ﺧﯩﺘﺎﻱ ﻫﯚﻛﯜﻣﯩﺘﻰ ﺋﯘﻳﻐﯘﺭ ﺋﯧﻠﯩﺪﻩ ﺋﺎﻟﺘﯘﻥ ﻗﯧﺰﯨﺶ ﻳﯩﻠﻠﯩﻖ ﻣﯩﻘﺪﺍﺭﯨﻨﻰ ﻳﻪﺗﺘﻪ ﺗﻮﻧﻨﯩﻠﯩﻖ ﺋﯚﺗﻜﻪﻟﺪﯨﻦ ﺋﺎﺷﯘﺭﻏﺎﻥ

ﺋﯘﻳﻐﯘﺭ ﺋﯧﻠﻰ ﻳﻪﺭﻟﯩﻚ ﺧﻪﯞﻩﺭ ﺗﻮﺭﻟﯩﺮﯨﺪﯨﻦ ﺋﺎﺷﻜﺎﺭﯨﻠﯩﻨﯩﺸﯩﭽﻪ، ﺋﯘﻳﻐﯘﺭ ﺋﺎﭘﺘﻮﻧﻮﻡ ﺭﺍﻳﻮﻧﻠﯘﻕ ﺋﺎﻟﺘﯘﻥ ﺑﺎﺷﻘﯘﺭﯗﺵ ﺋﯩﺪﺍﺭﯨﺴﻰ ﻳﯧﻘﯩﻨﺪﺍ، ﺋﯘﻳﻐﯘﺭ ﺋﯧﻠﯩﺪﻩ ﻳﯩﻠﻠﯩﻖ ﺋﺎﻟﺘﯘﻥ ﻗﯧﺰﯨﺶ ﻣﯩﻘﺪﺍﺭﯨﻨﯩﯔ ﺑﯘ ﻳﯩﻞ ﻳﻪﺗﺘﻪ ﺗﻮﻧﻨﺎ ﺑﯩﺮ ﻣﯩﯔ ﻛﯩﻠﻮﮔﺮﺍﻣﻐﺎ ﻳﯧﺘﯩﺪﯨﻐﺎﻧﻠﯩﻘﯩﻨﻰ ﺟﺎﻛﺎﺭﻟﯩﻐﺎﻥ.

ﺧﻪﯞﻩﺭﻟﻪﺭﮔﻪ ﻗﺎﺭﯨﻐﺎﻧﺪﺍ، ﺑﯘ ﻳﯩﻞ 1 - ﺋﺎﻳﺪﯨﻦ 11 - ﺋﺎﻳﻐﯩﭽﻪ ﺋﯘﻳﻐﯘﺭ ﺋﯧﻠﻰ ﺋﺎﻟﺘﯘﻥ ﻛﺎﻧﻠﯩﺮﯨﺪﯨﻦ ﻗﯧﺰﯨﻠﻐﺎﻥ ﺋﺎﻟﺘﯘﻥ 1999- ﻳﯩﻠﯩﺪﯨﻦ ﺑﯘﻳﺎﻧﻘﻰ ﺋﻪﯓ ﻳﯘﻗﯩﺮﻯ ﺳﯜﭘﻪﺗﻨﻰ ﻛﯚﺭﺳﻪﺗﻜﻪﻥ.

ﻧﯚﯞﻩﺗﺘﻪ ﺋﯘﻳﻐﯘﺭ ﺋﯧﻠﻰ ﺧﯩﺘﺎﻳﺪﯨﻜﻰ ﺋﻪﯓ ﺋﺎﺳﺎﺳﻠﯩﻖ ﻣﻪﺩﻩﻥ ﺑﺎﻳﻠﯩﻘﻠﯩﺮﻯ ﺑﺎﺯﯨﺴﻰ ﺑﻮﻟﯘﭖ ﺋﺎﻟﺘﯘﻥ ﺑﯘﻧﯩﯔ ﺋﯩﭽﯩﺪﯨﻜﻰ ﺋﻪﯓ ﺋﺎﺳﺎﺳﻠﯩﻖ ﻳﯘﻗﯩﺮﻯ ﻗﯩﻤﻤﻪﺗﻠﯩﻚ ﻣﯧﺘﺎﻟﻨﯩﯔ ﺑﯩﺮﻯ ﻫﯧﺴﺎﺑﻠﯩﻨﯩﺪﯗ، ﺋﯘﻳﻐﯘﺭ ﺋﯧﻠﯩﻨﯩﯔ ﺋﯩﻜﻜﻰ ﻳﯜﺯﺩﻩﻙ ﺋﻮﺭﻧﯩﺪﺍ ﺋﺎﻟﺘﯘﻥ ﻛﺎﻧﻠﯩﺮﻯ ﺑﻮﻟﯘﭖ،ﺋﺎﻟﺘﯘﻥ ﺯﺍﭘﯩﺴﻰ ﺋﺎﺳﺎﺳﻠﯩﻖ ﺋﺎﻟﺘﺎﻱ ﺗﯧﻐﻰ، ﻏﻪﺭﺑﯩﻲ ﺷﯩﻤﺎﻝ ﺟﯘﯕﻐﺎﺭ ﺋﻮﻳﻤﺎﻧﻠﯩﻘﻰ، ﺗﻪﯕﺮﯨﺘﯧﻐﻰ، ﻛﻮﺋﯩﻨﻠﯘﻥ ﺗﺎﻏﻠﯩﺮﻯ ﻗﺎﺗﺎﺭﻟﯩﻖ ﻛﻪﯓ ﺩﺍﺋﯩﺮﯨﻠﻪﺭﮔﻪ ﺟﺎﻳﻼﺷﻘﺎﻥ.

ﺧﯩﺘﺎﻱ ﺩﺍﺋﯩﺮﯨﻠﯩﺮﻯ ﺋﯘﻳﻐﯘﺭ ﺋﯧﻠﯩﺪﻩ ﺋﺎﻟﺘﺎﻱ، ﭼﯚﭼﻪﻙ، ﺋﯩﻠﻰ، ﻗﯘﻣﯘﻝ ﯞﻩ ﺗﯘﺭﭘﺎﻥ ﻫﻪﻡ ﺳﺎﻧﺠﻰ ﻗﺎﺗﺎﺭﻟﯩﻖ ﺋﺎﻟﺘﻪ ﻧﯘﻗﺘﯩﻠﯩﻖ ﺋﺎﻟﺘﯘﻥ ﺭﺍﻳﻮﻧﯩﺪﺍ ﻣﯘﻗﯩﻢ ﺋﺎﻟﺘﯘﻥ ﻗﺎﺯﻣﺎﻗﺘﺎ. ﻫﺎﺯﯨﺮ ﺑﯘ ﺟﺎﻳﻼﺭﺩﺍ ﺋﺎﻟﺘﯘﻥ ﺗﺎﯞﻻﺷﻨﻰ ﻛﻪﺳﭗ ﻗﯩﻠﻐﺎﻥ ﻛﺎﻥ ﻛﺎﺭﺧﺎﻧﯩﻼﺭ 52 ﮔﻪ ﻳﻪﺗﻜﻪﻥ.

ﺧﯩﺘﺎﻱ ﺩﺍﺋﯩﺮﯨﻠﯩﺮﯨﻨﯩﯔ ﺑﯩﻠﺪﯛﺭﯛﺷﯩﭽﻪ، ﺋﯘﻳﻐﯘﺭ ﺋﯧﻠﯩﺪﻩ ﻳﻪﻧﻪ ﻳﯧﯖﯩﺪﯨﻦ ﺋﺎﻟﺘﯘﻥ ﺯﺍﭘﯩﺴﻰ ﺑﺎﻳﻘﯩﻠﯩﯟﺍﺗﻘﺎﻥ ﺑﻮﻟﯘﭖ، ﺋﺎﻟﺘﯘﻥ ﺑﺎﻳﻠﯩﻘﯩﻨﻰ ﺋﯧﭽﯩﺸﻨﻰ ﺋﯚﺯﻟﯜﻛﺴﯩﺰ ﻛﯜﭼﻪﻳﺘﯩﺪﯨﻜﻪﻥ. ﺷﯘﻧﺪﺍﻗﻼ ﺑﯘ ﻳﯩﻞ ﻳﯩﻠﻠﯩﻖ ﺋﺎﻟﺘﯘﻥ ﻗﯧﺰﯨﺶ ﻣﯩﻘﺪﺍﺭﻯ ﻳﻪﺗﺘﻪ ﺗﻮﻧﻨﯩﻠﯩﻖ ﺋﯚﺗﻜﻪﻟﺪﯨﻦ ﺋﯚﺗﻜﻪﻥ ﺑﻮﻟﺴﺎ ﻛﯧﻠﻪﺭ ﻳﯩﻠﻰ ﺋﯘﻧﯩﯖﺪﯨﻨﻤﯘ ﺋﺎﺷﯘﺭﯗﺷﻨﻰ ﭘﯩﻼﻧﻠﯩﻤﺎﻗﺘﺎ ﺋﯩﻜﻪﻥ. ﻧﯚﯞﻩﺗﺘﻪ ﺋﯘﻳﻐﯘﺭ ﺋﯧﻠﯩﺪﻩ ﺷﻪﺧﺴﯩﻠﻪﺭ ﻳﻪﻧﻰ ﻣﻪﺑﻠﻪﻍ ﺳﺎﻟﻐﯘﭼﻰ ﺧﯩﺘﺎﻳﻼﺭ ﺗﻪﺭﯨﭙﯩﺪﯨﻦ ﺋﯧﭽﯩﻠﯩﯟﺍﺗﻘﺎﻥ ﺋﺎﻟﺘﯘﻥ ﻛﺎﻧﻠﯩﺮﯨﻨﯩﯔ ﺳﺎﻧﯩﻤﯘ ﺑﺎﺭﻏﺎﻧﭽﻪ ﻛﯚﭘﯩﻴﯩﯟﺍﺗﻘﺎﻥ ﺑﻮﻟﯘﭖ، ﺧﯩﺘﺎﻱ ﻫﯚﻛﯜﻣﯩﺘﻰ ﺑﯘ ﺧﯩﻞ ﺷﻪﺧﺴﻰ ﻛﺎﺭﺧﺎﻧﯩﻼﺭﻧﻰ ﺋﯘﻳﻐﯘﺭ ﺋﯧﻠﻰ ﺑﺎﻳﻠﯩﻘﻠﯩﺮﯨﻨﻰ ﻛﯚﭘﻠﻪﭖ ﺋﯧﭽﯩﺸﻘﺎ ﺭﯨﻐﺒﻪﺗﻠﻪﻧﺪﯛﺭﻣﻪﻛﺘﻪ. (ﮔﯜﻟﭽﯧﻬﺮﻩ)