ﺋﯜﺭﯛﻣﭽﻰ ﺋﻪﻳﺪﯨﺰ ﻛﯧﺴﯩﻠﯩﻨﯩﯔ ﺗﺎﺭﻗﯩﻠﯩﺸﻰ ﺟﻪﻫﻪﺗﺘﻪ ﺋﯘﻳﻐﯘﺭ ﺋﯩﻠﻰ ﺑﻮﻳﯩﭽﻪ ﺋﺎﻟﺪﯨﻨﻘﻰ ﺷﻪﻫﻪﺭ ﺑﻮﻟﯘﭖ ﻗﺎﻟﺪﻯ

ﺧﯩﺘﺎﻱ ﺩﺍﺋﯩﺮﯨﻠﯩﺮﯨﻨﯩﯔ ﺋﺎﻟﺪﯨﻨﻘﻰ ﻛﯜﻧﻰ ﺋﺎﺷﻜﺎﺭﯨﻠﯩﺸﯩﭽﻪ، ﺋﯘﻳﻐﯘﺭ ﺋﺎﭘﺘﻮﻧﻮﻡ ﺭﺍﻳﻮﻧﯩﻨﯩﯔ ﻣﻪﺭﻛﯩﺰﻯ ﺋﯜﺭﯛﻣﭽﻰ، ﺋﻪﻳﺪﯨﺰ ﯞﯨﺮﯗﺳﯩﻨﯩﯔ ﺗﺎﺭﻗﯩﻠﯩﺶ ﻧﯩﺴﺒﯩﺘﻰ ﺟﻪﻫﻪﺗﺘﻪ ﺋﯩﻠﻰ ﯞﯨﻼﻳﯩﺘﯩﺪﯨﻦ ﺋﯚﺗﯜﭖ ﺋﯘﻳﻐﯘﺭ ﺋﺎﭘﺘﻮﻧﻮﻡ ﺭﺍﻳﻮﻧﻰ ﺑﻮﻳﯩﭽﻪ 1- ﺋﻮﺭﯗﻧﻐﺎ ﭼﯩﻘﻘﺎﻥ. ﺩﺍﺋﯩﺮﯨﻠﻪﺭ ﻳﻪﻧﻪ، ﺯﻩﻫﻪﺭﻟﯩﻚ ﭼﯧﻜﯩﻤﻠﯩﻚ ﭼﯧﻜﯩﺶ ﺳﻪﯞﻩﺑﯩﺪﯨﻦ ﺋﻪﻳﺪﯨﺰ ﯞﯨﺮﯗﺳﻰ ﻳﯘﻗﺘﯘﺭﯗﯞﺍﻟﻐﯘﭼﯩﻼﺭﻧﯩﯔ %70 ﺋﯜﺭﯛﻣﭽﯩﮕﻪ ﻣﻪﺭﻛﻪﺯﻟﻪﺷﻜﻪﻧﻠﯩﻜﯩﻨﻰ ﺑﯩﻠﺪﯛﺭﻣﻪﻛﺘﻪ.

ﻟﯧﻜﯩﻦ ﺩﺍﺋﯩﺮﯨﻠﻪﺭ ﺋﯜﺭﯛﻣﭽﯩﺪﻩ ﺯﺍﺩﻯ ﻗﺎﻧﭽﯩﻠﯩﻚ ﻛﯩﺸﯩﻨﯩﯔ ﺋﻪﻳﺪﯨﺰ ﯞﯨﺮﯗﺳﯩﺪﺍ ﻳﯘﻗﯘﻣﻼﻧﻐﺎﻧﻠﯩﻘﯩﻨﻰ ﺋﯧﻼﻥ ﻗﯩﻠﻤﯩﺪﻯ. ﺋﯜﺭﯛﻣﭽﻰ ﺷﻪﻫﻪﺭﻟﯩﻚ ﺝ ﺥ ﺋﯩﺪﺍﺭﯨﺴﻰ ﺋﺎﻟﺪﯨﻨﻘﻰ ﻛﯜﻧﻰ ﺋﺎﺧﺒﺎﺭﺍﺕ ﺋﯧﻼﻥ ﻗﯩﻠﯩﺶ ﻳﯩﻐﯩﻨﻰ ﭼﺎﻗﯩﺮﯨﭗ، ﺯﻩﻫﻪﺭﻟﯩﻚ ﭼﯧﻜﯩﻤﻠﯩﻚ ﺋﻪﻫﯟﺍﻟﯩﻨﯩﯔ ﺋﯜﺭﯛﻣﭽﯩﺪﻩ ﺑﺎﺭﻏﺎﻧﺴﯩﺮﻯ ﺋﯧﻐﯩﺮﻟﯩﺸﯩﯟﺍﺗﻘﺎﻧﻠﯩﻘﯩﻨﻰ ﺋﺎﮔﺎﻫﻼﻧﺪﯗﺭﺩﻯ. ﻣﯘﻧﺎﺳﯩﯟﻩﺗﻠﯩﻚ ﺩﺍﺋﯩﺮﯨﻠﻪﺭ، ﺋﯘﻳﻐﯘﺭ ﺋﺎﭘﺘﻮﻧﻮﻡ ﺭﺍﻳﻮﻧﯩﺪﺍ ﺯﻩﻫﻪﺭﻟﯩﻚ ﭼﯧﻜﯩﻤﻠﯩﻜﻨﻰ ﺋﻮﻛﯘﻝ ﻗﯩﻠﯩﭗ ﺳﯧﻠﯩﺶ ﺋﯘﺳﯘﻟﻰ ﺋﻪﻳﺪﯨﺰ ﯞﯨﺮﯗﺳﯩﻨﯩﯔ ﺗﺎﺭﻗﯩﻠﯩﺸﯩﺪﯨﻜﻰ ﺋﻪﯓ ﻣﯘﻫﯩﻢ ﻗﺎﻧﺎﻟﻼﺭﻧﯩﯔ ﺑﯩﺮﻯ، ﺩﻩﭖ ﻛﯚﺭﺳﻪﺗﻤﻪﻛﺘﻪ.

ﺋﯜﺭﯛﻣﭽﻰ ﺷﻪﻫﻪﺭﻟﯩﻚ ﺝ ﺥ ﺋﯩﺪﺍﺭﯨﺴﻰ ﺯﻩﻫﻪﺭﻟﯩﻚ ﭼﯧﻜﯩﻤﻠﯩﻜﻜﻪ ﻗﺎﺭﺷﻰ ﺗﯘﺭﯗﺵ ﺋﻪﺗﺮﯨﺘﯩﻨﯩﯔ ﺳﯩﻴﺎﺳﻰ ﻛﻮﻣﯩﺴﺴﺎﺭﻯ ﺟﯧﻦ ﺟﯩﯖﻨﯩﯔ، ﺋﯜﺭﯛﻣﭽﯩﺪﻩ ﺯﻩﻫﻪﺭﻟﯩﻚ ﭼﯧﻜﯩﻤﻠﯩﻜﻜﻪ ﻣﯘﻧﺎﺳﯩﯟﻩﺗﻠﯩﻚ ﺟﯩﻨﺎﻳﻰ ﻫﻪﺭﯨﻜﻪﺗﻠﻪﺭﻧﯩﯔ ﻧﺎﻫﺎﻳﯩﺘﻰ ﺋﯧﻐﯩﺮ ﺋﻪﻫﯟﺍﻟﺪﺍ ﺋﯩﻜﻪﻧﻠﯩﻜﯩﻨﻰ ﺑﯩﻠﺪﯛﺭﮔﻪﻥ. ﺋﺎﻣﯧﺮﯨﻜﯩﺪﯨﻜﻰ ﻣﻪﺷﻬﯘﺭ ﺗﻪﺗﻘﯩﻘﺎﺕ ﺋﻮﺭﮔﺎﻧﻠﯩﺮﯨﻨﯩﯔ ﺑﯩﺮﻯ ﺑﻮﻟﻐﺎﻥ ﺋﯩﺴﺘﯩﺮﺍﺗﯧﮕﯩﻴﻪ ﯞﻩ ﺧﻪﻟﻘﺌﺎﺭﺍ ﺗﻪﺗﻘﯩﻘﺎﺕ ﻣﻪﺭﻛﯩﺰﻯ ﺋﯚﺗﻜﻪﻥ ﺋﺎﻳﺪﺍ ﺋﯧﻼﻥ ﻗﯩﻠﻐﺎﻥ ﺑﯩﺮ ﺩﻭﻛﻼﺗﯩﺪﺍ، ﺋﻪﻳﺪﯨﺰ ﯞﯨﺮﯗﺳﻰ ﺋﯘﻳﻐﯘﺭ ﺋﯩﻠﯩﺪﺍ ﺑﯘﻧﯩﯖﺪﯨﻦ ﻛﯧﻴﯩﻨﻜﻰ 5 ﻳﯩﻞ ﺋﯩﭽﯩﺪﻩ ﺋﯜﺯﻟﯩﻜﺴﯩﺰ ﻛﯧﯖﯩﻴﯩﺪﯨﻐﺎﻧﻠﯩﻘﯩﻨﻰ، ﻗﻪﺷﻘﻪﺭﺩﻩ ﺋﻪﻳﺪﯨﺰ ﺑﯩﻠﻪﻥ ﻳﯘﻗﯘﻣﻼﻧﻐﺎﻥ ﻫﺎﻣﯩﻠﺪﺍﺭ ﺋﺎﻳﺎﻟﻼﺭﻧﯩﯔ %5 ﺗﯩﻦ ﺋﺎﺷﻘﺎﻧﻠﯩﻘﯩﻨﻰ، ﺑﯘ ﺋﻪﻫﯟﺍﻟﻨﯩﯔ ﻏﯘﻟﺠﯩﺪﺍ %3، ﺗﯘﺭﭘﺎﻧﺪﺍ %4ﺩﯨﻦ ﺋﺎﺷﯩﺪﯨﻐﺎﻧﻠﯩﻘﯩﻨﻰ ﯞﻩ ﺋﻪﻳﺪﯨﺰ ﻛﯧﺴﯩﻠﻰ ﺋﺎﺳﺎﺳﻠﯩﻘﻰ ﺭﺍﻳﻮﻧﺪﯨﻜﻰ ﻳﻪﺭﻟﯩﻚ ﻣﯩﻠﻠﻪﺗﻠﻪﺭﺩﻩ ﺗﺎﺭﻗﯩﻠﯩﯟﺍﺗﻘﺎﻧﻠﯩﻘﯩﻨﻰ ﺋﯩﻠﮕﯩﺮﻯ ﺳﯜﺭﮔﻪﻥ. ﺧﯩﺘﺎﻱ ﻣﻪﺗﺒﯘﺋﺎﺗﻠﯩﺮﯨﻨﯩﯔ ﻳﯧﻘﯩﻨﺪﺍ ﺋﺎﺷﻜﺎﺭﯨﻠﯩﺸﯩﭽﻪ، ﻗﺎﺭﯨﻤﺎﻳﺪﺍ ﺑﯘ ﻳﯩﻠﻨﯩﯔ ﺩﻩﺳﻠﻪﭘﻜﻰ 6 ﺋﯧﻴﯩﺪﺍ ﺑﺎﻳﻘﺎﻟﻐﺎﻥ 13 ﻧﻪﭘﻪﺭ ﺋﻪﻳﺪﯨﺰ ﯞﯨﺮﯗﺳﯩﻨﯩﯔ 11 ﻧﻪﭘﯩﺮﯨﻨﻰ ﺋﯘﻳﻐﯘﺭﻻﺭ ﺋﯩﮕﻪﻟﻠﯩﮕﻪﻥ. ﺋﺎﻣﯧﺮﯨﻜﺎ ﺋﯩﺴﺘﯩﺮﺍﺗﯧﮕﯩﻴﻪ ﯞﻩ ﺧﻪﻟﻘﺌﺎﺭﺍ ﺗﻪﺗﻘﯩﻘﺎﺕ ﻣﻪﺭﻛﯩﺰﻯ، ﺧﯩﺘﺎﻱ ﺳﻪﻫﯩﻴﻪ ﯞﻩ ﺑﯩﺨﻪﺗﻪﺭﻟﯩﻚ ﺋﻮﺭﮔﺎﻧﻠﯩﺮﯨﻨﻰ ﺋﻪﻳﺪﯨﺰ ﻛﯧﺴﯩﻠﯩﻨﻰ ﭼﻪﻛﻠﻪﺵ ﻣﻪﺳﯩﻠﯩﺴﯩﺪﻩ ﺋﯚﺯ ﺋﺎﺭﺍ ﻳﺎﺧﺸﻰ ﻣﺎﺳﻼﺷﻤﺎﻳﯟﺍﺗﻘﺎﻧﻠﯩﻘﯩﻨﻰ ﺗﻪﻛﯩﺘﻠﯩﮕﻪﻥ. (ﺋﻪﺭﻛﯩﻦ)