ﺩ ﺋﯘﻕ ﻧﯩﯔ ﺑﺎﻳﺎﻧﺎﺗﭽﯩﺴﻰ ﺩﯨﻠﺸﺎﺕ ﺭﯨﺸﯩﺘﻨﯩﯔ ﺑﯩﻠﺪﯛﺭﯛﺷﯩﭽﻪ، ﻫﻪﺭ ﻳﯩﻠﺪﯨﻜﯩﮕﻪ ﺋﻮﺧﺸﺎﺵ ﺧﯩﺘﺎﻱ ﺩﺍﺋﯩﺮﯨﻠﯩﺮﻯ ﻣﯘﺳﯘﻟﻤﺎﻧﻼﺭﻧﯩﯔ ﺭﻭﺯﺍ ﺗﯘﺗﯩﺪﯨﻐﺎﻥ ﻣﯘﺑﺎﺭﻩﻙ ﺭﺍﻣﯩﺰﺍﻥ ﺋﯧﻴﻰ ﻛﯧﻠﯩﺸﻰ ﺑﯩﻠﻪﻥ، ﺋﯘﻳﻐﯘﺭ ﺋﯧﻠﯩﻨﯩﯔ ﻫﻪﺭ ﻗﺎﻳﺴﻰ ﺟﺎﻳﻠﯩﺮﯨﺪﺍ ﺋﯘﻳﻐﯘﺭﻻﺭﻧﯩﯔ ﺭﻭﺯﺍ ﺗﯘﺗﯘﺷﯩﻨﻰ ﭼﻪﻛﻠﻪﻳﺪﯨﻐﺎﻥ ﻳﻪﺭﻟﯩﻚ ﺗﯜﺯﯛﻣﻠﻪﺭﻧﻰ ﺑﯧﻜﯩﺘﯩﭗ، ﺩﯙﻟﻪﺕ ﻛﺎﺩﯨﺮﻟﯩﺮﻯ، ﭘﺎﺭﺗﯩﻴﻪ ﺋﻪﺯﺍﻟﯩﺮﻯ ﺋﻮﻗﯘﺗﻘﯘﭼﻰ ﺋﻮﻗﯘﻏﯘﭼﯩﻼﺭﻧﯩﯔ ﺭﻭﺯﺍ ﺗﯘﺗﯘﺷﯩﻨﻰ ﻗﺎﺗﺘﯩﻖ ﭼﻪﻛﻠﻪﭘﻼ ﻗﺎﻟﻤﺎﻱ، ﻳﯧﻘﯩﻨﺪﺍ ﻳﻪﻧﻪ ﻫﻪﺭ ﻗﺎﻳﺴﻰ ﺋﺎﺳﺎﺳﯩﻲ ﻗﺎﺗﻼﻣﺪﯨﻜﻰ ﻛﺎﺩﯨﺮﻻﺭﻏﺎ ﻣﻪﺧﺴﯘﺱ ﻳﯩﻐﯩﻦ ﺋﯧﭽﯩﭗ، ﺋﯘﻳﻐﯘﺭ ﻛﺎﺩﯨﺮﻻﺭﻧﯩﯔ ﺭﻭﺯﺍ ﺗﯘﺗﯘﺷﯩﻨﯩﯔ ﻣﻪﻧﯩﻲ ﻗﯩﻠﯩﻨﯩﺪﯨﻐﺎﻧﻠﯩﻘﯩﻨﻰ، ﺋﻪﮔﻪﺭﺩﻩ ﺗﯜﺯﯛﻣﮕﻪ ﺧﯩﻼﭘﻠﯩﻖ ﻗﯩﻠﺴﺎ ﺟﺎﺯﺍﻟﯩﻨﯩﺪﯨﻐﺎﻧﻠﯩﻘﯩﻨﻰ ﺋﯘﻗﺘﯘﺭﻏﺎﻥ ﻫﻪﻣﺪﻩ ﺩﯨﻨﻨﯩﻲ ﭘﺎﺋﺎﻟﯩﻴﻪﺗﻠﻪﺭﮔﻪ ﻗﺎﺗﻨﺎﺷﻤﺎﺳﻠﯩﻘﻰ ﻫﻪﻗﻘﯩﺪﻩ ﯞﻩﺩﯨﻨﺎﻣﻪ ﻳﺎﺯﺩﯗﺭﻏﺎﻥ.

ﺩﯨﻠﺸﺎﺕ ﺭﯨﺸﯩﺘﻨﯩﯔ ﺩﯗﻧﻴﺎ ﺋﯘﻳﻐﯘﺭ ﻗﯘﺭﯗﻟﺘﯩﻴﯩﻨﯩﯔ ﺋﺎﺗﯘﺷﺘﯩﻦ ﺋﯩﮕﯩﻠﯩﮕﻪﻥ ﺋﯘﭼﯘﺭﻟﯩﺮﯨﻐﺎ ﺋﺎﺳﺎﺳﻪﻥ ﺑﯩﻠﺪﯛﺭﯛﺷﯩﭽﻪ، ﻗﯩﺰﯨﻠﺴﯘ ﺩﺍﺋﯩﺮﯨﻠﯩﺮﻯ ﻫﻪﺗﺘﺎ ﺋﯘﻳﻐﯘﺭ ﺭﯦﺴﺘﻮﺭﺍﻥ، ﺗﺎﻣﺎﻗﺨﺎﻧﯩﻠﯩﺮﯨﻨﯩﯔ ﺭﺍﻣﯩﺰﺍﻥ ﺋﯧﻴﯩﺪﺍ ﺳﻮﺩﯨﺴﯩﻨﻰ ﺗﻮﺧﺘﺎﺗﻤﺎﺳﻠﯩﻖ ﻫﻪﻗﻘﯩﺪﻩ ﺋﯘﻗﺘﯘﺭﯗﺵ ﭼﯜﺷﯜﺭﮔﻪﻥ ﯞﻩ ﺑﯘ ﻫﻪﻗﺘﻪ ﺋﯘﻳﻐﯘﺭ ﺧﻮﺟﺎﻳﯩﻨﻼﺭﻧﻰ ﺩﺍﺋﯩﺮﯨﻠﻪﺭ ﺗﯜﺯﮔﻪﻥ ﺗﻮﺧﺘﺎﻡ، ﻫﯚﺟﺠﻪﺗﻠﻪﺭﮔﻪ ﻗﻮﻝ ﻗﻮﻳﺪﯗﺭﻏﺎﻥ.

ﺩﯨﻠﺸﺎﺕ ﺭﯨﺸﯩﺖ ﺭﺍﺩﯨﺌﻮﻣﯩﺰ ﯞﻩ ﺑﺎﺷﻘﺎ ﻏﻪﺭﺏ ﻣﻪﺗﺒﯘﺋﺎﺗﻠﯩﺮﯨﻐﺎ ﺑﻪﺭﮔﻪﻥ ﺑﺎﻳﺎﻧﺎﺗﯩﺪﺍ "ﺧﯩﺘﺎﻱ ﻫﯚﻛﯜﻣﯩﺘﻰ ﺗﺎﺷﻘﻰ ﺩﯗﻧﻴﺎﻏﺎ ﺋﯩﻨﺴﺎﻧﯩﻲ ﻫﻪﻕ ﻫﻮﻗﯘﻕ ﻫﻪﻣﺪﻩ ﺩﯨﻨﻨﯩﻲ ﺋﻪﺭﻛﯩﻨﻠﯩﻜﻜﻪ ﻫﯚﺭﻣﻪﺕ ﻗﯩﻠﯩﻤﯩﺰ ﺩﻩﭖ ﺗﻪﺷﯟﯨﻖ ﻗﯩﻠﯩﭗ ﺋﻪﻣﻪﻟﯩﻴﻪﺗﺘﻪ ﺑﻮﻟﺴﺎ ﺋﯘﻳﻐﯘﺭﻻﺭ ﺋﯜﺳﺘﯩﺪﯨﻦ ﺩﯨﻨﻨﯩﻲ ﯞﻩ ﻣﯩﻠﻠﯩﻲ ﺷﯘﻧﺪﺍﻗﻼ ﺳﯩﻴﺎﺳﯩﻲ ﺟﻪﻫﻪﺗﻠﻪﺭﺩﯨﻜﻰ ﺑﺎﺳﺘﯘﺭﯗﺵ ﻫﻪﺭﯨﻜﻪﺗﻠﯩﺮﯨﻨﻰ ﺋﻮﭼﯘﻕ ﺋﺎﺷﻜﺎﺭﺍ ﻫﺎﻟﺪﺍ ﺩﺍﯞﺍﻣﻼﺷﺘﯘﺭﯗﭖ ﻛﻪﻟﺪﻯ، ﺭﺍﻣﯩﺰﺍﻥ ﺋﯧﻴﯩﺪﺍ ﺋﯘﻳﻐﯘﺭﻻﺭﻧﯩﯔ ﺭﻭﺯﺍ ﺗﯘﺗﯘﺷﯩﻨﻰ ﺗﯜﺭﻟﯜﻙ ﺋﯘﺳﯘﻟﻼﺭ ﺑﯩﻠﻪﻥ ﻗﺎﺗﺘﯩﻖ ﭼﻪﻛﻠﻪﯞﺍﺗﻘﺎﻧﻠﯩﻘﯩﻨﯩﯔ ﺋﯚﺯﻯ، ﺧﯩﺘﺎﻱ ﻛﻮﻣﻤﯘﻧﯩﺴﺖ ﻫﯚﻛﯜﻣﯩﺘﯩﻨﯩﯔ ﺩﯨﻨﻨﯩﻲ ﺋﻪﺭﻛﯩﻨﻠﯩﻜﻜﻪ ﻫﯚﺭﻣﻪﺕ ﻗﯩﻠﻤﺎﻳﺪﯨﻐﺎﻧﻠﯩﻘﯩﻨﯩﯔ ﺋﯧﻨﯩﻖ ﺋﯩﺴﭙﺎﺗﻰ" ﺩﻩﭖ ﺑﯩﻠﺪﯛﺭﺩﻯ.