ﺋﯘﻳﻐﯘﺭ ﺋﯧﻠﻰ ﺧﯩﺘﺎﻳﺪﯨﻜﻰ ﺋﻪﯓ ﭼﻮﯓ ﻧﯧﻔﯩﺖ ﺑﺎﺯﯨﺴﻰ ﺑﻮﻟﯘﺵ ﺋﺎﻟﺪﯨﺪﺍ ﺗﯘﺭﻣﺎﻗﺘﺎ

ﺧﯩﺘﺎﻱ ﺩﯙﻟﻪﺕ ﻛﺎﺑﯩﻨﺘﯩﻨﯩﯔ ﻳﯧﻘﯩﻨﻘﻰ ﺗﯧﺰﯨﺴﻠﯩﺮﯨﺪﯨﻦ ﺋﺎﺷﻜﺎﺭﯨﻠﯩﻨﯩﺸﯩﭽﻪ، 2020- ﻳﯩﻠﯩﻐﯩﭽﻪ ﺋﯘﻳﻐﯘﺭ ﺋﯧﻠﻰ ﺧﯩﻴﺎﻟﺪﯨﻜﻰ ﺋﻪﯓ ﭼﻮﯓ ﻧﯧﻔﯩﺖ ﺑﺎﺯﯨﺴﯩﻐﺎ ﺋﺎﻳﻠﯩﻨﯩﺪﯨﻜﻪﻥ.

ﺧﯩﺘﺎﻱ ﺋﯩﻠﯩﻢ-ﭘﻪﻥ ﻧﻪﺷﺮﯨﻴﺎﺗﻰ ﺑﯘ ﻫﻪﻗﺘﻪ ﺑﻪﺭﮔﻪﻥ ﻣﻪﻟﯘﻣﺎﺗﻼﺭﺩﯨﻦ ﺋﺎﺷﻜﺎﺭﯨﻠﯩﻨﯩﺸﯩﭽﻪ ، ﺋﯘﻳﻐﯘﺭ ﺋﯧﻠﯩﺪﯨﻜﻰ ﻧﯧﻔﯩﺖ ﯞﻩ ﺗﻪﺑﯩﺌﯩﻲ ﮔﺎﺯ ﺯﺍﭘﯩﺴﻰ ﻫﺎﺯﯨﺮ ، ﺧﯩﺘﺎﻳﺪﯨﻜﻰ ﻗﯘﺭﯗﻗﻠﯘﻗﻘﺎ ﺟﺎﻳﻼﺷﻘﺎﻥ ﻧﯧﻔﯩﺖ ﯞﻩ ﺗﻪﺑﯩﺌﯩﻲ ﮔﺎﺯ ﺯﺍﭘﯩﺴﯩﻨﯩﯔ 4 ﺗﯩﻦ ﺑﯩﺮ ﻗﯩﺴﻤﯩﻨﻰ ﺋﯩﮕﯩﻠﻪﻳﺪﯨﻐﺎﻥ ﺑﻮﻟﯘﭖ، 2006- ﻳﯩﻠﻰ ﺋﯘﻳﻐﯘﺭ ﺋﯧﻠﯩﺪﻩ 24 ﻣﯩﻠﻴﻮﻥ ﺗﻮﻧﻨﺎ ﺧﺎﻡ ﻧﯧﻔﯩﺖ ﺋﯩﺸﻠﻪﭘﭽﯩﻘﯩﺮﯨﻠﯩﭗ ﺧﯩﺘﺎﻱ ﺑﯘﻳﯩﭽﻪ 3- ﺋﻮﺭﯗﻧﻐﺎ ﺋﯚﺗﻜﻪﻥ. ﺋﻪﻣﻤﺎ ﺗﻪﺑﯩﺌﯩﻲ ﮔﺎﺯ ﺯﺍﭘﯩﺴﻰ ﺟﻪﻫﻪﺗﺘﻪ، ﻫﺎﺯﯨﺮﻏﯩﭽﻪ ﺧﯩﺘﺎﻱ ﺑﯘﻳﯩﭽﻪ ﺋﺎﻟﺪﯨﻨﻘﻰ ﻗﺎﺗﺎﺭﺩﺍ ﺗﯘﺭﯗﭖ ﻛﻪﻟﻤﻪﻛﺘﻪ.

ﺧﯩﺘﺎﻳﻨﯩﯔ ﺳﺎﻧﺎﺋﻪﺗﻠﯩﺸﯩﺸﯩﺪﯨﻜﻰ ﻗﻪﺩﯨﻤﯩﻨﯩﯔ ﺗﯧﺰﻟﯩﺘﯩﻠﯩﺸﻰ، ﻧﯧﻔﯩﺖ ﯞﻩ ﺗﻪﺑﯩﺌﯩﻲ ﮔﺎﺯﻏﺎ ﺑﻮﻟﻐﺎﻥ ﺋﯧﻬﺘﯩﻴﺎﺟﯩﻨﻰ ﺋﺎﺷﯘﺭﯗﯞﻩﺗﻜﻪﻥ ﺑﻮﻟﯘﭖ ، ﺋﯘ 2003- ﻳﯩﻠﻰ ﻧﯧﻔﯩﺖ ﺋﯩﺴﺘﯧﻤﺎﻝ ﻗﯩﻠﯩﺸﺘﺎ ﻳﺎﭘﻮﻧﯩﻴﯩﺪﯨﻦ ﺋﯚﺗﯜﭖ ﻛﯧﺘﯩﭗ، ﻧﯧﻔﯩﺖ ﺋﯩﺴﺘﯧﻤﺎﻟﻰ ﺟﻪﻫﻪﺗﺘﻪ ﺩﯗﻧﻴﺎﺩﯨﻜﻰ ﺋﯩﻜﻜﯩﻨﭽﻰ ﺋﻮﺭﯗﻧﻐﺎ ﺋﯚﺗﻜﻪﻥ ﺑﻮﻟﻐﺎﭼﻘﺎ، ﺧﯩﺘﺎﻱ ﺳﯩﻴﺎﺳﯩﻴﻮﻧﻠﯩﺮﻯ ﯞﻩ ﺩﯙﻟﻪﺕ ﺋﯩﮕﯩﻠﯩﻜﯩﺪﯨﻜﻰ ﻧﯧﻔﯩﺖ ﺳﺎﻧﺎﺋﻪﺕ ﮔﯘﺭﯗﻫﻠﯩﺮﻯ ﻧﯧﻔﯩﺖ - ﺋﯧﻨﯧﺮﮔﯩﻴﻪ ﺑﯩﺨﻪﺗﻪﺭﻟﯩﻜﯩﻨﻰ ﻗﻮﻏﺪﺍﺷﺘﺎ، ﺋﯘﻳﻐﯘﺭ ﺋﯧﻠﻰ ﯞﻩ ﺑﺎﺷﻘﺎ ﺭﺍﻳﻮﻧﻼﺭﺩﯨﻜﻰ ﻧﯧﻔﯩﺖ ﺯﺍﭘﺎﺳﻠﯩﺮﯨﻨﻰ ﺋﯧﭽﯩﺶ ﻗﻪﺩﯨﻤﯩﻨﻰ ﺗﯩﺰﻟﯩﺘﯩﺶ، ﻧﯧﻔﯩﺖ ﺋﯧﻜﯩﺴﭙﻮﺭﺕ ﻗﯩﻠﯩﺪﯨﻐﺎﻥ ﺩﯙﻟﻪﺗﻠﻪﺭ ﺑﯩﻠﻪﻥ ﺩﯨﭙﻠﻮﻣﺎﺗﯩﻚ ﻣﯘﻧﺎﺳﯩﯟﻩﺗﻠﯩﺮﯨﻨﻰ ﺗﯧﺨﯩﻤﯘ ﻳﺎﺧﺸﯩﻼﺵ ﻫﻪﻣﺪﻩ ﺧﺎﻡ ﻧﯧﻔﯩﺖ ﺋﺎﻣﺒﺎﺭﻟﯩﺮﯨﻨﻰ ﻛﯧﯖﻪﻳﺘﯩﺶ ﻗﺎﺗﺎﺭﻟﯩﻖ ﻫﻪﺭﺧﯩﻞ ﺋﺎﻣﺎﻝ ﭼﺎﺭﯨﻼﺭﻧﻰ ﻗﻮﻟﻼﻧﻤﺎﻗﺘﺎ.

ﺧﯩﺘﺎﻱ ﺋﯩﻠﯩﻢ-ﭘﻪﻥ ﻧﻪﺷﺮﯨﻴﺎﺗﻰ ﺗﺎﺭﻗﺎﺗﻘﺎﻥ ﺋﯘﭼﯘﺭﺩﯨﻦ ﻣﻪﻟﯘﻡ ﺑﻮﻟﯘﺷﯩﭽﻪ، ﺋﺎﻟﺪﯨﻨﻘﻰ ﺋﯩﻜﻜﻰ ﻳﯩﻞ ﺟﻪﺭﻳﺎﻧﯩﺪﺍ، ﺧﯩﺘﺎﻱ ﺩﯙﻟﻪﺗﻠﯩﻚ ﻧﯧﻔﯩﺖ ﺷﯩﺮﻛﯩﺘﻰ ﯞﻩ ﺧﯩﺘﺎﻱ ﻧﯧﻔﯩﺖ- ﺧﯩﻤﯩﻴﻪ ﺳﺎﻧﺎﺋﯩﺘﻰ ﮔﯘﺭﯗﻫﻰ ﺑﯩﺮﻟﯩﺸﯩﭗ، ﺋﯘﻳﻐﯘﺭ ﺋﯧﻠﯩﻨﯩﯔ ﻧﯧﻔﯩﺖ ﺑﺎﻳﻠﯩﻘﻠﯩﺮﯨﻨﻰ ﺋﯧﭽﯩﺸﺘﺎ 68.6 ﻣﯩﻠﻴﺎﺭﺩ ﻳﯜﻩﻥ ﺧﻪﻟﻖ ﭘﯘﻟﻰ ﻣﻪﺑﻠﻪﻍ ﺳﺎﻟﻐﺎﻥ. (ﺟﯜﻣﻪ)