ﭼﯧﮕﺮﯨﺴﯩﺰ ﻣﯘﺧﺒﯩﺮﻻﺭ ﺗﻪﺷﻜﯩﻼﺗﻰ ﺑﯩﺘﻪﺭﻩﭖ ﻛﯚﺯﻩﺗﻜﯜﭼﯩﻠﻪﺭﻧﯩﯔ ﺗﯩﺒﻪﺗﺘﻪ ﺗﻪﻛﺸﯜﺭﯛﺵ ﺋﯧﻠﯩﭗ ﺑﯧﺮﯨﺸﯩﻨﻰ ﺗﻪﻟﻪﭖ ﻗﯩﻠﺪﻯ

ﺧﯩﺘﺎﻱ ﻫﯚﻛﯜﻣﯩﺘﻰ، ﺗﯩﺒﻪﺗﻠﻪﺭﻧﯩﯔ ﻧﺎﺭﺍﺯﯨﻠﯩﻖ ﻫﻪﺭﯨﻜﻪﺗﻠﯩﺮﯨﻨﯩﯔ ﺑﺎﺷﻘﺎ ﺟﺎﻳﻼﺭﻏﺎ ﻛﯧﯖﯩﻴﯩﭗ ﻛﯧﺘﯩﺸﯩﻨﯩﯔ ﺷﯘﻧﯩﯖﺪﻩﻙ ﺗﯩﺒﻪﺗﺘﻪ ﻳﯜﺯ ﺑﯧﺮﯨﯟﺍﺗﻘﺎﻥ ﯞﻩﺯﯨﻴﻪﺗﻨﯩﯔ ﺩﯗﻧﻴﺎﻏﺎ ﺋﺎﺷﻜﺎﺭﯨﻠﯩﻨﯩﭗ ﻛﯧﺘﯩﺸﯩﻨﯩﯔ ﺋﺎﻟﺪﯨﻨﻰ ﺋﯧﻠﯩﺶ ﺋﯜﭼﯜﻥ، ﺗﯩﺒﻪﺗﻠﻪﺭ ﻳﺎﺷﺎﯞﺍﺗﻘﺎﻥ ﺑﺎﺭﻟﯩﻖ ﺭﺍﻳﻮﻧﻼﺭﻏﺎ ﻗﺎﺭﺍﺗﻘﺎﻥ ﻛﻮﻧﺘﺮﻭﻟﻠﯘﻗﯩﻨﻰ ﺋﯩﺰﭼﯩﻞ ﻛﯜﭼﻪﻳﺘﻤﻪﻛﺘﻪ.

ﭼﯧﮕﺮﯨﺴﯩﺰ ﻣﯘﺧﺒﯩﺮﻻﺭ ﺗﻪﺷﻜﯩﻼﺗﻰ ﭘﻪﻳﺸﻪﻧﺒﻪ ﻛﯜﻧﻰ، ﺧﯩﺘﺎﻱ ﺩﺍﺋﯩﺮﯨﻠﯩﺮﯨﻨﯩﯔ ﻫﻪﺭ ﺧﯩﻞ ﯞﺍﺳﺘﯩﻼﺭﻧﻰ ﻗﻮﻟﻠﯩﻨﯩﭗ، ﭼﻪﺗﺌﻪﻝ ﻣﯘﺧﺒﯩﺮﻟﯩﺮﯨﻨﯩﯔ ﺗﯩﺒﻪﺕ ﯞﻩﺯﯨﻴﯩﺘﻰ ﻫﻪﻗﻘﯩﺪﻩ ﺧﻪﯞﻩﺭ ﺋﯧﻼﻥ ﻗﯩﻠﯩﺸﯩﻐﺎ ﻗﺎﺭﺍﺗﻘﺎﻥ ﺗﻮﺳﻘﯘﻧﻠﯘﻗﻠﯩﺮﻯ ﺋﯜﺳﺘﯩﺪﯨﻦ ﻗﺎﺗﺘﯩﻖ ﻧﺎﺭﺍﺯﯨﻠﯩﻖ ﺑﯩﻠﺪﯛﺭﯛﺵ ﺑﯩﻠﻪﻥ ﺑﯩﺮﮔﻪ، ﺗﯩﺒﻪﺗﺘﯩﻜﻰ ﺑﺎﺳﺘﯘﺭﻣﯩﭽﯩﻠﯩﻖ ﻗﯩﻠﻤﯩﺸﯩﻐﺎ ﺧﺎﺗﯩﻤﻪ ﺑﯧﺮﯨﺸﯩﻨﻰ ﺗﻪﻟﻪﭖ ﻗﯩﻠﺪﻯ.

ﭼﯧﮕﺮﯨﺴﯩﺰ ﻣﯘﺧﺒﯩﺮﻻﺭ ﺗﻪﺷﻜﯩﻼﺗﻰ ﻳﻪﻧﻪ، ﺑﯩﺮﻟﻪﺷﻜﻪﻥ ﺩﯙﻟﻪﺗﻠﻪﺭ ﺗﻪﺷﻜﯩﻼﺗﯩﺪﯨﻦ ﺧﯩﺘﺎﻱ ﻫﯚﻛﯜﻣﯩﺘﯩﻨﯩﯔ ﺗﯩﺒﻪﺗﻜﻪ ﻛﯩﺮﯨﺸﻰ ﭼﻪﻛﻠﻪﻧﮕﻪﻥ ﻣﯘﺧﺒﯩﺮﻻﺭﻧﯩﯔ ﺗﯩﺒﻪﺗﻜﻪ ﻛﯩﺮﯨﺸﯩﮕﻪ ﻳﻮﻝ ﻗﻮﻳﯘﺷﻰ ﻫﻪﻣﺪﻩ ﺑﯩﺘﻪﺭﻩﭖ ﻛﯚﺯﻩﺗﻜﯜﭼﯩﻠﻪﺭﻧﯩﯔ ﺗﯩﺒﻪﺗﺘﻪ ﺗﻪﻛﺸﯜﺭﯛﺵ ﺋﯧﻠﯩﭗ ﺑﯧﺮﯨﺸﻰ ﻫﻪﻗﻘﯩﺪﻩ ﺗﻪﺩﺑﯩﺮ ﺋﯧﻠﯩﺸﯩﻨﻰ ﺗﻪﻟﻪﭖ ﻗﯩﻠﺪﻯ.

ﺗﯩﺒﻪﺗﺘﻪ ﺋﯚﺗﻜﻪﻥ ﻫﻪﭘﺘﻪ، ﺧﯩﺘﺎﻱ ﻫﯚﻛﯜﻣﯩﺘﯩﮕﻪ ﻗﺎﺭﺷﻰ ﺗﯧﻨﭽﻠﯩﻖ ﻧﺎﻣﺎﻳﯩﺸﻰ ﻗﻮﺯﻏﺎﻟﻐﺎﻥ ﺑﻮﻟﯘﭖ، ﺧﯩﺘﺎﻳﻨﯩﯔ ﻗﻮﺭﺍﻟﻠﯩﻖ ﺑﺎﺳﺘﯘﺭﯗﺷﯩﻐﺎ ﻧﺎﺭﺍﺯﯨﻠﯩﻖ ﺑﯩﻠﺪﯛﺭﮔﻪﻥ ﺗﯩﺒﻪﺗﻠﻪﺭ ﺗﯧﻨﭽﻠﯩﻖ ﺑﯩﻠﻪﻥ ﺑﺎﺷﻠﯩﻐﺎﻥ ﻫﻪﺭﯨﻜﯩﺘﯩﻨﻰ ﺗﻮﭘﯩﻼﯕﻐﺎ ﺋﺎﻳﻼﻧﺪﯗﺭﺩﻯ. ﺧﯩﺘﺎﻱ ﺩﺍﺋﯩﺮﯨﻠﯩﺮﻯ ﺋﯚﺗﻜﻪﻥ ﺟﯜﻣﻪ ﻛﯜﻧﻰ ﻟﺨﺎﺳﺎﺩﺍ ﻳﯜﺯ ﺑﻪﺭﮔﻪﻥ ﺗﻮﭘﯩﻼﯕﺪﺍ ﺋﺎﺯ ﺩﯦﮕﻪﻧﺪﻩ 16 ﺋﺎﺩﻩﻣﻨﯩﯔ ﺋﯚﻟﺘﯜﺭﯛﻟﮕﻪﻧﻠﯩﻜﯩﻨﻰ ﺑﯩﻠﺪﯛﺭﮔﻪﻥ ﺋﯩﺪﻯ، ﺑﯩﺮﺍﻕ ﺳﯜﺭﮔﯜﻧﺪﯨﻜﻰ ﺗﯩﺒﻪﺕ ﻫﯚﻛﯜﻣﯩﺘﻰ ﺋﺎﺯ ﺩﯦﮕﻪﻧﺪﻩ 100 ﺋﺎﺩﻩﻣﻨﯩﯔ ﺧﯩﺘﺎﻱ ﺋﻪﺳﻜﻪﺭﻟﯩﺮﻯ ﺗﻪﺭﯨﭙﯩﺪﯨﻦ ﺋﯧﺘﯩﭗ ﺋﯚﻟﺘﯜﺭﯛﻟﮕﻪﻧﻠﯩﻜﯩﻨﻰ ﺗﻪﻛﯩﺘﻠﯩﻤﻪﻛﺘﻪ. (ﺋﻪﻗﯩﺪﻩ)