ﺋﯘﻳﻐﯘﺭ ﺋﺎﭘﺘﻮﻧﻮﻡ ﺭﺍﻳﻮﻧﯩﻨﯩﯔ ﻣﺎﻧﺎﺱ ﻧﺎﻫﯩﻴﯩﺴﯩﺪﻩ "ﻗﺎﺭﺍ ﺧﯘﻣﺪﺍﻥ" ﭘﺎﺵ ﻗﯩﻠﯩﻨﺪﻯ

ﺧﯩﺘﺎﻱ ﻣﻪﺗﺒﯘﺋﺎﺗﻠﯩﺮﯨﻨﯩﯔ ﺧﻪﯞﻩﺭ ﻗﯩﻠﯩﺸﯩﭽﻪ، ﺋﯘﻳﻐﯘﺭ ﺋﺎﭘﺘﻮﻧﻮﻡ ﺭﺍﻳﻮﻧﯩﻨﯩﯔ ﻣﺎﻧﺎﺱ ﻧﺎﻫﯩﻴﯩﺴﯩﺪﯨﻦ ﺧﯩﺘﺎﻳﻨﯩﯔ ﺷﻪﻧﺸﻰ ﺋﯚﻟﻜﯩﺴﯩﺪﯨﻜﯩﮕﻪ ﺋﻮﺧﺸﺎﺵ ﻛﯩﺸﯩﻠﻪﺭﻧﻰ ﻗﯘﻟﻼﺭ ﺋﻪﻣﮕﯩﻜﯩﮕﻪ ﺳﺎﻟﯩﺪﯨﻐﺎﻥ "ﻗﺎﺭﺍ ﺧﯘﻣﺪﺍﻥ" ﺑﺎﻳﻘﯩﻠﯩﭗ، 3 ﻛﯩﺸﻰ ﻳﻪﺭﻟﯩﻚ ﺝ ﺥ ﺋﻮﺭﮔﺎﻧﻠﯩﺮﻯ ﺗﻪﺭﯨﭙﯩﺪﯨﻦ ﻗﻮﻟﻐﺎ ﺋﯧﻠﯩﻨﻐﺎﻥ.

" ﺷﯩﻨﺠﺎﯓ ﮔﯧﺰﯨﺘﻰ " ﻧﯩﯔ ﻳﯧﻘﯩﻨﻘﻰ ﺑﯩﺮ ﺧﻪﯞﯨﺮﯨﮕﻪ ﻗﺎﺭﯨﻐﺎﻧﺪﺍ ﻣﺎﻧﺎﺱ ﻧﺎﻫﯩﻴﯩﻠﯩﻚ ﺝ ﺥ ﺋﯩﺪﺍﺭﯨﺴﻰ ﻣﺎﻧﺎﺳﺘﯩﻜﻰ ﺑﯩﺮ " ﻗﺎﺭﺍ ﺧﯘﻣﺪﺍﻥ " ﻧﻰ ﭼﯧﻘﯩﭗ ﺗﺎﺷﻼﭖ، ﺑﯘ ﻳﻪﺭﺩﯨﻦ ﻗﺎﻧﯘﻧﺴﯩﺰ ﯞﺍﺳﺘﯩﻠﻪﺭ ﺑﯩﻠﻪﻥ ﺋﻪﻣﮕﻪﻛﻜﻪ ﺳﯧﻠﯩﻨﻐﺎﻥ 30 ﺩﻩﻙ ﻛﯩﺸﯩﻨﻰ ﻗﯘﺗﻘﯘﺯﯗﭖ ﭼﯩﻘﻘﺎﻥ. ﺧﻪﯞﻩﺭﺩﻩ ﺋﻪﺳﻜﻪﺭﺗﯩﺸﯩﭽﻪ، ﺧﯘﻣﺪﺍﻧﺪﯨﻜﻰ ﺋﯩﺸﭽﯩﻼﺭ ﻣﻪﺟﺒﯘﺭﯨﻲ ﺋﻪﻣﮕﻪﻛﻜﻪ ﺳﯧﻠﯩﻨﯩﭙﻼ ﻗﺎﻟﻤﺎﻱ، ﺋﯘﻻﺭﻧﯩﯔ ﻛﯩﺸﯩﻠﯩﻚ ﺋﻪﺭﻛﯩﻨﻠﯩﻜﻰ ﭼﻪﻛﻠﻪﻧﮕﻪﻥ، ﺋﯩﺶ ﻫﻪﻗﻘﻰ ﺑﯧﺮﯨﻠﻤﯩﮕﻪﻥ ﯞﻩ ﻧﺎﺭﺍﺯﻯ ﺑﻮﻟﻐﯘﭼﯩﻼﺭ ﺟﯩﺴﻤﺎﻧﯩﻲ ﻛﻪﻣﺴﯩﺘﯩﺸﻜﻪ ﺋﯘﭼﺮﯨﻐﺎﻥ. ﺧﻪﯞﻩﺭﺩﻩ، ﯞﻩﻗﻪﮔﻪ ﭼﯧﺘﯩﺸﻠﯩﻖ 3 ﻛﯩﺸﯩﻨﯩﯔ ﻗﻮﻟﻐﺎ ﺋﯧﻠﯩﻨﻐﺎﻧﻠﯩﻘﻰ، ﻳﻪﺭﻟﯩﻚ ﺋﻪﻣﮕﻪﻙ ﺋﯩﺪﺍﺭﯨﻠﯩﺮﻯ ﺋﯩﺸﭽﯩﻼﺭﻧﯩﯔ ﺋﯩﺶ ﻫﻪﻗﻘﯩﻨﻰ ﺋﯧﻠﯩﭗ ﺑﯧﺮﯨﺸﻜﻪ ﻳﺎﺭﺩﻩﻣﻠﯩﺸﯩﯟﺍﺗﻘﺎﻧﻠﯩﻘﻰ ﺑﯩﻠﺪﯛﺭﯛﻟﺪﻯ.

ﺑﯘ ﺧﻪﯞﻩﺭ ﺟﯜﻣﻪ ﻛﯜﻧﻰ "ﺗﻪﯕﺮﯨﺘﺎﻍ ﺗﻮﺭﻯ"ﺩﺍ ﺋﯧﻼﻥ ﻗﯩﻠﯩﻨﻐﺎﻥ ﺑﻮﻟﺴﯩﻤﯘ، ﻟﯧﻜﯩﻦ ﺑﯘﻧﯩﯖﺪﯨﻦ 2 ﻛﯜﻥ ﺑﯘﺭﯗﻥ ﺋﯩﺴﺘﺎﻧﺴﯩﻤﯩﺰ ﻣﯘﺧﺒﯩﺮﻯ ﻣﺎﻧﺎﺱ ﻧﺎﻫﯩﻴﯩﻠﯩﻚ ﺝ ﺥ ﺋﯩﺪﺍﺭﯨﺴﯩﻐﺎ ﺗﯧﻠﯧﻔﻮﻥ ﻗﯩﻠﯩﭗ، ﻣﻪﺯﻛﯘﺭ ﻧﺎﻫﯩﻴﯩﺪﻩ "ﻗﺎﺭﺍ ﺧﯘﻣﺪﺍﻥ" ﭘﺎﺵ ﻗﯩﻠﯩﻨﻐﺎﻧﻠﯩﻘﯩﻨﻰ ﺳﻮﺭﯨﻐﺎﻥ، ﺋﻪﻣﻤﺎ ﺝ ﺥ ﺋﯩﺪﺍﺭﯨﺴﯩﺪﯨﻜﻰ ﺩﺍﺋﯩﺮﯨﻠﻪﺭ ﺑﯘﻧﻰ ﺭﻩﺕ ﻗﯩﻠﺪﻯ. ﺋﯘﻻﺭ "ﻗﺎﺭﺍ ﺧﯘﻣﺪﺍﻧﻨﻰ ﺩﻩﻣﺴﯩﺰ ؟ ﺑﯘ ﻳﻪﺭﺩﻩ ﻗﺎﺭﺍ ﺧﯘﻣﺪﺍﻥ ﻣﻪﯞﺟﯜﺕ ﺋﻪﻣﻪﺱ " ﺩﻩﭖ ﺟﺎﯞﺍﺏ ﺑﻪﺭﮔﻪﻥ.

ﻣﺎﻧﺎﺳﺘﯩﻜﻰ " ﻗﺎﺭﺍ ﺧﯘﻣﺪﺍﻥ" ﭘﺎﺵ ﻗﯩﻠﯩﻨﯩﺸﺘﯩﻦ ﺑﯘﺭﯗﻥ، ﺑﻪﺯﻯ ﺧﯩﺘﺎﻱ ﺗﻮﺭ ﺑﻪﺗﻠﯩﺮﯨﺪﻩ ﺋﯘﻳﻐﯘﺭ ﺋﺎﭘﺘﻮﻧﻮﻡ ﺭﺍﻳﻮﻧﯩﻨﻰ ﻳﺎﺧﺸﻰ ﺑﯩﻠﯩﺪﯨﻐﺎﻥ ﺑﯩﺮ ﻗﯩﺴﯩﻢ ﺧﯩﺘﺎﻱ ﺯﯨﻴﺎﺭﻩﺗﭽﯩﻠﻪﺭ، ﻧﯩﻠﻘﺎ ﻧﺎﻫﯩﻴﯩﺴﯩﻨﯩﯔ ﺷﻪﻫﻪﺭ ﻣﻪﺭﻛﯩﺰﯨﺪﯨﻦ ﻳﯩﺮﺍﻕ ﺑﯩﺮ ﻛﺎﻧﺪﺍ ﻗﯘﻟﻼﺭ ﺋﻪﻣﮕﯩﻜﯩﮕﻪ ﺳﯧﻠﯩﻨﯩﺪﯨﻐﺎﻥ" ﻗﺎﺭﺍ ﻛﺎﻥ"ﺑﺎﺭﻟﯩﻘﯩﻨﻰ ﭘﺎﺵ ﻗﯩﻠﻐﺎﻥ ﺑﻮﻟﺴﯩﻤﯘ، ﻟﯧﻜﯩﻦ ﺑﯘ ﺧﻪﯞﻩﺭ ﻫﺎﺯﯨﺮﻏﯩﭽﻪ ﺧﯩﺘﺎﻱ ﻣﻪﺗﺒﯘﺋﺎﺗﻠﯩﺮﯨﻨﯩﯔ ﺩﯨﻘﻘﯩﺘﯩﻨﻰ ﺗﺎﺭﺗﻤﯩﻐﺎﻥ. "ﺟﯘﯕﮕﻮ ﻳﺎﺷﻼﺭ" ﮔﯧﺰﯨﺘﻰ ﺳﻮﻏﯘﻕ ﻧﯘﻗﺘﺎ ﻫﻪﭘﺘﯩﻠﯩﻚ ﺋﯩﺴﺘﻮﻧﯩﻨﯩﯔ ﺳﺎﺑﯩﻖ ﺑﺎﺵ ﻣﯘﻫﻪﺭﺭﯨﺮﻯ ﻟﻰ ﺩﺍﺗﻮﯓ ﻳﯧﻘﯩﻨﺪﺍ ﺑﯩﺮ ﻣﺎﻗﺎﻟﻪ ﺋﯧﻼﻥ ﻗﯩﻠﯩﭗ، ﻗﯘﻝ ﺋﯩﺸﭽﯩﻼﺭ ﺧﯩﺘﺎﻳﺪﺍ ﻣﻪﻣﻠﯩﻜﻪﺕ ﺑﯘﻳﯩﭽﻪ ﺋﻮﻣﯘﻣﻴﯜﺯﻟﯜﻙ ﻣﻪﯞﺟﯜﺕ ﻫﺎﺩﯨﺴﻪ، ﺩﻩﭖ ﻛﯚﺭﺳﻪﺗﺘﻰ. (ﺋﻪﺭﻛﯩﻦ)