ﺧﯩﺘﺎﻱ، ﺋﯘﻳﻐﯘﺭ ﺋﯧﻠﯩﻨﯩﯔ ﻳﯧﺰﺍ ﻛﻪﻧﺘﻠﯩﺮﯨﮕﯩﭽﻪ " ﻗﻮﺵ ﺗﯩﻠﻠﯩﻖ " ﻣﺎﺋﺎﺭﯨﭗ ﺳﯩﻴﺎﺳﯩﺘﯩﻨﻰ ﻛﯧﯖﻪﻳﺘﻤﻪﻛﺘﻪ

ﺧﻪﻟﻘﺌﺎﺭﺍ ﻛﯩﺸﯩﻠﯩﻚ ﻫﻮﻗﯘﻕ ﺗﻪﺷﻜﯩﻼﺗﻠﯩﺮﻯ ﺑﯩﻠﻪﻥ ﭼﻪﺗﺌﻪﻟﻠﻪﺭﺩﻩ ﭘﺎﺋﺎﻟﯩﻴﻪﺕ ﺋﯧﻠﯩﭗ ﺑﯧﺮﯨﯟﺍﺗﻘﺎﻥ ﺋﯘﻳﻐﯘﺭ ﻛﯩﺸﯩﻠﯩﻚ ﻫﻮﻗﯘﻕ ﺗﻪﺷﻜﯩﻼﺗﻠﯩﺮﻯ، ﺧﯩﺘﺎﻱ ﺩﺍﺋﯩﺮﯨﻠﯩﺮﯨﻨﯩﯔ ﺋﯘﻳﻐﯘﺭ ﺋﯧﻠﯩﺪﺍ ﻳﻮﻟﻐﺎ ﻗﻮﻳﯘﯞﺍﺗﻘﺎﻥ " ﻗﻮﺵ ﺗﯩﻠﻠﯩﻖ" ﻣﺎﺋﺎﺭﯨﭗ ﺳﯩﻴﺎﺳﯩﺘﯩﻨﻰ ﻗﺎﺗﺘﯩﻖ ﺗﻪﻧﻘﯩﺪ ﻗﯩﻠﯩﯟﺍﺗﻘﺎﻥ ﺑﯩﺮ ﭘﻪﻳﺘﺘﻪ، ﺧﯩﺘﺎﻱ ﺋﺎﺧﺒﺎﺭﺍﺗﻠﯩﺮﯨﺪﺍ " ﻗﻮﺵ ﺗﯩﻠﻠﯩﻖ " ﻣﺎﺋﺎﺭﯨﭙﻨﯩﯔ ﻧﻪﺗﯩﺠﯩﺴﻰ ﺗﻪﺷﯟﯨﻖ ﻗﯩﻠﯩﻨﻤﺎﻗﺘﺎ.

ﺗﻪﯕﺮﻯ ﺗﺎﻍ ﺗﻮﺭﯨﻨﯩﯔ 31 ‏- ﺋﺎﯞﻏﯘﺳﺖ ﻛﯜﻧﻰ ﺋﯧﻼﻥ ﻗﯩﻠﯩﻨﻐﺎﻥ ﺑﯩﺮ ﺧﻪﯞﯨﺮﯨﺪﻩ، ﻳﻪﻛﻪﻥ ﻧﺎﻫﯩﻴﯩﺴﯩﻨﯩﯔ ﺑﻪﺷﻜﻪﻧﺖ ﺑﺎﺯﯨﺮﯨﺪﯨﻜﻰ ﺋﯘﻳﻐﯘﺭ ﺋﺎﻫﺎﻟﯩﻠﯩﺮﯨﻨﯩﯔ ﺋﺎﺳﺎﺳﻪﻥ ﺧﯩﺘﺎﻳﭽﻪ ﺑﯩﻠﻤﻪﻳﺪﯨﻐﺎﻧﻠﯩﻘﻰ، ﺋﻪﻣﻤﺎ ﺑﯘ ﺟﺎﻳﺪﺍ ﺋﯘﻳﻐﯘﺭ ﺋﺎﭘﺘﻮﻧﻮﻡ ﺭﺍﻳﻮﻥ ﺑﻮﻳﯩﭽﻪ ﻫﻪﺗﺘﺎ ﺧﯩﺘﺎﻳﻨﯩﯔ ﭘﯜﺗﯜﻥ ﻣﻪﻣﻠﯩﻜﯩﺘﻰ ﺑﻮﻳﯩﭽﻪ ﺩﺍﯕﻠﯩﻖ " ﻗﻮﺵ ﺗﯩﻠﻠﯩﻖ " ﻳﯧﺰﺍ ﻣﻪﻛﺘﯩﭙﯩﻨﯩﯔ ﺑﺎﺭﻟﯩﻘﻰ ﺗﯩﻠﻐﺎ ﺋﯩﻠﯩﻨﻐﺎﻥ.

ﺧﻪﯞﻩﺭﺩﻩ، 1997 ‏- ﻳﯩﻠﻰ ﻗﯘﺭﯗﻟﻐﺎﻥ ﻳﯧﺰﺍ ﻣﻪﻛﺘﯩﭙﯩﺪﻩ ﺋﺎﺭﺍﻥ ﺳﻪﻛﻜﯩﺰ ﺋﯘﻳﻐﯘﺭ ﺋﻮﻗﯘﻏﯘﭼﻰ ﺑﺎﺭ ﺑﻮﻟﯘﭖ، ﻣﻪﻛﺘﻪﭖ ﻣﯘﺩﯨﺮﻯ ﺧﯘﺍﯓ ﻣﯩﯔ ﺋﻮﻗﯘﻏﯘﭼﯩﻼﺭ ﺳﺎﻧﯩﻨﻰ ﻛﯚﭘﻪﻳﺘﯩﺶ ﺋﯜﭼﯜﻥ، ﻛﻪﻧﺘﺘﯩﻜﻰ ﺋﺎﺋﯩﻠﯩﻠﻪﺭﮔﯩﭽﻪ، ﺋﯧﺘﯩﺰ ﺑﺎﺷﻠﯩﺮﯨﻐﯩﭽﻪ ﺑﯧﺮﯨﭗ، ﺋﻮﻗﯘﺵ ﻳﯧﺸﯩﺪﯨﻜﻰ ﺑﺎﻟﯩﻼﺭﻧﯩﯔ ﺋﺎﺗﺎ ‏- ﺋﺎﻧﯩﺴﯩﻨﻰ ﺑﺎﻟﯩﻠﯩﺮﯨﻨﻰ ، " ﻗﻮﺵ ﺗﯩﻠﻠﯩﻖ " ﻣﻪﻛﺘﻪﭘﺘﻪ ﺋﻮﻗﯘﺗﯘﺷﻘﺎ ﻗﺎﻳﯩﻞ ﻗﯩﻠﯩﺶ ﺋﯜﭼﯜﻥ ﻗﻮﻟﯩﺪﯨﻦ ﻛﯧﻠﯩﺪﯨﻐﺎﻥ ﺑﺎﺭﻟﯩﻖ ﺗﯩﺮﯨﺸﭽﺎﻧﻠﯩﻘﻼﺭﻧﻰ ﻛﯚﺭﺳﻪﺗﻜﻪﻧﻠﯩﻜﻰ ﻫﻪﺗﺘﺎ ﺋﯘﻻﺭ ﺑﯩﻠﻪﻥ ﻳﯩﻤﻪﻙ ‏- ﺋﯩﭽﻤﻪﻙ، ﻳﯧﺘﯩﭗ ‏- ﻗﻮﭘﯘﺷﺘﺎ ﺑﯩﻠﻠﻪ ﺑﻮﻟﯘﭖ ﺋﻮﻗﯘﻏﯘﭼﯩﻼﺭ ﺳﺎﻧﯩﻨﻰ 1000 ﻏﺎ ﻳﻪﺗﻜﯜﺯﮔﻪﻧﻠﯩﻜﻰ ﺑﺎﻳﺎﻥ ﻗﯩﻠﯩﻨﻐﺎﻥ .

ﺗﯚﺕ ﻳﯩﻠﺪﯨﻦ ﺑﯘﻳﺎﻥ ﺑﻪﺷﻜﻪﻧﺖ " ﻗﻮﺵ ﺗﯩﻠﻠﯩﻖ " ﺑﺎﺷﻼﻧﻐﯘﭺ ﻣﻪﻛﺘﯩﭙﯩﻨﻰ ﭘﯜﺗﻜﯜﺯﮔﻪﻥ ﺋﻮﻗﯘﻏﯘﭼﯩﻼﺭ، ﺭﺍﻳﻮﻥ ﺋﯩﭽﻰ ﺧﯩﺘﺎﻱ ﺗﯩﻞ ﺳﯩﻨﯩﭙﯩﻐﺎ ﯞﯨﻼﻳﻪﺕ ﺑﻮﻳﯩﭽﻪ ﺋﻪﯓ ﻛﯚﭖ ﻗﻮﺑﯘﻝ ﻗﯩﻠﯩﻨﻐﺎﻥ ، ﺋﯘﻻﺭﻧﯩﯔ ﻳﻪﻧﻪ ﺑﯩﺮ ﻗﯩﺴﯩﻤﻠﯩﺮﻯ ﺧﯩﺘﺎﻱ ﺋﯚﻟﻜﯩﻠﯩﺮﯨﺪﯨﻜﻰ ﺗﻮﻟﯘﻕ ﺋﻮﺗﺘﯘﺭﺍ ﺳﯩﻨﯩﭙﻠﯩﺮﯨﻐﺎ ﻗﻮﺑﯘﻝ ﻗﯩﻠﯩﻨﻐﺎﻥ.

ﺧﯘﺍﯓ ﻣﯩﯖﻨﯩﯔ ﺗﻪﺷﻪﺑﺒﯘﺳﻰ ﺑﯩﻠﻪﻥ ﻧﯚﯞﻩﺗﺘﻪ ﺑﻪﺷﻜﻪﻧﺖ ﺩﺍﺋﯩﺮﻟﯩﺮﻯ ﺋﻮﻗﯘﺵ ﻳﯧﺸﯩﻐﺎ ﻳﻪﺗﻤﯩﮕﻪﻥ ﺋﯘﻳﻐﯘﺭ ﭘﻪﺭﺯﻩﻧﺘﻠﯩﺮﯨﻨﻰ، ﻳﺎﺗﺎﻗﻠﯩﻖ ﺗﯜﺯﯛﻣﺪﯨﻜﻰ " ﺑﺎﻏﭽﯩﻼﺷﻘﺎﻥ ﻣﻪﻛﺘﻪﭖ" ﺗﻪ ﺗﻪﺭﺑﯩﻴﯩﻠﯩﻤﻪﻛﺘﻪ ﺋﯩﻜﻪﻥ.

ﺧﯩﺘﺎﻳﻨﯩﯔ ﻧﺎﻫﯩﻴﻪ، ﻳﯧﺰﺍ ﯞﻩ ﻛﻪﻧﺘﻠﻪﺭ ﺑﻮﻳﯩﭽﻪ " ﻗﻮﺵ ﺗﯩﻠﻠﯩﻖ " ﻣﺎﺋﺎﺭﯨﭗ ﺳﯩﻴﺎﺳﯩﺘﯩﻨﻰ ﻛﯜﭼﻪﻳﺘﯩﺸﻰ، ﺋﯘﻳﻐﯘﺭﻻﺭﻧﯩﯔ ﻣﺎﺋﺎﺭﯨﭙﯩﻨﻰ ﺋﻪﻣﻪﻟﺪﯨﻦ ﻗﺎﻟﺪﯗﺭﯗﺵ ﺷﯘﻧﯩﯖﺪﻩﻙ ﺋﯘﻳﻐﯘﺭ ﺗﯩﻠﯩﻨﻰ ﻳﻮﻕ ﻗﯩﻠﯩﺶ ﺋﯩﻜﻪﻧﻠﯩﻜﯩﻨﻰ ﺋﯩﺰﭼﯩﻞ ﺗﯜﺭﺩﻩ ﺗﻪﻛﯩﺘﻠﻪﭖ ﻛﯧﻠﯩﯟﺍﺗﻘﺎﻥ ﺋﯘﻳﻐﯘﺭ ﺗﻪﺷﻜﯩﻼﺗﻠﯩﺮﻯ، ﺑﯘ ﻫﻪﻗﺘﻪ ﻣﻪﺧﺴﯘﺱ ﭘﺮﻭﮔﺮﺍﻣﻤﯩﻼﺭ ﺗﻪﺳﯩﺲ ﻗﯩﻠﯩﭗ، ﺧﻪﻟﻘﺌﺎﺭﺍ ﺟﺎﻣﺎﺋﻪﺗﻨﻰ ﺑﯘ ﻣﻪﺳﯩﻠﯩﮕﻪ ﺋﻪﻫﻤﯩﻴﻪﺕ ﺑﯧﺮﯨﺸﻘﺎ ﭼﺎﻗﯩﺮﻣﺎﻗﺘﺎ. (ﺋﯚﻣﻪﺭ ﻗﺎﻧﺎﺕ)