ﺧﯩﺘﺎﻳﻨﯩﯔ ﺩﺍﻻﻱ ﻻﻣﺎ ﺑﯩﻠﻪﻥ ﺋﯚﺗﻜﯜﺯﮔﻪﻥ ﺳﯚﻫﺒﯩﺘﯩﺪﻩ ﺋﯩﻠﮕﯩﺮﻟﻪﺵ ﺑﻮﻟﻤﯩﻐﺎﻥ

ﺗﯩﺒﻪﺕ ﺋﺎﭘﺘﻮﻧﻮﻡ ﺭﺍﻳﻮﻧﯩﻨﯩﯔ ﻳﯘﻗﯩﺮﻯ ﺩﻩﺭﯨﺠﯩﻠﯩﻚ ﺑﯩﺮ ﺋﻪﻣﻪﻟﺪﺍﺭﯨﻨﯩﯔ ﺩﯛﺷﻪﻧﺒﻪ ﻛﯜﻧﻰ ﺋﺎﺷﻜﺎﺭﯨﻠﯩﺸﯩﭽﻪ، ﺗﯩﺒﻪﺕ ﺭﻭﻫﺎﻧﻰ ﺩﺍﻫﯩﺴﻰ ﺩﺍﻻﻱ ﻻﻣﺎ ﯞﻩﻛﯩﻠﻠﯩﺮﻯ ﺑﯩﻠﻪﻥ ﺧﯩﺘﺎﻱ ﻫﯚﻛﯜﻣﯩﺘﻰ ﺋﺎﺭﯨﺴﯩﺪﺍ ﺑﯘ ﻳﯩﻞ 2 - ﺋﺎﻳﺪﺍ ﺋﯚﺗﻜﯜﺯﯛﻟﮕﻪﻥ 5 - ﻗﯧﺘﯩﻤﻠﯩﻖ ﺧﯩﺘﺎﻱ - ﺗﯩﺒﻪﺕ ﺳﯚﻫﺒﯩﺘﯩﺪﻩ ﺋﯩﻠﮕﯩﺮﯨﻠﻪﺵ ﺑﻮﻟﻤﯩﻐﺎﻥ.

ﺧﯩﺘﺎﻱ ﻫﯚﻛﯜﻣﯩﺘﻰ ﺋﺎﺩﻩﺗﺘﻪ ﺩﺍﻻﻱ ﻻﻣﺎ ﺑﯩﻠﻪﻥ ﺋﯧﻠﯩﭗ ﺑﺎﺭﻏﺎﻥ ﺳﯚﻫﺒﯩﺘﻰ ﻫﻪﻗﻘﯩﺪﻩ ﺗﻮﺧﺘﯩﻠﯩﺸﻨﻰ ﺧﺎﻟﯩﻤﯩﺴﯩﻤﯘ، ﺋﻪﻣﻤﺎ ﺑﯘ ﻗﯧﺘﯩﻢ ﺗﯩﺒﻪﺕ ﺋﺎﭘﺘﻮﻧﻮﻡ ﺭﺍﻳﻮﻧﯩﻨﯩﯔ ﺭﻩﺋﯩﺴﻰ ﺷﻴﺎﯕﺒﺎ ﭘﯩﯖﺴﯘ ، ﺩﺍﻻﻱ ﻻﻣﺎ ﺑﯩﻠﻪﻥ ﺑﻮﻟﯩﺪﯨﻐﺎﻥ ﺳﯚﻫﺒﻪﺕ ﺋﯩﺸﯩﻜﯩﻨﯩﯔ ﺗﯧﺨﯩﻤﯘ ﻛﯚﭖ ﻣﯘﺯﺍﻛﯩﺮﯨﻠﻪﺭﮔﻪ ﺋﻮﭼﯘﻕ ﺋﯩﻜﻪﻧﻠﯩﻜﯩﻨﻰ ﺑﯩﻠﺪﯛﺭﺩﻯ.

ﺭﻭﻳﺘﯧﺮﺱ ﺋﺎﺧﺒﺎﺭﺍﺕ ﺋﺎﮔﯧﻨﺘﻠﯩﻘﯩﻨﯩﯔ ﺧﻪﯞﻩﺭﻗﯩﻠﯩﺸﯩﭽﻪ، ﺷﻴﺎﯕﺒﺎ ﭘﯩﯖﺴﯘ ﺩﺍﻻﻱ ﻻﻣﺎ ﯞﻩﻛﯩﻠﻠﯩﺮﻯ ﺑﯩﻠﻪﻥ ﺑﻮﻟﻐﺎﻥ ﺳﯚﻫﺒﻪﺗﻨﻰ ﺭﻩﺳﻤﯩﻲ ﻣﯘﺯﺍﻛﯩﺮﻩ ﺩﻩﭖ ﺋﺎﺗﺎﺷﻘﺎ ﺑﻮﻟﻤﺎﻳﺪﯨﻐﺎﻧﻠﯩﻘﯩﻨﻰ ﺗﻪﻛﯩﺘﻠﯩﮕﻪﻥ. ﺋﯘ، " ﺑﯩﺰ ﺑﯘ ﺳﯚﻫﺒﻪﺗﻨﻰ ﺑﯩﺮ ﻣﯘﺯﺍﻛﯩﺮﻩ، ﺩﻩﭖ ﻗﺎﺭﯨﻤﺎﻳﻤﯩﺰ. ﺑﯘ ﺑﯩﺮ ﺳﯚﻫﺒﻪﺕ ﻳﺎﻛﻰ ﺑﯩﺮ ﺋﯘﭼﺮﯨﺸﯩﺶ، ﺑﯩﺮﺍﻕ ﺋﺎﻻﻗﻪ ﻗﺎﻧﯩﻠﻰ ﺩﺍﺋﯩﻢ ﺋﻮﭼﯘﻕ " ﺩﻩﻳﺪﯗ. ﺷﻴﺎﯕﺒﺎ ﭘﯩﯖﺴﯘ ﺑﯘ ﺳﯚﺯﻟﻪﺭﻧﻰ ﺑﯧﻴﺠﯩﯖﺪﺍ ﺧﯩﺘﺎﻱ ﺧﻪﻟﻖ ﻗﯘﺭﯗﻟﺘﯩﻴﯩﻨﯩﯔ ﻣﻪﻣﻠﯩﻜﻪﺗﻠﯩﻚ ﻳﯩﻐﯩﻨﯩﻐﺎ ﻗﺎﺗﻨﯩﺸﯩﺶ ﺟﻪﺭﻳﺎﻧﯩﺪﺍ ﻣﯘﺧﺒﯩﺮﻻﺭﻏﺎ ﺗﻪﻛﯩﺘﻠﯩﺪﻯ.

ﺩﺍﻻﻱ ﻻﻣﺎﻧﯩﯔ ﯞﻩﻛﯩﻠﻠﯩﺮﻯ ﺑﻮﻟﺴﺎ ، ﺋﯩﻜﻜﻰ ﺗﻪﺭﻩﭘﻨﯩﯔ ﺋﺎﻟﯩﻲ ﺋﺎﭘﺘﻮﻧﻮﻣﯩﻴﻪ ﻣﻪﺳﯩﻠﯩﺴﯩﺪﯨﻜﻰ ﺋﺎﺳﺎﺳﯩﻲ ﻗﺎﺭﯨﺸﯩﺪﺍ ﺯﻭﺭ ﭘﻪﺭﻗﻠﻪﺭ ﺑﺎﺭﻟﯩﻘﯩﻨﻰ ﺑﯩﻠﺪﯛﺭﻣﻪﻛﺘﻪ. ﺗﯩﺒﻪﺕ ﺳﯚﻫﺒﻪﺕ ﺋﯚﻣﯩﻜﯩﻨﯩﯔ ﺑﺎﺷﻠﯩﻘﻰ ﻟﻮﺩﻯ ﮔﻴﺎﺭﻯ، ﺳﯚﻫﺒﻪﺗﺘﯩﻦ ﻛﯧﻴﯩﻦ ﺋﯧﻼﻥ ﻗﯩﻠﻐﺎﻥ ﺑﺎﻳﺎﻧﺎﺗﯩﺪﺍ " ﺑﯘ ﻳﻪﺭﺩﻩ ﺳﯚﻫﺒﻪﺗﻨﻰ ﻗﺎﻧﺪﺍﻕ ﺗﻪﺭﯨﭙﻠﻪﺵ ﻣﻪﺳﯩﻠﯩﺴﯩﺪﯨﻤﯘ ﺗﯜﭘﻜﻰ ﭘﻪﺭﻗﻠﻪﺭ ﻣﻪﯞﺟﯘﺕ " ﺩﻩﻳﺪﯗ.

ﺩﺍﻻﻱ ﻻﻣﺎ ﺗﯩﺒﻪﺗﻨﯩﯔ ﻣﯘﺳﺘﻪﻗﯩﻠﻠﯩﻘﯩﻨﻰ ﺋﻪﻣﻪﺱ، ﺋﺎﻟﯩﻲ ﺋﺎﭘﺘﻮﻧﻮﻣﯩﻴﻪ ﺗﻪﻟﻪﭖ ﻗﯩﻠﯩﺪﯨﻐﺎﻧﻠﯩﻘﯩﻨﻰ ﺋﻪﺳﻜﻪﺭﺗﻤﻪﻛﺘﻪ. ﺋﻪﻣﻤﺎ ﺷﻴﺎﯕﺒﻮ ﭘﯩﯖﺴﯘ، ﺩﺍﻻﻱ ﻻﻣﺎﻧﯩﯔ ﺑﯘ ﻣﻪﺳﯩﻠﯩﺪﻩ ﺳﻪﻣﯩﻤﯩﻴﯩﺘﯩﻨﻰ ﻛﯚﺭﺳﯩﺘﯩﺸﻜﻪ ﺗﻮﻏﺮﺍ ﻛﯧﻠﯩﺪﯨﻐﺎﻧﻠﯩﻘﯩﻨﻰ ﺗﻪﻛﯩﺘﻠﯩﮕﻪﻥ. ﺋﯘ، " ﻣﯘﺳﺘﻪﻗﯩﻠﻠﯩﻘﺘﯩﻦ ﯞﺍﺯ ﻛﯧﭽﯩﺶ ﺑﯩﺮ ﺋﯩﺴﺘﺮﺍﺗﯧﮕﯩﻴﻪ ﻳﺎﻛﻰ ﺳﺎﺧﺘﯩﭙﻪﺯﻟﯩﻚ ﺑﻮﻟﺴﺎ، ﺋﯘ ﭼﺎﻏﺪﺍ ﺑﯘ ﺩﺍﯞﺍﻣﻼﺷﻤﺎﻳﺪﯗ " ﺩﻩﭖ ﻛﯚﺭﺳﻪﺗﺘﻰ. ﺷﻴﺎﯕﺒﺎ ﭘﯩﯖﺴﯘ، "ﻛﻪﻟﮕﯜﺳﯩﺪﻩ ﺗﯧﺨﯩﻤﯘ ﺋﯩﻠﮕﯩﺮﯨﻠﯩﮕﻪﻥ ﻫﺎﻟﺪﺍ ﻣﯘﺯﺍﻛﯩﺮﯨﻠﻪﺭ ﺋﯧﻠﯩﭗ ﺑﺎﺭﯨﻤﯩﺰ. ﺑﯩﺮﺍﻕ ﺑﯩﺰ ﺳﯚﻫﺒﻪﺗﻨﯩﯔ ﺑﯘ ﺑﺎﺳﻘﯘﭼﻰ ﺋﻪﻣﻪﻟﯩﻲ ﻣﻪﺳﯩﻠﯩﻠﻪﺭﻧﻰ ﻣﯘﺯﺍﻛﯩﺮﻩ ﻗﯩﻠﯩﺶ ﺩﻩﺭﯨﺠﯩﺴﯩﮕﻪ ﻳﻪﺗﻤﯩﺪﻯ، ﺩﻩﭖ ﻗﺎﺭﺍﻳﻤﯩﺰ " ﺩﻩﻳﺪﯗ. (ﺋﻪﺭﻛﯩﻦ)