ﻏﻪﺭﺏ ﻣﻪﻣﻠﯩﻜﻪﺗﻠﯩﺮﯨﺪﻩ ﻧﻮﺭﯗﺯ ﺑﺎﻳﺮﯨﻤﻰ

ﺋﯘﻳﻐﯘﺭ ﻗﺎﺗﺎﺭﻟﯩﻖ ﺗﯜﺭﻛﯩﻲ ﯞﻩ ﭘﺎﺭﺱ ﺗﯩﻠﻠﯩﻖ ﺧﻪﻟﻘﻠﻪﺭﻧﯩﯔ ﺋﻪﻧﺌﻪﻧﯩﯟﻯ ﺑﺎﻳﺮﺍﻣﻠﯩﺮﯨﻨﯩﯔ ﺑﯩﺮﻯ ﻫﯧﺴﺎﺑﻠﯩﻨﯩﺪﯨﻐﺎﻥ ﻧﻮﺭﯗﺯﻧﯩﯔ ﻳﯧﺘﯩﭗ ﻛﯧﻠﯩﺸﻰ ﺑﯩﻠﻪﻥ ﭼﻪﺗﺌﻪﻟﻠﻪﺭﺩﯨﻜﻰ ﺋﯘﻳﻐﯘﺭﻻﺭ ﺋﯚﺯﻟﯩﺮﻯ ﺯﯨﭻ ﻳﺎﺷﺎﻳﺪﯨﻐﺎﻥ ﺋﻮﺗﺘﯘﺭﺍ ﺋﺎﺳﯩﻴﺎ ﺟﯘﻣﻬﯘﺭﯨﻴﻪﺗﻠﯩﺮﻯ، ﺗﯜﺭﻛﯩﻴﻪ ﻗﺎﺗﺎﺭﻟﯩﻖ ﻣﻪﻣﻠﯩﻜﻪﺗﻠﻪﺭﺩﯨﻦ ﺑﺎﺷﻘﺎ ﻳﻪﻧﻪ ﻏﻪﺭﺏ ﺩﯙﻟﻪﺗﻠﯩﺮﯨﺪﯨﻤﯘ ﻧﻮﺭﯗﺯ ﺑﺎﻳﺮﯨﻤﯩﻨﻰ ﺩﺍﻏﺪﯗﻏﯩﻠﯩﻖ ﺋﯚﺗﻜﯜﺯﺩﻯ.

ﺧﻪﯞﻩﺭﻟﻪﺭﮔﻪ ﻗﺎﺭﯨﻐﺎﻧﺪﺍ، ﺑﯘ ﻳﯩﻞ ﺑﯩﺮ ﻗﯩﺴﯩﻢ ﻏﻪﺭﺏ ﻣﻪﻣﻠﯩﻜﻪﺗﻠﯩﺮﯨﺪﯨﻜﻰ ﺋﯘﻳﻐﯘﺭﻻﺭ ﻧﻮﺭﯗﺯﻧﻰ ﻫﻪﺭ ﻳﯩﻠﯩﺪﯨﻜﯩﺪﯨﻦ ﺩﺍﻏﺪﯗﻏﯘﻟﯘﻗﺮﺍﻕ ﯞﻩ ﻣﻪﺯﻣﯘﻧﻠﯘﻗﺮﺍﻕ ﺋﯚﺗﻜﯜﺯﮔﻪﻥ.

ﺋﺎﻣﯧﺮﯨﻜﯩﺪﯨﻜﻰ ﺋﯘﻳﻐﯘﺭﻻﺭﺩﯨﻦ ﺑﺎﺷﻘﺎ ﻳﻪﻧﻪ ﻛﺎﻧﺎﺩﺍﺩﯨﻜﻰ ﺋﯘﻳﻐﯘﺭﻻﺭﻣﯘ 19-ﻣﺎﺭﺕ ﻛﯜﻧﻰ ﺗﻮﺭﻭﻧﺘﻮ ﺷﻪﻫﯩﺮﯨﺪﻩ ﺑﯩﺮ ﻳﻪﺭﮔﻪ ﺟﻪﻡ ﺑﻮﻟﯘﭖ، ﻧﻮﺭﯗﺯ ﭘﺎﺋﺎﻟﯩﻴﯩﺘﻰ ﺋﯚﺗﻜﯜﺯﮔﻪﻥ. ﺧﻪﯞﻩﺭﻟﻪﺭﮔﻪ ﻗﺎﺭﯨﻐﺎﻧﺪﺍ، ﻣﻪﺯﻛﯘﺭ ﺑﺎﻳﺮﺍﻡ ﭘﺎﺋﺎﻟﯩﻴﯩﺘﯩﮕﻪ ﻛﺎﻧﺎﺩﺍﻧﯩﯔ ﺗﻮﺭﻭﻧﺘﻮ، ﻣﻮﻧﺘﺮﯦﺌﺎﻝ ﯞﻩ ﺑﺎﺷﻘﺎ ﺷﻪﻫﻪﺭﻟﯩﺮﯨﺪﯨﻦ ﻛﻪﻟﮕﻪﻥ ﺑﯩﺮ ﻗﯩﺴﯩﻢ ﺋﯘﻳﻐﯘﺭﻻﺭ ﻗﺎﺗﻨﺎﺷﻘﺎﻥ.

ﺑﯩﻠﺪﯛﺭﯛﺷﻠﻪﺭﮔﻪ ﺋﺎﺳﺎﺳﻼﻧﻐﺎﻧﺪﺍ ﻳﺎﯞﺭﻭﭘﺎﺩﯨﻜﻰ ﺑﯩﺮ ﻗﯩﺴﯩﻢ ﻣﻪﻣﻠﯩﻜﻪﺗﻠﻪﺭﺩﻩ ﻧﻮﺭﯗﺯ ﺋﯚﺗﻜﯜﺯﯛﻟﯜﭖ ﺑﻮﻟﻐﺎﻧﺪﯨﻦ ﺳﯩﺮﺕ ﻳﻪﻧﻪ ﺋﻪﻧﮕﯩﻠﯩﻴﻪ، ﺷﯩﯟﯨﺘﺴﯩﻴﻪ ﻗﺎﺗﺎﺭﻟﯩﻖ ﻣﻪﻣﻠﯩﻜﻪﺗﻠﻪﺭﺩﯨﻜﻰ ﻧﻮﺭﯗﺯ ﭘﺎﺋﺎﻟﯩﻴﯩﺘﻰ 24-25-ﻣﺎﺭﺕ ﻛﯜﻧﻠﯩﺮﻯ ﺋﯚﺗﻜﯜﺯﯨﻠﯩﺪﯨﻜﻪﻥ.

ﺋﯩﻨﻜﺎﺳﻼﺭﻏﺎ ﻗﺎﺭﯨﻐﺎﻧﺪﺍ، ﻏﻪﺭﺏ ﻣﻪﻣﻠﯩﻜﻪﺗﻠﯩﺮﯨﺪﻩ ﺋﯘﻳﻐﯘﺭﻻﺭﻧﯩﯔ ﺳﺎﻧﯩﻨﯩﯔ ﺋﯧﺸﯩﺸﻰ ﺟﯜﻣﻠﯩﺪﯨﻦ ﺋﯘﻳﻐﯘﺭﻻﺭﻧﯩﯔ ﺳﯩﻴﺎﺳﯩﻲ ﺩﺍﯞﺍ ﭘﺎﺋﺎﻟﯩﻴﻪﺗﻠﯩﺮﯨﻨﯩﯔ ﺟﺎﻧﻠﯩﻨﯩﺸﯩﻐﺎ ﺋﻪﮔﯩﺸﯩﭗ، ﻫﻪﺭ ﻳﯩﻠﻰ 12-ﻧﻮﻳﺎﺑﯩﺮ ﺷﻪﺭﻗﯩﻲ ﺗﯜﺭﻛﯩﺴﺘﺎﻥ ﺟﯘﻣﻬﯘﺭﯨﻴﻪﺕ ﻛﯜﻧﯩﻨﻰ ﺧﺎﺗﯩﺮﯨﻠﻪﺵ، ﻗﯘﺭﺑﺎﻥ ﻫﯧﻴﺖ، ﺭﻭﺯﺍ ﻫﯧﻴﺖ ﯞﻩ ﻧﻮﺭﯗﺯ ﺋﯚﺗﻜﯜﺯﯛﺵ ﻣﯘﻫﯩﻢ ﻣﯩﻠﻠﯩﻲ ﭘﺎﺋﺎﻟﯩﻴﻪﺗﻠﻪﺭﻧﯩﯔ ﺗﻪﺭﻛﯩﺒﯩﺪﯨﻦ ﺋﻮﺭﯗﻥ ﺋﺎﻟﻐﺎﻥ. ﺑﯘﻧﯩﯖﺪﺍ ﺋﯘﻳﻐﯘﺭ ﻣﯩﻠﻠﯩﻲ ﺭﻭﻫﻰ ﯞﻩ ﺩﯨﻨﯩﻲ ﺋﯧﺘﯩﻘﺎﺩﯨﻨﻰ ﻛﯜﭼﻪﻳﺘﯩﺶ ﻫﻪﻣﺪﻩ ﻳﯧﯖﻰ ﺋﻪﯞﻻﺩﻻﺭﻧﯩﯔ ﺋﯚﺯ ﻣﯩﻠﻠﯩﺘﻰ ﻫﻪﻡ ﯞﻩﺗﯩﻨﯩﻨﻰ ﺳﯚﻳﯜﺵ ﺭﻭﻫﯩﻨﻰ ﻗﻮﺯﻏﯩﺘﯩﺶ ﻣﻪﺯﻣﯘﻧﻠﯩﺮﯨﻤﯘ ﺋﺎﺳﺎﺳﯩﻲ ﺳﺎﻟﻤﺎﻗﻨﻰ ﺋﯩﮕﯩﻠﯩﻤﻪﻛﺘﻪ.(ﺋﯜﻣﯩﺪﯞﺍﺭ)