ﺋﯘﻳﻐﯘﺭ ﺋﯧﻠﯩﺪﻩ ﺋﻪﻳﺪﯨﺰ ﺑﯩﻤﺎﺭﻟﯩﺮﻯ ﻳﻪﻧﻪ ﻛﯚﭘﻪﻳﺪﻯ

ﺧﯩﺘﺎﻱ ﺧﻪﯞﻩﺭﻟﯩﺮﻯ ﺗﻮﺭ ﺑﯧﺘﯩﻨﯩﯔ ﺋﺎﺷﻜﺎﺭﯨﻠﯩﺸﭽﻪ، ﺋﯜﺭﯛﻣﭽﯩﺪﻩ ﻫﺎﺯﯨﺮ ﻫﯚﻛﯜﻣﻪﺕ ﺗﻪﺭﻩﭖ ﺋﯩﻼﻥ ﻗﯩﻠﻐﺎﻥ ﺋﻪﻳﺪﯨﺰ ﺑﯩﻤﺎﺭﻟﯩﺮﻯ 6936 ﻧﻪﭘﻪﺭ ﺑﻮﻟﯘﭖ ﺋﺎﻟﺪﯨﻨﻘﻰ ﻳﯩﻠﺪﯨﻜﯩﺪﯨﻦ 2051 ﻧﻪﭘﻪﺭ ﻛﯚﭘﻪﻳﮕﻪﻥ. ﺑﯘ ﻛﯜﻧﯩﮕﻪ ﺗﻪﺧﻤﯩﻨﻪﻥ 6 ﺩﯨﻦ ﻛﯚﭘﻪﻳﮕﻪﻧﮕﻪ ﺗﻮﻏﺮﺍ ﻛﯧﻠﯩﺪﯨﻜﻪﻥ.

ﻓﺮﺍﻧﺴﯩﻴﻪ ﺋﺎﮔﯧﻨﺘﻠﯩﻘﯩﻨﯩﯔ ﺑﯩﺮﻟﻪﺷﻜﻪﻥ ﺩﯙﻟﻪﺗﻠﻪﺭ ﺗﻪﺷﻜﯩﻼﺗﯩﺪﯨﻦ ﺑﻪﺭﮔﻪﻥ ﺧﻪﯞﯨﺮﯨﺪﯨﻦ ﻣﻪﻟﯘﻡ ﺑﻮﻟﯘﺷﯩﭽﻪ، 21 ‏- ﻣﺎﺭﺕ ﻛﯜﻧﻰ ﺋﺎﺳﯩﻴﺎﻟﯩﻖ ﻣﯧﺪﯨﺘﺴﯩﻨﺎ ﻣﯘﺗﻪﺧﻪﺳﺴﯩﺴﻠﯩﺮﻯ ﺑﯩﺮﻟﯩﺸﯩﭗ ﺋﺎﺳﯩﻴﺎ ﻗﯩﺘﺌﻪﺳﯩﺪﻩ ﻛﯜﻧﺴﺎﻳﯩﻦ ﺋﯚﺭﻟﻪﯞﺍﺗﻘﺎﻥ ﺋﻪﻳﺪﯨﺰ ﺋﺎﭘﯩﺘﯩﮕﻪ ﺩﯗﻧﻴﺎ ﺟﺎﻣﺎﺋﻪﺗﭽﯩﻠﯩﻜﯩﻨﯩﯔ ﺩﯨﻘﻘﯩﺘﯩﻨﻰ ﻗﻮﺯﻏﺎﺷﻘﺎ ﭼﺎﻗﯩﺮﺩﻯ.

ﻣﻪﻟﯘﻡ ﺑﻮﻟﯘﺷﯩﭽﻪ، ﻫﺎﺯﯨﺮﻏﺎ ﻗﻪﺩﻩﺭ ﺋﺎﺳﯩﻴﺎﺩﺍ ﺑﺎﻳﻘﺎﻟﻐﺎﻥ ﺋﻪﻳﺪﯨﺰ ﺑﯩﻤﺎﺭﻯ 8. 5 ﻣﯩﻠﻴﻮﻥ ﺑﻮﻟﯘﭖ، ﺗﯧﺨﻰ ﺑﺎﻳﻘﺎﻟﻤﯩﻐﺎﻧﻠﯩﺮﯨﻨﯩﯔ ﻗﺎﻧﭽﻪ ﻣﯩﻠﻴﻮﻥ ﺋﯩﻜﻪﻧﻠﯩﻜﻰ ﻧﺎﻣﻪﻟﯘﻡ ﺋﯩﻜﻪﻥ. ﻫﺎﺯﯨﺮ ﺋﺎﺳﯩﻴﺎ ﻗﯩﺘﺌﻪﺳﻰ ﺋﻪﻳﺪﯨﺰ ﻛﯧﺴﯩﻠﯩﻨﯩﯔ ﻳﯘﻗﯘﻣﻠﯩﻨﯩﺸﻰ ﺟﻪﻫﻪﺗﺘﻪ ﺋﺎﻓﺮﯨﻘﯩﺪﯨﻦ ﻗﺎﻟﺴﺎ ﺋﯩﻜﻜﯩﻨﭽﻰ ﺋﻮﺭﯗﻧﺪﺍ ﺗﯘﺭﯨﺪﯨﻜﻪﻥ.

ﺑﯩﺮﻟﻪﺷﻜﻪﻥ ﺩﯙﻟﻪﺗﻠﻪﺭ ﺗﻪﺷﻜﯩﻼﺗﻰ ﺋﻪﻳﺪﯨﺰ ﺑﯚﻟﯜﻣﯩﻨﯩﯔ ﺑﯩﻠﺪﯛﺭﯛﺷﯩﭽﻪ، ﺋﯚﺗﻜﻪﻥ ﻳﯩﻠﻰ ﺋﺎﺳﯩﻴﺎ ﻗﯩﺘﺌﻪﺳﯩﺪﻩ 630 ﻣﯩﯔ ﺋﺎﺩﻩﻡ ﺋﻪﻳﺪﯨﺰ ﯞﯨﺮﯗﺳﻰ ﺑﯩﻠﻪﻥ ﻗﺎﺯﺍ ﻗﯩﻠﻐﺎﻥ.

ﻳﯩﻐﯩﻨﻐﺎ ﻗﺎﺗﻨﺎﺷﻘﺎﻥ ﻣﻮﯕﻐﯘﻟﯩﻴﯩﻨﯩﯔ ﺑﯩﺮﻟﻪﺷﻜﻪﻥ ﺩﯙﻟﻪﺗﻠﻪﺭ ﺗﻪﺷﻜﯩﻼﺗﯩﺪﯨﻜﻰ ﺋﻪﻟﭽﯩﺴﻰ ﺑﺎﺗﺎ ﭼﻮﻳﺴﯘﺭﯨﻦ ﻣﯘﻧﯘﻻﺭﻧﻰ ﺑﯩﻠﺪﯛﺭﺩﻯ: ﺳﺎﻻﻣﻪﺗﻠﯩﻚ ﯞﻩ ﻳﯘﻗﯘﻣﻠﯘﻕ ﻛﯧﺴﻪﻟﻠﻪﺭﺩﯨﻦ ﻗﻮﻏﺪﯨﻨﯩﺶ ﺋﯧﯖﻰ ﺗﻮﯞﻩﻥ ﺑﻮﻟﻐﺎﻥ، ﺯﻩﻫﻪﺭﻟﯩﻚ ﭼﯧﻜﯩﻤﻠﯩﻚ ﭼﻪﻛﻜﯜﭼﯩﻠﻪﺭ، ﭘﺎﻫﯩﺸﻪ ﺋﺎﻳﺎﻟﻼﺭ، ﺋﺎﻗﻘﯘﻥ ﺋﯩﺸﭽﯩﻼﺭ ﯞﻩ ﺑﻪﭼﭽﯩﯟﺍﺯ ﺋﻪﺭﻟﻪﺭﻧﯩﯔ ﺋﻪﻳﺪﯨﺰ ﺑﯩﻠﻪﻥ ﻳﯘﻗﯘﻣﻠﯩﻨﯩﺶ ﺧﻪﺗﯩﺮﻯ ﺋﯩﻨﺘﺎﻳﯩﻦ ﻳﯘﻗﯩﺮﻯ ﺋﯩﻜﻪﻥ.

ﺋﯘﻳﻐﯘﺭ ﻣﯘﺗﻪﺧﻪﺳﺴﯩﺴﻠﻪﺭﻧﯩﯔ ﻗﺎﺭﯨﺸﯩﭽﻪ، ﺋﯘﻳﻐﯘﺭ ﺋﯧﻠﯩﺪﻩ ﻳﯘﻗﯩﺮﯨﻘﻰ ﺋﯩﺠﺘﯩﻤﺎﺋﯩﻲ ﻣﻪﺳﯩﻠﯩﻠﻪﺭﻧﯩﯔ ﻛﯜﻧﺴﺎﻳﯩﻦ ﺋﯚﺭﻟﯩﺸﯩﺪﯨﻦ ﺑﺎﺷﻘﺎ ﻳﻪﻧﻪ، ﺋﻪﻳﺪﯨﺰ ﻫﻪﻗﻘﯩﺪﻩ ﺗﻪﻟﯩﻢ- ﺗﻪﺭﺑﯩﻴﻪ ﯞﻩ ﺗﻪﺷﯟﯨﻘﺎﺕ ﺋﯩﺸﻠﯩﺮﯨﻨﯩﯔ ﻳﺎﺧﺸﻰ ﺑﻮﻟﻤﺎﺳﻠﯩﻘﻰ، ﻫﯚﻛﯜﻣﻪﺕ ﺗﻪﺭﻩﭘﻨﯩﯔ ﻳﯧﻘﯩﻨﺪﯨﻦ ﻛﯚﯕﯜﻝ ﺑﻮﻟﯘﭖ ﻣﻪﺳﯩﻠﯩﻠﻪﺭﻧﻰ ﺗﯜﭘﺘﯩﻦ ﻫﻪﻝ ﻗﯩﻠﻤﺎﺳﻠﯩﻘﯩﻤﯘ ﺋﻪﻳﺪﯨﺰ ﯞﯨﺮﯗﺳﯩﻨﯩﯔ ﻳﺎﻣﺮﺍﭖ ﻛﯧﺘﯩﺸﯩﺪﯨﻜﻰ ﺋﺎﺳﺎﺳﻠﯩﻖ ﺳﻪﯞﻩﺑﻠﻪﺭ ﺑﻮﻟﯘﭖ ﻫﯧﺴﺎﺑﻠﯩﻨﯩﺪﯨﻜﻪﻥ. ﺑﯩﺮﻟﻪﺷﻜﻪﻥ ﺩﯙﻟﻪﺗﻠﻪﺭ ﺗﻪﺷﻜﯩﻼﺗﻰ 2000-ﻳﯩﻠﻰ ﺋﻪﻳﺪﯨﺰ ﺩﯙﻟﻪﺕ ﺑﯩﺨﻪﺗﻪﺭﻟﯩﻜﯩﮕﻪ ﺗﻪﻫﺪﯨﺖ ﺋﯧﻠﯩﭗ ﻛﯩﻠﯩﺪﯗ ﺩﯦﮕﻪﻥ ﺋﺎﺳﺎﺳﺘﺎ ﺑﯩﺮ ﻗﺎﺭﺍﺭ ﻣﺎﻗﯘﻟﻠﯩﻐﺎﻥ ﺋﯩﺪﻯ. ﺋﯚﺗﻜﻪﻥ ﻳﯩﻠﻰ ﺋﯩﻴﯘﻧﺪﺍ، ﺑﯩﺮﻟﻪﺷﻜﻪﻥ ﺩﯙﻟﻪﺗﻠﻪﺭ ﺗﻪﺷﻜﯩﻼﺗﻰ ﺋﻮﻣﯘﻣﯩﻲ ﺋﯩﺸﻼﺭ ﻣﻪﺟﻠﯩﺴﻰ ﺋﻪﻳﺪﯨﺰﺩﯨﻦ ﻳﯘﻗﯘﻣﻠﯩﻨﯩﺶ ﺋﻪﻫﯟﺍﻟﯩﻨﻰ "ﺩﯗﻧﻴﺎﯞﻯ ﺩﯨﻘﻘﻪﺕ-ﺋﯩﺘﯩﺒﺎﺭ" ﺗﻪﻟﻪﭖ ﻗﯩﻠﯩﺪﯨﻐﺎﻥ "ﺩﯗﻧﻴﺎﯞﻯ ﺟﯩﺪﺩﯨﻲ ﺋﻪﻫﯟﺍﻝ" ﺩﻩﭖ ﺋﯩﻼﻥ ﻗﯩﻠﻐﺎﻥ ﺋﯩﺪﻯ. (ﺟﯜﻣﻪ)