ﺩﯗﻧﻴﺎ ﺋﯘﻳﻐﯘﺭ ﻗﯘﺭﯗﻟﺘﯩﻴﻰ " ﺋﺎﻳﺮﻭﭘﯩﻼﻥ ﯞﻩﻗﻪﺳﻰ" ﺗﻮﻏﺮﯨﺴﯩﺪﺍ ﺑﺎﻳﺎﻧﺎﺕ ﺋﯧﻼﻥ ﻗﯩﻠﺪﻯ

ﻳﻪﻛﺸﻪﻧﺒﻪ ﻛﯜﻧﻰ ﺧﯩﺘﺎﻱ ﻫﯚﻛﯜﻣﯩﺘﻰ ﺋﯩﻜﻜﻰ ﻧﻪﭘﻪﺭ ﺋﯘﻳﻐﯘﺭﻧﯩﯔ ﺋﺎﻳﺮﻭﭘﯩﻼﻧﻨﻰ ﭘﺎﺭﺗﻠﯩﺘﯩﺶ ﺋﺎﺭﻗﯩﻠﯩﻖ ﺑﯧﻴﺠﯩﯔ ﺋﻮﻟﯩﻤﭙﯩﻜﯩﮕﻪ ﻫﯘﺟﯘﻡ ﻗﯩﻠﯩﺶ ﻗﻪﺳﺘﯩﺪﻩ ﺑﻮﻟﻐﺎﻧﻠﯩﻘﯩﻨﻰ ﺋﯧﻼﻥ ﻗﯩﻠﻐﺎﻧﺪﯨﻦ ﻛﯩﻴﯩﻦ، ﺩﯗﻧﻴﺎ ﺋﯘﻳﻐﯘﺭ ﻗﯘﺭﯗﻟﺘﯩﻴﻰ ﺭﻩﺋﯩﺴﻰ ﯞﻩ ﺋﯘﻳﻐﯘﺭ ﻣﯩﻠﻠﯩﻲ ﻫﻪﺭﯨﻜﯩﺘﯩﻨﯩﯔ ﺭﻩﻫﺒﯩﺮﻯ ﺭﺍﺑﯩﻴﻪ ﻗﺎﺩﯨﺮ ﺧﺎﻧﯩﻢ ﺑﺎﻳﺎﻧﺎﺕ ﺋﯧﻼﻥ ﻗﯩﻠﯩﭗ، ﺧﯩﺘﺎﻱ ﻫﯚﻛﯜﻣﯩﺘﯩﻨﯩﯔ ﺋﯘﻳﻐﯘﺭﻻﺭﻏﺎ "ﺗﯧﺮﺭﻭﺭﭼﻰ" ﺩﯦﮕﻪﻥ ﻗﺎﺭﯨﻨﻰ ﭼﺎﭘﻼﭖ، ﺋﯘﻳﻐﯘﺭﻻﺭﻧﯩﯔ ﺩﯗﻧﻴﺎ ﻣﯩﻘﻴﺎﺳﯩﺪﺍ ﺋﯧﻠﯩﭗ ﺑﯧﺮﯨﯟﺍﺗﻘﺎﻥ ﺳﯩﻴﺎﺳﯩﻲ ﻫﻪﺭﯨﻜﻪﺗﻠﯩﺮﯨﮕﻪ ﺯﻩﺭﺑﻪ ﺑﯧﺮﯨﺸﻜﻪ ﺋﯘﺭﯗﻧﯘﯞﺍﺗﻘﺎﻧﻠﯩﻘﯩﻨﻰ ﺑﯩﻠﺪﯛﺭﯨﺪﯗ.

ﺭﺍﺑﯩﻴﻪ ﻗﺎﺩﯨﺮ ﺧﺎﻧﯩﻢ "ﺑﯘ ﭘﯜﺗﯜﻧﻠﻪﻱ ﻳﺎﻟﻐﺎﻥ. ﺑﺎﺭﻟﯩﻖ ﻗﺎﺭﯨﻼﺷﻼﺭ ﭘﯜﺗﯜﻧﻠﻪﻱ ﺋﻮﻳﺪﯗﺭﻣﺎ" ﺩﯦﺪﻯ.

ﺭﺍﺑﯩﻴﻪ ﻗﺎﺩﯨﺮ ﺧﺎﻧﯩﻢ ﻓﺮﺍﻧﺴﯩﻴﻪ ﺋﺎﮔﯧﻨﺘﻠﯩﻘﯩﻐﺎ ﺑﻪﺭﮔﻪﻥ ﺑﺎﻳﺎﻧﺎﺗﯩﺪﺍ ﺋﯘﻳﻐﯘﺭﻻﺭ ﻫﻪﻗﻘﯩﺪﻩ ﺗﻮﺧﺘﯩﻠﯩﭗ: "ﺋﯘﻳﻐﯘﺭﻻﺭ ﺋﯚﺯ ﺋﻪﺭﻛﯩﻨﻠﯩﻜﻰ ﺋﯜﭼﯜﻥ ﻛﯚﺭﻩﺵ ﻗﯩﻠﯩﯟﺍﺗﯩﺪﯗ، ﻟﯧﻜﯩﻦ ﺋﯘﻳﻐﯘﺭ ﺧﻪﻟﻘﻰ ﺑﺎﺷﻘﯩﻼﺭﻏﺎ ﺯﻩﺧﻤﻪﺕ ﻳﻪﺗﻜﯜﺯﯨﺪﯨﻐﺎﻥ ﺋﯩﺸﻨﻰ ﻫﻪﺭﮔﯩﺰ ﻗﯩﻠﻤﺎﻳﺪﯗ. ﺑﯩﺰﻧﯩﯔ ﺩﯨﻠﯩﻤﯩﺰ ﺑﻪﻙ ﻳﯘﻣﺸﺎﻕ" ﺩﯦﺪﻯ.

ﺭﺍﺑﯩﻴﻪ ﻗﺎﺩﯨﺮ ﺧﺎﻧﯩﻢ ﻳﻪﻧﻪ: " ﺧﯩﺘﺎﻱ ﻫﯚﻛﯜﻣﯩﺘﯩﻨﯩﯔ ﺑﯩﺮﻻ ﻧﯩﺸﺎﻧﻰ ﺑﺎﺭ، ﺋﯘ ﺑﻮﻟﺴﯩﻤﯘ، ﺗﯧﺮﺭﻭﺭﭼﯩﻠﯩﻖ ﺋﻮﻳﯘﻧﯩﻨﻰ ﻳﺎﺳﺎﭖ ﭼﯩﻘﯩﭗ، ﺋﯚﺯﻯ ﺗﯧﺮﺭﻭﺭﻟﯘﻕ ﯞﻩﻗﻪﺳﯩﻨﻰ ﻛﻪﻟﺘﯜﺭﯛﭖ ﭼﯩﻘﯩﺮﯨﭗ، ﺋﯘﻳﻐﯘﺭﻻﺭﻏﺎ ﺩﯙﯕﮕﻪﭖ ﻗﻮﻳﯘﺵ" ﺩﻩﻳﺪﯗ.

ﺭﺍﺑﯩﻴﻪ ﻗﺎﺩﯨﺮ ﺧﺎﻧﯩﻤﻨﯩﯔ ﺑﯩﻠﺪﯛﺭﯛﺷﯩﭽﻪ، ﺋﯘ ﻫﺎﺯﯨﺮ ﺋﺎﻣﯧﺮﯨﻜﺎ ﺗﺎﺷﻘﻰ ﺋﯩﺸﻼﺭ ﻣﯩﻨﯩﺴﺘﯩﺮﻟﯩﻘﻰ ﯞﻩ ﺋﺎﻗﺴﺎﺭﺍﻱ ﺑﯩﻠﻪﻥ ﻛﯚﺭﯛﺷﯜﭖ ﻣﻪﺯﻛﯘﺭ ﯞﻩﻗﻪ ﻫﻪﻗﻘﯩﺪﻩ ﺳﯚﻫﺒﻪﺕ ﺋﯧﻠﯩﭗ ﺑﯧﺮﯨﺶ ﻫﻪﻗﻘﯩﺪﻩ ﺋﯩﺰﺩﯨﻨﯩﯟﺍﺗﻘﺎﻥ ﺋﯩﻜﻪﻥ.

ﻳﯘﻗﯩﺮﯨﻘﻰ ﺧﻪﯞﻩﺭ ﺗﻮﻏﺮﯨﺴﯩﺪﺍ ﺑﺎﻳﺎﻧﺎﺕ ﺑﻪﺭﮔﻪﻥ ﺩﯗﻧﻴﺎ ﺋﯘﻳﻐﯘﺭ ﻗﯘﺭﯗﻟﺘﯩﻴﻰ ﺑﺎﻳﺎﻧﺎﺗﭽﯩﺴﻰ ﺩﯨﻠﺸﺎﺕ ﺭﯨﺸﯩﺖ، ﺋﯘﻳﻐﯘﺭ ﺋﺎﭘﺘﻮﻧﻮﻡ ﺭﺍﻳﻮﻧﻠﯘﻕ ﻫﯚﻛﯜﻣﻪﺗﻨﯩﯔ ﺋﯘﻳﻐﯘﺭﻻﺭﻧﻰ ﺋﺎﻳﺮﻭﭘﯩﻼﻥ ﺑﯘﻻﺵ ﯞﻩﻗﻪﺳﻰ ﭼﯩﻘﯩﺮﯨﺶ ﺋﺎﺭﻗﯩﻠﯩﻖ ﺋﻮﻟﯩﻤﭙﯩﻜﻨﻰ ﯞﻩﻳﺮﺍﻥ ﻗﯩﻠﻤﺎﻗﭽﻰ ﺑﻮﻟﺪﻯ ﺩﻩﭖ ﺋﻪﻳﯩﺒﻠﯩﺸﯩﺪﻩ، ﺑﯩﺮ ﻳﻮﺷﯘﺭﯗﻥ ﺳﯩﻴﺎﺳﯩﻲ ﻣﯘﺩﺩﯨﺌﺎﺳﯩﻨﯩﯔ ﺑﺎﺭﻟﯩﻘﯩﻨﻰ، ﺑﯧﻴﺠﯩﯔ ﺋﻮﻟﯩﻤﭙﯩﻜﻰ ﻳﯧﺘﯩﭗ ﻛﯧﻠﯩﺶ ﺋﺎﻟﺪﯨﺪﺍ ﺗﯘﺭﯗﯞﺍﺗﻘﺎﻥ ﻧﺎﺯﯗﻙ ﭘﻪﻳﺘﻠﻪﺭﺩﻩ، ﺋﯘﻻﺭﻧﯩﯔ ﺷﯘﻧﺪﺍﻕ ﺑﯩﺮ ﺳﻪﺯﮔﯜﺭ ﺗﯧﻤﯩﻨﻰ ﻗﺎﻳﺘﯩﺪﯨﻦ ﺋﻮﺗﺘﯘﺭﯨﻐﺎ ﻗﻮﻳﯘﭖ ﺋﯘﻳﻐﯘﺭﻻﺭﻧﻰ ﺧﻪﻟﻘﺌﺎﺭﺍﺩﺍ ﻳﺎﻟﻐﯘﺯ ﻗﺎﻟﺪﯗﺭﯗﺵ ﺋﺎﺭﻗﯩﻠﯩﻖ ﺋﯘﻳﻐﯘﺭﻻﺭﻧﯩﯔ ﺳﯩﻴﺎﺳﯩﻲ ﻛﯜﺭﻩﺷﻠﯩﺮﯨﮕﻪ ﺯﻩﺭﺑﻪ ﺑﻪﺭﻣﻪﻛﭽﻰ ﺑﻮﻟﯘﯞﺍﺗﻘﺎﻧﻠﯩﻘﯩﻨﻰ ﻛﯚﺭﺳﻪﺗﺘﻰ.

ﻳﻪﻛﺸﻪﻧﺒﻪ ﻛﯜﻧﻰ ﺋﯘﻳﻐﯘﺭ ﺋﯩﻠﻰ ﺭﻩﺋﯩﺴﻰ ﻧﯘﺭ ﺑﻪﻛﺮﻯ ﺋﺎﺧﺒﺎﺭﺍﺕ ﺳﺎﻫﻪﺳﯩﮕﻪ 7 - ﻣﺎﺭﺕ ﻛﯜﻧﻰ ﺑﯩﺮ ﺋﯘﻳﻐﯘﺭ ﻗﯩﺰﻧﯩﯔ ﺟﻪﻧﯘﺏ ﺋﺎﯞﯨﺌﺎﺗﺴﯩﻴﻪ ﺷﯩﺮﻛﯩﺘﯩﻨﯩﯔ ﺋﯜﺭﯛﻣﭽﯩﺪﯨﻦ ﺑﯧﻴﺠﯩﯖﻐﺎ ﻗﺎﺭﺍﭖ ﻳﻮﻟﻐﺎ ﭼﯩﻘﻘﺎﻥ ﻳﻮﻟﯘﭼﯩﻼﺭ ﺋﺎﻳﺮﻭﭘﯩﻼﻧﯩﻨﻰ ﭘﺎﺭﺗﻠﯩﺘﯩﺸﻘﺎ ﺋﯘﺭﯗﻧﻐﺎﻧﻠﯩﻘﻰ ﺳﻪﯞﻩﺑﻠﯩﻚ ﺋﺎﻳﺮﻭﭘﯩﻼﻥ ﻟﻪﻧﺠﯘﺩﺍ ﺟﯩﺪﺩﯨﻲ ﻗﻮﻧﯘﺷﻘﺎ ﻣﻪﺟﺒﯘﺭ ﺑﻮﻟﻐﺎﻧﻠﯩﻘﯩﻨﻰ، ﮔﯘﻣﺎﻧﺪﺍﺭﻧﯩﯔ ﺋﺎﻳﺮﻭﭘﯩﻼﻥ ﺧﺎﺩﯨﻤﻠﯩﺮﻯ ﺗﻪﺭﯨﭙﯩﺪﯨﻦ ﺑﻮﻳﺴﯘﻧﺪﯗﺭﯗﻟﻐﺎﻧﻠﯩﻘﯩﻨﻰ ﺑﯩﻠﺪﯛﺭﮔﻪﻥ ﺋﯩﺪﻯ. (ﺟﯜﻣﻪ)‏