ﺧﯩﺘﺎﻱ ﺩﺍﺋﯩﺮﯨﻠﯩﺮﻯ ﻳﯧﻘﯩﻨﺪﺍ ﺋﻮﻟﯩﻤﭙﯩﻚ ﻳﯩﻐﯩﻨﯩﻐﺎ ﻫﯘﺟﯘﻡ ﻗﯩﻠﯩﺶ ﭘﯩﻼﻧﻰ ﻗﯘﺭﻏﺎﻥ " ﺗﯧﺮﺭﻭﺭﭼﻰ ﮔﯘﺭﯗﻫﻼﺭﻧﻰ ﺗﺎﺭ ‏ - ﻣﺎﺭ ﻗﯩﻠﻐﺎﻧﻠﯩﻘﻰ، ﻳﯧﻘﯩﻨﻘﻰ 6 ﺋﺎﻱ ﺋﯩﭽﯩﺪﻩ 82 ﻧﻪﭘﻪﺭ ﺗﯧﺮﺭﻭﺭﭼﻰ ﮔﯘﻣﺎﻧﺪﺍﺭﻧﻰ ﻗﻮﻟﻐﺎ ﺋﺎﻟﻐﺎﻧﻠﯩﻘﯩﻨﻰ ﺑﯩﻠﺪﯛﺭﮔﻪﻥ ﺋﯩﺪﻯ. ﻛﯜﺭﻩﺵ ﻣﻪﻗﺴﯘﺩ ﻳﯘﻗﯩﺮﯨﻘﻰ ﺳﯚﺯﻟﻪﺭﻧﻰ ﺑﯧﻴﺠﯩﯔ ﺋﻮﻟﯩﻤﭙﯩﻚ ﺗﻪﺷﻜﯩﻠﻰ ﻛﻮﻣﯩﺘﯧﺘﻰ ﺗﻪﺭﯨﭙﯩﺪﯨﻦ ﺋﻮﺭﯗﻧﻼﺷﺘﯘﺭﯗﻟﻐﺎﻥ ﺋﺎﺧﺒﺎﺭﺍﺕ ﻳﯩﻐﯩﻨﯩﺪﺍ ﺗﻪﻛﯩﺘﻠﯩﮕﻪﻥ ﺑﻮﻟﯘﭖ، ﺋﯘ، " ﺑﯘ ﻳﯩﻞ ﻛﯩﺮﮔﻪﻧﺪﯨﻦ ﺑﯧﺮﻯ ﺷﯩﻨﺠﺎﯕﺪﺍ ﺝ ﺥ ﺋﻮﺭﮔﺎﻧﻠﯩﺮﻯ ﺗﯧﺮﺭﻭﺭﻟﯘﻕ ﺳﯜﻳﻘﻪﺳﺘﯩﮕﻪ ﻛﯩﺮﯨﺪﯨﻐﺎﻥ ﯞﻩﻗﻪﻟﻪﺭﺩﯨﻦ ﭘﻪﻗﻪﺗﻼ 3 - 4 ﻧﻰ ﭘﺎﺵ ﻗﯩﻠﺪﻯ"،ﺩﻩﻳﺪﯗ.

ﺋﯘﻳﻐﯘﺭ ﺋﯧﻠﯩﺪﻩ ﺯﻭﺭ ﻛﯚﻟﻪﻣﻠﯩﻚ ﭼﻮﯓ ﯞﻩﻗﻪﻟﻪﺭﻧﯩﯔ ﻳﯜﺯ ﺑﯧﺮﯨﭗ ﺑﺎﻗﻤﯩﻐﺎﻧﻠﯩﻘﯩﻨﻰ ﺗﻪﻛﯩﺘﻠﯩﮕﻪﻥ ﻛﯜﺭﻩﺵ ﻣﻪﻗﺴﯘﺩ،" ﻳﯜﺯ ﺑﻪﺭﮔﻪﻥ ﻛﯩﭽﯩﻚ ﻛﯚﻟﻪﻣﻠﯩﻚ ﺑﯩﺮ ﻗﺎﻧﭽﻪ ﯞﻩﻗﻪﻧﯩﯔ ﺑﯚﺷﯜﻛﯩﺪﻩ ﺋﯘﺟﯘﻗﺘﯘﺭﯗﻟﻐﺎﻧﻠﯩﻘﯩﻨﻰ، ﺋﯩﻠﮕﯩﺮﻯ ﺳﯜﺭﮔﻪﻥ. ﺋﯘ ﻳﻪﻧﻪ " ﺑﯩﺰ ﺑﯘ ﺗﯧﺮﺭﻭﺭﭼﻰ ﮔﯘﺭﯗﻫﻼﺭﻧﯩﯔ ﺩﯛﺷﻤﻪﻥ ﻛﯜﭼﻠﻪﺭ ﺋﯜﻣﯩﺪ ﻗﯩﻠﻐﺎﻧﺪﻩﻙ ﺯﻭﺭ ﻛﯚﻟﻪﻣﻠﯩﻚ ﺑﯘﺯﻏﯘﻧﭽﯩﻠﯩﻖ ﻫﻪﺭﯨﻜﻪﺗﻠﯩﺮﯨﻨﻰ ﺋﯧﻠﯩﭗ ﺑﯧﺮﯨﺶ ﺋﯩﻘﺘﯩﺪﺍﺭﯨﻐﺎ ﺋﯩﮕﻪ ﺋﻪﻣﻪﺳﻠﯩﻜﯩﻨﻰ ﻛﯚﺭﯛﯞﺍﺗﯩﻤﯩﺰ " ﺩﻩﻳﺪﯗ.

ﺭﻭﻳﺘﯧﺮﺱ ﺋﺎﺧﺒﺎﺭﺍﺕ ﺋﺎﮔﯧﻨﺘﻠﯩﻘﻰ ﺑﯘ ﻫﻪﻗﺘﯩﻜﻰ ﺑﯩﺮ ﺧﻪﯞﯨﺮﯨﺪﻩ ﺧﯩﺘﺎﻱ ﺩﺍﺋﯩﺮﯨﻠﯩﺮﯨﻨﯩﯔ "ﺷﯩﻨﺠﺎﯓ"ﺩﯨﻦ ﻛﯧﻠﯩﺪﯨﻐﺎﻥ ﺗﯧﺮﺭﻭﺭﻟﯘﻕ ﺗﻪﻫﺪﯨﺖ ﻣﻪﺳﯩﻠﯩﺴﯩﺪﻩ ﻗﺎﻻﻳﻤﯩﻘﺎﻥ ﺑﺎﻳﺎﻧﻼﺭﺩﺍ ﺑﻮﻟﯘﯞﺍﺗﻘﺎﻧﻠﯩﻘﯩﻨﻰ ﺑﯩﻠﺪﯛﺭﺩﻯ. ﺗﯜﺭﻛﯩﺴﺘﺎﻥ ﺋﯩﺴﻼﻡ ﭘﺎﺭﺗﯩﻴﯩﺴﻰ، ﺩﻩﭖ ﺋﺎﺗﯩﻠﯩﺪﯨﻐﺎﻥ ﺑﯩﺮ ﺗﻪﺷﻜﯩﻼﺕ ﻳﯧﻘﯩﻨﺪﺍ ﺷﺎﯕﺨﻪﻱ، ﮔﯘﻳﺠﯘ، ﻛﯜﻧﻤﯩﯖﻼﺭﺩﺍ ﻳﯜﺯ ﺑﻪﺭﮔﻪﻥ ﭘﺎﺭﺗﻼﺵ ﯞﻩﻗﻪﻟﯩﺮﯨﮕﻪ ﺟﺎﯞﺍﺑﻜﺎﺭ ﺑﻮﻟﯩﺪﯨﻐﺎﻧﻠﯩﻘﯩﻨﻰ ﺋﯩﻠﮕﯩﺮﻯ ﺳﯜﺭﮔﻪﻥ، ﻟﯧﻜﯩﻦ ﺧﯩﺘﺎﻱ ﭘﺎﺭﺗﻼﺵ ﯞﻩﻗﻪﻟﯩﺮﯨﻨﯩﯔ ﺗﯧﺮﺭﻭﺭﻟﯘﻕ ﻫﯘﺟﯘﻡ ﺋﯩﻜﻪﻧﻠﯩﻜﯩﻨﻰ ﺭﻩﺕ ﻗﯩﻠﻐﺎﻥ ﺋﯩﺪﻯ.

ﻛﯜﺭﻩﺵ ﻣﻪﻗﺴﯘﺩ ﺑﯧﻴﺠﯩﯖﺪﺍ ﻣﯘﺧﺒﯩﺮﻻﺭﻧﻰ ﻛﯜﺗﯜﯞﺍﻟﻐﺎﻥ ﺷﯘ ﻛﯜﻧﻰ، ﺧﯩﺘﺎﻳﻨﯩﯔ ﺋﻮﻟﯩﻤﭙﯩﻚ ﺑﯩﺨﻪﺗﻪﺭﻟﯩﻜﯩﻨﻰ ﻗﻮﻏﺪﺍﺷﻘﺎ ﻣﻪﺳﺌﯘﻝ ﺋﻪﻣﻪﻟﺪﺍﺭﻯ، ﭘﻮﻟﻜﻮﯞﻧﯩﻚ ﺗﻴﻪﻥ ﻳﯩﺸﻴﺎﯓ، "ﺷﻪﺭﻗﯩﻲ ﺗﯜﺭﻛﯩﺴﺘﺎﻥ ﺗﯧﺮﺭﻭﺭﭼﻰ ﮔﯘﺭﯗﻫﻠﯩﺮﻯ" ﻧﯩﯔ ﺋﻮﻟﯩﻤﭙﯩﻚ ﺑﯩﺨﻪﺗﻪﺭﻟﯩﻜﯩﮕﻪ ﺋﻪﯓ ﭼﻮﯓ ﺗﻪﻫﺪﯨﺖ ﺋﯩﻜﻪﻧﻠﯩﻜﯩﻨﻰ ﺗﻪﻛﯩﺘﻠﯩﮕﻪﻥ.