ﺳﯧﺪﻧﯩﻲ ﺋﺎﯞﺍﻧﮕﺎﺭﺗﻰ ﮔﯧﺰﯨﺘﻰ ﻧﯩﯔ ﺭﺍﺑﯩﻴﻪ ﺧﺎﻧﯩﻢ ﻫﻪﻗﻘﯩﺪﯨﻜﻰ ﺧﻪﯞﯨﺮﻯ

2005 ‏- ﻳﯩﻠﻰ ﺋﺎﻣﯧﺮﯨﻜﯩﻐﺎ ﻛﻪﻟﮕﻪﻧﺪﯨﻦ ﻛﯧﻴﯩﻦ ﺋﯘﻳﻐﯘﺭﻻﺭﻧﯩﯔ ﺋﺎﯞﺍﺯﯨﻨﻰ ﭘﯜﺗﯜﻥ ﺩﯗﻧﻴﺎﻏﺎ ﺋﺎﯕﻠﯩﺘﯩﯟﺍﺗﻘﺎﻥ ﺭﺍﺑﯩﻴﻪ ﻗﺎﺩﯨﺮ ﺧﺎﻧﯩﻢ ﻫﺎﺯﯨﺮ ﺋﺎﯞﺳﺘﺮﺍﻟﯩﻴﯩﺪﻩ، ‏-‏ ﺩﻩﭖ ﺑﺎﻳﺎﻥ ﻗﯩﻠﯩﻨﯩﺪﯗ 'ﺳﯧﺪﻧﯩﻲ ﺋﺎﯞﺍﻧﮕﺎﺭﺗﻰ ﮔﯧﺰﯨﺘﻰ' ﻧﯩﯔ ﺑﯜﮔﯜﻧﻜﻰ ﺳﺎﻧﯩﺪﺍ.

ﺑﯘ ﮔﯧﺰﯨﺖ ﺭﺍﺑﯩﻴﻪ ﺧﺎﻧﯩﻤﻨﻰ ﺗﻮﻧﯘﺷﺘﯘﺭﻏﺎﻧﺪﺍ 'ﺧﯩﺘﺎﻳﺪﺍ ﺷﯩﺮﻛﻪﺗﭽﯩﻠﯩﻜﺘﻪ ﻣﯘﯞﻩﭘﭙﻪﻗﯩﻴﻪﺕ ﻗﺎﺯﯨﻨﯩﭗ 11 ‏- ﭼﻮﯓ ﺑﺎﻱ ﺩﻩﭖ ﺋﺎﺗﺎﻟﻐﺎﻥ، 11 ﺑﺎﻟﯩﻨﯩﯔ ﺋﺎﻧﯩﺴﻰ، ﺋﯘ 2005 ‏- ﻳﯩﻠﻰ ﺋﺎﻣﯧﺮﯨﻜﯩﻐﺎ ﻛﯧﻠﯩﭗ ﻣﯘﻫﺎﺟﯩﺮﻩﺗﺘﻪ ﺑﻮﻟﯘﺷﺘﯩﻦ ﺑﯘﺭﯗﻥ ﺧﯩﺘﺎﻱ ﺗﯜﺭﻣﯩﺴﯩﺪﻩ ﺋﺎﻟﺘﻪ ﻳﯩﻞ ﻳﺎﺗﻘﺎﻥ، ﺋﯘﻧﯩﯔ ﻣﺎﻝ-ﻣﯜﻟﻜﻰ ﻫﯚﻛﯜﻣﻪﺕ ﺗﻪﺭﯨﭙﯩﺪﯨﻦ ﺯﯨﻴﺎﻧﻐﺎ ﺋﯘﭼﺮﯨﺘﯩﻠﻐﺎﻥ، ﺋﯩﻜﻜﻰ ﺑﺎﻟﯩﺴﻰ ﺗﯧﺨﯩﭽﻪ ﺗﯜﺭﻣﯩﺪﻩ' ﺩﻩﭖ ﺑﺎﻳﺎﻥ ﻗﯩﻠﺪﻯ.

ﺑﯘ ﮔﯧﺰﯨﺘﺘﻪ ﺋﯘﻳﻐﯘﺭﻻﺭﻧﻰ ﺗﻮﻧﯘﺷﺘﯘﺭﻏﺎﻧﺪﺍ، 'ﺧﯩﺘﺎﻱ ﻛﻮﻣﻤﯘﻧﯩﺴﺖ ﺋﺎﺭﻣﯩﻴﯩﺴﻰ 1949 ‏- ﻳﯩﻠﻰ، ﺗﯜﺭﻙ ﺗﯩﻠﯩﺪﺍ ﺳﯚﺯﻟﯩﺸﯩﺪﯨﻐﺎﻥ ﺋﯘﻳﻐﯘﺭﻻﺭﻧﯩﯔ ﺷﻪﺭﻗﻰ ﺗﯘﺭﻛﯩﺴﺘﺎﻧﯩﻨﻰ ﺋﯩﮕﯩﻠﯩﯟﺍﻟﻐﺎﻥ ﺋﯩﺪﻯ. ﺷﯘﻧﯩﯖﺪﯨﻦ ﻛﯧﻴﯩﻦ ﺧﯩﺘﺎﻱ ﻛﯚﭼﻤﻪﻧﻠﯩﺮﯨﻨﻰ ﻛﯚﭘﻪﻳﺘﯩﺶ ﯞﻩ ﻳﻪﺭﻟﯩﻚ ﺋﯘﻳﻐﯘﺭﻻﺭﻧﯩﯔ ﺩﯨﻦ، ﻣﻪﺩﻩﻧﯩﻴﻪﺕ ﯞﻩ ﻣﯩﻠﻠﯩﻲ ﻛﯩﻤﻠﯩﻜﯩﻨﻰ ﭼﻪﻛﻠﻪﺵ ﺳﯩﻴﺎﺳﯩﺘﯩﻨﻰ ﻗﻮﻟﻠﯩﻨﯩﭗ ﻛﻪﻟﺪﻯ. 11 ‏- ﺳﯧﻨﺘﻪﺑﯩﺮ ﯞﻩﻗﻪﺳﯩﺪﯨﻦ ﻛﯧﻴﯩﻦ ﺑﻮﻟﺴﺎ، ﺧﯩﺘﺎﻱ ﻫﯚﻛﯜﻣﯩﺘﻰ ﺗﯧﺮﺭﻭﺭﭼﯩﻠﯩﻘﻘﺎ ﻗﺎﺭﺷﻰ ﺋﯘﺭﯗﺵ ﭘﯘﺭﺳﯩﺘﯩﻨﻰ ﻏﻪﻧﯩﻤﻪﺕ ﺑﯩﻠﯩﭗ، ﺋﯘﻳﻐﯘﺭﻻﺭﻧﻰ ﺑﺎﺳﺘﯘﺭﯗﭖ ﻛﻪﻟﻤﻪﻛﺘﻪ. ﺋﯘﻳﻐﯘﺭﻻﺭ ﺑﻮﻟﺴﺎ ﺋﯚﺯ‏- ﺋﯚﺯﯨﮕﻪ ﺧﻮﺟﺎ ﺑﻮﻟﯘﺵ ﺋﯜﭼﯜﻥ ﻛﯚﺭﻩﺵ ﻗﯩﻠﻤﺎﻗﺘﺎ. ﺧﯩﺘﺎﻱ ﻫﯚﻛﯜﻣﯩﺘﻰ ﺑﯘ ﻳﯩﻞ 1 ‏- ﺋﺎﻳﻨﯩﯔ 27 ‏- ﻛﯜﻧﻰ ﻳﻪﻧﻪ، ﻳﻪﺭﻟﯩﻚ ﺋﯘﻳﻐﯘﺭﻻﺭﻧﻰ ﺗﯘﺗﻘﯘﻥ ﻗﯩﻠﺪﻯ، ﺋﯩﻜﻜﻰ ﻛﯩﺸﯩﻨﻰ ﻧﻪﻕ ﻣﻪﻳﺪﺍﻧﺪﺍ ﺋﯧﺘﯩﭗ ﺗﺎﺷﻠﯩﺪﻯ' ﺩﻩﭖ ﺑﺎﻳﺎﻥ ﻗﯩﻠﺪﻯ. ﻣﻪﺯﻛﯘﺭ ﮔﯧﺰﯨﺘﺘﻪ ﻳﻪﻧﻪ 'ﺋﺎﯞﺳﺘﺮﺍﻟﯩﻴﻪ ﻫﯚﻛﯜﻣﯩﺘﻰ ﺧﯩﺘﺎﻱ ﻫﯚﻛﯜﻣﯩﺘﯩﻨﯩﯔ ﺭﺍﺑﯩﻴﻪ ﺧﺎﻧﯩﻤﻨﯩﯔ ﺯﯨﻴﺎﺭﯨﺘﻰ ﻫﻪﻗﻘﯩﺪﯨﻜﻰ ﭘﯩﻜﺮﯨﻨﻰ ﺭﻩﺕ ﻗﯩﻠﺪﻯ. ﮔﻪﺭﭼﻪ ﺑﯘ ﻗﯧﺘﯩﻢ ﺋﺎﯞﺳﺘﺮﺍﻟﯩﻴﻪ ﺗﺎﺷﻘﻰ ﺋﯩﺸﻼﺭ ﻣﯩﻨﯩﺴﺘﯩﺮﻯ ﺭﺍﺑﯩﻴﻪ ﺧﺎﻧﯩﻢ ﺑﯩﻠﻪﻥ ﻛﯚﺭﯛﺷﻤﯩﺴﯩﻤﯘ، ﺋﻪﻣﻤﺎ ﺑﯘ ﻣﯩﻨﯩﺴﺘﯩﺮﻟﯩﻘﻨﯩﯔ ﺧﺎﺩﯨﻤﻠﯩﺮﻯ ﺋﯘﻧﯩﯔ ﺑﯩﻠﻪﻥ ﺳﯚﻫﺒﻪﺗﻠﯩﺸﯩﺪﯗ' ﺩﻩﭖ ﺑﺎﻳﺎﻥ ﻗﯩﻠﯩﻨﺪﻯ. (ﯞﻩﻟﻰ)