ﺧﯩﺘﺎﻱ ﺩﯙﻟﻪﺗﻠﯩﻚ ﻧﯧﻔﯩﺖ ﺷﯩﺮﻛﯩﺘﻰ، ﺋﯩﻜﻜﯩﻨﭽﻰ ﺗﻪﺑﺌﯩﻲ ﮔﺎﺯ ﺗﻮﺷﯘﺵ ﺗﯘﺭﯗﺑﯩﺴﯩﻨﯩﯔ ﻳﯜﻧﯜﻟﯜﺷﯩﻨﻰ ﺑﻪﻟﮕﯩﻠﯩﺪﻯ

ﺩﯛﺷﻪﻧﺒﻪ ﻛﯜﻧﻰ، ﺧﯩﺘﺎﻱ ﺩﯙﻟﻪﺗﻠﯩﻚ ﻧﯧﻔﯩﺖ ﺷﯩﺮﻛﯩﺘﻰ، ﺧﯩﺘﺎﻳﻨﯩﯔ ﺋﯩﻜﻜﯩﻨﭽﻰ ﻗﯧﺘﯩﻤﻠﯩﻖ ﻏﻪﺭﺑﺘﯩﻦ ﺷﻪﺭﻗﻘﻪ، ﺋﻮﺗﺘﯘﺭﺍ ﺋﺎﺳﯩﻴﺎ - ﺧﯩﺘﺎﻱ، ﺗﻪﺑﺌﯩﻲ ﮔﺎﺯ ﺗﻮﺷﯘﺵ ﺗﯘﺭﯗﺑﯩﺴﯩﻨﯩﯔ ﻳﯜﻧﯜﻟﯜﺷﻰ ﻫﻪﻗﻘﯩﺪﻩ ﻗﺎﺭﺍﺭ ﻗﯩﻠﻐﺎﻧﻠﯩﻘﯩﻨﻰ ﺑﯩﻠﺪﯛﺭﺩﻯ.

ﺷﯩﻨﺨﯘﺍ ﺋﺎﮔﯧﻨﺘﻠﯩﻘﯩﻨﯩﯔ ﺧﻪﯞﻩﺭ ﻗﯩﻠﯩﺸﯩﭽﻪ، ﺋﯘﻳﻐﯘﺭ ﺋﯧﻠﻰ ﯞﻩ ﺗﯜﺭﻛﻤﻪﻧﯩﺴﺘﺎﻥ ﻗﺎﺗﺎﺭﻟﯩﻖ ﺋﻮﺗﺘﯘﺭﺍ ﺋﺎﺳﯩﻴﺎ ﺩﯙﻟﻪﺗﻠﯩﺮﯨﻨﯩﯔ ﺗﻪﺑﺌﯩﻲ ﮔﺎﺯﯨﻨﻰ ﺧﯩﺘﺎﻳﻨﯩﯔ ﺋﯧﻨﯧﺮﮔﯩﻴﯩﮕﻪ ﺗﻪﺷﻨﺎ ﺑﻮﻟﻐﺎﻥ ﺷﻪﺭﻗﯩﻲ ﯞﻩ ﺟﻪﻧﯘﺑﯩﻲ ﺭﺍﻳﻮﻧﻠﯩﺮﯨﻐﺎ ﺗﻮﺷﯘﻳﺪﯨﻐﺎﻥ ﻣﻪﺯﻛﯘﺭ ﺗﻪﺑﺌﯩﻲ ﮔﺎﺯ ﺗﯘﺭﯗﺑﯩﺴﻰ ﺧﯩﺘﺎﻳﻨﯩﯔ 13 ﺋﯚﻟﻜﻪ، ﺋﺎﭘﺘﻮﻧﻮﻡ ﺭﺍﻳﻮﻥ ﯞﻩ ﺷﻪﻫﻪﺭﻟﯩﺮﯨﺪﯨﻦ ﺋﯚﺗﯩﺪﯨﻜﻪﻥ.

ﺧﻪﯞﻩﺭﻟﻪﺭﮔﻪ ﻗﺎﺭﯨﻐﺎﻧﺪﺍ، ﺑﯘ ﺗﯘﺭﯗﺑﺎ ﻳﻮﻟﯩﻨﯩﯔ ﻗﯘﺭﯗﻟﯘﺵ ﺋﯩﺸﻰ 2008‏- ﻳﯩﻠﻰ ﺑﺎﺷﻠﯩﻨﯩﭗ، 2010‏-ﻳﯩﻠﻰ ﮔﺎﺯ ﺗﻮﺷﯘﺷﻨﻰ ﺭﻩﺳﻤﯩﻲ ﺑﺎﺷﻼﻳﺪﯨﻜﻪﻥ. ﺧﯩﺘﺎﻱ ﺩﯙﻟﻪﺗﻠﯩﻚ ﻧﯧﻔﯩﺖ ﺷﯩﺮﻛﯩﺘﯩﻨﯩﯔ ﺑﯩﻠﺪﯛﺭﯛﺷﯩﭽﻪ، ﺋﯘﺯﯗﻧﻠﯩﻘﻰ 7000 ﻛﯩﻠﻮﻣﯧﺘﯩﺮ ﻛﯩﻠﯩﺪﯨﻐﺎﻥ ﻣﻪﺯﻛﯘﺭ ﺗﯘﺭﯗﺑﺒﺎ ﻳﻮﻟﻰ ﺋﺎﺭﻗﯩﻠﯩﻖ، ﺋﯘﻳﻐﯘﺭ ﺋﯧﻠﻰ ﯞﻩ ﺋﻮﺗﺘﯘﺭﺍ ﺋﺎﺳﯩﻴﺎ ﺩﯙﻟﻪﺗﻠﺮﯨﺪﯨﻦ ﻫﻪﺭ ﻳﯩﻠﻰ 30 ﻣﯩﻠﻴﺎﺭﺩ ﻛﯘﭘﻤﯧﺘﯩﺮ ﺗﻪﺑﺌﯩﻲ ﮔﺎﺯ، ﺧﯩﺘﺎﻳﻨﯩﯔ ﺋﯚﻟﻜﯩﻠﯩﺮﯨﮕﻪ ﻳﻪﺗﻜﯜﺯﯨﻠﯩﺪﯨﻜﻪﻥ. (ﺋﯚﻣﻪﺭ ﻗﺎﻧﺎﺕ)