ﺧﯩﺘﺎﻳﻨﯩﯔ ﺋﯘﻳﻐﯘﺭ ﺋﯧﻠﯩﺪﯨﻜﻰ "ﻗﻮﺵ ﺗﯩﻞ ﻣﺎﺋﺎﺭﯨﭙﻰ" ﻗﻪﺩﯨﻤﯩﻨﻰ ﯞﻩ "ﻗﻮﺵ ﺗﯩﻞ ﺋﻮﻗﯘﺗﻘﯘﭼﯩﻼﺭ ﻗﻮﺷﯘﻧﯩﻨﻰ ﺋﯩﻠﮕﯩﺮﻯ ﺳﯜﺭﯛﺵ" ﺋﯩﺴﺘﺮﺍﺗﯧﮕﯩﻴﯩﺴﻰ

ﺧﯩﺘﺎﻱ ﻣﺎﺋﺎﺭﯨﭗ ﺗﺎﺭﻣﺎﻗﻠﯩﺮﻯ ﺋﯘﻳﻐﯘﺭ ﺋﯧﻠﯩﻨﯩﯔ "ﻗﻮﺵ ﺗﯩﻞ ﻣﺎﺋﺎﺭﯨﭗ" ﻗﻪﺩﯨﻤﯩﻨﻰ ﺗﯩﺰﻟﯩﺘﯩﺶ ﺟﻪﺭﻳﺎﻧﯩﺪﺍ "ﻗﻮﺵ ﺗﯩﻞ" ﺋﻮﻗﯘﺗﻘﯘﭼﯩﻠﯩﺮﻯ ﻛﻪﻣﭽﯩﻞ ﺑﻮﻟﯘﺵ ﻣﻪﺳﯩﻠﯩﺴﯩﻨﻰ ﻫﻪﻝ ﻗﯩﻠﯩﺶ ﺋﯜﭼﯜﻥ "ﺋﺎﺳﺎﺳﯩﻲ ﻗﺎﺗﻼﻣﻐﺎ ﻳﺎﺭﺩﻩﻡ ﺑﯧﺮﯨﺪﯨﻐﺎﻥ ﺋﻮﻗﯘﺗﻘﯘﭼﯩﻼﺭ ﻗﻮﺷﯘﻧﻰ" ﺋﻪﯞﻩﺗﯩﺶ ﭘﯩﻼﻧﻰ ﻳﯜﺭﮔﯜﺯﯛﯞﺍﺗﻘﺎﻥ ﺑﻮﻟﯘﭖ، ﺗﻪﻫﻠﯩﻠﭽﯩﻠﻪﺭﻧﯩﯔ ﻗﺎﺭﯨﺸﯩﭽﻪ، ﺑﯘ ﺧﯩﺘﺎﻳﻨﯩﯔ ﺋﯘﻳﻐﯘﺭ ﺋﯩﻠﻰ ﻣﯩﻠﻠﯩﻲ ﻣﺎﺋﺎﺭﯨﭙﭽﯩﻼﺭ ﺳﯧﭙﯩﺪﻩ ﺧﯩﺘﺎﻳﻼﺭﻏﺎ ﺧﯩﺰﻣﻪﺕ ﭘﯘﺭﺳﯩﺘﻰ ﻳﺎﺭﯨﺘﯩﺶ ﯞﻩ ﺋﯘﻳﻐﯘﺭ ﻣﯩﻠﻠﯩﻲ ﻣﺎﺋﺎﺭﯨﭙﯩﻨﻰ ﺋﯜﺯﯛﻝ ‏- ﻛﯧﺴﯩﻞ ﯞﻩﻳﺮﺍﻥ ﻗﯩﻠﯩﺶ ﺳﯜﻳﯩﻘﻪﺳﺘﯩﻨﯩﯔ ﺑﯩﺮ ﻗﯩﺴﻤﻰ ﺋﯩﻜﻪﻥ.

ﺗﻪﯕﺮﯨﺘﺎﻍ ﺗﻮﺭ ﺑﯧﺘﯩﺪﻩ ﺑﯧﺮﯨﻠﮕﻪﻥ ﺧﻪﯞﻩﺭﺩﻩ ﺋﯘﻳﻐﯘﺭ ﺋﺎﭘﺘﻮﻧﻮﻡ ﺭﺍﻳﻮﻧﻰ ﻣﺎﺋﺎﺭﯨﭗ ﻧﺎﺯﺍﺭﯨﺘﯩﻨﯩﯔ ﺑﺎﺵ ﺳﯧﻜﺮﯦﺘﺎﺭﻯ ﺟﺎﯞ ﺩﯦﺠﯘﯕﻨﯩﯔ ﺋﯧﻴﺘﻘﺎﻧﻠﯩﺮﯨﻨﻰ ﻧﻪﻗﯩﻞ ﺋﯧﻠﯩﭗ ﻛﯚﺭﺳﯩﺘﯩﺸﯩﭽﻪ، ﻫﺎﺯﯨﺮﻏﯩﭽﻪ "ﺋﺎﺳﺎﺳﯩﻲ ﻗﺎﺗﻼﻣﻐﺎ ﻳﺎﺭﺩﻩﻡ ﺑﯧﺮﯨﺶ" ﺋﯜﭼﯜﻥ ﺋﻪﯞﻩﺗﻜﻪﻥ ﺋﻮﻗﯘﺗﻘﯘﭼﯩﻼﺭ ﺳﺎﻧﻰ 2000 ﻧﻪﭘﻪﺭﺩﯨﻦ ﺋﺎﺷﻘﺎﻥ ﻫﻪﻣﺪﻩ ﺋﺎﺳﺎﺳﯩﻲ ﻗﺎﺗﻼﻣﺪﺍ ﺋﻮﻗﯘﺗﯘﺷﻨﻰ ﭘﺮﺍﻛﺘﯩﻜﺎ ﻗﯩﻠﯩﺶ ﺋﯜﭼﯜﻥ ﺋﻪﯞﻩﺗﻜﻪﻥ ﺋﻮﻗﯘﻏﯘﭼﯩﻼﺭ 1800 ﻧﻪﭘﻪﺭﺩﯨﻦ ﺋﺎﺷﻘﺎﻥ.

ﺟﺎﯞ ﺩﯦﺠﯘﯓ ﻣﯘﻧﺪﺍﻕ ﺩﯦﮕﻪﻥ: "ﺷﯘﻧﺪﺍﻕ ﺋﯧﻴﺘﯩﺸﻘﺎ ﺑﻮﻟﯩﺪﯗﻛﻰ، ﺑﯘ ﺑﯩﺮ ﻗﺎﺗﺎﺭ ﭼﺎﺭﯨﻠﻪﺭ ﺋﺎﺳﺎﺳﯩﻲ ﻗﺎﺗﻼﻣﺪﺍ ﻗﻮﺵ ﺗﯩﻞ ﺋﻮﻗﯘﺗﻘﯘﭼﯩﻠﯩﺮﻯ ﻛﻪﻣﭽﯩﻞ ﺑﻮﻟﯘﺵ ﻗﯩﻴﯩﻨﭽﯩﻠﯩﻘﯩﻤﯩﺰﻧﻰ ﻫﻪﻝ ﻗﯩﻠﻐﺎﻥ ﺑﻮﻟﯘﭖ ﺑﯘ ﺑﯩﺰﻧﯩﯔ ﻗﻮﺵ ﺗﯩﻞ ﺋﻮﻗﯘﺗﯘﺵ ﺧﯩﺰﻣﯩﺘﯩﻨﯩﯔ ﺗﻪﻟﻪﭘﻠﯩﺮﯨﮕﻪ ﺋﯘﻳﻐﯘﻥ ﻛﯧﻠﯩﺪﯗ" ﺩﯦﮕﻪﻥ.

ﺧﻪﯞﻩﺭﺩﻩ ﺋﺎﺷﻜﺎﺭﯨﻠﯩﻨﯩﺸﯩﭽﻪ ﻳﻪﻧﻪ، "ﺋﺎﻗﺘﻮ ﻧﺎﻫﯩﻴﯩﺴﯩﺪﯨﻜﻰ ﻳﻪﺭﻟﯩﻚ ﺋﻮﻗﯘﺗﻘﯘﭼﯩﻼﺭ ﻗﻮﺷﯘﻧﻰ ﻛﻪﻣﭽﯩﻞ ﺑﻮﻟﯘﺵ، ﺋﺎﺯ ﺳﺎﻧﻠﯩﻖ ﻣﯩﻠﻪﺕ ﺋﻮﻗﯘﺗﻘﯘﭼﯩﻠﯩﺮﯨﻨﯩﯔ ﺧﯩﺘﺎﻳﭽﻪ ﺳﻪﯞﯨﻴﯩﺴﻰ ﺗﯚﯞﻩﻥ ﺑﻮﻟﯘﺷﺘﻪﻙ ﺋﻪﻫﯟﺍﻝ ﺋﺎﺳﺘﯩﺪﺍ" ﺋﻮﻗﯘﺗﻘﯘﭼﻰ ﭼﺎﻗﯩﺮﯨﺶ ﺋﯩﺸﻠﯩﺮﯨﻨﻰ ﻛﯧﯖﻪﻳﺘﻜﻪﻥ ﺑﻮﻟﯘﭖ، ﺟﻪﻣﺌﯩﻴﻪﺗﺘﯩﻦ ﺧﯩﺘﺎﻳﭽﻪ ﺳﻪﯞﯨﻴﯩﺴﻰ ﻳﯘﻗﯩﺮﻯ 445 ﻧﻪﭘﻪﺭ ﺧﺎﺩﯨﻢ ﻗﻮﺑﯘﻝ ﻗﯩﻠﻐﺎﻧﻠﯩﻖ ﻛﯚﺭﺳﯩﺘﯩﻠﮕﻪﻥ.

ﺧﻪﯞﻩﺭﺩﻩ ﺋﺎﺳﺎﺳﯩﻲ ﻗﺎﺗﻼﻣﻐﺎ ﻳﺎﺭﺩﻩﻡ ﺑﯧﺮﯨﺶ ﺋﯜﭼﯜﻥ ﺋﻪﯞﻩﺗﯩﻠﮕﻪﻥ ﺋﻮﻗﯘﺗﻘﯘﭼﯩﻼﺭ ﯞﻩ ﭘﺮﺍﻛﺘﯩﻜﺎﻧﺖ ﺋﻮﻗﯘﻏﯘﭼﯩﻼﺭﻧﯩﯔ ﺧﯩﺘﺎﻱ ﻳﺎﻛﻰ ﺋﺎﺯ ﺳﺎﻧﻠﯩﻖ ﻣﯩﻠﻠﻪﺕ ﺋﯩﻜﻪﻧﻠﯩﻜﻰ ﺋﯧﻨﯩﻖ ﻛﯚﺭﺳﯩﺘﻪﻟﻤﯩﮕﻪﻥ.

ﻫﺎﺯﯨﺮ ﮔﯧﺮﻣﺎﻧﯩﻴﯩﺪﻩ ﻳﺎﺷﺎﯞﺍﺗﻘﺎﻥ ﺋﯘﻳﻐﯘﺭ ﺯﯨﻴﺎﻟﯩﻲ ﯞﻩ ﺷﻪﺭﻗﻰ ﺗﯜﺭﻛﯩﺴﺘﺎﻥ ﺑﯩﺮﻟﯩﻜﻰ ﺗﻪﺷﻜﯩﻼﺗﯩﻨﯩﯔ ﺭﻩﺋﯩﺴﻰ ﻛﯜﺭﻩﺵ ﺋﺎﺗﺎﺧﺎﻧﻨﯩﯔ ﺑﯩﻠﺪﯛﺭﯛﺷﯩﭽﻪ، ﺧﯩﺘﺎﻱ "ﺋﺎﺗﺎﻟﻤﯩﺶ ﻗﻮﺵ ﺗﯩﻞ ﻣﺎﺋﺎﺭﯨﭙﻰ" ﺋﯩﺴﺘﺮﺍﺗﯧﮕﯩﻴﯩﺴﯩﻨﯩﯔ ﺳﺎﻳﯩﺴﻰ ﺋﺎﺳﺘﯩﺪﺍ، ﺋﯘﻳﻐﯘﺭ ﺋﯧﻠﯩﻨﯩﯔ ﺟﻪﻧﯘﺏ ﺷﯩﻤﺎﻟﻠﯩﺮﯨﻐﺎ ﺋﯧﯟﻩﺗﯩﯟﺍﺗﻘﺎﻥ ﺑﯩﺮ ﺗﯜﺭﻛﯜﻡ ﺋﺎﺩﻩﻣﻠﻪﺭ ﻗﺎﻧﺪﺍﻗﺘﯘﺭ ﺋﯩﻜﻜﻰ ﺧﯩﻞ ﺗﯩﻞ ﺑﯩﻠﯩﺪﯨﻐﺎﻥ ﺋﻮﻗﯘﺗﻘﯘﭼﯩﻼﺭ ﻗﻮﺷﯘﻧﻰ ﺑﻮﻟﻤﺎﺳﺘﯩﻦ، ﺑﻪﻟﻜﻰ ﺧﯩﺘﺎﻳﻨﯩﯔ ﻣﻪﻟﯘﻡ ﺳﯩﻴﺎﺳﯩﻲ ﻣﻪﻗﺴﻪﺗﻠﯩﺮﯨﻨﻰ ﺋﯚﺯﯨﮕﻪ ﻣﯘﺟﻪﺳﺴﻪﻡ ﻗﯩﻠﻐﺎﻥ ﻳﻪﻙ ﺗﯩﻠﻠﯩﻖ ﺑﯩﺮ ﺑﯚﻟﻪﻙ ﺋﺎﺩﻩﻣﻠﻪﺭ ﺋﯩﻜﻪﻥ.

ﺋﯘﻧﯩﯔ ﻛﯚﺭﺳﯩﺘﯩﺸﯩﭽﻪ، ﻳﻪﻧﻪ ﺑﯘ ﺑﯩﺮ ﺗﯜﺭﻛﯜﻡ ﻛﯩﺸﯩﻠﻪﺭ، ﺧﯩﺘﺎﻱ ﻫﯚﻛﯜﻣﯩﺘﯩﻨﯩﯔ ﺋﯘﻳﻐﯘﺭ ﻣﯩﻠﻠﯩﻲ ﻣﺎﺋﺎﺭﯨﭙﻰ ﯞﻩ ﺋﯘﻳﻐﯘﺭ ﻣﯩﻠﻠﯩﻲ ﻛﯩﻤﻠﯩﻜﯩﻨﻰ ﯞﻩﻳﺮﺍﻥ ﻗﯩﻠﯩﺶ ﭘﯩﻼﻧﯩﻨﻰ ﺋﻪﻣﻪﻟﮕﻪ ﺋﺎﺷﯘﺭﯗﺷﺘﺎ ﭘﺎﻳﺪﯨﻠﯩﻨﯩﺪﯨﻐﺎﻥ ﻛﯩﺸﯩﻠﻪﺭ ﺑﻮﻟﯘﭖ، ﺷﯘﯕﺎ ﺧﯩﺘﺎﻱ ﺑﯘ ﻛﯩﺸﯩﻠﻪﺭﻧﯩﯔ ﻣﯩﻠﻠﯩﻲ ﺗﻪﯞﻩﻟﯩﻜﯩﻨﻰ ﺋﺎﺷﻜﺎﺭﯨﻠﯩﻤﯩﻐﺎﻥ ﺋﯩﻜﻪﻥ.

ﺧﯩﺘﺎﻱ ﻫﯚﻛﯜﻣﯩﺘﻰ 2003- ﻳﯩﻠﯩﺪﯨﻦ ﺑﯘﻳﺎﻥ ﺋﯘﻳﻐﯘﺭ ﺋﯧﻠﯩﺪﻩ "10ﻣﯩﯔ ﻧﻪﭘﻪﺭ ﻗﻮﺵ ﺗﯩﻞ ﺋﻮﻗﯘﺗﻘﯘﭼﯩﺴﯩﻨﻰ ﺗﻪﺭﺑﯩﻴﯩﻠﻪﺵ" ﺋﯜﭼﯜﻥ 130 ﻣﯩﻠﻴﻮﻥ ﻳﯜﻩﻥ ﺧﯩﺘﺎﻱ ﭘﯘﻟﻰ ﻣﻪﺑﻠﻪﻍ ﺳﺎﻟﻐﺎﻧﯩﺪﻯ. (ﺟﯜﻣﻪ‏)