ﻓﯩﻨﻼﻧﺪﯨﻴﯩﺪﯨﻜﻰ ﺑﯩﺮ ﺗﻪﺷﻜﯩﻼﺕ ﺋﯘﻳﻐﯘﺭ ﺋﯧﻠﯩﺪﯨﻜﻰ ﺗﯩﺒﺒﯩﻲ ﺧﺎﺩﯨﻤﻼﺭﻧﻰ ﻳﯧﺘﯩﺸﺘﯜﺭﯛﺷﻜﻪ ﻳﺎﺭﺩﻩﻣﻠﻪﺷﺘﻰ

ﻓﯩﻨﻼﻧﺪﯨﻴﯩﻨﯩﯔ ﺑﯩﺮ ﺧﻪﻟﻘﺌﺎﺭﺍ ﻳﺎﺭﺩﻩﻡ ﺑﯧﺮﯨﺶ ﺗﻪﺷﻜﯩﻼﺗﻰ ﻗﻪﺷﻘﻪﺭ ﯞﯨﻼﻳﻪﺗﻠﯩﻚ ﺳﻪﮬﯩﻴﻪ ﺋﯩﺪﺍﺭﯨﺴﻰ ﺑﯩﻠﻪﻥ ﺑﯩﺮﻟﯩﺸﯩﭗ، ﭼﺎﺭﺷﻪﻧﺒﻪ ﻛﯜﻧﻰ ﻳﻮﭘﯘﺭﻏﺎ ﻧﺎﮬﯩﻴﯩﺴﯩﺪﻩ ﻳﯧﺰﺍ ﺗﯩﺒﺒﯩﻲ ﺧﺎﺩﯨﻤﻠﯩﺮﯨﻨﻰ ﺗﻪﺭﺑﯩﻴﯩﻠﻪﺵ ﻛﯘﺭﺳﻰ ﺋﺎﭼﺘﻰ. ﻳﻮﭘﯘﺭﻏﺎ ﻧﺎﮬﯩﻴﯩﺴﯩﻨﯩﯔ ﮬﻪﺭ ﻗﺎﻳﺴﻰ ﻳﯧﺰﯨﻠﯩﺮﯨﺪﯨﻦ ﻛﻪﻟﮕﻪﻥ 36 ﻧﻪﭘﻪﺭ ﺩﻭﺧﺘﯘﺭ، 14 ﻛﯜﻧﻠﯜﻙ ﻣﻪﺯﻛﯘﺭ ﻛﯘﺭﺳﻘﺎ ﻗﺎﺗﻨﺎﺷﺘﻰ.

ﻣﻪﺯﻛﯘﺭ ﺗﻪﺷﻜﯩﻼﺗﻨﯩﯔ ﺋﺎﻻﻗﯩﺪﺍﺭ ﻣﻪﺳﺌﯘﻟﻰ ﺟﻮﻳﯩﺲ ﺧﺎﺩﯨﻢ، ﻓﯩﻨﻼﻧﺪﯨﻴﯩﻨﯩﯔ ﻣﯘﺗﻪﺧﻪﺳﺴﯩﺴﻠﯩﺮﻯ ﯞﻩ ﺑﯩﺮ ﻗﯩﺴﯩﻢ ﺗﻪﺭﺑﯩﻴﯩﻠﻪﻧﮕﻪﻥ ﻳﻪﺭﻟﯩﻚ ﺩﻭﺧﺘﯘﺭﻻﺭﻧﯩﯔ ﻣﻪﺯﻛﯘﺭ ﻳﯧﺰﺍ ﺩﻭﺧﺘﯘﺭﻟﯩﺮﯨﻐﺎ ﺋﺎﺳﺎﺳﻠﯩﻘﻰ ﺩﺍﯞﺍﻻﺵ، ﺋﺎﻧﺎ- ﺑﺎﻻ ﺳﺎﻏﻠﯩﻘﻰ، ﻳﯘﻗﯘﻣﻠﯘﻕ ﻛﯧﺴﻪﻟﻠﻪﺭﺩﯨﻦ ﺳﺎﻗﻠﯩﻨﯩﺶ ﻗﺎﺗﺎﺭﻟﯩﻖ ﻣﻪﺯﻣﯘﻧﻼﺭﺩﺍ ﺩﻩﺭﺱ ﺋﯚﺗﯩﺪﯨﻐﺎﻧﻠﯩﻘﯩﻨﻰ ﺑﯩﻠﺪﯛﺭﮔﻪﻥ.

ﺧﯩﺘﺎﻱ ﺧﻪﯞﻩﺭ ﺗﻮﺭﯨﻨﯩﯔ ﺧﻪﯞﯨﺮﯨﮕﻪ ﻗﺎﺭﯨﻐﺎﻧﺪﺍ، ﻓﯩﻨﻼﻧﺪﯨﻴﻪ ﮬﯚﻛﯜﻣﯩﺘﯩﻨﯩﯔ ﻣﻪﺑﻠﯩﻐﻰ ﺑﯩﻠﻪﻥ ﻗﯘﺭﯗﻟﻐﺎﻥ ﻣﻪﺯﻛﯘﺭ ﺗﻪﺷﻜﯩﻼﺕ، ﺋﯘﻳﻐﯘﺭﻻﺭ ﺗﻮﭘﻠﯩﺸﯩﭗ ﺋﻮﻟﺘﯘﺭﺍﻗﻼﺷﻘﺎﻥ ﻗﻪﺷﻘﻪﺭ ﯞﯨﻼﻳﯩﺘﯩﺪﻩ ﻳﯧﺰﺍ ﺩﻭﺧﺘﯘﺭﻟﯩﺮﯨﻨﻰ ﻳﯩﺘﯩﺸﺘﯜﺭﯛﺵ ﺋﯩﺸﻠﯩﺮﯨﻐﺎ ﻳﯧﻘﯩﻨﺪﯨﻦ ﻳﺎﺭﺩﻩﻡ ﺑﯧﺮﯨﭗ، ﮬﺎﺯﯨﺮﻏﯩﭽﻪ 200 ﺩﯨﻦ ﺋﺎﺭﺗﯘﻕ ﺩﻭﺧﺘﯘﺭﻧﻰ ﮬﻪﺭ ﺧﯩﻞ ﻛﯘﺭﺳﻼﺭﺩﺍ ﺗﻪﺭﺑﯩﻴﯩﻠﯩﮕﻪﻥ.

ﻓﯩﻨﻼﻧﺪﯨﻴﯩﻨﯩﯔ ﻣﻪﺯﻛﯘﺭ ﺗﻪﺷﻜﯩﻼﺗﯩﻨﯩﯔ ﻗﻪﺷﻘﻪﺭ ﺭﺍﻳﻮﻧﯩﺪﺍ "ﺳﺎﻏﻼﻣﻠﯩﻘﻨﻰ ﺋﯩﻠﮕﯩﺮﻯ ﺳﯜﺭﯛﺵ ﭘﺮﻭﮔﺮﺍﻣﻤﯩﺴﻰ" 2003 - ﻳﯩﻠﻰ ﺑﺎﺷﻼﻧﻐﺎﻥ ﺑﻮﻟﯘﭖ، ﺋﺎﺳﺎﺳﻠﯩﻘﻰ ﺗﯩﺒﺒﯩﻲ ﺧﺎﺩﯨﻤﻼﺭﻧﻰ ﺗﻪﺭﺑﯩﻴﯩﻠﻪﺵ ﺋﺎﺭﻗﯩﻠﯩﻖ ﻳﻪﺭﻟﯩﻚ ﺩﯦﮭﻘﺎﻧﻼﺭﻧﯩﯔ ﺳﺎﻏﻼﻣﻠﯩﻖ ﺗﻪﺭﺑﯩﻴﯩﺴﻰ ﺋﯧﯖﯩﻨﻰ ﻛﯜﭼﻪﻳﺘﯩﭗ، ﺗﯘﺭﻣﯘﺵ ﺳﻪﯞﯨﻴﯩﺴﯩﻨﻰ ﺋﯚﺳﺘﯜﺭﯛﺷﻨﻰ ﻣﻪﻗﺴﻪﺕ ﻗﯩﻠﯩﺪﯨﻜﻪﻥ. (ﺋﺎﺭﺯﯗ)