ﭼﯩﯔ ﮔﺎﯓ ﺭﺍﺑﯩﻴﻪ ﻗﺎﺩﯨﺮﻧﯩﯔ " ﺋﺎﻳﺮﻭﭘﯩﻼﻥ ﺑﯘﻻﺵ ﯞﻩﻗﻪﺳﻰ" ﻫﻪﻗﻘﯩﺪﯨﻜﻰ ﺑﺎﻳﺎﻧﺎﺗﯩﻨﻰ ﺭﻩﺕ ﻗﯩﻠﺪﻯ

ﺩﯛﺷﻪﻧﺒﻪ ﻛﯜﻧﻰ ﺋﯘﻳﻐﯘﺭ ﻣﯩﻠﻠﯩﻲ ﻫﻪﺭﯨﻜﯩﺘﻰ ﺭﻩﻫﺒﯩﺮﻯ ﯞﻩ ﺩﯗﻧﻴﺎ ﺋﯘﻳﻐﯘﺭ ﻗﯘﺭﯗﻟﺘﯧﻴﻰ ﺭﻩﺋﯩﺴﻰ ﺭﺍﺑﯩﻴﻪ ﻗﺎﺩﯨﺮ ﺧﺎﻧﯩﻢ ﺑﯩﺮ ﻗﯩﺴﯩﻢ ﺧﻪﻟﻘﺌﺎﺭﺍ ﺋﺎﺧﺒﺎﺭﺍﺕ ﺋﻮﺭﯗﻧﻠﯩﺮﯨﻨﯩﯔ ﺯﯨﻴﺎﺭﯨﺘﯩﻨﻰ ﻗﻮﺑﯘﻝ ﻗﯩﻠﻐﺎﻧﺪﺍ، ﺧﯩﺘﺎﻱ ﺩﺍﺋﯩﺮﯨﻠﯩﺮﯨﻨﯩﯔ ﺋﯜﺭﯛﻣﭽﯩﺪﯨﻦ ﺑﯧﻴﺠﯩﯖﻐﺎ ﺋﯘﭼﻘﺎﻥ ﺋﺎﻳﺮﯗﭘﯩﻼﻧﺪﺍ ﺋﯘﻳﻐﯘﺭﻻﺭﻧﯩﯔ ﺧﻪﺗﻪﺭ ﺗﯘﻏﺪﯗﺭﻣﺎﻗﭽﻰ ﺑﻮﻟﻐﺎﻧﻠﯩﻘﻰ ﻫﻪﻗﻘﯩﺪﻩ ﺗﺎﺭﻗﺎﺗﻘﺎﻥ ﺧﻪﯞﻩﺭﻟﯩﺮﻯ ﻣﯘﻧﺎﺳﯩﯟﯨﺘﻰ ﺑﯩﻠﻪﻥ ﺑﺎﻳﺎﻧﺎﺕ ﺑﯧﺮﯨﭗ": ﺧﯩﺘﺎﻱ ﻫﯚﻛﯜﻣﯩﺘﻰ ﺋﯘﻳﻐﯘﺭﻻﺭﻧﯩﯔ ﺋﺎﻳﺮﯗﭘﯩﻼﻥ ﭘﺎﺭﺗﻠﯩﺘﯩﺶ ﯞﻩﻗﻪﺳﻰ ﭘﯩﻼﻧﻠﯩﻐﺎﻧﻠﯩﻘﻰ ﻫﻪﻗﻘﯩﺪﯨﻜﻰ ﺧﻪﯞﻩﺭﻟﻪﺭ ﺋﺎﺭﻗﯩﻠﯩﻖ ﺋﯘﻳﻐﯘﺭ ﻣﯩﻠﻠﯩﻲ ﻫﻪﺭﯨﻜﯩﺘﯩﻨﻰ ﺗﯧﺮﺭﻭﺭﭼﯩﻠﯩﻘﻘﺎ ﺑﺎﻏﻼﺷﻘﺎ ﺋﯘﺭﯗﻧﻤﺎﻗﺘﺎ " ﺩﻩﭖ ﺋﻪﻳﯩﺒﻠﯩﮕﻪﻥ ﺋﯩﺪﻯ.

ﺭﻭﻳﺘﯧﺮﺋﯩﺲ ﺋﺎﮔﯧﻨﺘﻠﯩﻘﯩﻨﯩﯔ 11 - ﻣﺎﺭﺕ ﺧﻪﯞﻩﺭ ﻗﯩﻠﯩﺸﯩﭽﻪ، ﺑﯜﮔﯜﻥ ﺧﯩﺘﺎﻱ ﺗﺎﺷﻘﻰ ﺋﯩﺸﻼﺭ ﺑﺎﻳﺎﻧﺎﺗﭽﯩﺴﻰ ﭼﯩﯔ ﮔﺎﯓ ﻣﻪﺯﻛﯜﺭ ﯞﻩﻗﻪ ﻫﻪﻗﻘﯩﺪﻩ ﻣﯘﺧﺒﯩﺮﻻﺭﻧﯩﯔ ﺳﻮﺋﺎﻟﯩﻐﺎ ﺟﺎﯞﺍﺏ ﺑﻪﺭﮔﻪﻧﺪﻩ، ﺭﺍﺑﯩﻴﻪ ﻗﺎﺩﯨﺮﻧﯩﯔ ﻳﯘﻗﯘﺭﻗﻰ ﺑﺎﻳﺎﻧﺎﺗﯩﻐﺎ ﺭﻩﺩﺩﯨﻴﻪ ﺑﻪﺭﮔﻪﻥ ﺑﻮﻟﯘﭖ، ﺋﯘ " ﺭﺍﺑﯩﻴﻪ ﻗﺎﺩﯨﺮﻏﺎ ﺋﻮﺧﺸﺎﺵ ﺑﯩﺮ ﻗﯩﺴﯩﻢ ﻛﯩﺸﯩﻠﻪﺭ ﺟﯘﯕﮕﻮ ﻫﯚﻛﯜﻣﯩﺘﯩﻨﯩﯔ ﺧﻪﻟﻘﺌﺎﺭﺍﻟﯩﻖ ﺗﯧﺮﺭﻭﺭﭼﯩﻠﯩﻘﻘﺎ ﻗﺎﺭﺷﻰ ﻫﻪﺭﯨﻜﯩﺘﯩﻨﻰ ﺋﯘﻳﻐﯘﺭﻏﺎ ﻗﺎﺭﺷﻰ ﻫﻪﺭﯨﻜﻪﺕ ﺩﻩﭖ ﻛﯚﺭﺳﯩﺘﯩﭗ ﺑﯘ ﺟﻪﺭﻳﺎﻧﺪﺍ ﺧﯩﺘﺎﻱ ﺧﻪﻟﻘﻰ ﺑﯩﻠﻪﻥ ﺋﯘﻳﻐﯘﺭﻻﺭ ﺋﺎﺭﯨﺴﯩﺪﺍ ﺋﯩﺘﺘﯩﭙﺎﻗﺴﯩﺰﻟﯩﻖ ﺷﻪﻛﯩﻠﻠﻪﻧﺪﯛﺭﻣﻪﻛﭽﻰ. ﺭﺍﺑﯩﻴﻪ ﻗﺎﺩﯨﺮ ﻛﯚﭖ ﺳﺎﻧﺪﯨﻜﻰ ﺋﯘﻳﻐﯘﺭﻻﺭﻏﺎ ﯞﻩﻛﯩﻠﻠﯩﻚ ﻗﯩﻼﻟﻤﺎﻳﺪﯗ، ﺋﯘ ﭘﻪﻗﻪﺕ ﺋﺎﺯ ﺳﺎﻧﺪﯨﻜﻰ ﺗﯧﺮﺭﻭﺭﭼﯩﻼﺭﻏﺎ ﯞﻩﻛﯩﻠﻠﯩﻚ ﻗﯩﻠﯩﺪﯗ. ﻛﯚﭖ ﺳﺎﻧﺪﯨﻜﻰ ﺋﯘﻳﻐﯘﺭﻻﺭ ﻳﻪﻧﯩﻼ ﺗﯧﺮﺭﻭﺭﻟﯘﻗﻘﺎ ﻗﺎﺭﺷﻰ ﺗﯘﺭﯨﺪﯗ " ﺩﯦﮕﻪﻥ.

ﺋﻪﻣﻤﺎ، ﭼﯩﯔ ﮔﺎﯓ ﺧﯩﺘﺎﻱ ﺩﺍﺋﯩﺮﯨﻠﯩﺮﻯ ﺗﻪﺭﯨﭙﯩﺪﯨﻦ7 - ﻣﺎﺭﺕ ﺗﺎﺭﻗﯩﺘﯩﻠﻐﺎﻥ ﺋﯘﻳﻐﯘﺭﻻﺭﻧﯩﯔ ﺋﯜﺭﯛﻣﭽﯩﺪﯨﻦ ﺑﯧﻴﺠﯩﯖﻐﺎ ﻗﺎﺗﻨﺎﻳﺪﯨﻐﺎﻥ CZ6091 ﻧﯚﯞﻩﺗﭽﻰ ﺋﺎﻳﺮﯗﭘﯩﻼﻧﯩﺪﺍ ﭘﺎﺭﺗﻠﯩﺘﯩﺶ ﯞﻩﻗﻪﺳﻰ ﺗﯘﻏﺪﯗﺭﯗﺷﻘﺎ ﺋﯘﺭﯗﻧﻐﺎﻧﻠﯩﻘﻰ ﻫﻪﻗﻘﯩﺪﯨﻜﻰ ﺧﻪﯞﻩﺭﻧﯩﯔ ﺩﯦﺘﺎﻟﻠﯩﺮﻯ ﺗﻮﻏﺮﯨﺴﯩﺪﺍ ﻳﻪﻧﯩﻼ ﺋﯩﻨﭽﯩﻜﻪ ﺗﻮﺧﺘﺎﻟﻤﯩﻐﺎﻥ.

ﺷﻪﻧﺒﻪ ﻛﯜﻧﻰ ﺋﯘﻳﻐﯘﺭ ﺋﺎﭘﺘﻮﻧﻮﻡ ﺭﺍﻳﻮﻧﯩﻨﯩﯔ ﺭﻩﺋﯩﺴﻰ ﻧﯘﺭ ﺑﻪﻛﺮﻯ ﺑﯧﻴﺠﯩﯖﺪﺍ ﻣﯘﺧﺒﯩﺮﻻﺭﻏﺎ ﺑﯘ ﯞﻩﻗﻪﻧﻰ ﺋﺎﺷﻜﺎﺭﯨﻠﯩﻐﺎﻧﺪﺍ ﯞﻩﻗﻪﮔﻪ ﻣﯘﻧﺎﺳﯩﯟﻩﺗﻠﯩﻚ ﻫﯧﭽﻘﺎﻧﺪﺍﻕ ﭘﺎﻛﯩﺖ ﻛﯚﺭﺳﻪﺗﻤﯩﮕﻪﻥ. ﺋﯘﻳﻐﯘﺭ ﺋﺎﭘﺘﻮﻧﻮﻡ ﺭﺍﻳﻮﻧﻰ ﭘﺎﺭﺗﻜﻮﻣﯩﻨﯩﯔ ﺳﯧﻜﺮﯨﺘﺎﺭﻯ ﯞﺍﯓ ﻟﯧﭽﯜﻩﻥ ﺑﻮﻟﺴﺎ ﯞﻩﻗﻪ ﭘﻪﻳﺪﺍ ﻗﯩﻠﻐﯘﭼﯩﻼﺭﻧﯩﯔ ﺋﯘﻳﻐﯘﺭﻻﺭ ﺋﯩﻜﻪﻧﻠﯩﻜﯩﺪﯨﻦ ﺑﯩﺸﺎﺭﻩﺕ ﺑﻪﺭﮔﻪﻥ ﺋﯩﺪﻯ ﻫﻪﻡ ﯞﻩﻗﻪﻧﻰ ﺑﯧﻴﺠﯩﯔ ﺋﻮﻟﯩﻤﭙﯩﻚ ﻳﯩﻐﯩﻨﻰ ﺑﯩﻠﻪﻥ ﺑﺎﻏﻼﭖ، " ﺑﻪﺯﯨﻠﻪﺭ ﺋﯚﻟﻪ -ﺗﯩﺮﯨﻠﯩﺸﯩﻐﺎ ﻗﺎﺭﯨﻤﺎﻱ ﺋﻮﻟﯩﻤﭙﯩﻚ ﻳﯩﻐﯩﻨﯩﻨﻰ ﺑﯘﺯﻣﺎﻗﭽﻰ ﺑﻮﻟﯘﯞﺍﺗﯩﺪﯗ " ﺩﻩﭖ ﺗﻪﻛﯩﺘﻠﯩﮕﻪﻥ ﺋﯩﺪﻯ.

ﻫﺎﻟﺒﯘﻛﻰ، ﺟﻪﻧﯘﺏ ﻫﺎﯞﺍ ﻳﻮﻟﻠﯩﺮﻯ ﺷﯩﺮﻛﯩﺘﯩﻨﯩﯔ ﺑﯩﺮ ﺋﻪﻣﻪﻟﺪﺍﺭﻯ ﺋﯚﺯﯨﻨﯩﯔ ﯞﻩﻗﻪﻧﻰ ﺗﯧﺮﺭﻭﺭﻟﯘﻕ ﻫﻪﺭﯨﻜﻪﺕ، ﺩﻩﭖ ﻣﯘﻗﯩﻤﻼﺷﺘﯘﺭﺍﻟﻤﺎﻳﺪﯨﻐﺎﻧﻠﯩﻘﯩﻨﻰ، ﯞﻩﻗﻪﻧﯩﯔ ﺧﺎﺭﺍﻛﺘﯧﺮﯨﻨﻰ ﺟﺎﻣﺎﺋﻪﺕ ﺧﻪﯞﭘﺴﯩﺰﻟﯩﻚ ﺋﻮﺭﮔﺎﻧﻠﯩﺮﯨﻨﯩﯔ ﺑﯧﻜﯩﺘﯩﺪﯨﻐﺎﻧﻠﯩﻘﯩﻨﻰ ﺑﯩﻠﺪﯛﺭﮔﻪﻥ ﺋﯩﺪﻯ.

ﻧﯚﯞﻩﺗﺘﻪ ﻣﻪﺯﻛﯜﺭ ﯞﻩﻗﻪ ﺧﻪﻟﻘﺌﺎﺭﺍ ﻣﻪﺗﺒﯘﺋﺎﺗﻼﺭﺩﯨﻤﯘ ﻗﯩﺰﯨﻘﯩﺶ ﻗﻮﺯﻏﯩﻐﺎﻥ ﺑﻮﻟﯘﭖ، ﺑﯘ ﻫﻪﻗﺘﻪ ﻛﯩﺸﯩﻠﯩﻚ ﻫﻮﻗﯘﻗﻨﻰ ﻛﯚﺯﯨﺘﯩﺶ ﺗﻪﺷﻜﯩﻼﺗﯩﻨﯩﯔ ﺋﺎﺳﯩﻴﺎ ﺋﯩﺸﻠﯩﺮﻯ ﺗﻪﺗﻘﯩﻘﺎﺗﭽﯩﺴﻰ ﻓﻪﻟﯩﻢ ﻛﯩﻦ، " ﺑﯩﺰﻧﯩﯔ ﺋﻪﻧﺴﯩﺮﻩﯞﺍﺗﻘﯩﻨﯩﻤﯩﺰ، ﺧﯩﺘﺎﻱ ﻫﯚﻛﯜﻣﯩﺘﯩﻨﯩﯔ ﺑﯘ ﯞﻩﻗﻪﻧﻰ ﺑﺎﻫﺎﻧﻪ ﻗﯩﻠﯩﭗ، ﺷﯩﻨﺠﺎﯕﺪﯨﻜﻰ ﺋﯘﻳﻐﯘﺭﻻﺭﻏﺎ ﻗﺎﺭﺷﻰ ﻳﯧﯖﻰ ﺑﺎﺳﺘﯘﺭﯗﺵ ﻫﻪﺭﯨﻜﯩﺘﻰ ﻗﻮﺯﻏﺎﺵ ﺋﯧﻬﺘﯩﻤﺎﻟﻰ ﺷﯘﻧﺪﺍﻗﻼ ﺋﻮﻟﯩﻤﭙﯩﻚ ﻫﺎﺭﭘﯩﺴﯩﺪﺍ ﺋﻮﺧﺸﯩﻤﯩﻐﺎﻥ ﭘﯩﻜﯩﺮﺩﻩ ﺑﻮﻟﻐﯘﭼﯩﻼﺭﻧﻰ ﻳﻮﻗﯩﺘﯩﺶ ﺧﻪﯞﭘﯩﺪﯗﺭ " ﺩﻩﭖ ﺋﺎﮔﺎﻫﻼﻧﺪﯗﺭﻏﺎﻥ. (ﮔﯜﻟﭽﯧﻬﺮﻩ)