ﺧﯩﺘﺎﻱ ﻣﻪﺭﻛﯩﺰﯨﻲ ﻫﯚﻛﯜﻣﯩﺘﯩﻨﯩﯔ ﻗﻪﺷﻘﻪﺭﻧﻰ ﺋﻮﺗﺘﯘﺭﺍ، ﻏﻪﺭﺑﯩﻲ ﯞﻩ ﺟﻪﻧﯘﺑﯩﻲ ﺋﺎﺳﯩﻴﺎ ﺋﯩﻘﺘﯩﺴﺎﺩﻯ ﭼﻪﻣﺒﯩﺮﯨﻜﻰ ﻗﯩﻠﯩﺶ ﺋﯩﺴﺘﺮﺍﺗﯧﮕﯩﻴﯩﻠﯩﻚ ﺋﻮﺭﯗﻧﻼﺷﺘﯘﺭﯗﺷﯩﻨﯩﯔ ﺑﯩﺮ ﺋﯩﭙﺎﺩﯨﺴﻰ ﻫﯧﺴﺎﺑﻼﻧﻐﺎﻥ ﻣﻪﺯﻛﯘﺭ ﻳﻪﺭﻣﻪﻧﻜﯩﮕﻪ ﻗﻮﺷﻨﺎ ﺩﯙﻟﻪﺗﻠﻪﺭﺩﯨﻦ ﭘﺎﻛﯩﺴﺘﺎﻥ، ﺗﺎﺟﯩﻜﯩﺴﺘﺎﻥ، ﻗﯩﺮﻏﯩﺰﯨﺴﺘﺎﻥ، ﻗﺎﺯﺍﻗﯩﺴﺘﺎﻥ، ﺗﯜﺭﻛﯩﻴﻪ، ﺋﯚﺯﺑﯧﻜﯩﺴﺘﺎﻥ ﯞﻩ ﺑﺎﺷﻘﺎ ﺑﯩﺮ ﻗﯩﺴﯩﻢ ﺩﯙﻟﻪﺗﻠﻪﺭ ﻫﻪﻡ ﺧﯩﺘﺎﻳﻨﯩﯔ ﺋﯩﭽﻜﯩﺮﻯ ﺋﯚﻟﻜﯩﻠﯩﺮﯨﻨﯩﯔ ﻛﺎﺭﺧﺎﻧﭽﯩﻠﯩﺮﻯ ﻗﺎﺗﻨﺎﺷﻘﺎﻥ ﺑﻮﻟﯘﭖ، ﮔﻪﺭﭼﻪ ﺳﯜﭘﻪﺕ ﯞﻩ ﺳﻮﺩﺍ ﻣﯩﻘﺪﺍﺭﻯ ﻫﻪﻡ ﺟﻪﻟﭗ ﻗﯩﻠﯩﻨﻐﺎﻥ ﺧﯧﺮﯨﺪﺍﺭﻻﺭ ﺟﻪﻫﻪﺗﻠﻪﺭﺩﯨﻦ ﺋﯜﺭﯛﻣﭽﻰ ﻳﻪﺭﻣﻪﻧﻜﯩﺴﻰ، ﮔﯘﺍﯕﺠﯘ ﻳﻪﺭﻣﻪﻧﻜﯩﻠﯩﺮﯨﺪﯨﻦ ﻛﯚﭖ ﺋﺎﺭﻗﯩﺪﺍ ﺑﻮﻟﯘﺷﯩﻐﺎ ﻗﺎﺭﯨﻤﺎﻱ، ﻗﻪﺷﻘﻪﺭ ﻳﻪﺭﻣﻪﻧﻜﯩﺴﯩﺪﯨﻤﯘ ﻛﯚﺭﯛﻧﻪﺭﻟﯩﻚ ﻧﻪﺗﯩﺠﯩﻠﻪﺭ ﻫﺎﺳﯩﻞ ﻗﯩﻠﯩﻨﻐﺎﻧﻠﯩﻘﻰ ﻣﯘﺋﻪﻳﻴﻪﻧﻠﻪﺷﺘﯜﺭﯛﻟﻤﻪﻛﺘﻪ.

ﺷﯩﻨﺨﯘﺍ ﺋﺎﮔﯧﻨﺘﻠﯩﻘﯩﻨﯩﯔ ﺋﯘﭼﯘﺭﯨﺪﯨﻦ ﻗﺎﺭﯨﻐﺎﻧﺪﺍ، ﺟﻪﻣﺌﯩﻲ ﺋﯜﭺ ﻗﯧﺘﯩﻢ ﺋﯚﺗﻜﯜﺯﯛﻟﮕﻪﻥ ﺑﯘ ﻳﻪﺭﻣﻪﻧﻜﯩﺪﻩ 391 ﺗﯜﺭ ﺑﻮﻳﯩﭽﻪ 14 ﻣﯩﻠﻴﺎﺭﺩ ﻳﯜﻩﻥ ﻗﯩﻤﻤﯩﺘﯩﺪﻩ ﺳﻮﺩﺍ ﻛﯧﻠﯩﺸﯩﻤﻰ ﺗﯜﺯﯛﻟﮕﻪﻥ. ﺧﯩﺘﺎﻱ ﻫﯚﻛﯜﻣﯩﺘﻰ ﻗﻪﺷﻘﻪﺭﻧﻰ ﺧﯩﺘﺎﻳﻨﯩﯔ ﺷﻪﺭﻗﯩﻲ ﺭﺍﻳﻮﻧﻠﯩﺮﯨﻨﯩﯔ ﻣﺎﻟﻠﯩﺮﯨﻨﻰ ﻏﻪﺭﺏ ﺗﻪﺭﻩﭘﻜﻪ ﭼﯩﻘﯩﺮﯨﺸﺘﯩﻜﻰ ﻣﯘﻫﯩﻢ ﺑﺎﺯﺍ، ﻏﻪﺭﺑﯩﻲ ﺋﻪﻟﻠﻪﺭﻧﯩﯔ ﻣﺎﻟﻠﯩﺮﯨﻨﻰ ﺷﻪﺭﻗﻘﻪ ﻛﯩﺮﮔﯜﺯﯛﭖ ﺳﯧﺘﯩﺸﺘﯩﻜﻰ ﻣﻪﺭﻛﻪﺯ ﻗﯩﻠﯩﺶ ﭘﯩﻼﻧﯩﻨﻰ ﺗﯜﺯﮔﻪﻥ ﺑﻮﻟﯘﭖ، ﺷﯘ ﻣﻪﻗﺴﻪﺕ ﺑﯩﻠﻪﻥ ﻗﻪﺷﻘﻪﺭﻧﻰ ﺧﯩﺘﺎﻳﻨﯩﯔ ﻏﻪﺭﺑﯩﻲ ﺗﻪﺭﯨﭙﯩﺪﯨﻜﻰ ﺷﯧﻨﺠﯧﻦ ﻗﯩﻠﯩﺶ ﺋﯜﭼﯜﻥ ﺗﯩﺮﯨﺸﻤﺎﻗﺘﺎ.

ﻗﻪﺷﻘﻪﺭ ﻫﯩﻨﺪﯨﺴﺘﺎﻥ، ﺗﺎﺟﯩﻜﯩﺴﺘﺎﻥ، ﭘﺎﻛﯩﺴﺘﺎﻥ، ﻗﯩﺮﻏﯩﺰﯨﺴﺘﺎﻥ، ﺋﺎﻓﻐﺎﻧﯩﺴﺘﺎﻥ ﻗﺎﺗﺎﺭﻟﯩﻖ ﺑﻪﺵ ﺩﯙﻟﻪﺕ ﺑﯩﻠﻪﻥ ﭼﯧﮕﺮﯨﻠﯩﻨﯩﺸﺘﻪﻙ ﻣﯘﻫﯩﻢ ﺟﯘﻏﺮﺍﭘﯩﻴﯩﻠﯩﻚ ﺋﻪﯞﺯﻩﻟﻠﯩﻜﻜﻪ ﺋﯩﮕﻪ. ﺑﯘ ﻫﺎﻝ ﺧﯩﺘﺎﻳﻨﯩﯔ ﻛﻪﻟﮕﯜﺳﯩﺪﯨﻜﻰ ﺟﻪﻧﯘﺑﯩﻲ ﺋﺎﺳﯩﻴﺎ، ﻫﯩﻨﺪﻯ ﺋﻮﻛﻴﺎﻥ ﺩﯙﻟﻪﺗﻠﯩﺮﻯ، ﺋﻮﺗﺘﯘﺭﺍ ﯞﻩ ﻏﻪﺭﺑﯩﻲ ﺋﺎﺳﯩﻴﺎ ﻫﻪﺭﺑﯩﻲ - ﺳﯩﻴﺎﺳﻰ ﻫﻪﻡ ﺋﯩﻘﺘﯩﺴﺎﺩﯨﻲ ﺷﯘﻧﯩﯖﺪﻩﻙ ﺋﯧﻨﯧﺮﮔﯩﻴﻪ ﺋﯩﺴﺘﺮﺍﺗﯧﮕﯩﻴﯩﺴﯩﺪﻩ ﻣﯘﻫﯩﻢ ﺭﻭﻝ ﺋﻮﻳﻨﺎﻳﺪﯨﻐﺎﻧﻠﯩﻘﯩﻨﻰ ﻛﯚﺭﺳﯩﺘﯩﺪﯨﻜﻪﻥ.