ﺧﯩﺘﺎﻱ ﺑﯘ ﻳﯩﻞ ﺧﯩﺘﺎﻱ ﺋﯚﻟﻜﯩﻠﯩﺮﯨﺪﯨﻜﻰ "ﺷﯩﻨﺠﺎﯓ ﺳﯩﻨﯩﭗ " ﻟﯩﺮﯨﻐﺎ 5 ﻣﯩﯔ ﺋﻮﻗﯘﻏﯘﭼﻰ ﻗﻮﺑﯘﻝ ﻗﯩﻠﻤﺎﻗﭽﻰ

ﺧﯩﺘﺎﻱ ﻣﻪﺗﺒﯘﺋﺎﺗﻠﯩﺮﻯ ﺑﻪﺭﮔﻪﻥ ﺧﻪﯞﻩﺭﻟﻪﺭﮔﻪ ﻗﺎﺭﯨﻐﺎﻧﺪﺍ، ﺋﯘﻳﻐﯘﺭ ﺋﺎﭘﺘﻮﻧﻮﻡ ﺭﺍﻳﻮﻧﻠﯘﻕ ﻣﺎﺋﺎﺭﯨﭗ ﻧﺎﺯﺍﺭﯨﺘﻰ ﺑﯘ ﻳﯩﻞ ﻳﻪﻧﻪ ﺧﯩﺘﺎﻱ ﺋﯚﻟﻜﯩﻠﯩﺮﯨﺪﯨﻜﻰ ﺗﻮﻟﯘﻗﺴﯩﺰ ﯞﻩ ﺗﻮﻟﯘﻕ ﺋﻮﺗﺘﯘﺭﺍ ﺳﯩﻨﯩﭙﻠﯩﺮﯨﻐﺎ 5 ﻣﯩﯔ ﻧﻪﭘﻪﺭ ﺋﻮﻗﯘﻏﯘﭼﻰ ﻗﻮﺑﯘﻝ ﻗﯩﻠﯩﻨﯩﺪﯨﻐﺎﻧﻠﯩﻘﯩﻨﻰ ﺋﺎﺷﻜﺎﺭﯨﻠﯩﻐﺎﻥ.

ﺗﻪﯕﺮﯨﺘﺎﻍ ﺗﻮﺭﯨﺪﺍ ﻛﯚﺭﺳﯩﺘﯩﻠﯩﺸﯩﭽﻪ، ﺧﯩﺘﺎﻱ ﺋﯚﻟﻜﯩﻠﯩﺮﯨﺪﻩ ﺋﻮﻗﯘﻳﺪﯨﻐﺎﻥ ﺋﯘﻳﻐﯘﺭ ﺋﯩﻠﻰ ﺋﻮﻗﯘﻏﯘﭼﯩﻠﯩﺮﻯ 13 ﻣﯩﯖﺪﯨﻦ ﻛﯚﭖ، ﺋﻮﻗﯘﺗﯘﺵ ﺋﻮﺭﯗﻧﻠﯩﺮﻯ 50 ﺋﻪﺗﺮﺍﭘﯩﺪﺍ ﺑﻮﻟﯘﭖ، ﻫﺎﺯﯨﺮ ﺧﯩﺘﺎﻱ ﻫﯚﻛﯜﻣﯩﺘﻰ ﺧﯩﺘﺎﻱ ﺋﯚﻟﻜﯩﻠﯩﺮﯨﮕﻪ ﺗﻪﺳﯩﺲ ﻗﯩﻠﯩﻨﻐﺎﻥ ﻣﻪﺯﻛﯘﺭ ﺳﯩﻨﯩﭙﻼﺭﻏﺎ ﺋﯘﻳﻐﯘﺭ ﺋﯧﻠﯩﻨﯩﯔ ﻳﯧﺰﺍ ‏- ﻗﯩﺸﻼﻗﻠﯩﺮﯨﺪﯨﻦ ﺋﻮﻗﯘﻏﯘﭼﻰ ﻗﻮﺑﯘﻝ ﻗﯩﻠﯩﺶ ﻛﯚﻟﯩﻤﯩﻨﻰ ﻛﯧﯖﻪﻳﺘﻜﻪﻥ.

ﺧﻪﯞﻩﺭﺩﻩ ﻧﻪﻗﯩﻞ ﻛﻪﻟﺘﯜﺭﯛﺷﯩﭽﻪ، ﺋﯘﻳﻐﯘﺭ ﺋﺎﭘﺘﻮﻧﻮﻡ ﺭﺍﻳﻮﻧﯩﻨﯩﯔ ﻣﯘﺋﺎﯞﯨﻦ ﺭﻩﺋﯩﺴﻰ ﺟﯩﻦ ﻧﻮ ﻫﺎﺯﯨﺮ ﺋﯘﻳﻐﯘﺭ ﺋﯧﻠﯩﺪﻩ ﻗﯘﺭﯗﻟﻐﺎﻥ ﻗﻮﺵ ﺗﯩﻞ ﺳﯩﻨﯩﭙﻠﯩﺮﯨﻨﯩﯔ 5ﻣﯩﯖﻐﺎ ﻳﻪﺗﻜﻪﻧﻠﯩﻜﯩﻨﻰ، "ﻗﻮﺵ ﺗﯩﻞ ﺳﯩﻨﯩﭙﻠﯩﺮﻯ" ﺩﺍ ﺋﻮﻗﯘﻳﺪﯨﻐﺎﻥ ﻣﯩﻠﻠﻲ ﺋﻮﻗﯘﻏﯘﭼﯩﻼﺭﻧﯩﯔ ﺳﺎﻧﻰ 150 ﻣﯩﯖﺪﯨﻦ ﺋﯧﺸﯩﭗ ﻛﻪﺗﻜﻪﻧﻠﯩﻜﯩﻨﻰ ﺋﯧﻴﺘﻘﺎﻥ.

ﺋﯘ ﻳﻪﻧﻪ، ﺧﯩﺘﺎﻱ ﺋﯚﻟﻜﯩﻠﯩﺮﯨﮕﻪ ﺗﻪﺳﯩﺲ ﻗﯩﻠﯩﻨﻐﺎﻥ ﺋﯘﻳﻐﯘﺭ ﺋﯩﻠﻰ ﺗﻮﻟﯘﻕ ﯞﻩ ﺗﻮﻟﯘﻗﺴﯩﺰ ﺋﻮﺗﺘﯘﺭﺍ ﺳﯩﻨﯩﭙﻠﯩﺮﯨﻐﺎ ﻗﻮﺑﯘﻝ ﻗﯩﻠﯩﻨﯩﺪﯨﻐﺎﻥ ﻣﯩﻠﻠﻲ ﺋﻮﻗﯘﻏﯘﭼﯩﻼﺭﻧﯩﯔ ﻛﯚﻟﯩﻤﯩﻨﻰ ﻛﯧﯖﻪﻳﺘﯩﺶ ﻻﺯﯨﻤﻠﯩﻘﯩﻨﻰ ﺗﻪﻛﯩﺘﻠﯩﮕﻪﻥ.

ﺩ ﺋﯘ ﻕ ﺑﺎﻳﺎﻧﺎﺗﭽﯩﺴﻰ ﺩﯨﻠﺸﺎﺕ ﺭﯨﺸﯩﺖ ﺑﯘ ﻫﻪﻗﺘﻪ ﺋﯩﻨﻜﺎﺱ ﻗﺎﻳﺘﯘﺭﯗﭖ: " ﺧﯩﺘﺎﻳﻨﯩﯔ ﺋﺎﺗﺎﻟﻤﯩﺶ ‘ﺷﯩﻨﺠﺎﯓ ﺳﯩﻨﯩﭙﻠﯩﺮﻯ’ ﺩﺍ ﺋﻮﻗﯘﻳﺪﯨﻐﺎﻥ ﻣﯩﻠﻠﻲ ﺋﻮﻗﯘﻏﯘﭼﯩﻼﺭﻧﻰ ﺳﺎﻧﯩﻨﻰ ﺗﯩﺰﻟﯩﺘﯩﺸﯩﺪﯨﻜﻰ ﺳﻪﯞﻩﺏ ﻳﻪﻧﯩﻼ، ﺋﯘﻳﻐﯘﺭﻻﺭﻧﻰ ﺋﺎﺳﺴﯩﻤﯩﻠﻴﺎﺗﺴﯩﻴﻪ ﻗﯩﻠﯩﺶ ﻗﻪﺩﯨﻤﯩﻨﻰ ﺗﯩﺰﻟﯩﺘﯩﺶ ﺩﯦﮕﻪﻧﻠﯩﻚ" ﺩﯦﺪﻯ.

ﺋﯘ ﻳﻪﻧﻪ، ﺧﯩﺘﺎﻳﻨﯩﯔ ﺑﯘﻧﺪﺍﻕ ﺳﯩﻴﺎﺳﻪﺗﻠﻪﺭﻧﻰ ﺗﯧﺨﯩﻤﯘ ﻗﺎﺗﺘﯩﻖ ﺭﻩﯞﯨﺸﺘﻪ ﻛﯜﭼﻪﻳﺘﯩﺸﯩﺪﯨﻜﻰ ﺋﺎﺳﺎﺳﻠﯩﻖ ﺳﻪﯞﻩﺑﻨﯩﯔ ﻳﻪﻧﯩﻼ ﺋﯘﻳﻐﯘﺭ ﺋﻮﻗﯘﻏﯘﭼﯩﻼﺭﻧﻰ ﻛﯩﭽﯩﻜﯩﺪﯨﻦ ﺧﯩﺘﺎﻱ ﺋﯚﻟﻜﯩﻠﯩﺮﯨﺪﻩ ﺗﻪﺭﺑﯩﻴﯩﻠﻪﭖ، ﺋﯘﻻﺭﻧﯩﯔ ﺋﯚﺯ ﻣﯩﻠﻠﯩﺘﯩﮕﻪ ﺑﻮﻟﻐﺎﻥ ﻣﯘﻫﻪﺑﺒﻪﺕ ﯞﻩ ﭘﻪﺧﯩﺮﻟﯩﻨﯩﺶ ﺗﯘﻳﻐﯘﺳﯩﻨﻰ ﺋﺎﺟﯩﺰﻻﺷﺘﯘﺭﯗﭖ، ﻛﻪﻟﮕﯜﺳﯩﺪﻩ ﺋﯘﻳﻐﯘﺭﻻﺭﻧﻰ ﺗﯧﺨﯩﻤﯘ ﺋﺎﺳﺎﻥ ﺋﯩﺪﺍﺭﻩ ﻗﯩﻠﯩﺶ ﻣﻪﻗﺴﯩﺘﯩﻨﻰ ﺋﻪﻣﻪﻟﮕﻪ ﺋﺎﺷﯘﺭﯗﺵ ﺋﯩﻜﻪﻧﻠﯩﻜﯩﻨﻰ ﻛﯚﺭﺳﻪﺗﺘﻰ. (ﺟﯜﻣﻪ)