺵ ﻗﯩﺴﯩﻤﻠﯩﺮﯨﻨﻰ ﺗﯩﺒﻪﺗﻜﻪ ﻛﯩﺮﮔﯜﺯﮔﻪﻥ ﻫﻪﻣﺪﻩ ﻧﺎﻣﺎﻳﯩﺸﭽﯩﻼﺭﻧﻰ ﺗﻪﺳﻠﯩﻢ ﺑﻮﻟﯘﺷﻘﺎ ﭼﺎﻗﯩﺮﻏﺎﻥ ﯞﻩ ﺑﯜﮔﯜﻥ ﻳﯧﺮﯨﻢ ﻛﯧﭽﯩﮕﯩﭽﻪ ﻧﺎﻣﺎﻳﯩﺸﯩﻨﻰ ﺗﻮﺧﺘﯩﺘﯩﺸﻰ ﻫﻪﻗﻘﯩﺪﻩ ﺋﯘﻟﺘﯩﻤﺎﺗﯘﻡ ﺗﺎﭘﺸﯘﺭﻏﺎﻥ ﺋﯩﺪﻯ.

ﺏ ﺏ ﺱ ﺩﺍ ﺧﻪﯞﻩﺭ ﻗﯩﻠﯩﺸﯩﭽﻪ، ﻫﺎﺯﯨﺮ ﺧﯩﺘﺎﻱ ﻗﯩﺴﯩﻤﻠﯩﺮﻯ ﺗﯩﺒﻪﺗﺘﻪ ﺋﯚﻛﺘﯩﭽﯩﻠﻪﺭﻧﻰ ﺗﯘﺗﯘﺷﻨﻰ ﺑﺎﺷﻠﯩﯟﻩﺗﻜﻪﻥ ﺑﻮﻟﯘﭖ، ﺑﯩﺮ ﻳﻪﺭﻟﯩﻚ ﺗﯩﺒﻪﺗﻨﯩﯔ ﺏ ﺏ ﺱ ﻏﺎ ﺗﯧﻠﯧﻔﯘﻥ ﺋﺎﺭﻗﯩﻠﯩﻖ ﺑﯩﻠﺪﯛﺭﯛﺷﯩﭽﻪ، ﻫﺎﺯﯨﺮ ﺧﯩﺘﺎﻱ ﺳﺎﻗﭽﯩﻠﯩﺮﻯ ﺋﯚﻳﻤﯘ - ﺋﯚﻱ ﺋﺎﺧﺘﯘﺭﯗﭖ ﺗﯘﺗﯘﺵ ﻫﻪﺭﯨﻜﯩﺘﻰ ﺋﯧﻠﯩﭗ ﺑﯧﺮﯨﯟﺍﺗﻘﺎﻥ ﺑﻮﻟﯘﭖ، ﺋﯘﻻﺭ ﺋﯩﻠﮕﯩﺮﻯ ﺳﯩﻴﺎﺳﯩﻲ ﺟﯩﻨﺎﻳﻪﺕ ﺑﯩﻠﻪﻥ ﺋﻪﻳﯩﺒﻠﻪﻧﮕﻪﻥ ﺗﯩﺒﻪﺗﻠﻪﺭﻧﻰ ﻳﻪﻧﻪ ﻗﺎﻳﺘﯩﺪﯨﻦ ﻗﻮﻟﻐﺎ ﺋﺎﻟﻐﺎﻥ ﺋﯩﻜﻪﻥ. (ﺟﯜﻣﻪ)