ﺧﯩﺘﺎﻱ ﺋﯩﻜﻜﯩﻨﭽﻰ ﭼﻮﯓ ﻧﯧﻔﯩﺖ، ﺗﻪﺑﯩﺌﯩﻲ ﮔﺎﺯ ﺗﯘﺭﯗﺑﯩﺴﻰ ﻗﯘﺭﯗﺷﻘﺎ 13 ﻣﯩﻠﻴﺎﺭﺩ 600 ﻣﯩﻠﻴﻮﻥ ﺩﻭﻟﻼﺭ ﻣﻪﺑﻠﻪﻍ ﺳﺎﻟﺪﻯ

ﺑﯩﺮﻟﻪﺷﻤﻪ ﺋﺎﮔﯧﻨﺘﻠﯩﻘﯩﻨﯩﯔ ﭘﻪﻳﺸﻪﻧﺒﻪ ﺧﻮﯕﻜﻮﯕﺪﯨﻦ ﺗﺎﺭﻗﺎﺗﻘﺎﻥ ﺧﻪﯞﯨﺮﯨﺪﯨﻦ ﻣﻪﻟﯘﻡ ﺑﻮﻟﯘﺷﯩﭽﻪ، ﺧﯩﺘﺎﻳﺪﯨﻜﻰ ﺋﻪﯓ ﭼﻮﯓ ﻧﯧﻔﯩﺖ ﻫﻪﻡ ﺗﻪﺑﯩﺌﯩﻲ ﮔﺎﺯ ﮔﯘﺭﯗﻫﻰ ﺑﻮﻟﻐﺎﻥ ﺧﯩﺘﺎﻱ ﻧﯧﻔﯩﺖ، ﺗﻪﺑﯩﺌﯩﻲ ﮔﺎﺯ ﻫﻪﺳﺴﯩﺪﺍﺭﻟﯩﻖ ﭼﻪﻛﻠﯩﻚ ﺷﯩﺮﻛﯩﺘﻰ ﻏﻪﺭﺑﯩﻲ ﺷﯩﻤﺎﻟﺪﺍ ﻳﻪﻧﻪ ﺋﯩﻜﻜﯩﻨﭽﻰ ﭼﻮﯓ ﻧﯧﻔﯩﺖ ﮔﺎﺯ ﺗﯘﺭﯗﺑﺎ ﻗﯘﺭﯗﻟﯘﺷﻰ ﻳﺎﺳﺎﺵ ﺋﯜﭼﯜﻥ 102 ﻣﯩﻠﻴﺎﺭﺩ ﻳﯜﻩﻥ ﻳﻪﻧﻰ 13 ﻣﯩﻠﻴﺎﺭﺩ 600 ﻣﯩﻠﻴﻮﻥ ﺩﻭﻟﻼﺭ ﻣﻪﺑﻠﻪﻍ ﺳﺎﻟﻐﺎﻥ.

ﺧﯩﺘﺎﻱ ﻧﯧﻔﯩﺖ، ﺗﻪﺑﯩﺌﯩﻲ ﮔﺎﺯ ﻫﻪﺳﺴﯩﺪﺍﺭﻟﯩﻖ ﭼﻪﻛﻠﯩﻚ ﺷﯩﺮﻛﯩﺘﻰ ﺑﯘ ﻣﻪﺑﻠﻪﻍ ﺋﺎﺭﻗﯩﻠﯩﻖ ﻗﯘﺭﻣﺎﻗﭽﻰ ﺑﻮﻟﻐﺎﻥ 8 ﻣﯩﯔ ﻛﯩﻠﻮﻣﯧﺘﯩﺮﻟﯩﻖ ﻧﯧﻔﯩﺖ، ﺗﻪﺑﯩﺌﯩﻲ ﮔﺎﺯ ﻳﯚﺗﻜﻪﺵ ﺗﯘﺭﯗﺑﯩﺴﻰ ﻗﯘﺭﯗﻟﯘﺷﯩﻨﻰ ﻛﯧﻠﻪﺭ ﻳﯩﻞ ﺑﯧﺸﯩﺪﺍ ﺑﺎﺷﻼﭖ -2010 ﻳﯩﻠﻰ ﺗﺎﻣﺎﻣﻼﺷﻨﻰ ﭘﯩﻼﻧﻠﯩﻐﺎﻥ ﺑﻮﻟﯘﭖ، ﻧﯚﯞﻩﺗﺘﻪ ﻫﯚﻛﯜﻣﻪﺕ ﺗﻪﺭﻩﭘﻨﯩﯔ ﻣﯘﻧﺎﺳﯩﯟﻩﺗﻠﯩﻚ ﺗﻪﺳﺘﯩﻘﻠﯩﺮﻯ ﺑﯘ ﻳﯩﻞ ﺋﺎﺧﯩﺮﻯ ﭘﯜﺗﯜﺵ ﺋﺎﻟﺪﯨﺪﺍ ﺋﯩﻜﻪﻥ.

ﺋﺎﯞﻏﯘﺳﺘﻨﯩﯔ ﺋﺎﺧﯩﺮﻯ ﻣﻪﺯﻛﯘﺭ ﻧﯧﻔﯩﺖ، ﺗﻪﺑﯩﺌﯩﻲ ﮔﺎﺯ ﻫﻪﺳﺴﯩﺪﺍﺭﻟﯩﻖ ﭼﻪﻛﻠﯩﻚ ﺷﯩﺮﻛﯩﺘﯩﻨﯩﯔ ﺑﺎﺷﻠﯩﻘﻰ ﺟﻴﺎﯓ ﺟﯩﯧﻤﯩﻨﻨﯩﯔ ﺑﯩﺮﻟﻪﺷﻤﻪ ﺋﺎﮔﯧﻨﺘﻠﯩﻘﻰ ﻣﯘﺧﺒﯩﺮﯨﻐﺎ ﺋﺎﺷﻜﺎﺭﯨﻠﯩﺸﯩﭽﻪ، ﻣﻪﺯﻛﯘﺭ ﻧﯧﻔﯩﺖ ﮔﺎﺯ ﺗﯘﺭﯗﺑﺎ ﻗﯘﺭﯗﻟﯘﺷﻰ ﺋﯩﻠﮕﯩﺮﻯ ﺋﯘﻳﻐﯘﺭ ﺋﯧﻠﯩﺪﻩ ﻗﯘﺭﯗﻟﻐﺎﻥ " ﻏﻪﺭﺑﻨﯩﯔ ﮔﺎﺯﯨﻨﻰ ﺷﻪﺭﻗﻘﻪ ﻳﯚﺗﻜﻪﺵ ﺗﯘﺭﯗﺑﺎ ﻗﯘﺭﯗﻟﯘﺷﻰ " ﺩﯨﻦ ﻗﺎﻟﺴﺎ ﺋﯩﻜﻜﯩﻨﭽﻰ ﭼﻮﯓ ﮔﺎﺯ ﺗﯘﺭﯗﺑﺎ ﻗﯘﺭﯗﻟﯘﺷﻰ ﺑﻮﻟﯘﭖ، ﺋﺎﺳﺎﺳﻠﯩﻘﻰ ﺗﯜﺭﻛﻤﻪﻧﯩﺴﺘﺎﻧﺪﯨﻦ ﺧﯩﺘﺎﻳﻐﺎ ﺗﻪﺑﯩﺌﯩﻲ ﮔﺎﺯ ﻳﯚﺗﻜﻪﺷﻨﻰ ﻣﻪﻗﺴﻪﺕ ﻗﯩﻠﯩﺪﯨﻜﻪﻥ.

ﻣﻪﺯﻛﯘﺭ ﮔﺎﺯ ﺗﯘﺭﯗﺑﯩﺴﻰ ﺗﯜﺭﻛﻤﻪﻧﯩﺴﺘﺎﻧﺪﯨﻦ ﺑﺎﺷﻠﯩﻨﯩﭗ ﺋﯚﺯﺑﯧﻜﯩﺴﺘﺎﻥ، ﻗﺎﺯﺍﻗﯩﺴﺘﺎﻧﻼﺭﻧﻰ ﺑﯧﺴﯩﭗ ﺋﯚﺗﻜﻪﻧﺪﯨﻦ ﻛﯧﻴﯩﻦ ﺋﯜﺭﯛﻣﭽﻰ ﺋﺎﺭﻗﯩﻠﯩﻖ ﻟﻪﻧﺠﯘ، ﺷﯩﺌﻪﻥ،ﺷﺎﯕﺨﻪﻱ ﺋﺎﺧﯩﺮﯨﺪﺍ ﮔﯘﺍﯕﺠﯘﻏﯩﭽﻪ ﻳﯧﺘﯩﭗ ﺑﺎﺭﯨﺪﯨﻜﻪﻥ. ﺋﯘﻳﻐﯘﺭ ﺋﯧﻠﻰ ﻧﯚﯞﻩﺗﺘﻪ ﺧﯩﺘﺎﻳﺪﯨﻜﻰ ﺋﻪﯓ ﭼﻮﯓ ﻧﯧﻔﯩﺖ ﻫﻪﻡ ﺗﻪﺑﯩﺌﯩﻲ ﮔﺎﺯ ﺑﺎﺯﯨﺴﻰ ﺑﻮﻟﯘﭖ ﺧﯩﺘﺎﻱ ﻫﯚﻛﯜﻣﯩﺘﻰ ﺗﯚﺕ ﻣﯩﯔ ﻛﯩﻠﻮﻣﯧﺘﯩﺮﻟﯩﻖ " ﻏﻪﺭﺑﻨﯩﯔ ﮔﺎﺯﯨﻨﻰ ﺷﻪﺭﻗﻘﻪ ﻳﯚﺗﻜﻪﺵ" ﮔﺎﺯ ﺗﯘﺭﯗﺑﯩﺴﻰ ﺋﺎﺭﻗﯩﻠﯩﻖ ﺋﯘﻳﻐﯘﺭ ﺋﯧﻠﯩﻨﯩﯔ ﺗﻪﺑﯩﺌﯩﻲ ﮔﺎﺯﯨﻨﻰ ﺷﺎﯕﺨﻪﻳﮕﻪ ﻳﯩﻠﯩﻐﺎ 33ﻣﯩﻠﻴﺎﺭﺩ ﻛﯘﭖ ﻣﯧﺘﯩﺮﺩﯨﻦ ﺋﺎﻗﻘﯘﺯﻣﺎﻗﺘﺎ.

ﺧﯩﺘﺎﻱ ﻣﯘﺷﯘ ﺳﯜﺭﺋﻪﺗﺘﻪ ﮔﺎﺯ ﻳﯚﺗﻜﻪﺷﻨﻰ ﺩﺍﯞﺍﻡ ﻗﯩﻠﺴﺎ ﺋﯘﻳﻐﯘﺭ ﺋﯧﻠﯩﻨﯩﯔ ﺗﻪﺑﯩﺌﯩﻲ ﮔﺎﺯ ﺯﺍﭘﯩﺴﻰ 20 ﻧﻪﭼﭽﻪ ﻳﯩﻠﻐﺎ ﻗﺎﻟﻤﺎﻱ ﭘﯜﺗﯜﻧﻠﻪﻱ ﺗﯜﮔﻪﻳﺪﯗ.

ﺋﯘﻳﻐﯘﺭ ﺋﯧﻠﯩﺪﯨﻜﻰ ﻳﻪﺭﻟﯩﻚ ﺧﻪﻟﻖ ﻣﻪﺯﻛﯘﺭ ﮔﺎﺯ ﻳﯚﺗﻜﻪﺵ ﭘﯩﻼﻧﯩﺪﯨﻦ ﻫﯧﭽﻘﺎﻧﺪﺍﻕ ﻣﻪﻧﭙﻪﺋﻪﺗﻜﻪ ﺋﯧﺮﯨﺸﻪﻟﻤﯩﮕﻪﻧﺪﯨﻦ ﻧﺎﺭﺍﺯﻯ ﺑﻮﻟﯘﯞﺍﺗﻘﺎﻧﺪﯨﻦ ﺑﺎﺷﻘﺎ، ﻣﻪﺯﻛﯘﺭ ﭘﯩﻼﻥ ﺋﯘﻳﻐﯘﺭ ﺋﯧﻠﯩﻨﯩﯔ ﺋﯧﻜﻮﻟﻮﮔﯩﻴﯩﻠﯩﻚ ﻣﯘﻫﯩﺘﯩﻨﻰ ﺋﯧﻐﯩﺮ ﺑﯘﺯﻏﯘﻧﭽﯩﻠﯩﻘﻘﺎ ﺋﯘﭼﺮﯨﺘﯩﭗ ﻛﻪﻟﮕﻪﻥ. (ﮔﯜﻟﭽﯧﻬﺮﻩ)