ﺑﯘ ﻣﺎﻧﯧﯟﯨﺮﻏﺎ ﺋﯩﻠﻰ ﺋﻮﺑﻼﺳﺘﯩﺪﯨﻜﻰ ﻗﻮﺭﺍﻟﻠﯩﻖ ﺳﺎﻗﭽﻰ ﻗﯩﺴﯩﻤﻠﯩﺮﻯ ﻫﻪﻡ ﭼﯧﮕﺮﺍ ﻗﻮﻏﺪﺍﺵ ﻗﯩﺴﻤﯩﻨﯩﯔ ﺋﻮﻓﯩﺘﺴﯧﺮ، ﺋﻪﺳﻜﻪﺭﻟﯩﺮﻯ ﻗﺎﺗﻨﺎﺷﻘﺎﻥ ﺑﻮﻟﯘﭖ، ﺋﯘﻻﺭ ﻣﺎﻧﯧﯟﯨﺮ ﺩﺍﯞﺍﻣﯩﺪﺍ ﺋﺎﭘﺸﺎﺭﻛﯩﻼﺭ ﺑﯩﻠﻪﻧﻤﯘ ﻣﺎﻫﺎﺭﻩﺕ ﻛﯚﺭﺳﻪﺗﻜﻪﻥ.

ﻣﺎﻧﯧﯟﯨﺮﻏﺎ ﻗﺎﺗﻨﺎﺷﻘﺎﻥ ﺋﯩﻠﻰ ﺋﻮﺑﻼﺳﺘﯩﻨﯩﯔ ﻣﯘﻧﺎﺳﯩﯟﻩﺗﻠﯩﻚ ﺭﻩﻫﺒﻪﺭﻟﯩﺮﻯ، ﺑﯧﻴﺠﯩﯔ ﺋﻮﻟﯩﻤﭙﯩﻜﻰ ﺟﻪﺭﻳﺎﻧﯩﺪﺍ ﺋﯧﻠﯩﻨﯩﯔ ﻣﯘﻗﯩﻤﻠﯩﻘﯩﻨﻰ ﻗﻮﻏﺪﺍﺷﺘﺎ ﺳﺎﻗﭽﻰ ﻫﻪﻡ ﻫﻪﺭﺑﯩﻲ ﻗﯩﺴﯩﻤﻼﺭﻧﯩﯔ ﯞﻩﺯﯨﭙﯩﺴﯩﻨﯩﯔ ﺋﯧﻐﯩﺮﻟﯩﻘﯩﻨﻰ ﺗﻪﻛﯩﺘﻠﯩﮕﻪﻥ. ﺷﯘ ﻛﯜﻧﻰ ﻳﻪﻧﻪ ﻏﯘﻟﺠﺎ ﺷﻪﻫﻪﺭﻟﯩﻚ ﺟﺎﻣﺎﺋﻪﺕ ﺧﻪﯞﻩﭘﺴﯩﺰﻟﯩﻚ ﺩﺍﺋﯩﺮﯨﻠﯩﺮﻯ ﺋﻮﻟﯩﻤﭙﯩﻚ ﺑﯩﺨﻪﺗﻪﺭﻟﯩﻜﻰ ﺗﻪﻳﻴﺎﺭﻟﯩﻖ ﻳﯩﻐﯩﻨﻰ ﺋﺎﭼﻘﺎﻥ ﺑﻮﻟﯘﭖ، ﻳﯩﻐﯩﻨﺪﺍ ﺷﻪﻫﻪﺭﻟﯩﻚ ﭘﺎﺭﺗﻜﻮﻣﻨﯩﯔ ﺳﯧﻜﺮﯨﺘﺎﺭﻯ ﺟﺎﯞ ﺑﺎﯞﺧﯘﺍ " ﻗﻮﺭﺍﻟﻠﯩﻖ ﺑﯩﺨﻪﺗﻪﺭﻟﯩﻚ ﻗﯩﺴﯩﻤﻠﯩﺮﻯ ﺋﯚﺯ ﺋﯩﭽﯩﻤﯩﺰﺩﻩ ﻫﻮﺷﻴﺎﺭﻟﯩﻘﻨﻰ ﺋﯚﺳﺘﯜﺭﯛﭖ، ﺑﯩﺨﻪﺗﻪﺭﻟﯩﻚ ﻫﻪﻡ ﻣﻪﺧﭙﯩﻴﻪﺗﻠﯩﻜﻨﻰ ﺳﺎﻗﻼﺵ ﺧﯩﺰﻣﯩﺘﯩﻨﻰ ﻳﺎﺧﺸﻰ ﺋﯩﺸﻠﻪﭖ، ﺋﻮﻟﯩﻤﭙﯩﻜﺘﯩﻦ ﺋﯩﺒﺎﺭﻩﺕ ﺑﯘ ﺟﻪﯕﺪﻩ ﭼﻮﻗﯘﻡ ﻳﯧﯖﯩﭗ ﭼﯩﻘﯩﺸﯩﻤﯩﺰ ﻛﯧﺮﻩﻙ،" ﺩﻩﭖ ﻳﻮﻟﻴﻮﺭﯗﻕ ﺑﻪﺭﮔﻪﻥ.

ﺧﻪﯞﻩﺭﻟﻪﺭﺩﯨﻦ ﻣﻪﻟﯘﻡ ﺑﻮﻟﯘﺷﯩﭽﻪ، ﻳﯧﻘﯩﻨﻘﻰ ﺋﺎﻳﻼﺭﺩﯨﻦ ﺑﯘﻳﺎﻥ ﺋﯩﻠﻰ ﺋﻮﺑﻼﺳﺘﻰ ﺳﺎﻗﭽﻰ ﺩﺍﺋﯩﺮﯨﻠﯩﺮﻯ، ﺋﻮﻟﯩﻤﭙﯩﻚ ﺑﯩﺨﻪﺗﻪﺭﻟﯩﻜﯩﻨﻰ ﻛﯜﭼﻪﻳﺘﯩﺶ، ﺗﯘﻳﯘﻗﺴﯩﺰ ﻳﯜﺯ ﺑﯧﺮﯨﺶ ﺋﯧﻬﺘﯩﻤﺎﻟﻠﯩﻘﻰ ﺑﻮﻟﻐﺎﻥ ﻫﻪﺭﯨﻜﻪﺗﻠﻪﺭﻧﯩﯔ ﺋﺎﻟﺪﯨﻨﻰ ﺋﯧﻠﯩﺶ ﺑﺎﻫﺎﻧﯩﺴﯩﺪﺍ ﺋﯩﻠﻰ ﺗﻪﯞﻩﺳﯩﺪﻩ ﺋﯘﻳﻐﯘﺭﻻﺭﻧﻰ ﺗﯘﺗﻘﯘﻥ ﻗﯩﻠﯩﺶ، ﺑﺎﺳﺘﯘﺭﯗﺵ ﻫﻪﺭﯨﻜﻪﺗﻠﯩﺮﯨﻨﻰ ﺋﯧﻠﯩﭗ ﺑﯧﺮﯨﯟﺍﺗﻘﺎﻥ ﺑﻮﻟﯘﭖ، ﺋﯩﻨﻜﺎﺳﻼﺭﻏﺎ ﻗﺎﺭﯨﻐﺎﻧﺪﺍ، ﺗﯘﺗﻘﯘﻥ ﻗﯩﻠﯩﺶ ﺋﻮﺑﻴﯧﻜﺘﻰ ﺋﺎﺳﺎﺳﻪﻥ 1997 - ﻳﯩﻠﯩﺪﯨﻜﻰ ﺋﯩﻠﻰ ﯞﻩﻗﻪﺳﻰ ﺟﻪﺭﻳﺎﻧﯩﺪﺍ ﻗﻮﻟﻐﺎ ﺋﯧﻠﯩﻨﯩﭗ ﻗﻮﻳﯘﭖ ﺑﯧﺮﯨﻠﮕﻪﻥ ﻫﻪﻡ ﺋﯩﻠﮕﯩﺮﻯ ﺟﯩﻨﺎﻳﻪﺕ ﺋﯚﺗﻜﯜﺯﯛﺵ ﺗﺎﺭﯨﺨﻰ ﺑﻮﻟﻐﺎﻥ،ﺳﯩﻴﺎﺳﯩﻲ ﺟﻪﻫﻪﺗﺘﯩﻦ ﺳﺎﻗﭽﻰ ﺩﺍﺋﯩﺮﯨﻠﯩﺮﯨﻨﯩﯔ ﮔﯘﻣﺎﻧﯩﻨﻰ ﻗﻮﺯﻏﯩﻐﺎﻥ ﺋﯘﻳﻐﯘﺭ ﻳﺎﺷﻠﯩﺮﻯ ﺑﻮﻟﻤﺎﻗﺘﺎ ﺋﯩﻜﻪﻥ.