ﺋﯘﻳﻐﯘﺭ ﺋﯧﻠﯩﻨﯩﯔ ﺟﻪﻧﯘﺑﻰ ﺋﺎﺯ ﺋﯘﭼﺮﺍﻳﺪﯨﻐﺎﻥ ﻗﺎﺭ ﺋﺎﭘﯩﺘﯩﮕﻪ ﺩﯗﭺ ﻛﻪﻟﺪﻯ

ﺋﯘﻳﻐﯘﺭ ﺋﯧﻠﯩﺪﯨﻦ ﺋﯩﮕﯩﻠﯩﮕﻪﻥ ﺧﻪﯞﻩﺭﻟﻪﺭﮔﻪ ﻗﺎﺭﯨﻐﺎﻧﺪﺍ، ﺑﯩﺮ ﻗﺎﻧﭽﻪ ﻛﯜﻧﺪﯨﻦ ﺑﯘﻳﺎﻥ ﺋﯘﻳﻐﯘﺭ ﺋﯧﻠﯩﻨﯩﯔ ﺟﻪﻧﯘﺑﯩﺪﯨﻜﻰ ﻛﯘﭼﺎ، ﺋﺎﻗﺘﯘ ﻗﺎﺗﺎﺭﻟﯩﻖ ﺟﺎﻳﻼﺭﺩﺍ ﺗﻮﺧﺘﯩﻤﺎﻱ ﻗﺎﺗﺘﯩﻖ ﻗﺎﺭ ﻳﯧﻐﯩﭗ، ﻳﯩﮕﯩﺮﻣﻪ ﻳﯩﻠﺪﯨﻦ ﺑﯧﺮﻯ ﺋﯘﭼﺮﯨﻤﯩﻐﺎﻥ ﻗﺎﺭ ﺋﺎﭘﯩﺘﻰ ﻛﻪﻟﺘﯜﺭﯛﭖ ﭼﯩﻘﺎﺭﻏﺎﻥ.

ﻫﺎﺯﯨﺮ ﺑﻪﺯﻯ ﺟﺎﻳﻼﺭﺩﺍ ﻳﺎﻗﻘﺎﻥ ﻗﺎﺭﻧﯩﯔ ﻗﯧﻠﯩﻨﻠﯩﻘﻰ 30 ﺳﺎﻧﺘﯩﻤﯧﺘﯩﺮﺩﯨﻦ ﺋﯧﺸﯩﭗ ﻛﻪﺗﻜﻪﻥ ﺑﻮﻟﯘﭖ ﻧﯘﺭﻏﯘﻥ ﺋﯚﻳﻠﻪﺭ ﺋﯚﺭﯛﻟﮕﻪﻥ. ﻫﻪﻣﺪﻩ ﺩﯦﻬﻘﺎﻧﻼﺭﻧﯩﯔ 1000 ﻣﻮ ﺋﻪﺗﺮﺍﭘﯩﺪﯨﻜﻰ ﻛﯚﻛﺘﺎﺕ ﭘﺎﺭﻧﯩﻜﻠﯩﺮﯨﻨﻰ ﻗﺎﺭ ﺑﯧﺴﯩﯟﯦﻠﯩﭗ ﺑﻪﻟﮕﯩﻠﯩﻚ ﺋﯩﻘﺘﯩﺴﺎﺩﻯ ﺯﯨﻴﺎﻥ ﻛﯧﻠﯩﭗ ﭼﯩﻘﻘﺎﻥ.

23 - ﻧﻮﻳﺎﺑﯩﺮﺩﯨﻦ ﺑﺎﺷﻼﭖ ﺑﯘ ﻗﺎﺭ ﺋﺎﭘﯩﺘﯩﺪﻩ ﻳﻪﻧﻪ ﺑﻪﺯﻯ ﻗﺎﺗﻨﺎﺵ ﻳﻮﻟﻠﯩﺮﻯ ﺗﻮﺳﯘﻟﯘﭖ ﻗﺎﻟﻐﺎﻥ ﺑﻮﻟﯘﭖ، 200 ﭼﻪ ﺋﺎﭘﺘﻮﻣﻮﺑﯩﻞ ﻗﺎﭘﺴﯩﻠﯩﭗ ﻗﺎﻟﻐﺎﻥ، ﻳﯘﻗﯩﺮﻯ ﺳﯜﺭﺋﻪﺗﻠﯩﻚ ﺗﺎﺵ ﻳﻮﻟﻼﺭﺩﺍ ﻣﯘﺯ ﺗﻮﯕﻠﯩﻐﺎﻥ ﺑﻮﻟﻐﺎﭼﻘﺎ ﻗﺎﺗﻨﺎﺵ ﯞﻩﻗﻪﻟﯩﺮﻯ ﭼﯩﻘﯩﺶ ﺋﯧﻬﺘﯩﻤﺎﻟﻠﯩﻘﯩﻨﻰ ﻛﯜﭼﻪﻳﺘﻜﻪﻥ. ﻫﻪﺗﺘﺎ ﺑﻪﺯﻯ ﺗﺎﻍ ﺭﺍﻳﻮﻧﻠﯩﺮﯨﺪﺍ ﻗﺎﺭﻧﯩﯔ ﻗﯧﻠﯩﻨﻠﯩﻘﻰ 70 ﺳﺎﻧﺘﯩﻤﯧﺘﯩﺮﻏﺎ ﻳﻪﺗﻜﻪﻧﻠﯩﻜﺘﯩﻦ ﻗﺎﺗﻨﺎﺵ ﭘﯜﺗﯜﻧﻠﻪﻱ ﺋﯜﺯﯛﻟﮕﻪﻥ.

ﮔﻪﺭﭼﻪ ﺋﯘﻳﻐﯘﺭ ﺋﯧﻠﻰ ﺋﺎﺧﺒﺎﺭﺍﺕ ﯞﺍﺳﺘﯩﻠﯩﺮﻯ ﺋﯘﻳﻐﯘﺭ ﺋﯧﻠﯩﻨﯩﯔ ﺟﻪﻧﯘﺑﯩﺪﺍ ﺋﯧﻐﯩﺮ ﻗﺎﺭ ﺋﺎﭘﯩﺘﻰ ﻳﯜﺯ ﺑﻪﺭﮔﻪﻧﻠﯩﻜﻰ ﻫﻪﻗﻘﯩﺪﻩ ﺧﻪﯞﻩﺭ ﺋﯧﻼﻥ ﻗﯩﻠﯩﯟﺍﺗﻘﺎﻥ ﺑﻮﻟﺴﯩﻤﯘ ﺋﻪﻣﻤﺎ ﻗﺎﺭ ﺋﺎﭘﯩﺘﻨﯩﯔ ﻛﻪﻟﺘﯜﺭﯛﭖ ﭼﯩﻘﺎﺭﻏﺎﻥ ﺯﯨﻴﺎﻧﻠﯩﺮﻯ ﻫﻪﻗﻘﯩﺪﻩ ﺗﯧﺨﻰ ﺋﯧﻨﯩﻖ ﺳﺘﺎﺗﯩﺴﺘﯩﻜﯩﻠﯩﻖ ﻣﻪﻟﯘﻣﺎﺕ ﺋﯧﻼﻥ ﻗﯩﻠﻤﯩﺪﻯ. ﺋﻪﻣﻤﺎ ﺋﺎﭘﻪﺗﻜﻪ ﺋﯘﭼﺮﯨﻐﺎﻥ ﺟﺎﻳﺪﯨﻜﻰ ﺧﻪﻟﻖ، ﺑﯘ ﻗﺎﺭ ﺋﺎﭘﯩﺘﯩﻨﯩﯔ ﺋﻪﺳﻠﯩﺪﯨﻨﻼ ﻫﯚﻝ ﻳﯧﻐﯩﻦ ﻛﻪﻡ ﺑﻮﻟﯩﺪﯨﻐﺎﻥ ﺗﻪﯕﺮﯨﺘﯧﻐﯩﻨﯩﯔ ﺟﻪﻧﯘﺑﻰ ﺭﺍﻳﻮﻧﻠﯩﺮﻯ ﺋﯜﭼﯜﻥ ﺋﯧﻴﺘﻘﺎﻧﺪﺍ ﻧﻪﭼﭽﻪ ﺋﻮﻥ ﻳﯩﻠﺪﯨﻦ ﺑﯘﻳﺎﻥ ﻳﯜﺯ ﺑﯧﺮﯨﭗ ﺑﺎﻗﻤﯩﻐﺎﻥ ﺋﯧﻐﯩﺮ ﺋﺎﭘﻪﺕ ﻫﯧﺴﺎﺑﻠﯩﻨﯩﺪﯨﻜﻪﻥ.

ﺑﻪﺯﻯ ﻣﯘﺗﻪﺧﻪﺳﺴﯩﺴﻠﻪﺭ ﺑﯘ ﻗﺎﺭ ﺋﺎﭘﯩﺘﯩﻨﯩﯔ ﻗﯩﺰﯨﻞ ﻣﯩﯔ ﺋﯚﻱ ﻗﺎﺗﺎﺭﻟﯩﻖ ﻗﻪﺩﯨﻤﯩﻲ ﺋﺎﺳﺎﺭﻩ - ﺋﻪﺗﯩﻘﻪ ﺋﻮﺭﯗﻧﻠﯩﺮﯨﻨﻰ ﺑﻪﻟﮕﯩﻠﯩﻚ ﺑﯘﺯﻏﯘﻧﭽﯩﻠﯩﻘﻘﺎ ﺋﯘﭼﺮﯨﺘﯩﺸﻰ ﻣﯘﻣﻜﯩﻨﻠﯩﻜﯩﻨﻰ ﺋﯩﻠﮕﯩﺮﻯ ﺳﯜﺭﻣﻪﻛﺘﻪ. (ﮔﯜﻟﭽﯧﻬﺮﻩ)