ﻳﻪﺭﻟﯩﻚ ﺩﺍﺋﯩﺮﯨﻠﻪﺭﻧﯩﯔ ﻛﯘﭼﺎ ﯞﻩ ﻗﻪﺷﻘﻪﺭﺩﻩ ﻳﯜﺯ ﺑﻪﺭﮔﻪﻥ ﺧﯩﺘﺎﻱ ﺑﯩﺨﻪﺗﻪﺭﻟﯩﻚ ﻛﯜﭼﻠﯩﺮﯨﮕﻪ ﻫﯘﺟﯘﻡ ﻗﯩﻠﯩﺶ ﯞﻩﻗﻪﻟﯩﺮﯨﺪﯨﻦ ﻛﯧﻴﯩﻦ، ﺭﺍﻣﯩﺰﺍﻥ ﺋﯧﻴﯩﺪﺍ ﻳﻪﺭﻟﯩﻚ ﺧﻪﻟﻘﻨﯩﯔ ﺗﯧﺨﯩﻤﯘ ﺯﻭﺭ ﻛﯚﻟﻪﻣﻠﯩﻚ ﻗﺎﺭﺷﯩﻠﯩﻘﯩﻐﺎ ﺋﯘﭼﺮﺍﺷﺘﯩﻦ ﺋﻪﻧﺴﯩﺮﻩﭖ ﻣﯘﺳﯘﻟﻤﺎﻧﻼﺭﻧﯩﯔ ﺗﻪﺭﻩﯞﻯ ﺋﻮﻗﯘﺷﯩﻨﻰ ﭼﻪﻛﻠﯩﮕﻪﻧﻠﯩﻜﻰ ﺋﯩﻠﮕﯩﺮﻯ ﺳﯜﺭﯛﻟﻤﻪﻛﺘﻪ.

ﺋﯘﻳﻐﯘﺭ ﺋﯧﻠﯩﻨﯩﯔ ﺗﻮﻗﺴﯘ ﻧﺎﻫﯩﻴﯩﺴﯩﺪﻩ ﻧﺎﻫﯩﻴﯩﻠﯩﻚ ﻫﯚﻛﯜﻣﻪﺕ ﺋﯘﻗﺘﯘﺭﯗﺵ ﺗﺎﺭﻗﯩﺘﯩﭗ، " ﺩﯨﻨﺪﺍﺭﻻﺭﻧﻰ ﭼﻮﯓ ﻛﯚﻟﻪﻣﻠﯩﻚ ﺩﯨﻨﯩﻲ ﭘﺎﺋﺎﻟﯩﻴﻪﺗﻠﻪﺭﻧﻰ ﺗﻪﺷﻜﯩﻠﻠﯩﻤﻪﺳﻠﯩﻚ ﯞﻩ ﭘﯩﻼﻧﻠﯩﻤﺎﺳﻠﯩﻘﻘﺎ ﺋﺎﮔﺎﻫﻼﻧﺪﯗﺭﯗﭖ ﺗﯘﺭﯗﺷﯩﻤﯩﺰ، ﺋﯩﺠﺘﯩﻤﺎﺋﯩﻲ ﻣﯘﻗﯩﻤﻠﯩﻘﻘﺎ ﺯﯨﻴﺎﻥ ﺳﺎﻟﯩﺪﯨﻐﺎﻥ ﺋﺎﻣﻤﯩﯟﻯ ﭘﺎﺋﺎﻟﯩﻴﻪﺗﻠﻪﺭﻧﯩﯔ ﺋﺎﻟﺪﯨﻨﻰ ﺋﯧﻠﯩﺸﯩﻤﯩﺰ ﻛﯧﺮﻩﻙ" ﺩﻩﭖ ﺗﻪﻛﯩﺘﻠﯩﮕﻪﻥ.

ﺋﯘﻗﺘﯘﺭﯗﺷﺘﺎ ﻳﻪﻧﻪ ﻛﺎﺩﯨﺮﻻﺭ، ﭘﺎﺭﺗﯩﻴﻪ ﺋﻪﺯﺍﻟﯩﺮﻯ، ﺋﻮﻗﯘﺗﻘﯘﭼﯩﻼﺭ ﯞﻩ ﺋﻮﻗﯘﻏﯘﭼﯩﻼﺭﻧﯩﯔ ﺭﻭﺯﺍ ﺗﯘﺗﯘﺷﻰ ﭼﻪﻛﻠﯩﻨﯩﺪﯨﻐﺎﻧﻠﯩﻘﯩﻨﻰ، ﻛﯩﻤﺪﻩ ‏ - ﻛﯩﻢ ﺑﺎﺷﻘﯩﻼﺭﻧﻰ ﺭﻭﺯﺍ ﺗﯘﺗﯘﺷﻘﺎ ﺋﯜﻧﺪﯨﺴﻪ ﺟﺎﺯﺍﻟﯩﻨﯩﺪﯨﻐﺎﻧﻠﯩﻘﯩﻨﻰ ﺋﺎﮔﺎﻫﻼﻧﺪﯗﺭﻏﺎﻥ. ﺷﺎﻳﺎﺭ ﻧﺎﻫﯩﻴﯩﻠﯩﻚ ﻫﯚﻛﯜﻣﻪﺕ ﺑﻮﻟﺴﺎ ﺋﻪﺭﻟﻪﺭﻧﯩﯔ ﺳﺎﻗﺎﻝ - ﺑﯘﺭﯗﺕ ﻗﻮﻳﯘﺷﻨﻰ، ﺋﺎﻳﺎﻟﻼﺭﻧﯩﯔ ﻳﺎﻏﻠﯩﻖ ﺋﺎﺭﺗﯩﺸﯩﻨﻰ ﭼﻪﻛﻠﯩﮕﻪﻥ. ﻧﺎﻫﯩﻴﯩﻠﯩﻚ ﻫﯚﻛﯜﻣﻪﺗﻨﯩﯔ ﺑﯘ ﻫﻪﻗﺘﯩﻜﻰ ﺋﯘﻗﺘﯘﺭﯗﺷﯩﺪﺍ " ﺋﻪﮔﻪﺭ ﺳﺎﻗﺎﻝ - ﺑﯘﺭﯗﺕ ﻗﻮﻳﻐﯘﭼﯩﻼﺭ ﯞﻩ ﻳﺎﻏﻠﯩﻖ ﺋﺎﺭﺗﻘﯘﭼﯩﻼﺭ ﺑﺎﻳﻘﺎﻟﺴﺎ ﺳﺎﻗﺎﻝ ‏ - ﺑﯘﺭﯗﺗﯩﻨﻰ ﭼﯜﺷﯜﺭﯛﯞﯦﺘﯩﺶ، ﻳﺎﻏﻠﯩﻘﯩﻨﻰ ﺋﺎﻟﺪﯗﺭﯗﯞﯦﺘﯩﺸﻜﻪ ﻣﻪﺟﺒﯘﺭﻻﻳﻤﯩﺰ " ﺩﯦﻴﯩﻠﮕﻪﻥ.

 ﻛﯩﺸﯩﻠﯩﻚ ﻫﻮﻗﯘﻗﻨﻰ ﻛﯚﺯﯨﺘﯩﺶ ﺗﻪﺷﻜﯩﻼﺗﯩﻨﯩﯔ ﺧﻮﯕﻜﻮﯕﺪﯨﻜﻰ ﺗﻪﺗﻘﯩﻘﺎﺗﭽﯩﺴﻰ ﻓﯧﻠﯩﻢ ﻛﺎﻳﻦ، ﺧﯩﺘﺎﻱ ﺩﺍﺋﯩﺮﯨﻠﯩﺮﯨﻨﯩﯔ ﺭﺍﻣﯩﺰﺍﻥ ﺋﯧﻴﯩﺪﺍ ﻣﯘﺳﯘﻟﻤﺎﻧﻼﺭﻏﺎ ﻗﺎﺭﺍﺗﻘﺎﻥ ﻳﯘﻗﯩﺮﯨﻘﻰ ﺗﻪﺩﺑﯩﺮﻯ " ﯞﻩﺯﯨﻴﻪﺗﻨﯩﯔ ﻛﯩﺸﯩﻨﻰ ﻗﺎﻳﻐﯘﻏﺎ ﺳﺎﻟﯩﺪﯨﻐﺎﻥ ﺋﻪﻫﯟﺍﻟﺪﺍ ﺋﯩﻜﻪﻧﻠﯩﻜﯩﻨﻰ ﯞﻩ ﺑﺎﺳﺘﯘﺭﯗﺷﻨﯩﯔ ﺋﯧﻐﯩﺮﻟﯩﺸﯩﯟﺍﺗﻘﺎﻧﻠﯩﻘﯩﻨﻰ ﻛﯚﺭﺳﯩﺘﯩﺪﯗ " ﺩﻩﭖ ﺋﻪﺳﻜﻪﺭﺗﺘﻰ.