ﺧﯩﺘﺎﻱ ﺭﺍﺑﯩﻴﻪ ﻗﺎﺩﯨﺮﻧﯩﯔ "ﺋﻪﻗﯩﺪﻩ ﺷﯩﺮﻛﯩﺘﻰ" ﺩﯨﻜﻰ ﺋﯩﻜﻜﻰ ﺧﺎﺩﯨﻤﻨﻰ ﻗﻮﻳﯘﭖ ﺑﻪﺭﺩﻯ
2005-12-15
ﺧﯩﺘﺎﻱ ﻫﯚﻛﯜﻣﯩﺘﻰ 14 -ﺩﯦﻜﺎﺑﯩﺮ ﻛﯜﻧﻰ ﺋﺎﺗﺎﻗﻠﯩﻖ ﻛﯩﺸﯩﻠﯩﻚ ﻫﻮﻗﯘﻕ ﭘﺎﺋﺎﻟﯩﻴﻪﺗﭽﯩﺴﻰ ﺭﺍﺑﯩﻴﻪ ﻗﺎﺩﯨﺮﻧﯩﯔ "ﺋﻪﻗﯩﺪﻩ ﺷﯩﺮﻛﯩﺘﻰ" ﺩﯨﻜﻰ ﺋﯩﻜﻜﻰ ﻧﻪﭘﻪﺭ ﺧﺎﺩﯨﻤﻨﻰ ﻗﻮﻳﯘﭖ ﺑﻪﺭﺩﻯ.
ﺭﺍﺑﯩﻴﻪ ﺧﺎﻧﯩﻤﻨﯩﯔ ﺭﺍﺩﯨﺌﻮﻣﯩﺰﻏﺎ ﺑﯩﻠﺪﯛﺭﯨﺸﯩﭽﻪ، "ﺋﻪﻗﯩﺪﻩ ﺷﯩﺮﻛﯩﺘﻰ" ﻧﯩﯔ ﻛﺎﺗﯩﭙﻰ ﺭﻭﺯﻯ ﻣﻪﻣﻪﺕ ﯞﻩ ﻳﺎﺭﺩﻩﻣﭽﯩﺴﻰ ﺋﺎﻳﺸﻪﻣﮕﯜﻝ ﻛﯧﺮﯨﻢ ﺗﯜﺭﻣﯩﺪﯨﻦ ﻗﻮﻳﯘﭖ ﺑﯧﺮﯨﻠﮕﻪﻧﺪﻩ ﺋﯘﻻﺭﺩﺍ ﭼﻮﯓ ﺟﯩﺴﻤﺎﻧﯩﻲ ﺋﯚﺯﮔﯩﺮﯨﺶ ﺑﻮﻟﻐﺎﻥ. ﺭﺍﺑﯩﻴﻪ ﺧﺎﻧﯩﻢ ﺳﯚﺯﯨﺪﻩ "ﻫﻪﺭ ﺋﯩﻜﻜﯩﻠﯩﺴﻰ ﺋﯩﺴﻜﯩﻠﯩﺘﺘﻪﻙ ﺋﻮﺭﯗﻗﻼﭖ ﻛﯧﺘﯩﭙﺘﯘ. ﻫﻪﻣﺪﻩ ﭼﯧﭽﻰ ﺗﯧﻘﯩﻤﯩﻐﺎ ﻳﯧﺘﯩﺪﯨﻐﺎﻥ ﺋﺎﻳﺸﻪﻣﮕﯜﻟﻨﯩﯔ ﭼﺎﭼﻠﯩﺮﯨﻨﻰ ﺧﯘﺩﺩﻯ ﻗﻮﻳﻨﯩﯔ ﺩﯛﻣﺒﯩﺴﯩﻨﻰ ﻗﯩﺮﻗﯩﻐﺎﻧﺪﻩﻙ ﻗﯩﺮﻗﯩﭗ، ﺧﯘﺩﺩﻯ ﺋﻪﺭﯞﺍﻫﻼﺭﻏﯩﻼ ﺋﻮﺧﺸﯩﺘﯩﭗ ﻗﻮﻳﯘﭘﺘﯘ" ﺩﯦﺪﻯ.
ﺧﯩﺘﺎﻱ ﻫﯚﻛﯜﻣﯩﺘﻰ ﺋﯘﻻﺭﻧﯩﯔ ﻗﻮﻳﯘﭖ ﺑﯧﺮﯨﻠﯩﺸﻰ ﻫﻪﻗﻘﯩﺪﻩ ﻫﯧﭽﻘﺎﻧﺪﺍﻕ ﺋﯩﭙﺎﺩﻩ ﺑﯩﻠﺪﯛﺭﻣﯩﺪﻯ. ﺧﯩﺘﺎﻱ ﺩﺍﺋﯩﺮﯨﻠﯩﺮﻯ 11- ﻣﺎﻱ ﻛﯜﻧﻰ ﻳﻪﻧﻰ، ﺭﺍﺑﯩﻴﻪ ﺧﺎﻧﯩﻢ ﻗﻮﻳﯘﭖ ﺑﯧﺮﯨﻠﯩﭗ ﺋﯘﺯﯗﻥ ﺋﯚﺗﻤﻪﻱ، ﺋﯘﻧﯩﯔ ﺋﯜﺭﯛﻣﭽﯩﺪﯨﻜﻰ "ﺋﻪﻗﯩﺪﻩ ﺷﯩﺮﻛﯩﺘﻰ"ﮔﻪ ﺑﯚﺳﯜﭖ ﻛﯩﺮﯨﭗ، ﺭﻭﺯﻯ ﻣﻪﻣﻪﺕ ﺑﯩﻠﻪﻥ ﺋﺎﻳﺸﻪﻣﮕﯜﻟﻨﻰ ﺳﻪﯞﻩﺑﺴﯩﺰﻻ ﺗﯘﺗﯘﭖ ﻛﻪﺗﻜﻪﻥ ﻫﻪﻣﺪﻩ ﺷﯩﺮﻛﻪﺗﻨﯩﯔ ﺑﯩﺮ ﻗﯩﺴﯩﻢ ﻫﯚﺟﺠﻪﺗﻠﯩﺮﯨﻨﯩﻤﯘ ﻗﻮﺷﯘﭖ ﺋﯧﻠﯩﭗ ﻛﻪﺗﻜﻪﻥ ﺋﯩﺪﻯ.
ﺭﺍﺑﯩﻴﻪ ﺧﺎﻧﯩﻢ، ﺑﯘ ﺋﯩﻜﻜﯩﺴﯩﻨﯩﯔ ﺗﯘﺗﻘﯘﻥ ﻗﯩﻠﯩﻨﯩﺶ ﯞﻩﻗﻪﺳﯩﻨﻰ ﺋﯩﻠﮕﯩﺮﻯ ﺋﺎﻣﯧﺮﯨﻜﺎ ﻫﯚﻛﯜﻣﯩﺘﻰ، ﻳﺎﯞﺭﻭﭘﺎ ﭘﺎﺭﻻﻣﯧﻨﺘﻰ ﯞﻩ ﺧﻪﻟﻘﺌﺎﺭﺍ ﻛﻪﭼﯜﺭﯛﻡ ﺗﻪﺷﻜﯩﻼﺗﻰ ﻗﺎﺗﺎﺭﻟﯩﻖ ﺋﻮﺭﯗﻧﻼﺭﻏﺎ ﻳﻪﺗﻜﯜﺯﮔﻪﻥ ﻫﻪﻣﺪﻩ ﺋﯘﻻﺭﺩﯨﻦ ﺑﯘ ﻫﻪﻗﺘﻪ ﺧﯩﺘﺎﻳﻐﺎ ﺑﯧﺴﯩﻢ ﺋﯩﺸﻠﯩﺘﯩﺸﻨﻰ ﺗﻪﻟﻪﭖ ﻗﯩﻠﻐﺎﻥ. ﺋﯘﻻﺭﻧﯩﯔ ﻗﻮﻳﯘﭖ ﺑﯧﺮﯨﻠﯩﺸﻰ ﻣﯘﻧﺎﺳﯩﯟﻩﺕ ﺑﯩﻠﻪﻥ ﺭﺍﺑﯩﻴﻪ ﺧﺎﻧﯩﻢ ﺑﯘ ﺋﻮﺭﯗﻧﻼﺭﻏﺎ ﯞﻩ ﭘﺮﯦﺰﯨﺪﯦﻨﺖ ﺑﯘﺷﻘﺎ ﺋﺎﻻﻫﯩﺪﻩ ﺭﻩﻫﻤﻪﺕ ﺋﯧﻴﺘﯩﺪﯨﻐﺎﻧﻠﯩﻘﯩﻨﻰ ﺑﯩﻠﺪﯛﺭﺩﻯ. (ﭘﻪﺭﯨﺪﻩ)
ﻣﯘﻧﺎﺳﯩﯟﻩﺗﻠﯩﻚ ﻣﺎﻗﺎﻟﯩﻼﺭ
- ﺭﺍﺑﯩﻴﻪ ﻗﺎﺩﯨﺮ ﺳﻮﺩﺍ ﺳﺎﺭﯨﻴﯩﻨﯩﯔ ﺋﯩﻜﻜﻰ ﻧﻪﭘﻪﺭ ﺧﺎﺩﯨﻤﻰ، ﺧﯩﺘﺎﻱ ﺑﯩﺨﻪﺗﻪﺭﻟﯩﻚ ﺋﯩﺪﺍﺭﯨﺴﻰ ﺗﻪﺭﯨﭙﯩﺪﯨﻦ ﺗﯘﺗﯘﭖ ﻛﯧﺘﯩﻠﺪﻯ
- ﺋﺎﺗﺎﻗﻠﯩﻖ ﻛﯩﺸﯩﻠﯩﻚ ﻫﻮﻗﯘﻕ ﭘﺎﺋﺎﻟﯩﻴﻪﺗﭽﯩﺴﻰ ﺭﺍﺑﯩﻴﻪ ﻗﺎﺩﯨﺮ ﻛﻮﻓﯩﻲ ﺋﺎﻧﻨﺎﻧﻐﺎ ﺋﻮﭼﯘﻕ ﺧﻪﺕ ﻳﺎﺯﺩﻯ
- ﺋﻪﻳﻨﻪﻙ ﮊﻭﺭﻧﯩﻠﻰ: ﺧﯩﺘﺎﻳﻐﺎ ﻗﺎﺭﺷﻰ ﺋﺎﺗﻼﻧﻐﺎﻥ "ﺑﯘﺭﮊﯗﺋﺎ ﺋﯩﻨﻘﯩﻼﺑﭽﯩﺴﻰ"
- ﺭﺍﺑﯩﻴﻪ ﻗﺎﺩﯨﺮ ﮔﻮﻟﻼﻧﺪﯨﻴﯩﺪﯨﻜﻰ ﺯﯨﻴﺎﺭﯨﺘﯩﻨﻰ ﺋﺎﺧﯩﺮﻻﺷﺘﯘﺭﺩﻯ
- ﺭﺍﺑﯩﻴﻪ ﻗﺎﺩﯨﺮ ﻳﺎﯞﺭﻭﭘﺎﺩﯨﻜﻰ 7 ﺩﯙﻟﻪﺗﻨﻰ ﺯﯨﻴﺎﺭﻩﺕ ﻗﯩﻠﯩﺶ ﺳﻪﭘﯩﺮﯨﻨﻰ ﺑﺎﺷﻠﯩﺪﻯ
 | ﺑﯧﺴﯩﺶ |  |
ﺋﻪﯞﻩﺗﯩﺶ |
ﻗﻮﺭﺍﻟﻼﺭ
|
|
ﺋﻪﯞﻩﺗﯩﺶ |
|
ﺧﻪﯞﻩﺭﮔﻪ ﻣﯘﺷﺘﻪﺭﻯ ﺑﻮﻟﯘﺵ |
|
|
ﺑﯧﺴﯩﺶ |
24 ﺳﺎﺋﻪﺗﻠﯩﻚ ﺗﯧﻠﯧﻔﻮﻥ ﻟﯩﻨﯩﻴﯩﺴﻰ
ﺋﻪﺳﺴﺎﻻﻣﯘ ﺋﻪﻟﻪﻳﻜﯘﻡ ﺭﺍﺩﯨﺌﻮ ﺋﺎﯕﻠﯩﻐﯘﭼﯩﻼﺭ ﯞﻩ ﺋﻮﻗﯘﺭﻣﻪﻧﻠﻪﺭ، ﺋﯩﺴﺘﺎﻧﺴﯩﻤﯩﺰ ﺋﯘﻳﻐﯘﺭ ﺑﯚﻟﯜﻣﻰ24 ﺳﺎﺋﻪﺗﻠﯩﻚ ﺗﯧﻠﯧﻔﻮﻥ ﻟﯩﻨﯩﻴﯩﺴﻰ ﺗﻪﺳﯩﺲ ﻗﯩﻠﺪﻯ.
