ﺳﺎﻧﺠﯩﺪﺍ ﻛﺎﻥ ﯞﻩﻗﻪﺳﻰ ﻳﯜﺯ ﺑﯧﺮﯨﭗ ﻳﻪﺗﺘﻪ ﺋﺎﺩﻩﻡ ﺋﯚﻟﺪﻯ

ﺋﯘﻳﻐﯘﺭ ﺋﯧﻠﻰ ﻳﻪﺭﻟﯩﻚ ﮔﯧﺰﯨﺘﻠﯩﺮﯨﻨﯩﯔ ﺳﻪﻳﺸﻪﻧﺒﻪ ﺧﻪﯞﻩﺭ ﺋﯧﻼﻥ ﻗﯩﻠﯩﺸﯩﭽﻪ، 11- ﺋﺎﯞﻏﯘﺳﺖ ﻛﯜﻧﻰ ﺳﺎﻧﺠﻰ ﺷﻪﻫﻪﺭ ﺋﻪﺗﺮﺍﭘﯩﻐﺎ ﺟﺎﻳﻼﺷﻘﺎﻥ ﭘﯘﻣﯩﻲ ﻛﯚﻣﯜﺭ ﻛﺎﻧﯩﺪﺍ ﮔﯜﻣﯜﺭﯛﻟﯜﺵ ﯞﻩﻗﻪﺳﻰ ﻳﯜﺯ ﺑﯧﺮﯨﭗ ﻳﻪﺗﺘﻪ ﺋﺎﺩﻩﻣﻨﯩﯔ ﺋﯚﻟﯜﺷﯩﮕﻪ ﺳﻪﯞﻩﺏ ﺑﻮﻟﻐﺎﻥ.

ﺧﻪﯞﻩﺭﮔﻪ ﻗﺎﺭﯨﻐﺎﻧﺪﺍ ﯞﻩﻗﻪ ﺷﻪﻧﺒﻪ ﻛﯜﻧﻰ ﺷﯘ ﺟﺎﻱ ﯞﺍﻗﺘﻰ ﭼﯜﺷﺘﯩﻦ ﻛﯧﻴﯩﻦ ﺋﯩﻜﻜﻰ ﺋﻪﺗﺮﺍﭘﯩﺪﺍ ﺗﯘﻳﯘﻗﺴﯩﺰ ﻳﯜﺯ ﺑﻪﺭﮔﻪﻥ ﺑﻮﻟﯘﭖ ، ﻛﺎﻥ ﺋﯜﺳﺘﻰ ﮔﯚﻣﯜﺭﯛﻟﮕﻪﻥ ﺟﺎﻳﺪﯨﻦ ﮔﺎﺯ ﺋﯧﺘﯩﻠﯩﭗ ﭼﯩﻘﻘﺎﻥ. ﺑﯘ ﭼﺎﻏﺪﺍ ﺗﯧﺨﻰ ﻛﺎﻥ ﺋﺎﺳﺘﯩﺪﺍ ﺋﯩﺸﻠﻪﯞﺍﺗﻘﺎﻥ ﺋﺎﻟﺘﻪ ﻧﻪﭘﻪﺭ ﻛﺎﻥ ﺋﯩﺸﭽﯩﺴﻰ ﺑﯧﺴﯩﻠﯩﭗ ﺋﯚﻟﮕﻪﻥ ، ﺋﯧﻐﯩﺮ ﻳﺎﺭﯨﻼﻧﻐﺎﻥ ﻳﻪﻧﻪ ﺑﯩﺮﻯ ﻗﯘﺗﻘﯘﺯﯗﯞﯦﻠﯩﻨﻐﺎﻥ ﺑﻮﻟﺴﯩﻤﯘ ﺋﻪﻣﻤﺎ ﺗﯧﺨﻰ ﺩﻭﺧﺘﯘﺭﺧﺎﻧﯩﻐﺎ ﻳﯧﺘﯩﭗ ﺑﺎﺭﻣﺎﻱ ﺗﯘﺭﯗﭖ ﺟﺎﻥ ﺋﯚﺯﮔﻪﻥ.

ﺳﺎﻧﺠﻰ ﻫﯚﻛﯜﻣﻪﺕ ﺗﻮﺭﯨﺪﯨﻦ ﺋﯩﮕﯩﻠﯩﻨﯩﺸﯩﭽﻪ ﻫﺎﺯﯨﺮ ﺑﯘ ﻛﯚﻣﯜﺭ ﻛﺎﻥ ﺋﯩﺸﺘﯩﻦ ﺗﻮﺧﺘﯘﺗﯘﻟﯘﭖ ﺑﯩﺨﻪﺗﻪﺭ ﺋﯩﺸﻠﻪﭘﭽﯩﻘﯩﺮﯨﺶ ﺟﻪﻫﻪﺗﺘﯩﻦ ﺗﻪﻛﺸﯜﺭﯛﻟﯜﯞﺍﺗﻘﺎﻥ ﺑﻮﻟﯘﭖ ، ﺩﺍﺋﯩﺮﯨﻠﻪﺭ ﻣﻪﺯﻛﯘﺭ ﻛﺎﻥ ﮔﯜﻣﯜﺭﯛﻟﯜﺵ ﯞﻩﻗﻪﺳﯩﻨﯩﯔ ﺳﻪﯞﻩﺑﯩﻨﻰ ﺋﯧﻨﯩﻘﻼﺵ ﺋﯩﺸﻠﯩﺮﻯ ﺑﯩﻠﻪﻥ ﻣﻪﺷﻐﯘﻝ ﺋﯩﻜﻪﻥ.

ﺳﺎﻧﺠﻰ ﻛﯚﻣﯜﺭ ﻛﺎﻥ ﺋﯩﺪﺍﺭﯨﺴﻰ ﺑﺎﺷﻘﯘﺭﯗﺷﯩﺪﯨﻜﻰ ﻣﻪﺯﻛﯘﺭ ﻛﯚﻣﯜﺭ ﻛﺎﻥ ﺋﯜﺭﯛﻣﭽﻰ ﺷﻪﻫﯩﺮﯨﮕﻪ 50 ﻛﯩﻠﻮﻣﯧﺘﺮ ﺋﯘﺯﺍﻗﻠﯩﻘﺘﺎ ﺑﻮﻟﯘﭖ 1994 - ﻳﯩﻠﯩﺪﯨﻦ ﺑﺎﺷﻼﭖ ﻗﯘﺭﯗﻟﯘﺷﻘﺎ ﺑﺎﺷﻠﯩﻐﺎﻥ. 2005 - ﻳﯩﻠﻰ ﺑﯘ ﻛﺎﻥ ﺷﻪﻧﺸﯩﻠﯩﻚ ﻫﯚﺩﺩﯨﮕﻪﺭﻧﯩﯔ ﻗﻮﻟﯩﻐﺎ ﺋﯚﺗﻜﻪﻥ. ﺧﻪﯞﻩﺭﺩﻩ ﺗﻪﻛﯩﺘﻠﯩﻨﯩﺸﯩﭽﻪ ﯞﻩﻗﻪ ﻳﯜﺯ ﺑﻪﺭﮔﻪﻥ ﺑﯘ ﻛﺎﻧﻨﯩﯔ ﺑﺎﺭﻟﯩﻖ ﺭﻩﺳﻤﯩﻴﻪﺗﻠﯩﺮﻯ ﺗﻮﻟﯘﻕ ﺑﻮﻟﯘﭖ ، ﻳﻪﺭﻟﯩﻚ ﺩﺍﺋﯩﺮﯨﻠﻪﺭﻧﯩﯔ ﺗﻪﺳﺘﯩﻘﻠﯩﺸﻰ ﺑﯩﻠﻪﻥ ﺗﻮﻗﺴﺎﻥ ﻣﯩﯔ ﺗﻮﻧﻨﯩﻠﯩﻖ ﻣﻪﻫﺴﯘﻻﺕ ﺑﯧﺮﯨﺪﯨﻐﺎﻥ ﻛﺎﻥ ﻗﯩﻠﯩﭗ ﻛﯧﯖﻪﻳﺘﯩﻠﮕﻪﻥ ﺋﯩﻜﻪﻥ.

ﺧﯩﺘﺎﻳﺪﺍ ﻗﺎﺭﺍ ﺧﯘﻣﺪﺍﻥ ﯞﻩﻗﻪﻟﯩﺮﯨﻨﯩﯔ ﺋﺎﺭﻗﺎ ﺋﺎﺭﻗﯩﺪﯨﻦ ﭘﺎﺵ ﺑﻮﻟﯘﺷﯩﻐﺎ ﺋﻪﮔﯩﺸﯩﭗ ﺋﯘﻳﻐﯘﺭ ﺋﯧﻠﯩﺪﯨﻨﻤﯘ ﻳﯧﻘﯩﻨﺪﯨﻦ ﺑﯘﻳﺎﻥ ﺋﯩﺸﭽﯩﻼﺭﻧﻰ ﻗﯘﻝ ﺋﻮﺭﻧﯩﺪﺍ ﺋﯩﺸﻠﻪﺗﻜﻪﻥ، ﻫﻪﻣﺪﻩ ﺑﯩﺨﻪﺗﻪﺭ ﺋﯩﺸﻠﻪﭘﭽﯩﻘﯩﺮﯨﺶ ﺋﯚﻟﭽﯩﻤﯩﮕﻪ ﺗﻮﺷﻤﺎﻳﺪﯨﻐﺎﻥ ﻗﺎﻧﯘﻧﺴﯩﺰ ﻛﺎﻥ ﻫﻪﻡ ﺧﯘﻣﺪﺍﻧﻼﺭ ﺑﺎﻳﻘﺎﻟﻤﺎﻗﺘﺎ. ﺷﯘﻧﯩﯖﺪﻩﻙ ﻣﯘﺷﯘﻧﯩﯖﻐﺎ ﺋﻮﺧﺸﺎﺵ ﻛﺎﻥ ﯞﻩﻗﻪﻟﯩﺮﯨﻨﯩﯔ ﻳﯜﺯ ﺑﯧﺮﯨﺸﻰ ﭘﻪﯞﻗﯘﻟﺌﺎﺩﺩﻩ ﻛﯚﭖ ﻛﯚﺭﯛﻟﻤﻪﻛﺘﻪ. (ﮔﯜﻟﭽﯧﻬﺮﻩ)