ﻗﺎﻏﯩﻠﯩﻘﺘﯩﻦ 87 ﻧﻪﭘﻪﺭ ﺋﯘﻳﻐﯘﺭ ﻳﺎﺵ ﭼﯩﯖﺪﺍﯞ ﺷﻪﻫﯩﺮﯨﮕﻪ ﻗﺎﺭﺍﭖ ﻳﻮﻟﻐﺎ ﭼﯩﻘﺘﻰ

ﻗﺎﻏﯩﻠﯩﻖ ﻧﺎﻫﯩﻴﯩﺴﻰ ﻫﯚﻛﯜﻣﻪﺕ ﺧﻪﯞﻩﺭﻟﯩﺮﯨﺪﯨﻦ ﺋﺎﺷﻜﺎﺭﯨﻠﯩﻨﯩﺸﯩﭽﻪ، ﺑﯘ ﻳﯩﻞ ﻛﯩﺮﮔﻪﻧﺪﯨﻦ ﺑﺎﺷﻼﭖ ﻗﺎﻏﯩﻠﯩﻖ ﻧﺎﻫﯩﻴﯩﺴﯩﺪﻩ ﺋﯘﻳﻐﯘﺭ ﻳﺎﺷﻼﺭﻧﻰ ﺧﯩﺘﺎﻱ ﺋﯚﻟﻜﯩﻠﯩﺮﯨﮕﻪ ﻳﯚﺗﻜﻪﺵ ﺋﯩﺸﻠﯩﺮﻯ ﻳﻪﻧﻪ ﺋﯧﻠﯩﭗ ﺑﯧﺮﯨﻠﯩﯟﺍﺗﻘﺎﻥ ﺑﻮﻟﯘﭖ، 2- ﻳﺎﻧﯟﺍﺭ ﻛﯜﻧﻰ ﻗﺎﻏﯩﻠﯩﻖ ﻧﺎﻫﯩﻴﯩﺴﯩﺪﯨﻦ 87 ﻧﻪﭘﻪﺭ ﺋﯘﻳﻐﯘﺭ ﻳﺎﺵ ﭼﯩﯖﺪﺍﯞﻏﺎ ﺋﯧﻠﯩﭗ ﻛﯧﺘﯩﻠﮕﻪﻥ.

ﺧﻪﯞﻩﺭﺩﻩ ﻛﯚﺭﺳﯩﺘﯩﻠﯩﺸﯩﭽﻪ، ﺋﯘﺯﯗﺗﯘﺵ ﻣﯘﺭﺍﺳﯩﻤﯩﻐﺎ ﻧﺎﻫﯩﻴﻪ ﺭﻩﻫﺒﻪﺭﻟﯩﺮﯨﺪﯨﻦ ﻳﯧﺰﺍ ﻛﺎﺩﯨﺮﯨﻐﯩﭽﻪ ﺧﺎﺩﯨﻤﻼﺭ ﻗﺎﺗﻨﺎﺷﻘﺎﻥ ﺑﻮﻟﯘﭖ، ﺑﯘ ﻗﺎﻏﯩﻠﯩﻘﺘﯩﻦ ﭼﯩﯖﺪﺍﯞﻏﺎ ﻳﻮﻟﻐﺎ ﺳﯧﻠﻨﯩﻐﺎﻥ 5- ﻗﺎﺭﺍﺭ ﺋﯘﻳﻐﯘﺭ ﻳﺎﺷﻼﺭ ﺑﻮﻟﯘﭖ ﻫﯧﺴﺎﺑﻠﯩﻨﯩﺪﯨﻜﻪﻥ.

ﻳﯩﻐﯩﻨﺪﺍ ﻧﺎﻫﯩﻴﯩﻠﯩﻚ ﭘﺎﺭﺗﻜﻮﻣﻨﯩﯔ ﻣﯘﺋﺎﯞﯨﻦ ﺳﯧﻜﺮﯦﺘﺎﺭﻯ ﺳﯚﺯ ﻗﯩﻠﯩﭗ، ﺋﺎﺋﯩﻠﻪ ﺑﺎﺷﻠﯩﻘﻠﯩﺮﯨﻨﯩﯔ "ﻛﯚﺯ ﻗﺎﺭﯨﺸﯩﻨﻰ ﺋﯚﺯﮔﻪﺭﺗﯩﺶ" ﯨﻨﻰ ﯞﻩ ﺋﯚﺯ ﭘﻪﺭﺯﻩﻧﺘﻠﯩﺮﯨﻨﻰ ﺳﯩﺮﺗﻘﺎ ﺋﯩﺸﻠﻪﺷﻜﻪ ﻳﻮﻟﻐﺎ ﺳﯧﻠﯩﺸﻨﻰ ﺋﺎﺋﯩﻠﻪ ﻛﯩﺮﯨﻤﯩﻨﻰ ﺋﯚﺳﺘﯜﺭﯛﺷﻜﻪ ﭘﺎﻳﺪﯨﻠﯩﻖ ﺋﯩﺶ ﺩﻩﭖ ﺗﻮﻧﯘﺷﯩﻨﻰ ﺋﯜﻣﯩﺪ ﻗﯩﻠﯩﺪﯨﻐﺎﻧﻠﯩﻘﯩﻨﻰ ﺑﯩﻠﺪﯛﺭﮔﻪﻥ.

2- ﻳﺎﻧﯟﺍﺭ ﻛﯜﻧﻰ ﭼﯜﺵ ﻣﻪﺯﮔﯩﻠﯩﺪﻩ ﺑﯘ 87 ﻧﻪﭘﻪﺭ ﻳﺎﺵ ﺋﺎﭘﺘﻮﺑﯘﺳﻘﺎ ﺋﻮﻟﺘﯘﺭﯗﭖ ﻗﺎﻏﯩﻠﯩﻘﺘﯩﻦ ﺧﯩﺘﺎﻳﻨﯩﯔ ﭼﯩﯖﺪﺍﯞ ﺷﻪﻫﯩﺮﯨﮕﻪ ﻗﺎﺭﺍﭖ ﻳﻮﻟﻐﺎ ﭼﯩﻘﻘﺎﻥ.

ﺋﯩﻠﮕﯩﺮﻯ ﺧﯩﺘﺎﻱ ﺷﻪﻫﻪﺭﻟﯩﺮﯨﮕﻪ ﺋﯧﻠﯩﭗ ﻛﯧﺘﯩﻠﮕﻪﻥ 400 ﻧﻪﭘﻪﺭ ﻳﺎﺷﻨﯩﯔ ﻫﻪﻣﻤﯩﺴﻰ ﻗﯩﺰ ﺑﺎﻟﯩﻼﺭ ﺋﯩﺪﻯ. ﺧﻪﯞﻩﺭﺩﻩ ﺋﯧﻴﺘﯩﻠﯩﺸﯩﭽﻪ، ﺑﯘ ﻧﯚﯞﻩﺕ ﭼﯩﯖﺪﺍﯞﻏﺎ ﻳﻮﻟﻐﺎ ﭼﯩﻘﻘﺎﻥ 87 ﻧﻪﭘﻪﺭ ﺋﯘﻳﻐﯘﺭ ﻳﺎﺷﻨﯩﯔ ﻫﻪﻣﻤﯩﺴﻰ ﺋﻮﻏﯘﻝ ﺑﻮﻟﯘﭖ، ﺑﯘ ﻗﺎﻏﯩﻠﯩﻘﺘﯩﻦ ﺧﯩﺘﺎﻱ ﺋﯚﻟﻜﯩﻠﯩﺮﯨﺪﻩ ﺋﯩﺸﻠﻪﺷﻜﻪ ﺗﯘﻧﺠﻰ ﺭﻩﺕ ﺋﯧﻠﯩﭗ ﻣﯩﯖﻠﯩﻐﺎﻥ ﺋﻮﻏﯘﻝ ﺑﺎﻟﯩﻼﺭ ﺋﯩﻜﻪﻥ. ﺧﯩﺘﺎﻳﻨﯩﯔ ﺋﯘﻳﻐﯘﺭ ﺋﯧﻠﯩﺪﻩ ﺗﯘﺭﯗﺷﻠﯘﻕ ﻫﯚﻛﯜﻣﯩﺘﻰ ﯞﻩ ﻳﻪﺭﻟﯩﻚ ﻫﯚﻛﯜﻣﻪﺗﻠﯩﺮﻯ ﺑﯩﺮﻟﯩﻜﺘﻪ ﺳﯩﻴﺎﺳﻪﺕ ﺑﻪﻟﮕﯩﻠﻪﭖ، 2006- ﻳﯩﻠﯩﻨﯩﯔ ﺋﺎﺧﯩﺮﯨﺪﯨﻦ ﺑﺎﺷﻼﭖ ﺋﯘﻳﻐﯘﺭ ﺋﯩﻠﯩﺪﯨﻦ ﻧﯘﺭﻏﯘﻥ ﻗﯩﺰﻻﺭﻧﻰ ﺧﯩﺘﺎﻱ ﺷﻪﻫﻪﺭﻟﯩﺮﯨﮕﻪ ﺋﯩﺸﻠﻪﻣﭽﯩﻠﯩﻜﻜﻪ ﺋﯧﻠﯩﭗ ﻛﯧﺘﯩﯟﺍﺗﻘﺎﻥ ﺑﻮﻟﯘﭖ، ﺑﯘ ﺩﯗﻧﻴﺎﻧﯩﯔ ﻫﻪﺭﻗﺎﻳﺴﻰ ﺟﺎﻳﻠﯩﺮﯨﺪﯨﻜﻰ ﺋﯘﻳﻐﯘﺭ ﺗﻪﺷﻜﯩﻼﺗﻠﯩﺮﻯ ﯞﻩ ﺋﯩﻨﺴﺎﻥ ﻫﻪﻗﻠﯩﺮﻯ ﺗﻪﺷﻜﯩﻼﺗﻠﯩﺮﻯ ﻳﯧﻘﯩﻨﺪﯨﻦ ﺩﯨﻘﻘﻪﺕ ﻗﯩﻠﯩﯟﺍﺗﻘﺎﻥ ﻣﻪﺳﯩﻠﯩﻨﯩﯔ ﺑﯩﺮﻯ ﺑﻮﻟﯘﭖ ﻛﻪﻟﻤﻪﻛﺘﻪ.

ﺋﯩﻠﮕﯩﺮﻯ ﺧﯩﺘﺎﻱ ﺋﯚﻟﻜﯩﻠﯩﺮﯨﮕﻪ ﺋﯩﺸﻠﻪﺷﻜﻪ ﺋﯧﻠﯩﭗ ﻛﯧﺘﯩﻠﮕﻪﻥ ﺑﯩﺮ ﻗﯩﺴﻢ ﻳﺎﺷﻼﺭ ﺑﯩﺮ ﺋﺎﻣﺎﻟﻼﺭﻧﻰ ﻗﯩﻠﯩﭗ ﺯﺍﯞﯗﺗﻼﺭﺩﯨﻦ ﻗﯧﭽﯩﭗ ﻛﻪﻟﮕﻪﻥ ﺑﻮﻟﯘﭖ، ﺋﯘﻻﺭ ﺭﺍﺩﯨﺌﻮﻣﯩﺰﻏﺎ ﺑﻪﺭﮔﻪﻥ ﻣﻪﻟﯘﻣﺎﺗﻼﺭﻏﺎ ﻗﺎﺭﯨﻐﺎﻧﺪﺍ ﺋﯘﻻﺭ، ﺳﺎﺋﻪﺗﻠﻪﭖ ﺋﯩﺸﻘﺎ ﺳﯧﻠﯩﻨﻐﺎﻧﻨﯩﯔ ﺋﯜﺳﺘﯩﮕﻪ ﻣﺎﺋﺎﺷﯩﻨﯩﻤﯘ ﺋﺎﻻﻟﻤﯩﻐﺎﻥ ﺋﯩﻜﻪﻥ. (ﺟﯜﻣﻪ)