ﯞﺍﯓ ﻟﯧﭽﯜﻩﻥ : ﺋﯘﻳﻐﯘﺭ ﺋﯧﻠﯩﺪﺍ ﻗﻮﺵ ﺗﯩﻞ ﻣﺎﺋﺎﺭﯨﭙﯩﻨﻰ ﻗﯩﻠﭽﻪ ﺗﻪﯞﺭﻩﻧﻤﻪﻱ ﻳﻮﻟﻐﺎ ﻗﻮﻳﯘﺵ ﻛﯧﺮﻩﻙ

ﺧﯩﺘﺎﻱ ﻫﯚﻛﯜﻣﯩﺘﯩﻨﯩﯔ ﺋﯘﻳﻐﯘﺭ ﺋﯧﻠﯩﮕﻪ ﺗﻪﻳﯩﻨﻠﯩﮕﻪﻥ ﺋﻪﻣﻪﻟﺪﺍﺭﻯ ﯞﺍﯓ ﻟﯧﭽﯜﻩﻥ ، ﺋﺎﭘﺘﻮﻧﯘﻡ ﺭﺍﻳﻮﻧﻠﯘﻕ 11 ‏- ﻧﯚﯞﻩﺗﻠﯩﻚ ﺧﻪﻟﻖ ﻗﯘﺭﯗﻟﺘﯩﻴﻰ 1 ‏- ﻳﯩﻐﯩﻨﯩﺪﺍ ﺋﯩﺨﺘﯩﺴﺎﺳﻠﯩﻘﻼﺭ ﺋﺎﺭﻗﯩﻠﯩﻖ ﺋﺎﭘﺘﻮﻧﯘﻡ ﺭﺍﻳﻮﻧﻨﻰ ﻗﯘﺩﺭﻩﺕ ﺗﺎﭘﻘﯘﺯﯗﺵ ﺋﯩﺴﺘﺮﺍﺗﯧﮕﯩﻴﯩﺴﯩﻨﻰ ﻳﻮﻟﻐﺎ ﻗﻮﻳﯘﺷﻨﻰ ﺗﻪﻟﻪﭖ ﻗﯩﻠﺪﻯ.

ﺧﻪﯞﻩﺭﻟﻪﺭﺩﯨﻦ ﻣﻪﻟﯘﻡ ﺑﻮﻟﯘﺷﯩﭽﻪ، ﯞﺍﯓ ﻟﯧﭽﯜﻩﻥ ": ﻧﯚﯞﻩﺗﺘﻪ ، ﺷﯩﻨﺠﺎﯓ ﺋﯩﺴﻼﻫﺎﺕ ﺋﯧﭽﯩﯟﯦﺘﯩﺸﻨﯩﯔ ﺋﺎﭼﻘﯘﭼﻠﯘﻕ ﭘﻪﻳﺘﯩﺪﻩ ﺗﯘﺭﯨﯟﺍﺗﯩﺪﯗ، ﻫﺎﺯﯨﺮﻗﻰ ﺟﯩﺪﺩﻯ ﻫﻪﻝ ﻗﯩﻠﯩﺸﻘﺎ ﺗﯧﮕﯩﺸﻠﯩﻚ ﻣﻪﺳﯩﻠﻪ- ﺋﯩﺨﺘﯩﺴﺎﺳﻠﯩﻘﻼﺭﻧﻰ ﺗﻪﺭﺑﯩﻴﯩﻠﻪﺵ ﺳﺎﻟﻤﯩﻘﯩﻨﻰ ﺋﺎﺷﯘﺭﯗﺵ، ﺑﯘﻧﯩﯔ ﺋﯜﭼﯜﻥ ﺑﺎﻟﯩﻼﺭﺩﯨﻦ ﺋﻮﻗﯘﺗﻘﯘﭼﯩﻼﺭﺩﯨﻦ ﺑﺎﺷﻼﭖ ﺗﯘﺗﯘﺷﺘﺎ ﭼﯩﯔ ﺗﯘﺭﯗﺵ" ﻗﻮﺵ ﺗﯩﻞ" ﻣﺎﺋﺎﺭﯨﭙﻰ ﻗﯘﺭﯗﻟﯘﺷﯩﻨﻰ ﻗﻪﺗﺌﯩﻲ ﺗﻪﯞﺭﻩﻧﻤﻪﻱ ﺋﯩﻠﮕﯩﺮﻯ ﺳﯜﺭﯛﭖ، ﻫﻪﺭ ﻣﯩﻠﻠﻪﺕ ﺋﺎﻣﻤﯩﺴﯩﻨﯩﯔ ﺋﯘﻧﯩﯟﯦﺮﺳﺎﻝ ﺳﺎﭘﺎﺳﯩﻨﻰ ﺗﯜﭘﺘﯩﻦ ﺋﯚﺳﺘﯜﺭﯛﺵ ﻛﯧﺮﻩﻙ" ﺩﯦﮕﻪﻥ .

ﺑﯩﺮﺍﻕ ، ﯞﺍﯕﻠﯧﭽﯜﻩﻥ ﺗﯩﻠﻐﺎ ﺋﺎﻟﻐﺎﻥ " ﻗﻮﺵ ﺗﯩﻞ " ﻣﺎﺋﺎﺭﯨﭙﯩﻨﯩﯔ، ﺋﯘﻳﻐﯘﺭ ﺗﯩﻠﻰ ﺑﯩﻠﻪﻥ ﺧﯩﺘﺎﻱ ﺗﯩﻠﯩﻨﻰ ﺑﯩﺮﻟﯩﻜﺘﻪ ﺋﯧﻠﯩﭗ ﺑﯧﺮﯨﺶ ﺑﻮﻟﻤﺎﺳﺘﯩﻦ، ﺑﻪﻟﻜﻰ ﺧﯩﺘﺎﻱ ﺑﻮﻟﻤﯩﻐﺎﻥ ﻣﯩﻠﻠﻪﺕ ﭘﻪﺭﺯﻩﻧﺘﻠﯩﺮﯨﻨﻰ ﻧﻮﻗﯘﻝ ﻫﺎﻟﺪﺍ ﺧﯩﺘﺎﻱ ﺗﯩﻠﻰ ﻣﺎﺋﺎﺭﯨﭙﻰ ﺑﻮﻳﯩﭽﻪ ﺗﻪﺭﺑﯩﻴﯩﻠﻪﺵ ﻣﻪﻗﺴﯩﺘﯩﻨﯩﯔ، ﻧﯘﺭﻏﯘﻥ ﺳﯩﻴﺎﺳﯩﻲ ﺋﺎﻣﯩﻠﻼﺭﻧﻰ ﺋﯚﺯ ﺋﯩﭽﯩﮕﻪ ﺋﺎﻟﻐﺎﻧﻠﯩﻘﯩﻨﻰ ﺗﻪﻛﯩﺘﻠﯩﮕﻪﻥ ﺩﯗﻧﻴﺎ ﺋﯘﻳﻐﯘﺭ ﻗﯘﺭﯗﻟﺘﯩﻴﯩﻨﯩﯔ ﺑﺎﺵ ﻛﺎﺗﯩﭙﻰ ﺩﻭﻟﻘﯘﻥ ﺋﻪﻳﺴﺎ ﺋﻪﭘﻪﻧﺪﻯ ﻣﯘﻧﺪﺍﻕ ﺩﻩﻳﺪﯗ": «ﻗﻮﺵ ﺗﯩﻞ » ﺩﯦﮕﻪﻥ ﺑﯘ ﺋﺎﺗﺎﻟﻐﯘ ﺋﻪﺳﻠﯩﺪﻩ ﺋﯩﻜﻜﻰ ﺗﯩﻠﻨﻰ ﺗﻪﯓ ﻳﻮﻟﻐﺎ ﻗﻮﻳﯘﺵ ﺩﯦﮕﻪﻥ ﻣﻪﻧﯩﻨﻰ ﺑﯩﻠﺪﯛﺭﯨﺪﯗ، ﻟﯧﻜﯩﻦ ﯞﺍﯓ ﻟﯧﭽﯜﻩﻥ ﺗﻪﻛﯩﺘﻠﻪﯞﺍﺗﻘﺎﻥ ﻗﻮﺵ ﺗﯩﻞ ، ﻳﺎﻟﻐﯘﺯ ﺧﯩﺘﺎﻱ ﺗﯩﻠﻰ ﺑﻮﻟﯘﭖ، ﺑﯘ ﭼﻮﯓ ﺧﯩﺘﺎﻱ ﻣﯩﻠﻠﻪﺗﭽﯩﻠﯩﻜﯩﻨﻰ ﺗﻪﺭﻏﯩﭗ ﻗﯩﻠﯩﺶ، ﺧﯩﺘﺎﻱ ﺑﻮﻟﻤﯩﻐﺎﻥ ﻣﯩﻠﻠﻪﺗﻠﻪﺭﻧﯩﯔ ﻫﻪﻣﻤﯩﺴﯩﻨﻰ ﺧﯩﺘﺎﻳﭽﻪ ﺳﯚﺯﻟﻪﻳﺪﯨﻐﺎﻥ ﺟﻮﯕﺨﯘﺍ ﻣﯩﻠﻠﯩﺘﻰ ﻛﺎﺗﯧﮕﻮﺭﯨﻴﯩﺴﯩﮕﻪ ﻛﯩﺮﮔﯜﺯﯛﺵ، ﺷﯘﻧﺪﺍﻗﻼ ﺧﯩﺘﺎﻳﻨﯩﯔ ﺋﺎﺳﻤﯩﻼﺗﺴﯩﻴﻪ ﻗﯩﻠﯩﭗ ﻳﻮﻗﯘﺗﯘﺵ ﺳﯩﻴﺎﺳﯩﺘﯩﻨﻰ ﺋﯩﺠﺮﺍ ﻗﯩﻠﯩﺸﺘﯩﻦ ﺋﯩﺒﺎﺭﻩﺕ"

ﯞﺍﯓ ﻟﯧﭽﯜﻩﻥ ﻳﻪﻧﻪ، ﺳﯩﻴﺎﺳﯩﻲ ﭘﺎﺋﺎﻟﯩﻴﻪﺕ ﺋﯧﻠﯩﭗ ﺑﯧﺮﯨﯟﺍﺗﻘﺎﻥ ﺋﯘﻳﻐﯘﺭ ﺗﻪﺷﻜﯩﻼﺗﻠﯩﺮﻯ ﺋﻪﯓ ﻗﺎﺗﺘﯩﻖ ﻧﺎﺭﺍﺯﻟﯩﻖ ﺑﯩﻠﺪﯛﺭﯛﭖ ﻛﯧﻠﯩﯟﺍﺗﻘﺎﻥ ، ﺋﯘﻳﻐﯘﺭ ﺋﯧﻠﯩﻨﯩﯔ ﺑﺎﻳﻠﯩﻘﯩﻨﻰ ﺋﯧﭽﯩﺶ ﻣﻪﺳﯩﻠﯩﺴﯩﻨﻰ ﺗﻪﻛﯩﺘﻠﻪﭖ، ﺧﯩﺘﺎﻱ ﺋﯚﻟﻜﯩﻠﯩﺮﯨﺪﯨﻜﻰ ﭼﻮﯓ ﮔﯘﺭﯗﻫﻼﺭﻧﻰ ﺷﯩﻨﺠﺎﯕﻨﻰ ﺋﯧﭽﯩﺸﻘﺎ ﺟﻪﻟﭗ ﻗﯩﻠﯩﺶ، ﺑﺎﻳﻠﯩﻘﻼﺭﻧﻰ ﺋﯧﭽﯩﺶ ﻛﯚﻟﯩﻤﻰ ﯞﻩ ﺩﻩﺭﯨﺠﯩﺴﯩﻨﻰ ﺋﯚﺳﺘﯜﺭﯛﺷﻨﻰ ﺋﻮﺗﺘﯘﺭﯨﻐﺎ ﻗﻮﻳﺪﻯ. (ﺋﻪﻗﯩﺪﻩ)