ﺧﺎﺗﺎ ﺩﯨﺌﺎﮔﻨﻮﺯ ﺑﯩﺮ ﺋﯘﻳﻐﯘﺭ ﺑﻮﯞﺍﻗﻘﺎ ﻗﺎﺗﯩﻞ ﺑﻮﻟﺪﻯ

ﺷﯩﻨﺨﯘﺍ ﺗﻮﺭﯨﻨﯩﯔ 24- ﺋﯚﻛﺘﻪﺑﯩﺮ ﺧﻪﯞﯨﺮﯨﺪﯨﻦ ﺋﺎﺷﻜﺎﺭﯨﻠﯩﻨﯩﺸﯩﭽﻪ، ﺋﯜﺭﯛﻣﭽﻰ ﻟﻴﯘﺩﺍﯞﺍﻥ ﺩﻭﺧﺘﯘﺭﺧﺎﻧﯩﺴﻰ 33 ﻳﺎﺷﻠﯩﻖ ﺋﯩﺴﻤﻰ ﺋﺎ ﺑﯩﻠﻪﻥ ﺑﺎﺷﻠﯩﻨﯩﺪﯨﻐﺎﻥ ﺑﯩﺮ ﻫﺎﻣﯩﻠﺪﺍﺭ ﺋﺎﻳﺎﻟﻐﺎ ﺋﻪﻳﺪﯨﺰ ﯞﯨﺮﯗﺳﻰ ﺑﯩﻠﻪﻥ ﻳﯘﻗﯘﻣﻼﻧﻐﺎﻧﻠﯩﻘﻰ ﻫﻪﻗﻘﯩﺪﻩ ﺧﺎﺗﺎ ﺩﯨﺌﺎﮔﻨﻮﺯ ﻗﻮﻳﯘﭖ، ﺋﯘﻧﯩﯔ ﻗﻮﺭﺳﯩﻘﯩﺪﯨﻜﻰ ﺑﻪﺵ ﺋﺎﻳﻠﯩﻖ ﺗﯚﺭﻩﻟﻤﯩﺴﯩﻨﻰ ﻣﻪﺟﺒﯘﺭﯨﻲ ﭼﯜﺷﯜﺭﯛﺵ ﺋﻮﭘﯧﺮﺍﺗﺴﯩﻴﯩﺴﻰ ﻗﯩﻠﻐﺎﻥ. ﺑﯘ ﺋﺎﻳﺎﻝ ﻛﯧﻴﯩﻦ ﺑﺎﺷﻘﺎ ﺩﻭﺧﺘﯘﺭﺧﺎﻧﯩﺪﺍ ﻗﺎﻳﺘﺎ ﺗﻪﻛﺸﯜﺭﯛﺵ ﺋﺎﺭﻗﯩﻠﯩﻖ ﺋﯚﺯﯨﻨﯩﯔ H I V ﺑﯩﻠﻪﻥ ﻳﯘﻗﯘﻣﻼﻧﻤﯩﻐﺎﻧﻠﯩﻘﯩﻨﻰ ﺋﯩﺴﭙﺎﺗﻠﯩﻐﺎﻧﺪﯨﻦ ﻛﯧﻴﯩﻦ، ﻣﻪﺯﻛﯘﺭ ﺩﻭﺧﺘﯘﺭﺧﺎﻧﺎ ﺋﯜﺳﺘﯩﺪﯨﻦ ﺳﻮﺗﻘﺎ ﺋﻪﺭﺯ ﻗﯩﻠﯩﭗ، ﺧﺎﺗﺎ ﺩﯨﺌﺎﮔﻨﻮﺯﻧﯩﯔ ﺑﺎﻟﯩﺴﯩﻐﺎ ﻗﺎﺗﯩﻠﻠﯩﻖ ﻗﯩﻠﻐﺎﻧﻠﯩﻘﻰ ﻫﻪﻡ ﺑﯘ ﺟﻪﺭﻳﺎﻧﺪﺍ ﺋﯧﻐﯩﺮ ﺟﯩﺴﻤﺎﻧﯩﻲ ﻫﻪﻡ ﺭﻭﻫﯩﻲ ﺋﺎﺯﺍﺏ ﺗﺎﺭﺗﻘﺎﻧﻠﯩﻘﯩﻨﯩﯔ ﺑﻪﺩﯨﻠﯩﻨﻰ ﺗﯚﻟﻪﺷﻨﻰ ﺗﻪﻟﻪﭖ ﻗﯩﻠﻐﺎﻥ. ﻳﯧﺮﯨﻢ ﻳﯩﻠﭽﻪ ﺩﺍﯞﺍﻣﻼﺷﻘﺎﻥ ﺋﻪﺭﺯﻧﯩﯔ ﻧﻪﺗﯩﺠﯩﺴﯩﺪﻩ، ﺳﻮﺗﻨﯩﯔ ﻫﯚﻛﯜﻣﻰ ﺑﯩﻠﻪﻥ ﺑﯘ ﺩﻭﺧﺘﯘﺭﺧﺎﻧﺎ ﺯﯨﻴﺎﻧﻜﻪﺷﻠﯩﻜﻜﻪ ﺋﯘﭼﺮﯨﻐﯘﭼﯩﻐﺎ 74 ﻣﯩﯔ 880 ﻳﯜﻩﻥ ﺗﯚﻟﻪﻡ ﺗﯚﻟﯩﮕﻪﻥ.

ﮔﻪﺭﭼﻪ ﺧﻪﯞﻩﺭﺩﻩ ﺑﯘ ﺧﺎﺗﺎ ﺩﯨﺌﺎﮔﻨﻮﺯ ﺗﯜﭘﻪﻳﻠﻰ ﺋﯧﻐﯩﺮ ﺑﻪﺩﻩﻝ ﺗﯚﻟﯩﮕﻪﻥ ﺑﯘ ﺋﺎﻳﺎﻟﻨﯩﯔ ﺗﻮﻟﯘﻕ ﺋﯩﺴﻤﻰ ﺑﯧﺮﯨﻠﻤﯩﮕﻪﻥ ﺑﻮﻟﺴﯩﻤﯘ، ﺋﻪﻣﻤﺎ ﻟﻴﯘﺩﺍﯞﺍﻥ ﺩﻭﺧﺘﯘﺭﺧﺎﻧﯩﺴﯩﺪﯨﻦ ﺋﯩﮕﯩﻠﯩﺸﯩﻤﯩﺰﭼﻪ،ﺑﯘ ﺋﺎﻳﺎﻝ 33 ﻳﺎﺵ ﺋﻪﺗﺮﺍﭘﯩﺪﯨﻜﻰ ﺋﯘﻳﻐﯘﺭ ﺋﺎﻳﺎﻝ ﺋﯩﻜﻪﻥ.

ﺧﻪﯞﻩﺭﺩﻩ ﺩﯦﻴﯩﻠﯩﺸﯩﭽﻪ، ﺯﯨﻴﺎﻧﻐﺎ ﺋﯘﭼﺮﯨﻐﯘﭼﻰ ﺋﺎﻳﺎﻝ2006 - ﻳﯩﻠﻰ 10- ﺋﺎﻳﺪﺍ ﻫﺎﻣﯩﻠﺪﺍﺭ ﺑﻮﻟﯘﭖ ﺋﺎﺋﯩﻠﯩﺴﻰ ﺯﻭﺭ ﺧﻮﺷﺎﻟﻠﯩﻘﻘﺎ ﭼﯚﻣﮕﻪﻥ. ﻛﯜﺗﯜﻟﻤﯩﮕﻪﻥ ﻳﻪﺭﺩﯨﻦ ﺋﯘ ﺑﺎﻻ ﺑﻪﺵ ﺋﺎﻳﻠﯩﻖ ﺑﻮﻟﻐﺎﻧﺪﺍ، ﻳﻪﻧﻰ ﺑﯘ ﻳﯩﻞ 3- ﺋﺎﻳﺪﺍ ﻟﻴﯘ ﺩﺍﯞﺍﻥ ﺩﻭﺧﺘﯘﺭﺧﺎﻧﯩﺴﯩﺪﺍ ﺋﯧﻠﯩﭗ ﺑﯧﺮﯨﻠﻐﺎﻥ ﻗﺎﻥ ﺗﻪﻛﺸﯜﺭﯛﺷﺘﻪ ﺋﯘﻧﯩﯔ H I V ﯞﯨﺮﯗﺳﻰ ﺑﯩﻠﻪﻥ ﻳﯘﻗﯘﻣﻼﻧﻐﺎﻧﻠﯩﻘﻰ ﻫﻪﻗﻘﯩﺪﻩ ﺩﯨﺌﺎﮔﻨﻮﺯ ﻗﻮﻳﯘﻟﻐﺎﻥ. ﻫﻪﻣﺪﻩ ﺩﻭﺧﺘﯘﺭﺧﺎﻧﺎ ﺋﯘﻧﯩﯔ ﺑﺎﻟﯩﺴﯩﻨﯩﯔ ﺑﯩﻨﻮﺭﻣﺎﻝ ﺗﯘﻏﯘﻟﯩﺪﯨﻐﺎﻧﻠﯩﻘﯩﻨﻰ ﺑﯩﻠﺪﯛﺭﯛﭖ ﺩﻩﺭﻫﺎﻝ ﺑﺎﻟﯩﻨﻰ ﭼﯜﺷﯜﺭﯛﺵ ﺋﻮﭘﯧﺮﺍﺗﺴﯩﻴﯩﺴﻰ ﻗﯩﻠﻐﺎﻥ.

ﺷﯘﻧﯩﯖﺪﯨﻦ ﻛﯧﻴﯩﻦ ﺋﯧﻐﯩﺮ ﺟﯩﺴﻤﺎﻧﯩﻲ ﻫﻪﻡ ﺭﻭﻫﯩﻲ ﺋﺎﺯﺍﺑﻘﺎ ﺩﯗﭼﺎﺭ ﺑﻮﻟﻐﺎﻥ ﺑﯘ ﺑﻪﺧﺘﺴﯩﺰ ﺋﺎﻳﺎﻝ، ﺋﯚﺯﯨﻨﯩﯔ ﺋﻪﻳﺪﯨﺰ ﯞﯨﺮﯗﺳﯩﺪﯨﻦ ﻳﯘﻗﯘﻣﻠﯩﻨﯩﭗ ﻗﯧﻠﯩﺸﯩﻐﺎ ﻗﺎﻳﯩﻞ ﺑﻮﻟﻤﺎﻱ، ﺋﺎﺧﯩﺮﻯ ﺷﯩﻨﺠﺎﯓ ﻣﯧﺪﯨﺘﺴﯩﻨﺎ ﺋﯘﻧﯩﯟﯦﺮﺳﯩﺘﯧﺘﻰ ﺑﯩﺮﯨﻨﭽﻰ ﺩﻭﺧﺘﯘﺭﺧﺎﻧﯩﺴﻰ ﻫﻪﻣﺪﻩ ﺋﯘﻳﻐﯘﺭ ﺋﺎﭘﺘﻮﻧﻮﻡ ﺭﺍﻳﻮﻧﻠﯘﻕ ﺧﻪﻟﻖ ﺩﻭﺧﺘﯘﺭﺧﺎﻧﯩﺴﻰ ﻗﺎﺗﺎﺭﻟﯩﻖ ﺑﯩﺮ ﻗﺎﻧﭽﻪ ﭼﻮﯓ ﺩﻭﺧﺘﯘﺭﺧﺎﻧﯩﻼﺭﺩﺍ ﻗﺎﻳﺘﺎ ﺗﻪﻛﺸﯜﺭﺗﻜﻪﻧﺪﻩ،ﺋﯚﺯﯨﻨﯩﯔ ﺋﻪﻳﺪﯨﺰ ﺑﯩﻠﻪﻥ ﻳﯘﻗﯘﻣﻼﻧﻤﯩﻐﺎﻧﻠﯩﻘﻰ ﺋﯧﻨﯩﻘﻼﻧﻐﺎﻥ. ﻗﺎﻳﺘﯩﺪﯨﻦ ﻏﻪﻳﺮﻩﺗﻜﻪ ﻛﻪﻟﮕﻪﻥ ﺑﯘ ﺋﯘﻳﻐﯘﺭ ﺋﺎﻳﺎﻝ ﺋﺎﺧﯩﺮﻯ ﺧﺎﺗﺎ ﺩﯨﺌﺎﮔﻨﻮﺯ ﺋﺎﺭﻗﯩﻠﯩﻖ ﺗﺎﺭﺗﻘﺎﻥ ﺋﺎﺯﺍﺑﻠﯩﺮﯨﻨﯩﯔ ﺗﯚﻟﯩﻤﯩﻨﻰ ﺗﯚﻟﯩﺘﯩﺸﻨﻰ ﺗﻪﻟﻪﭖ ﻗﯩﻠﻐﺎﻥ. ﺋﻪﺳﻠﻰ ﺋﯘ ﺑﯘ ﺩﻭﺧﺘﯘﺭﺧﺎﻧﯩﺪﯨﻦ ﺋﯩﻜﻜﻰ ﻳﯜﺯ ﻣﯩﯔ ﻳﯘﻩﻥ ﺗﯚﻟﻪﻡ ﺗﻪﻟﻪﭖ ﻗﯩﻠﻐﺎﻥ ﺋﯩﻜﻪﻥ.

ﺋﻪﻳﺪﯨﺰ ﻣﯘﺗﻪﺧﻪﺳﺴﯩﺴﻠﯩﺮﻯ ﻣﯘﺷﯘﻧﯩﯖﻐﺎ ﺋﻮﺧﺸﺎﺵ ﺧﺎﺗﺎ ﺩﯨﺌﺎﮔﻨﻮﺯﻻﺭﻧﯩﯔ ﺋﯧﻠﯩﭗ ﻛﯧﻠﯩﺪﯨﻐﺎﻥ ﺑﯩﻬﯘﺩﻩ ﺋﺎﺯﺍﺑﻠﯩﺮﯨﺪﯨﻦ ﺳﺎﻗﻠﯩﻨﯩﺶ ﺋﯜﭼﯜﻥ ﺋﯚﺯﯨﺪﯨﻦ ﮔﯘﻣﺎﻧﻼﻧﻐﺎﻥ ﺋﻪﻳﺪﯨﺰ ﻳﯘﻗﯘﻣﺪﺍﺭﻟﯩﺮﯨﻨﯩﯔ، ﺑﯩﺮﻩﺭ ﻛﯩﭽﯩﻚ ﺋﺎﻣﺒﯘﻻﺗﻮﺭﯨﻴﻪ ﯞﻩ ﻳﺎﻛﻰ ﺩﻭﺧﺘﯘﺭﺧﺎﻧﯩﻨﯩﯔ ﺋﯚﺯﻯ ﺋﯜﺳﺘﯩﺪﯨﻦ ﭼﯩﻘﺎﺭﻏﺎﻥ ﺑﯩﺮﺩﯨﻦ ‏-ﺑﯩﺮ ﺩﯨﺌﺎﮔﻨﻮﺯﻯ ﺋﺎﺭﻗﯩﻠﯩﻘﻼ ﺩﺍﯞﺍﻟﯩﻨﯩﺶ ﻳﺎﻛﻰ ﺑﺎﺷﻘﺎ ﺗﻪﺩﺑﯩﺮ ﻗﻮﻟﻠﯩﻨﯩﺸﺘﯩﻦ ﺑﯘﺭﯗﻥ ﻳﻪﻧﻪ، ﺑﺎﺷﻘﺎ ﭼﻮﯓ ﺩﻭﺧﺘﯘﺭﺧﺎﻧﺎ ﻳﺎﻛﻰ ﺩﯨﺌﺎﮔﻨﻮﺯ ﻗﻮﻳﯘﺵ ﺳﻪﯞﯨﻴﯩﺴﻰ ﺑﯩﺮ ﻗﻪﺩﻩﺭ ﻳﯘﻗﯩﺮﻯ ﺋﻮﺭﯗﻧﻼﺭﺩﺍ ﻗﺎﻳﺘﺎ ﺗﻪﻛﺸﯜﺭﺗﯜﺵ ﺋﺎﺭﻗﯩﻠﯩﻖ ﺗﻮﻏﺮﺍ ﺩﯨﺌﺎﮔﻨﻮﺯﻏﺎ ﺋﯧﺮﯨﺸﯩﺸﯩﻨﻰ ﺗﻪﯞﺳﯩﻴﻪ ﻗﯩﻠﯩﺪﯗ. (ﮔﯜﻟﭽﯧﻬﺮﻩ)