ﺧﯩﺘﺎﻱ ﻫﯚﻛﯜﻣﯩﺘﻰ"ﻗﻮﺵ ﺗﯩﻞ" ﻣﺎﺋﺎﺭﯨﭙﯩﻨﻰ ﻳﻪﺳﻠﯩﻠﻪﺭﮔﯩﭽﻪ ﻛﯧﯖﻪﻳﺘﻤﻪﻛﺘﻪ

ﻗﺎﻏﯩﻠﯩﻖ ﻧﺎﻫﯩﻴﯩﺴﻰ ﻫﯚﻛﯜﻣﻪﺕ ﺧﻪﯞﻩﺭﻟﻪﺭ ﺗﻮﺭﯨﺪﺍ ﻛﯚﺭﺳﯩﺘﯩﺸﯩﭽﻪ، ﻫﺎﺯﯨﺮ ﻗﺎﻏﯩﻠﯩﻖ ﻧﺎﻫﯩﻴﯩﺴﻰ "ﻗﻮﺵ ﺗﯩﻞ "ﻳﻪﺳﻠﯩﻠﯩﺮﯨﮕﻪ ﺋﺎﺷﻜﺎﺭﺍ ﺋﻮﻗﯘﺗﻘﯘﭼﻰ ﻗﻮﺑﯘﻝ ﻗﯩﺸﻨﻰ ﺑﺎﺷﻠﯩﻐﺎﻥ ﺑﻮﻟﯘﭖ، ﺑﯘ ﺧﯩﺘﺎﻱ ﻫﯚﻛﯜﻣﯩﺘﯩﻨﯩﯔ ﺋﯘﻳﻐﯘﺭ ﺋﯧﻠﯩﺪﻩ ﻳﯜﺭﮔﯜﺯﯛﯞﺍﺗﻘﺎﻥ "ﻗﻮﺵ ﺗﯩﻞ" ﻣﺎﺋﺎﺭﯨﭙﯩﻨﯩﯔ ﻗﻪﺩﯨﻤﯩﻨﻰ ﻳﻪﺳﻠﯩﻠﻪﺭﮔﯩﭽﻪ ﻛﯧﯖﻪﻳﺘﯩﯟﺍﺗﻘﺎﻧﻠﯩﻘﯩﻨﯩﯔ ﺩﻩﻟﯩﻠﯩﺪﯗﺭ.

ﺧﻪﯞﻩﺭﺩﯨﻦ ﻣﻪﻟﯘﻡ ﺑﻮﻟﯘﺷﯩﭽﻪ، ﻗﺎﻏﯩﻠﯩﻖ ﻧﺎﻫﯩﻴﯩﺴﻰ ﻫﺎﺯﯨﺮ ﻳﯧﺰﯨﻼﺭﺩﺍ ﻗﻮﺵ ﺗﯩﻞ ﻳﻪﺳﻠﯩﻠﯩﺮﯨﻨﻰ ﻗﻮﺭﯗﺵ ﺧﯩﺰﻣﻪﺕ ﮔﯘﺭﯗﭘﭙﯩﺴﻰ ﺗﻪﺷﻜﯩﻠﻠﯩﮕﻪﻥ ﺑﻮﻟﯘﭖ، ﺋﯘﻻﺭ 2007- ﻳﯩﻠﻰ 12 ‏- ﺋﺎﻳﺪﯨﻦ ﺑﺎﺷﻼﭖ ﺗﻪﻳﻴﺎﺭﻟﯩﻖ ﺧﯩﺰﻣﻪﺗﻠﯩﺮﯨﻨﻰ ﺋﯩﺸﻠﻪﺷﻜﻪ ﺑﺎﺷﻠﯩﻐﺎﻥ ﯞﻩ ﺟﻪﻣﺌﯩﻴﻪﺗﺘﯩﻦ 60 ﻧﻪﭘﻪﺭ "ﻗﻮﺵ ﺗﯩﻞ "ﻳﻪﺳﻠﯩﺴﻰ ﺋﻮﻗﯘﺗﻘﯘﭼﯩﺴﻰ ﻗﻮﺑﯘﻝ ﻗﯩﻠﯩﺪﯨﻐﺎﻧﻠﯩﻘﻰ ﻫﻪﻗﻘﯩﺪﻩ ﺋﯘﻗﺘﯘﺭﯗﺵ ﭼﯩﻘﺎﺭﻏﺎﻥ.

ﺧﻪﯞﻩﺭﺩﯨﻦ ﺋﺎﺷﻜﺎﺭﯨﻠﯩﻨﯩﺸﯩﭽﻪ "ﻗﻮﺵ ﺗﯩﻞ" ﻳﻪﺳﻠﻰ ﺧﯩﺰﻣﻪﺕ ﺋﻮﺭﻧﯩﻐﺎ 141 ﻧﻪﭘﻪﺭ ﻛﯩﺸﻰ ﺋﯚﺯﯨﻨﻰ ﺗﯩﺰﯨﻤﻼﺗﻘﺎﻥ ﺑﻮﻟﯘﭖ، ﺑﯘﻻﺭﻧﯩﯔ 64 ﻧﻪﭘﯩﺮﻯ ﺧﯩﺘﺎﻱ، 77 ﻧﻪﭘﯩﺮﻯ ﺋﯘﻳﻐﯘﺭ، ﻧﺎﻣﺰﺍﺗﻼﺭ ﺧﯩﺘﺎﻱ ﺗﯩﻠﯩﻨﯩﯔ ﻧﻪﺯﯨﺮﯨﻴﯩﺴﻰ، ﺋﯩﻠﯩﻢ-ﭘﻪﻥ ﺑﯩﻠﯩﻤﻠﯩﺮﻯ، ﺋﺎﺳﺎﺳﯩﻲ ﻣﺎﻫﺎﺭﻩﺕ ﯞﻩ ﭘﯧﺪﺍﮔﻮﮔﯩﻜﺎ ﻗﺎﺋﯩﺪﯨﻠﯩﺮﻯ ﺑﯘﻳﯩﭽﻪ ﭘﯜﺗﯜﻧﻠﻪﻱ ﺧﯩﺘﺎﻱ ﺗﯩﻠﯩﺪﺍ ﺋﯧﻤﺘﯩﻬﺎﻥ ﺑﻪﺭﮔﻪﻥ.

ﻫﺎﺯﯨﺮ ﺧﯩﺘﺎﻱ ﻫﯚﻛﯜﻣﯩﺘﻰ ﺋﯘﻳﻐﯘﺭﻻﺭ ﺋﻪﯓ ﺗﻮﭘﻠﯩﺸﯩﭗ ﺋﻮﻟﺘﯘﺭﺍﻗﻼﺷﻘﺎﻥ ﺭﺍﻳﻮﻥ: ﻗﻪﺷﻘﻪﺭ ﯞﯨﻼﻳﯩﺘﻰ ﺗﻪﯞﻩﺳﯩﺪﻩ "ﻗﻮﺵ ﺗﯩﻞ" ﻣﺎﺋﺎﺭﯨﭙﯩﻨﻰ ﻳﻪﺳﻠﯩﺪﯨﻦ ﺑﺎﺷﻼﭖ ﺋﯧﻠﯩﭗ ﺑﯧﺮﯨﺶ ﺧﯩﺰﻣﯩﺘﯩﻨﻰ ﻛﯜﭼﻪﻳﺘﻜﻪﻥ ﺑﻮﻟﯘﭖ، ﺗﻪﯕﺮﯨﺘﺎﻍ ﺗﻮﺭﯨﺪﺍ ﺑﯧﺮﯨﻠﮕﻪﻥ ﺧﻪﯞﻩﺭﺩﻩ ﻛﯚﺭﺳﯩﺘﯩﻠﯩﺸﯩﭽﻪ، 2000- ﻳﯩﻠﯩﺪﯨﻦ ﺑﯘﻳﺎﻥ ﻗﻪﺷﻘﻪﺭ ﺗﻪﯞﻩﺳﯩﺪﻩ "ﻗﻮﺵ ﺗﯩﻞ" ﻳﻪﺳﻠﯩﺴﯩﺪﯨﻦ 444 ﺳﻰ ﻗﯘﺭﯗﻟﯘﭖ، ﺋﻮﻗﯘﻏﯘﭼﻰ ﺳﺎﻧﻰ 63 ﻣﯩﯔ 416 ﮔﻪ ﻳﻪﺗﻜﻪﻥ.

ﺋﯘﻳﻐﯘﺭ ﺋﯩﻠﻰ ﻣﯩﻠﻠﯩﻲ ﻣﺎﺋﺎﺭﯨﭙﻰ ﺳﺎﻫﻪﺳﯩﺪﻩ ﻛﯚﺭﯛﻟﯜﯞﺍﺗﻘﺎﻥ ﺑﯘ ﻫﺎﻝ ﺩﯗﻧﻴﺎﻧﯩﯔ ﻫﻪﺭﻗﺎﻳﺴﻰ ﺟﺎﻳﻠﯩﺮﯨﺪﯨﻜﻰ ﺋﯘﻳﻐﯘﺭﻻﺭﻧﻰ ﻗﺎﺗﺘﯩﻖ ﺋﻪﻧﺪﯨﺸﯩﮕﻪ ﺳﯧﻠﯩﯟﺍﺗﻘﺎﻥ ﺑﻮﻟﯘﭖ، ﻫﺎﺯﯨﺮ ﻧﻮﺭﯞﯦﮕﯩﻴﯩﺪﻩ ﻳﺎﺷﺎﻳﺪﯨﻐﺎﻥ ﺑﯩﺮ ﺋﯘﻳﻐﯘﺭ ﺯﯨﻴﺎﻟﯩﻴﻨﯩﯔ ﺑﯩﻠﺪﯛﺭﯛﺷﯩﭽﻪ، ﺧﯩﺘﺎﻱ ﻫﯚﻛﯜﻣﯩﺘﻰ ﻳﯜﺭﮔﯜﺯﯛﯞﺍﺗﻘﺎﻥ ﺋﺎﺗﺎﻟﻤﯩﺶ "ﻗﻮﺵ ﺗﯩﻞ" ﻣﺎﺋﺎﺭﯨﭙﻰ ﺋﻪﻣﻪﻟﯩﻴﻪﺗﺘﻪ ﺧﯩﺘﺎﻱ ﺗﯩﻠﯩﻨﻰ ﺋﺎﺳﺎﺱ ﻗﯩﻠﯩﺪﯨﻐﺎﻥ ﻳﻪﻙ ﺗﯩﻞ ﻣﺎﺋﺎﺭﯨﭙﻰ ﺑﻮﻟﯘﭖ، ﺑﯘﻧﯩﯔ ﻛﻪﻟﮕﯜﺳﯩﺪﻩ ﺋﯘﻳﻐﯘﺭﻻﺭﻧﯩﯔ ﻣﯩﻠﻠﻲ ﻛﯩﻤﻠﯩﻜﯩﮕﻪ ﺋﯧﻠﯩﭗ ﻛﯧﻠﯩﺪﯨﻐﺎﻥ ﺗﻪﻫﺪﯨﺘﯩﻨﻰ ﻣﯚﻟﭽﻪﺭﻟﻪﺵ ﺋﯩﻨﺘﺎﻳﯩﻦ ﻗﯧﻴﯩﻦ ﺋﯩﻜﻪﻥ. (ﺟﯜﻣﻪ)