ﺩ ﺋﯘ ﻕ 11 ‏- ﺳﯧﻨﺘﻪﺑﯩﺮ ﯞﻩﻗﻪﺳﻰ ﻣﯘﻧﺎﺳﯩﯟﯨﺘﻰ ﺑﯩﻠﻪﻥ ﺑﺎﻳﺎﻧﺎﺕ ﺋﯧﻼﻥ ﻗﯩﻠﺪﻯ

ﺋﺎﻣﯧﺮﯨﻜﯩﺪﺍ ﻳﯜﺯ ﺑﻪﺭﮔﻪﻥ ﺗﯧﺮﺭﻭﺭﻟﯘﻕ ﻫﯘﺟﯘﻣﯩﻨﯩﯔ 6 ﻳﯩﻠﻠﯩﻖ ﻣﯘﻧﺎﺳﯩﯟﯨﺘﻰ ﺑﯩﻠﻪﻥ ﺑﯜﮔﯜﻥ ﺩﯗﻧﻴﺎ ﺋﯘﻳﻐﯘﺭ ﻗﯘﺭﯗﻟﺘﯩﻴﻰ ﺑﺎﻳﺎﻧﺎﺕ ﺋﯧﻼﻥ ﻗﯩﻠﺪﻯ.

ﺑﯘ ﻣﯘﻧﺎﺳﯩﯟﻩﺕ ﺑﯩﻠﻪﻥ ﺯﯨﻴﺎﺭﯨﺘﯩﻤﯩﺰﻧﻰ ﻗﻮﺑﯘﻝ ﻗﯩﻠﻐﺎﻥ ﺩﯗﻧﻴﺎ ﺋﯘﻳﻐﯘﺭ ﻗﯘﺭﯗﻟﺘﯧﻴﯩﻨﯩﯔ ﺑﺎﻳﺎﻧﺎﺗﭽﯩﺴﻰ ﺩﯨﻠﺸﺎﺕ ﺭﯦﺸﯩﺖ، ﺋﺎﻟﺪﻯ ﺑﯩﻠﻪﻥ ﺩﯗﻧﻴﺎ ﺋﯘﻳﻐﯘﺭ ﻗﯘﺭﯗﻟﺘﯩﻴﯩﻨﯩﯔ ﻫﻪﺭﻗﺎﻳﺴﻰ ﺩﯙﻟﻪﺗﺘﯩﻜﻰ ﺋﻪﺯﺍﻟﯩﺮﯨﻨﯩﯔ ﺋﺎﻣﯧﺮﯨﻜﺎ ﺧﻪﻟﻘﻰ ﺑﯩﻠﻪﻥ ﺑﯩﺮﻟﯩﻜﺘﻪ، ﺗﯧﺮﺭﻭﺭﻟﯘﻕ ﻫﯘﺟﯘﻣﯩﺪﺍ ﻗﯘﺭﺑﺎﻥ ﺑﻮﻟﻐﺎﻧﻼﺭﻏﺎ ﺗﻪﺯﯨﻴﻪ ﺑﯩﻠﺪﯛﺭﯨﺪﯨﻐﺎﻧﻠﯩﻘﯩﻨﻰ ﺗﻪﻛﯩﺘﻠﯩﺪﻯ.

ﺩﯨﻠﺸﺎﺕ ﺭﯦﺸﯩﺖ ﺳﯚﺯﯨﺪﻩ، ﺋﯘﻳﻐﯘﺭ ﺧﻪﻟﻘﯩﻨﯩﯔ ﺩﯦﻤﻮﻛﺮﺍﺗﯩﻚ ﺩﯙﻟﻪﺕ ﺋﻪﻟﻠﯩﺮﯨﻨﯩﯔ ﺧﻪﻟﻘﻰ ﺑﯩﻠﻪﻥ ﺑﯩﺮﻟﯩﻜﺘﻪ، ﺗﯧﺮﺭﻭﺭﭼﯩﻠﯩﻖ ﻫﻪﺭﻛﻪﺗﻠﯩﺮﯨﮕﻪ ﻗﺎﺭﺷﻰ ﺗﯘﺭﯨﺪﯨﻐﺎﻧﻠﯩﻘﯩﻨﻰ ﺑﻮﻟﯘﭘﻤﯘ ﺧﯩﺘﺎﻱ ﻛﻮﻣﻤﯘﻧﯩﺴﺘﻠﯩﺮﯨﻨﯩﯔ ﺋﯘﻳﻐﯘﺭﻻﺭﻏﺎ ﻗﺎﺭﯨﺘﺎ ﻳﯜﺭﮔﯜﺯﯨﯟﺍﺗﻘﺎﻥ ﺩﯙﻟﻪﺕ ﺗﯧﺮﺭﻭﺭﭼﯩﻠﯩﻘﯩﻨﻰ ﻗﺎﺗﺘﯩﻖ ﺋﻪﻳﯩﺒﻠﻪﻳﺪﯨﻐﺎﻧﻠﯩﻘﯩﻨﻰ ﺑﯩﻠﺪﯛﺭﺩﻯ.

ﺧﯩﺘﺎﻱ ﻫﯚﻛﯜﻣﯩﺘﯩﻨﯩﯔ ﺋﺎﻣﯧﺮﯨﻜﺎ ﯞﻩ ﻏﻪﺭﺏ ﺋﻪﻟﻠﯩﺮﯨﻨﯩﯔ ﺗﯧﺮﺭﻭﺭﭼﯩﻠﯩﻘﻘﺎ ﻗﺎﺭﺷﻰ ﻛﯜﺭﯨﺸﯩﺪﯨﻦ ﭘﺎﻳﺪﯨﻠﯩﻨﯩﭗ، ﺋﯘﻳﻐﯘﺭ ﻣﻪﺩﻩﻧﯩﻴﯩﺘﻰ، ﺩﯨﻨﯩﻲ ﯞﻩ ﺳﯚﺯ ﺋﻪﺭﻛﯩﻨﻠﯩﻜﯩﻨﻰ ﺋﯩﺰﭼﯩﻞ ﺑﺎﺳﺘﯘﺭﯗﭖ ﻛﯧﻠﯩﯟﺍﺗﻘﺎﻧﻠﯩﻘﯩﻨﻰ ﺋﻮﺗﺘﯘﺭﯨﻐﺎ ﻗﻮﻳﻐﺎﻥ ﺩﯨﻠﺸﺎﺕ ﺭﯦﺸﯩﺖ": ﺑﯜﮔﯜﻥ، ﺋﯘﻳﻐﯘﺭﻻﺭ ﺩﯗﻧﻴﺎﺩﺍ ﺋﺎﺯ ﺋﯘﭼﺮﺍﻳﺪﯨﻐﺎﻥ ﺩﯙﻟﻪﺕ ﺗﯧﺮﺭﻭﺭﭼﯩﻠﯩﻘﯩﻨﯩﯔ ﻗﯘﺭﺑﺎﻧﯩﻐﺎ ﺋﺎﻳﻼﻧﺪﻯ، ﺧﯩﺘﺎﻱ ﺋﯘﻳﻐﯘﺭ ﻣﯩﻠﻠﯩﺘﯩﻨﻰ ﻳﻮﻕ ﻗﯩﻠﯩﺶ ﺋﯜﭼﯜﻥ، ﺋﺎﻟﺪﻯ ﺑﯩﻠﻪﻥ ﺋﯘﻧﯩﯔ ﺗﯩﻠﯩﻨﻰ ﻳﻮﻕ ﻗﯩﻠﯩﺶ ﺋﯩﺴﺘﺮﺍﺗﯧﮕﯩﻴﯩﺴﯩﻨﻰ ﺋﯩﺸﻠﯩﺘﯩﭗ، ﺋﯘﻳﻐﯘﺭ ﻣﺎﺋﺎﺭﯨﭙﯩﻨﯩﯔ ﺋﻮﺭﻧﯩﻐﺎ ﺧﯩﺘﺎﻱ ﻣﺎﺋﺎﺭﯨﭙﯩﻨﻰ ﺩﻩﺳﺴﻪﺗﺘﻰ، ﺋﯘﻳﻐﯘﺭﻻﺭﻧﻰ ﺧﯩﺘﺎﻳﻼﺭﺩﯨﻦ ﭘﻪﺭﻗﻠﻪﻧﺪﯛﺭﯛﭖ ﺗﯘﺭﯨﺪﯨﻐﺎﻥ ﺩﯨﻨﯩﻲ ‏ ﺋﯚﺭﭖ ﺋﺎﺩﻩﺗﻠﯩﺮﯨﺪﯨﻦ ﻣﻪﻫﺮﯗﻡ ﻗﺎﻟﺪﯗﺭﯗﺵ ﺋﯜﭼﯜﻥ، ﺩﯨﻨﯩﻲ ﺋﻪﺭﻛﯩﻨﻠﯩﻜﺘﯩﻦ ﭼﻪﻛﻠﯩﺪﻯ، ﺋﯘﻳﻐﯘﺭﻻﺭﻧﻰ ﺳﯩﻴﺎﺳﯩﻲ ﻫﻮﻗﯘﻗﻘﺎ ﺋﯩﮕﻪ ﺑﻮﻻﻟﻤﺎﻳﺪﯨﻐﺎﻥ ﺋﻪﺳﯩﺮ ﻣﯩﻠﻠﻪﺕ ﻗﯩﻠﯩﺶ ﺋﯜﭼﯜﻥ، ﻫﯚﻛﯜﻣﻪﺗﻜﻪ ﻧﺎﺭﺍﺯﯨﻠﯩﻖ ﺑﯩﻠﺪﯛﺭﮔﻪﻥ ﺋﯚﻛﺘﯩﭽﯩﻠﻪﺭﻧﻰ ﺑﺎﺳﺘﯘﺭﺩﻯ، ﺗﯜﺭﻣﯩﻠﻪﺭﮔﻪ ﺗﺎﺷﻠﯩﺪﻯ ﻫﻪﺗﺘﺎ ﺩﯗﻧﻴﺎﺩﺍ ﺋﺎﺯ ﺋﯘﭼﺮﺍﻳﺪﯨﻐﺎﻥ ﺋﯚﻟﯜﻡ ﺟﺎﺯﺍﺳﻰ ﺑﯩﻠﻪﻥ ﺟﺎﺯﺍﻟﯩﺪﻯ ،" ﺩﯦﺪﻯ.

ﺩﯨﻠﺸﺎﺕ ﺭﯦﺸﯩﺖ ، ﺧﯩﺘﺎﻳﻨﯩﯔ ﺗﯧﺮﺭﻭﺭﭼﯩﻠﯩﻘﻘﺎ ﺯﻩﺭﺑﻪ ﺑﯧﺮﯨﺶ ﻛﯜﺭﯨﺸﯩﺪﯨﻦ ﭘﺎﻳﺪﯨﻠﯩﻨﯩﭗ، ﺋﯘﻳﻐﯘﺭﻻﺭﻧﯩﯔ ﺩﯦﻤﻮﻛﺮﺍﺗﯩﻴﻪ ﯞﻩ ﻛﯩﺸﯩﻠﯩﻚ ﻫﻮﻗﯘﻕ ﺋﯜﭼﯜﻥ ﺋﯧﻠﯩﭗ ﺑﯧﺮﯨﯟﺍﺗﻘﺎﻥ ﻫﻪﻗﻘﺎﻧﯩﻲ ﻛﯜﺭﻩﺷﻠﯩﺮﯨﻨﻰ، ﺩﯗﻧﻴﺎ ﺟﺎﻣﺎﺋﻪﺗﭽﯩﻠﯩﻜﯩﮕﻪ " ﺗﯧﺮﺭﻭﺭﻟﯘﻕ "ﻫﻪﺭﯨﻜﻪﺕ ﻗﯩﻠﯩﭗ ﻛﯚﺭﺳﯩﺘﯩﺸﺘﻪﻙ ﺭﻩﺯﯨﻞ ﻧﯩﻴﯩﺘﯩﻨﯩﯔ ﺋﯩﺸﻘﺎ ﺋﺎﺷﻤﺎﻳﺪﯨﻐﺎﻧﻠﯩﻘﯩﻨﻰ ﻳﻪﻧﻪ ﺑﯩﺮ ﻗﯧﺘﯩﻢ ﺗﻪﻛﯩﺘﻠﯩﺪﻯ. (ﺋﻪﻗﯩﺪﻩ)