ﺋﺎﻣﯧﺮﯨﻜﺎ ﺑﯩﺮﻟﻪﺷﻤﻪ ﺋﺎﮔﯧﻨﺘﻠﯩﻘﯩﻨﯩﯔ ﺑﯧﻴﺠﯩﯖﺪﯨﻦ ﺧﻪﯞﻩﺭ ﻗﯩﻠﯩﺸﯩﭽﻪ، ﻧﺎﻣﺎﻳﯩﺸﭽﯩﻼﺭ، " ﺗﯩﺒﻪﺗﻜﻪ ﺋﻪﺭﻛﯩﻨﻠﯩﻚ" ﺩﻩﭖ ﺷﯘﺋﺎﺭ ﺗﻮﯞﻟﯩﻐﺎﻥ. ﺧﯩﺘﺎﻱ ﺩﺍﺋﯩﺮﯨﻠﯩﺮﯨﻨﯩﯔ ﺗﻴﻪﻧﺌﻪﻧﻤﯧﻦ ﻣﻪﻳﺪﺍﻧﯩﺪﯨﻜﻰ ﻗﺎﺗﺘﯩﻖ ﺑﯩﺨﻪﺗﻪﺭﻟﯩﻚ ﺗﻪﺩﺑﯩﺮﻟﯩﺮﯨﮕﻪ ﻗﺎﺭﯨﻤﺎﻱ، ﻧﺎﺭﺍﺯﯨﻠﯩﻖ ﻫﻪﺭﯨﻜﯩﺘﻰ ﺋﯧﻠﯩﭗ ﺑﺎﺭﻏﺎﻥ ﻣﻪﺯﻛﯘﺭ ﺗﯩﺒﻪﺗﻠﯩﻚ ﭘﺎﺋﺎﻟﯩﻴﻪﺗﭽﯩﻠﻪﺭ، ﺋﯘﺯﯗﻥ ﺋﯚﺗﻤﻪﻱ ﺧﯩﺘﺎﻱ ﺑﯩﺨﻪﺗﻪﺭﻟﯩﻚ ﺧﺎﺩﯨﻤﻠﯩﺮﻯ ﺗﻪﺭﯨﭙﯩﺪﯨﻦ ﺗﯘﺗﯘﭖ ﻛﯧﺘﯩﻠﮕﻪﻥ. ﺧﻪﯞﻩﺭﺩﻩ ﺋﯧﻴﺘﯩﻠﯩﺸﯩﭽﻪ، ﺋﯘﻻﺭﻧﯩﯔ ﻗﺎﻳﺴﻰ ﻳﻪﺭﮔﻪ ﺋﯧﻠﯩﭗ ﻛﯧﺘﯩﻠﮕﻪﻧﻠﯩﻜﻰ ﻣﻪﻟﯘﻡ ﺋﻪﻣﻪﺱ ﺋﯩﻜﻪﻥ.

ﺟﯜﻣﻪ ﻛﯜﻧﻰ ﺋﺎﺧﺸﯩﻤﻰ ﺋﯜﭺ ﺗﯩﺒﻪﺗﻠﯩﻚ ﭘﺎﺋﺎﻟﯩﻴﻪﺗﭽﻰ، ﺑﯧﻴﺠﯩﯔ ﺋﻮﻟﯩﻤﭙﯩﻚ ﺗﻪﻧﻬﻪﺭﯨﻜﻪﺕ ﻳﯩﻐﯩﻨﯩﻨﯩﯔ ﺋﯧﭽﯩﻠﯩﺶ ﻣﯘﺭﺍﺳﯩﻤﻰ ﺋﯚﺗﻜﯜﺯﯛﻟﯩﺪﯨﻐﺎﻥ ﺩﯙﻟﻪﺗﻠﯩﻚ ﺳﺘﺎﺩﻳﯘﻣﻨﯩﯔ ﻛﯩﺮﯨﺸﯩﺪﻩ ﺗﯩﺒﻪﺕ ﺑﺎﻳﺮﺍﻗﻠﯩﺮﯨﻨﻰ ﺋﯘﭼﯘﺭﺗﻘﺎﻧﻠﯩﻘﻰ ﺋﯜﭼﯜﻥ، ﺧﯩﺘﺎﻱ ﺳﺎﻗﭽﯩﻠﯩﺮﻯ ﺗﻪﺭﯨﭙﯩﺪﯨﻦ ﺗﯘﺗﯘﻟﯘﭖ، ﺷﻪﻧﺒﻪ ﻛﯜﻧﻰ ﺧﯩﺘﺎﻳﺪﯨﻦ ﭼﯩﻘﯩﺮﯨﯟﯦﺘﯩﻠﮕﻪﻥ ﺋﯩﺪﻯ.

ﭼﺎﺭﺷﻪﻧﺒﻪ ﻛﯜﻧﻰ ﺑﻮﻟﺴﺎ، ﺗﯚﺕ ﺗﯩﺒﻪﺗﻠﯩﻚ ﭘﺎﺋﺎﻟﯩﻴﻪﺗﭽﻰ، ﻗﻮﺵ ﺋﯘﯞﯨﺴﻰ ﺩﻩﭘﻤﯘ ﺋﺎﺗﺎﻟﻐﺎﻥ ﺋﻮﻟﯩﻤﭙﯩﻚ ﺳﺘﺎﺩﯨﻴﯘﻣﯩﻨﯩﯔ ﺳﯩﺮﺗﯩﺪﯨﻜﻰ ﺋﯩﺴﺘﻮﻟﺒﯘﻻﺭﻏﺎ ﺗﯩﺒﻪﺕ ﺑﺎﻳﺮﯨﻘﻰ ﯞﻩ ﺗﯩﺒﻪﺗﻜﻪ ﺋﻪﺭﻛﯩﻨﻠﯩﻚ ﺩﯦﮕﻪﻥ ﻟﻮﺯﯗﻧﻜﯩﻨﻰ ﺋﺎﺳﻘﺎﻥ ﺑﻮﻟﯘﭖ، ﺋﯩﻜﻜﯩﺴﻰ ﺋﺎﻣﯧﺮﯨﻜﺎ، ﺋﯩﻜﻜﯩﺴﻰ ﺋﻪﻧﮕﯩﻠﯩﻴﻪ ﭘﯘﻗﺮﺍﺳﻰ ﺑﻮﻟﻐﺎﻥ ﻣﻪﺯﻛﯘﺭ ﺗﯩﺒﻪﺕ ﭘﺎﺋﺎﻟﯩﻴﻪﺗﭽﯩﻠﯩﺮﯨﻤﯘ ﺧﯩﺘﺎﻳﺪﯨﻦ ﭼﯩﻘﯩﺮﯨﯟﯦﺘﯩﻠﮕﻪﻥ ﺋﯩﺪﻯ.

ﺑﯘﻧﯩﯖﺪﯨﻦ ﺳﯩﺮﺕ ﻳﻪﻧﻪ، ﭼﻪﺗﺌﻪﻟﻠﻪﺭﺩﯨﻜﻰ ﺗﯩﺒﻪﺗﻠﻪﺭﻣﯘ ﺋﯘﻳﻐﯘﺭﻻﺭﻏﺎ ﺋﻮﺧﺸﺎﺷﻼﺭ ﺩﯗﻧﻴﺎﻧﯩﯔ ﻫﻪﺭ ﻗﺎﻳﺴﻰ ﺩﯙﻟﻪﺗﻠﯩﺮﯨﺪﻩ ﺧﯩﺘﺎﻱ ﻫﯚﻛﯜﻣﯩﺘﯩﮕﻪ ﻗﺎﺭﺷﻰ ﻧﺎﺭﺍﺯﯨﻠﯩﻖ ﻫﻪﺭﯨﻜﻪﺗﻠﯩﺮﯨﻨﻰ ﺩﺍﯞﺍﻣﻼﺷﺘﯘﺭﻣﺎﻗﺘﺎ.