ﯞﺍﯓ ﻟﯧﭽﯘﻩﻥ "ﺋﺎﻣﯧﺮﯨﻜﺎ ﺑﺎﺷﻠﯩﻖ ﺩﯛﺷﻤﻪﻥ ﻛﯜﭼﻠﻪﺭ ﺋﯘﻳﻐﯘﺭ ﺋﯧﻠﯩﻨﯩﯔ ﻣﯘﻗﯩﻤﻠﯩﻘﯩﻐﺎ ﺗﻪﻫﺪﯨﺖ ﺳﺎﻟﻤﺎﻗﺘﺎ"ﺩﻩﭖ ﻛﯚﺭﺳﻪﺗﺘﻰ

7 - ﺋﺎﯞﻏﯘﺳﺖ ﺋﯘﻳﻐﯘﺭ ﺋﯧﻠﯩﺪﯨﻜﻰ ﺑﺎﺭﻟﯩﻖ ﺧﯩﺘﺎﻱ ﻣﻪﺗﺒﯘﺋﺎﺗﻠﯩﺮﻯ ﺑﺎﺵ ﺑﯧﺘﯩﮕﻪ "ﺑﯚﻟﮕﯜﻧﭽﯩﻠﯩﻜﻜﻪ ﻗﺎﺭﺷﻰ ﻛﯜﺭﻩﺷﻨﻰ ﭼﻮﯕﻘﯘﺭ ، ﭘﯘﺧﺘﺎ ﺋﯩﻠﮕﯩﺮﻯ ﺳﯜﺭﯛﭖ ﺷﯩﻨﺠﺎﯕﻨﯩﯔ ﻣﯘﻗﯩﻤﻠﯩﻘﯩﻨﻰ ﺩﺍﯞﺍﻣﻠﯩﻖ ﻗﻮﻏﺪﺍﺵ ﻛﯧﺮﻩﻙ" ﺳﻪﺭﻟﻪﯞﻫﯩﻠﯩﻚ ﺧﻪﯞﻩﺭ ﺑﯧﺴﯩﻠﺪﻯ.

ﺧﻪﯞﻩﺭﺩﯨﻦ ﺋﺎﺷﻜﺎﺭﯨﻠﯩﻨﯩﺸﯩﭽﻪ، 5 - ﻫﻪﻡ 6 - ﺋﺎﯞﻏﯘﺳﺖ ﻛﯜﻧﻠﯩﺮﻯ ﺋﯘﻳﻐﯘﺭ ﺋﯧﻠﯩﺪﻩ ﺋﯩﺪﯦﺌﻮﻟﻮﮔﯩﻴﻪ ﯞﻩ ﺳﯩﻴﺎﺳﯩﻲ ﻗﺎﻧﯘﻥ ﺳﯩﺴﺘﯧﻤﯩﺴﯩﻨﯩﯔ ﻣﯘﻗﯩﻤﻠﯩﻖ ﺧﯩﺰﻣﯩﺘﻰ ﻳﯩﻐﯩﻨﻰ ﺋﯧﭽﯩﻠﻐﺎﻥ ﺑﻮﻟﯘﭖ ، ﻳﯩﻐﯩﻨﺪﺍ ﭘﺎﺭﺗﻜﻮﻡ ﺳﯧﻜﺮﯨﺘﺎﺭﻯ ﯞﺍﯓ ﻟﯧﭽﯘﻩﻥ ﺋﺎﻣﯧﺮﯨﻜﯩﻨﻰ ﺩﯛﺷﻤﻪﻥ ﻛﯜﭺ ﺩﻩﭖ ﺭﻩﺳﻤﯩﻲ ﺗﻪﻛﯩﺘﻠﻪﭖ " ﻏﻪﺭﺑﺘﯩﻜﻰ ﺋﺎﻣﯧﺮﯨﻜﺎ ﺑﺎﺷﻠﯩﻖ ﺩﯛﺷﻤﻪﻥ ﻛﯜﭼﻠﻪﺭﻧﯩﯔ ﺋﯩﻨﺴﺎﻧﯩﻲ ﻫﻮﻗﯘﻕ ، ﻣﯩﻠﻠﻪﺕ، ﺩﯨﻦ ﻗﺎﺗﺎﺭﻟﯩﻖ ﻣﻪﺳﯩﻠﯩﻠﻪﺭﺩﯨﻦ ﭘﺎﻳﺪﯨﻠﯩﻨﯩﭗ ﺋﯘﻳﻐﯘﺭ ﺋﯧﻠﯩﻨﻰ ﭘﺎﺭﭼﯩﻼﺵ، ﻏﻪﺭﺑﻠﻪﺷﺘﯜﺭﯛﺵ ﺳﯜﻳﻘﻪﺳﺘﻰ ﺑﺎﺭ " ﺩﻩﭖ ﻛﯚﺭﺳﻪﺗﻜﻪﻥ .

ﯞﺍﯓ ﻟﯧﭽﯘﻩﻥ ﻳﯩﻐﯩﻨﺪﺍ ﻳﻪﻧﻪ ، ﺧﯩﺘﺎﻱ ﻛﻮﻣﻤﯘﻧﯩﺴﺖ ﭘﺎﺭﺗﯩﻴﯩﺴﻰ 17 - ﻧﯚﯞﻩﺗﻠﯩﻚ ﻗﯘﺭﯗﻟﺘﯩﻴﯩﻨﯩﯔ ﻏﻪﻟﯩﺒﯩﻠﯩﻚ ﺋﯧﭽﯩﻠﯩﺸﻰ ﺋﯜﭼﯜﻥ ، ﺋﯘﻳﻐﯘﺭ ﺋﺎﭘﺘﻮﻧﻮﻡ ﺭﺍﻳﻮﻧﯩﺪﺍ ﺧﯩﺘﺎﻱ ﻣﻪﺭﻛﯩﺰﻯ ﻫﯚﻛﯜﻣﯩﺘﯩﻨﯩﯔ ﺋﯘﻳﻐﯘﺭ ﺋﯧﻠﯩﻨﯩﯔ ﻣﯘﻗﯩﻤﻠﯩﻘﯩﻨﻰ ﻗﻮﻏﺪﺍﺵ ﺗﻮﻏﺮﯨﺴﯩﺪﯨﻜﻰ ﺗﯜﺭﻟﯜﻙ ﭼﻮﯓ ﺗﻪﺩﺑﯩﺮﻯ ﯞﻩ ﺋﺎﭘﺘﻮﻧﻮﻡ ﺭﺍﻳﻮﻧﻠﯘﻕ ﭘﺎﺭﺗﻜﻮﻣﻨﯩﯔ ﺋﻮﺭﯗﻧﻼﺷﺘﯘﺭﯗﺷﻰ ﺑﯩﻠﻪﻥ ﺋﯩﺪﯦﺌﻮﻟﻮﮔﯩﻴﻪ ﯞﻩ ﺳﯩﻴﺎﺳﯩﻲ ﻗﺎﻧﯘﻥ ﺳﯧﺴﺘﯩﻤﯩﺴﯩﻨﯩﯔ ﺑﯚﻟﮕﯜﻧﭽﯩﻠﯩﻜﻜﻪ ﻗﺎﺭﺷﻰ ﺗﯘﺭﯗﺵ ،ﺳﯩﯖﯩﭗ ﻛﯩﺮﯨﺸﻨﯩﯔ ﺋﺎﻟﺪﯨﻨﻰ ﺋﯧﻠﯩﺶ ﺧﯩﺰﻣﯩﺘﯩﺪﻩ ﺑﯩﺮﯨﻨﭽﻰ ﺳﻪﭘﺘﻪ ﺗﯘﺭﯗﭖ ، ﺋﺎﻣﯧﺮﯨﻜﺎ ﻗﺎﺗﺎﺭﻟﯩﻖ ﺩﯛﺷﻤﻪﻥ ﻛﯜﭼﻠﻪﺭﻧﯩﯔ ﻣﯘﻗﯩﻤﻠﯩﻘﻘﺎ ﺳﯧﻠﯩﯟﺍﺗﻘﺎﻥ ﺗﻪﻫﺪﯨﺘﯩﻨﻰ ﺗﻮﻧﯘﭖ ﻳﯧﺘﯩﭗ " ﻗﺎﺗﺘﯩﻖ ﺯﻩﺭﺑﻪ ﺑﯧﺮﯨﺶ، ﻗﺎﺗﺘﯩﻖ ﺑﯧﺴﯩﻢ ﺋﯩﺸﻠﯩﺘﯩﺶ " ﯞﻩﺯﯨﻴﯩﺘﯩﻨﻰ ﺳﺎﻗﻼﭖ ، ﺋﯜﭺ ﺧﯩﻞ ﻛﯜﭼﻠﻪﺭﮔﻪ ﺯﻩﺭﺑﻪ ﺑﯧﺮﯨﺸﻨﻰ ﻳﻪﻧﯩﻤﯘ ﭘﯘﺧﺘﺎ ﻛﯜﭼﻪﻳﺘﯩﭗ ، ﻣﯘﻗﯩﻤﻠﯩﻘﻘﺎ ﻛﺎﭘﺎﻟﻪﺗﻠﯩﻚ ﻗﯩﻠﯩﺶ ﺑﯩﻠﻪﻥ ﺗﻪﯓ ﻳﻪﻧﻪ ﺋﯘﻳﻐﯘﺭ ﺋﺎﭘﺘﻮﻧﻮﻡ ﺭﺍﻳﻮﻧﯩﻨﯩﯔ ﮔﯜﻟﻠﻪﻧﮕﻪﻥ ، ﺑﺎﻱ، ﺋﯩﻨﺎﻕ، ﻳﺎﺧﺸﻰ ﯞﻩﺯﯨﻴﯩﺘﯩﻨﻰ ﺳﯩﺮﺗﻘﺎ ﺗﻪﺷﯟﯨﻖ ﻗﯩﻠﯩﺸﻨﻰ ﻛﯜﭼﻪﻳﺘﯩﺶ ﻛﯧﺮﻩﻙ " ﺩﯦﮕﻪﻥ.

ﺩﯗﻧﻴﺎ ﺋﯘﻳﻐﯘﺭ ﻗﯘﺭﯗﻟﺘﯩﻴﯩﻨﯩﯔ ﺑﺎﻳﺎﻧﺎﺗﭽﯩﺴﻰ ﺩﯨﻠﺸﺎﺕ ﺭﯦﺸﯩﺖ ﺑﯜﮔﯜﻥ ، ﯞﺍﯓ ﻟﯧﭽﯘﻩﻧﻨﯩﯔ ﻳﯘﻗﯘﺭﻗﻰ ﺑﺎﻳﺎﻧﻠﯩﺮﯨﻐﺎ ﻗﺎﺭﺷﻰ ﺑﺎﻳﺎﻧﺎﺕ ﺋﯧﻼﻥ ﻗﯩﻠﯩﭗ ، ﯞﺍﯓ ﻟﯧﭽﯘﻩﻧﻨﯩﯔ ﺑﯘ ﺳﯚﺯﻟﯩﺮﻯ ، ﺧﯩﺘﺎﻳﻨﯩﯔ 2008 ﺋﻮﻟﯩﻤﭙﯩﻚ ﯞﻩ 17 -ﻧﯚﯞﻩﺗﻠﯩﻚ ﭘﺎﺭﺗﯩﻴﻪ ﻗﯘﺭﯗﻟﺘﯧﻴﻰ ﻫﺎﺭﭘﯩﺴﯩﺪﺍ ﺋﯘﻳﻐﯘﺭ ﺋﯧﻠﯩﺪﻩ ﻳﻪﻧﯩﻤﯘ ﻗﺎﺗﺘﯩﻖ ﺳﯩﻴﺎﺳﯩﻲ ﺑﺎﺳﺘﯘﺭﯗﺵ ﻫﻪﺭﯨﻜﻪﺗﻠﯩﺮﯨﻨﻰ ﺋﯧﻠﯩﭗ ﺑﯧﺮﯨﺸﻨﯩﯔ ﺑﯩﺮ ﺳﯩﮕﻨﺎﻟﻰ ﺩﻩﭖ ﺑﯩﻠﺪﯛﺭﺩﻯ . ﻣﻪﺯﻛﯘﺭ ﺧﻪﯞﻩﺭ ﻫﻪﻗﻘﯩﺪﻩ ﯞﻩﻗﻪ ﻫﻪﻡ ﻣﯘﻻﻫﯩﺰﻩ ﺳﻪﻫﯩﭙﯩﻤﯩﺰﺩﻩ ﻳﻪﻧﯩﻤﯘ ﺗﻪﭘﺴﯩﻠﯩﻲ ﻣﻪﻟﯘﻣﺎﺗﻼﺭ ﺑﻪﺭﻣﻪﻛﭽﯩﻤﯩﺰ. (ﮔﯜﻟﭽﯧﻬﺮﻩ)