ﺗﯩﺒﻪﺗﺘﻪ ﺗﻮﻗﯘﻧﯘﺷﻼﺭ ﺩﺍﯞﺍﻣﻼﺷﻤﺎﻗﺘﺎ

ﺗﯩﺒﻪﺗﻠﻪﺭﻧﯩﯔ ﻧﺎﺭﺍﺯﯨﻠﯩﻖ ﻫﻪﺭﯨﻜﻪﺗﻠﯩﺮﻯ ﺋﯚﺯﻟﯜﻛﺴﯩﺰ ﺩﺍﯞﺍﻣﻠﯩﺸﯩﯟﺍﺗﻘﺎﻥ ﺑﻮﻟﯘﭖ، ﺩﯛﺷﻪﻧﺒﻪ ﻛﯜﻧﻰ ﺳﯩﭽﯜﻩﻥ ﺋﯚﻟﻜﯩﺴﯩﻨﯩﯔ ﺗﯩﺒﻪﺗﻠﻪﺭ ﺑﯩﺮ ﻗﻪﺩﻩﺭ ﺯﯨﭻ ﺋﻮﺭﯗﻧﻼﺷﻘﺎﻥ ﮔﻪﺭﺯﻩ ﺭﺍﻳﻮﻧﯩﺪﺍ ﺗﯩﺒﻪﺗﻠﯩﻚ ﻧﺎﻣﺎﻳﯩﺸﭽﯩﻼﺭ ﺑﯩﻠﻪﻥ ﺧﯩﺘﺎﻱ ﺳﺎﻗﭽﻰ ﻗﯩﺴﯩﻤﻠﯩﺮﻯ ﺋﻮﺗﺘﯘﺭﯨﺴﯩﺪﺍ ﻳﯜﺯ ﺑﻪﺭﮔﻪﻥ ﺗﻮﻗﯘﻧﯘﺷﻼﺭﺩﺍ ﺋﺎﺯ ﺩﯦﮕﻪﻧﺪﻩ ﺋﯩﻜﻜﻰ ﻛﯩﺸﻰ ﺋﯚﻟﮕﻪﻥ.

ﻣﻪﺭﻛﯩﺰﻯ ﻫﯩﻨﺪﯨﺴﺘﺎﻧﻨﯩﯔ ﺩﺍﺭﺍﻣﺴﺎﻻ ﺷﻪﻫﯩﺮﯨﺪﯨﻜﻰ ﺗﯩﺒﻪﺕ ﻛﯩﺸﯩﻠﯩﻚ ﻫﻮﻗﯘﻕ ﯞﻩ ﺩﯦﻤﻮﻛﺮﺍﺗﯩﻴﻪ ﻣﻪﺭﻛﯩﺰﯨﻨﯩﯔ ﺳﻪﻳﺸﻪﻧﺒﻪ ﻛﯜﻧﻰ ﺧﻪﯞﻩﺭ ﻗﯩﻠﯩﺸﯩﭽﻪ، ﺧﯩﺘﺎﻱ ﺳﺎﻗﭽﯩﻠﯩﺮﻯ ﺗﯩﺒﻪﺗﻠﯩﻚ ﺭﺍﻫﯩﺒﻼﺭﻧﯩﯔ ﺗﯩﻨﭽﻠﯩﻖ ﺑﯩﻠﻪﻥ ﺋﯧﻠﯩﭗ ﺑﺎﺭﻏﺎﻥ ﻧﺎﻣﺎﻳﯩﺸﯩﻨﻰ ﺑﺎﺳﺘﯘﺭﯗﺷﻘﺎ ﺋﯘﺭﯗﻧﯘﭖ، 18 ﻳﺎﺷﻠﯩﻖ ﺑﯩﺮ ﺗﯩﺒﻪﺗﻠﯩﻚ ﺭﺍﻫﯩﺒﻨﻰ ﺋﯧﻴﺘﯩﭗ ﺋﯚﻟﺘﯜﺭﮔﻪﻧﺪﯨﻦ ﻛﯧﻴﯩﻦ، ﻧﺎﻣﺎﻳﯩﺶ ﺗﻮﻗﯘﻧﯘﺷﻘﺎ ﺋﺎﻳﻼﻧﻐﺎﻥ.

ﺷﯩﻨﺨﯘﺍ ﺋﺎﮔﯧﻨﺘﻠﯩﻘﯩﻨﯩﯔ ﺧﻪﯞﻩﺭ ﻗﯩﻠﯩﺸﯩﭽﻪ، ﺩﻩﺳﻠﻪﭘﺘﻪ ﺗﯩﺒﻪﺗﻠﯩﻚ ﻧﺎﻣﺎﻳﯩﺸﭽﯩﻼﺭ، ﭘﯩﭽﺎﻕ، ﺗﺎﺷﻼﺭ ﺑﯩﻠﻪﻥ ﺧﯩﺘﺎﻱ ﺳﺎﻗﭽﻰ ﻗﯩﺴﯩﻤﻠﯩﺮﯨﻐﺎ ﻫﯘﺟﯘﻡ ﻗﯩﻠﯩﭗ ﺑﯩﺮ ﺳﺎﻗﭽﯩﻨﻰ ﺋﯚﻟﺘﯜﺭﮔﻪﻥ.

ﺳﯩﭽﯘﻩﻧﻨﯩﯔ ﺗﯩﺒﻪﺕ ﭼﯧﮕﺮﯨﺴﻰ ﻳﯧﻘﯩﻨﯩﻐﺎ ﺟﺎﻳﻼﺷﻘﺎﻥ، ﮔﻪﺭﺯﻩ ﺷﻪﻫﯩﺮﯨﺪﻩ ﺑﯩﺮ ﻧﻪﭼﭽﻪ ﻛﯜﻧﺪﯨﻦ ﺑﯧﺮﻯ ﻧﺎﺭﺍﺯﯨﻠﯩﻖ ﻫﻪﺭﯨﻜﻪﺗﻠﯩﺮﻯ ﺩﺍﯞﺍﻣﻠﯩﺸﯩﯟﺍﺗﻘﺎﻥ ﺑﻮﻟﯘﭖ، ﺳﯩﻴﺎﺳﯩﻲ ﻣﯘﻻﻫﯩﺰﯨﭽﯩﻠﻪﺭﻧﯩﯔ ﻗﺎﺭﯨﺸﯩﭽﻪ، ﮔﻪﺭﺯﻩﺩﻩ ﻧﺎﺭﺍﺯﯨﻠﯩﻖ ﻫﻪﺭﯨﻜﻪﺗﻠﯩﺮﯨﻨﯩﯔ ﺩﺍﯞﺍﻡ ﻗﯩﻠﯩﯟﺍﺗﻘﺎﻧﻠﯩﻘﻰ، ﺗﯩﺒﻪﺗﻠﻪﺭﻧﯩﯔ ﺧﯩﺘﺎﻱ ﻫﯚﻛﯜﻣﯩﺘﯩﻨﯩﯔ ﻗﺎﺗﺘﯩﻖ ﺑﯩﺨﻪﺗﻪﺭﻟﯩﻚ ﺗﻪﺩﺑﯩﺮﻟﯩﺮﯨﮕﻪ ﻗﺎﺭﯨﻤﺎﻱ، ﻫﻪﺭﯨﻜﯩﺘﯩﻨﻰ ﺩﺍﯞﺍﻣﻼﺷﺘﯘﺭﯗﯞﺍﺗﻘﺎﻧﻠﯩﻘﯩﻨﻰ ﻛﯚﺭﺳﯩﺘﯩﺪﯨﻜﻪﻥ ﺷﯘﻧﯩﯖﺪﻩﻙ ﺑﯘ ﺋﻪﻫﯟﺍﻝ 2008‏ - ﻳﯩﻠﻠﯩﻖ ﺋﻮﻟﯩﻤﭙﯩﻚ ﺗﻪﻧﻬﻪﺭﯨﻜﻪﺕ ﻳﯩﻐﯩﻨﯩﻨﻰ ﻫﻪﺭ ﻗﺎﻧﺪﺍﻕ ﺑﯩﺮ ﭘﯘﺗﻠﯩﻜﺎﺷﺎﯕﻐﺎ ﺋﯘﭼﺮﯨﻤﺎﻱ ﺋﯚﺗﻜﯜﺯﯛﺷﻨﻰ ﺋﺎﺭﺯﯗ ﻗﯩﻠﻐﺎﻥ ﺧﯩﺘﺎﻱ ﺭﻩﻫﺒﻪﺭﻟﯩﺮﯨﻨﻰ ﻗﯧﻴﯩﻦ ﺋﻪﻫﯟﺍﻟﻐﺎ ﭼﯜﺷﯜﺭﻣﻪﻛﺘﻪ. (ﺋﯚﻣﻪﺭ ﻗﺎﻧﺎﺕ)