6 ﻧﻪﭘﻪﺭ "ﺷﯩﻨﺠﺎﯕﻠﯩﻖ" ﺧﯩﺘﺎﻱ ﻓﻮﺭﺑﯧﺲ ﮊﯗﺭﻧﯩﻠﯩﻨﯩﯔ ﺧﯩﺘﺎﻳﺪﯨﻜﻰ ﺑﺎﻳﻼﺭ ﺗﯩﺰﯨﻤﻠﯩﻜﯩﮕﻪ ﻛﯩﺮﺩﻯ

ﻫﻪﺭ ﻳﯩﻠﻰ ﺩﯗﻧﻴﺎﺩﯨﻜﻰ ﺋﻪﯓ ﺑﺎﻳﻼﺭﻧﻰ ﺗﯩﺰﯨﻤﻐﺎ ﺗﯘﺭﻏﯘﺯﯨﺪﯨﻐﺎﻥ ﻓﻮﺭﺑﯧﺲ ﮊﯗﺭﻧﯩﻠﻰ 11- ﺋﺎﻳﻨﯩﯔ 1- ﻛﯜﻧﻰ ﺧﯩﺘﺎﻳﺪﯨﻜﻰ ﺋﻪﯓ ﺑﺎﻳﻼﺭﻧﯩﯔ ﺗﯩﺰﯨﻤﻠﯩﻜﯩﻨﻰ ﺋﯧﻼﻥ ﻗﯩﻠﻐﺎﻥ ﺑﻮﻟﯘﭖ، ﺑﯘ ﺗﯩﺰﯨﻤﻠﯩﻜﺘﯩﻜﻰ ﺧﯩﺘﺎﻱ ﺑﻮﻳﯩﭽﻪ ﺋﻪﯓ ﺑﺎﻱ ﺗﯚﺕ ﻳﯜﺯ ﺋﺎﺩﻩﻣﻨﯩﯔ ﺋﺎﻟﺘﻪ ﻧﻪﭘﯩﺮﻯ ﺋﯘﻳﻐﯘﺭ ﺋﯧﻠﯩﺪﺍ ﺑﯧﻴﯩﻐﺎﻥ ﺧﯩﺘﺎﻳﻼﺭﺩﯗﺭ.

ﺧﯩﺘﺎﻳﻨﯩﯔ ﺷﯩﻨﺨﯘﺍ ﺋﺎﮔﯧﻨﺘﻠﯩﻘﻰ ﺑﯘ ﺋﺎﻟﺘﻪ ﻧﻪﭘﻪﺭ ﺧﯩﺘﺎﻱ ﺑﺎﻳﻨﯩﯔ ﻛﯩﻤﻠﯩﻜﯩﻨﻰ ﺋﯧﻼﻥ ﻗﯩﻠﻐﺎﻥ ﺑﻮﻟﯘﭖ، ﺑﯘﻻﺭ ﺷﯩﻨﺠﺎﯓ ﺧﻪﻟﻘﺌﺎﺭﺍ ﻫﻪﺳﺴﯩﺪﺍﺭﻟﯩﻖ ﺷﯩﺮﻛﯩﺘﯩﻨﯩﯔ ﺟﺎﯓ ﻳﻪﻧﻔﯘ ﯞﻩ ﺟﻴﺎﯓ ﺟﯧﻔﯘ ﺋﯩﺴﯩﻤﻠﯩﻚ ﺋﯩﻜﻜﻰ ﺋﺎﻛﺎ-ﺋﯘﻛﺎ ﺧﻮﺟﺎﻳﯩﻨﻰ ﺑﻮﻟﯘﭖ، ﺋﯘﻻﺭ 400 - ﺋﻮﺭﯗﻧﻐﺎ ﺗﯩﺰﯨﻠﻐﺎﻥ.

ﻗﺎﻟﻐﺎﻥ ﺗﯚﺕ ﻧﻪﭘﯩﺮﯨﻨﯩﯔ ﺑﯩﺮﻯ 80- ﻳﯩﻠﻼﺭﺩﺍ ﺗﯩﺠﺎﺭﻩﺗﻜﻪ ﻛﯩﺮﯨﺸﯩﭗ ﺋﯘﻳﻐﯘﺭ ﺋﺎﭘﺘﻮﻧﻮﻡ ﺭﺍﻳﻮﻧﯩﺪﯨﻜﻰ ﻛﻮﻣﭙﺎﺭﺗﯩﻴﻪ ﯞﻩ ﻫﯚﻛﯜﻣﻪﺗﻨﯩﯔ ﻗﻮﻟﻠﯩﺸﯩﻐﺎ ﺋﯩﺰﭼﯩﻞ ﺋﯧﺮﯨﺸﯩﭗ ﻛﻪﻟﮕﻪﻥ ﺷﯩﻨﺠﺎﯓ ﮔﯘﺋﺎﯓ ﺧﯘﻱ ﻫﻪﺳﺴﯩﺪﺍﺭﻟﯩﻖ - ﻣﻪﺑﻠﻪﻍ ﺳﯧﻠﯩﺶ ﺷﯩﺮﻛﻪﺗﻠﻪﺭ ﮔﯘﺭﯗﻫﯩﻨﯩﯔ ﻟﯩﺪﯦﺮﻯ ﺳﯘﻥ ﮔﯘﺋﺎﯕﺸﯩﻦ ﺑﻮﻟﯘﭖ، ﺋﯘ، ﺧﯩﺘﺎﻳﺪﯨﻜﻰ 400 ﻳﯜﺯ ﺑﺎﻳﻨﯩﯔ ﺋﯩﭽﯩﺪﻩ 61-ﺋﻮﺭﯗﻧﻐﺎ ﺗﯩﺰﯨﻠﻐﺎﻥ. ﺋﯘ، ﺋﯚﺗﻜﻪﻥ ﻳﯩﻠﻰ 91- ﺋﻮﺭﯗﻧﻨﻰ ﺋﯩﮕﯩﻠﯩﮕﻪﻥ ﺋﯩﻜﻪﻥ.

ﺧﻪﯞﻩﺭﺩﻩ ﻛﯚﺭﺳﯩﺘﯩﻠﯩﺸﯩﭽﻪ ﺑﯘ ﺋﺎﻟﺘﻪ ﻧﻪﭘﻪﺭ ﺧﯩﺘﺎﻱ ﺑﺎﻱ ﺋﺎﺳﺎﺳﻠﯩﻘﻰ، ﻳﻪﺭ-ﻣﯜﻟﯜﻙ، ﻗﯘﺭﯗﻟﯘﺵ ﻣﺎﺗﯧﺮﯨﻴﺎﻟﻠﯩﺮﻯ، ﺳﺎﻳﺎﻫﻪﺕ، ﻗﻮﻝ ﺗﯧﻠﯧﻔﻮﻥ، ﻛﺎﻧﭽﯩﻠﯩﻖ ﯞﻩ ﺳﻮﺩﺍ -ﺳﯧﺘﯩﻖ ﻗﺎﺗﺎﺭﻟﯩﻖ ﺳﺎﻫﻪﻟﻪﺭ ﺑﻮﻳﯩﭽﻪ ﺑﯧﻴﯩﻐﺎﻥ ﺋﯩﻜﻪﻥ. ﻣﻪﻟﯘﻣﺎﺗﻼﺭﻏﺎ ﻗﺎﺭﯨﻐﺎﻧﺪﺍ، ﺳﯘﻥ ﮔﯘﺋﺎﯕﺸﯩﻦ 80- ﯞﻩ 90- ﻳﯩﻠﻼﺭﻧﯩﯔ ﺑﯧﺸﯩﺪﺍ ﺋﻪﻳﻨﻰ ﯞﺍﻗﯩﺘﺘﺎ ﻓﻮﺭﺑﯧﺲ ﺗﯩﺰﯨﻤﻠﯩﻜﯩﮕﻪ ﻛﯩﺮﮔﻪﻥ ﺭﺍﺑﯩﻴﻪ ﻗﺎﺩﯨﺮ ﺧﺎﻧﯩﻢ ﺑﯩﻠﻪﻥ ﺭﯨﻘﺎﺑﻪﺗﻠﻪﺷﻜﻪﻥ ﺧﯩﺘﺎﻱ ﺑﯧﻴﻰ ﺋﯩﺪﻯ.

ﺋﯘﻳﻐﯘﺭ ﻣﯩﻠﻠﯩﻲ ﻫﻪﺭﯨﻜﯩﺘﯩﻨﯩﯔ ﺭﻩﻫﺒﯩﺮﻯ ﺭﺍﺑﯩﻴﻪ ﻗﺎﺩﯨﺮ ﺧﺎﻧﯩﻢ ﺑﯩﻠﻪﻥ ﺧﯩﺘﺎﻱ ﺑﯧﻴﻰ ﺳﯘﻥ ﮔﯘﺋﺎﯕﺸﯩﻨﻨﯩﯔ ﺗﻪﻗﺪﯨﺮﻯ ﺋﯩﻜﻜﻰ ﺧﯩﻞ ﺑﻮﻟﯘﭖ، ﺋﺎﻣﯧﺮﯨﻜﺎ ﺋﺎﻟﯩﻤﻰ ﺟﺎﻣﯧﺲ ﻣﯩﻠﻠﯩﯟﺍﺭﺩ ﺋﻪﭘﻪﻧﺪﻯ ﻳﯧﻘﯩﻨﺪﺍ ﺋﯧﻼﻥ ﻗﯩﻠﻐﺎﻥ ﻛﯩﺘﺎﺑﯩﺪﺍ ﺭﺍﺑﯩﻴﻪ ﻗﺎﺩﯨﺮ ﺑﯩﻠﻪﻥ ﺳﯘﻥ ﮔﯘﺋﺎﯕﺸﯩﻨﻨﯩﯔ ﺗﻪﻗﺪﯨﺮﯨﻨﻰ ﺳﯧﻠﯩﺸﺘﯘﺭﯗﭖ، ﺭﺍﺑﯩﻴﻪ ﻗﺎﺩﯨﺮﻧﯩﯔ ﺋﺎﺯﻏﯩﻨﺎ ﭘﯘﻝ ﺑﯩﻠﻪﻥ ﺗﯩﺠﺎﺭﻩﺕ ﺑﺎﺷﻼﭖ، ﺋﯚﺯ ﻛﯜﭼﻰ ﯞﻩ ﺗﺎﻻﻧﺘﻰ ﺑﯩﻠﻪﻥ ﺭﻭﻧﺎﻕ ﺗﺎﭘﻘﺎﻥ ﺑﻮﻟﺴﯩﻤﯘ، ﺑﯩﺮﺍﻕ ﺋﯘﻧﯩﯔ ﺋﯚﺯ ﻣﯩﻠﻠﯩﺘﯩﻨﯩﯔ ﻣﻪﻧﭙﻪﺋﻪﺗﯩﻨﻰ ﻛﯚﺯﻟﯩﮕﻪﻧﻠﯩﻜﻰ ﺋﯜﭼﯜﻥ ﺋﺎﺧﯩﺮﻯ ﺧﯩﺘﺎﻱ ﺗﯜﺭﻣﯩﺴﯩﮕﻪ ﺗﺎﺷﻠﯩﻨﯩﭗ، ﺋﺎﻟﺘﻪ ﻳﯩﻞ ﺗﯜﺭﻣﻪ ﺋﺎﺯﺍﺑﻰ ﺗﺎﺭﺗﯩﺶ ﻫﻪﺗﺘﺎ ﭘﻪﺭﺯﻩﻧﺘﻠﯩﺮﯨﻨﯩﯔ ﺗﯜﺭﻣﯩﮕﻪ ﭼﯜﺷﯜﺵ ﺗﻪﻗﺪﯨﺮﯨﮕﻪ ﺩﯗﭼﺎﺭ ﺑﻮﻟﻐﺎﻧﻠﯩﻘﻰ، ﺋﻪﻣﻤﺎ ﺧﯩﺘﺎﻱ ﺑﯧﻴﻰ ﺳﯘﻥ ﮔﯘﺋﺎﯕﺸﯩﻨﻨﯩﯔ ﺑﻮﻟﺴﺎ، ﺧﯩﺘﺎﻱ ﻫﯚﻛﯜﻣﯩﺘﯩﻨﯩﯔ ﻳﯧﺸﯩﻞ -ﭼﯩﺮﺍﻗﻠﯩﺮﻯ ﺋﺎﺳﺘﯩﺪﺍ ﻛﯜﻧﺴﺎﻳﯩﻦ ﺑﯧﻴﯩﭗ، ﺋﺎﺧﯩﺮﻯ ﺧﯩﺘﺎﻱ ﺑﻮﻳﯩﭽﻪ ﺋﻪﯓ ﺑﺎﻱ ﺋﺎﺩﻩﻣﻠﻪﺭ ﺗﯩﺰﯨﻤﻠﯩﻜﯩﮕﻪ ﻛﯩﺮﮔﻪﻧﻠﯩﻜﻰ، ﺑﯘﻻﺭ ﺋﺎﺭﯨﺴﯩﺪﯨﻜﻰ ﭘﻪﺭﻗﻨﯩﯔ ﺑﯩﺮﯨﻨﯩﯔ ﺋﯘﻳﻐﯘﺭ، ﻳﻪﻧﻪ ﺑﯩﺮﯨﻨﯩﯔ ﺧﯩﺘﺎﻱ ﻣﯩﻠﻠﯩﺘﯩﺪﯨﻦ ﺑﻮﻟﻐﺎﻧﻠﯩﻘﯩﻨﻰ ﺋﻮﺗﺘﯘﺭﯨﻐﺎ ﻗﻮﻳﻐﺎﻥ ﺋﯩﺪﻯ.

ﺋﺎﻣﯧﺮﯨﻜﯩﺪﯨﻜﻰ ﺑﯩﺮ ﺋﯘﻳﻐﯘﺭ ﺗﯩﺠﺎﺭﻩﺗﭽﯩﺴﯩﻨﯩﯔ ﺋﯧﻴﺘﯩﺸﯩﭽﻪ، ﺑﯘ ﺧﻪﯞﻩﺭ، ﺧﯩﺘﺎﻳﻼﺭﻧﯩﯔ ﺋﯘﻳﻐﯘﺭ ﺋﯧﻠﯩﺪﯨﻜﻰ ﺳﻮﺩﺍ-ﺗﯩﺠﺎﺭﻩﺕ ﭘﺎﺋﺎﻟﯩﻴﻪﺗﻠﯩﺮﯨﺪﻩ ﻣﯘﺗﻠﻪﻕ ﺋﯜﺳﺘﯜﻧﻠﯜﻛﻨﻰ ﺋﯩﮕﯩﻠﻪﻳﺪﯨﻐﺎﻧﻠﯩﻘﻰ، ﺋﯘﻻﺭﻏﺎ ﺗﯜﺭﻟﯜﻙ ﻳﯧﺸﯩﻞ ﭼﯩﺮﺍﻗﻼﺭﻧﯩﯔ ﻳﯧﻘﯩﻠﯩﭗ، ﻫﻪﻣﻤﻪ ﺋﯩﻘﺘﯩﺴﺎﺩﯨﻲ ﺳﺎﻫﻪﻟﻪﺭﻧﻰ ﻣﻮﻧﻮﭘﻮﻝ ﻗﯩﻠﯩﯟﺍﻟﻐﺎﻧﻠﯩﻘﯩﻨﻰ ﻛﯚﺭﺳﯩﺘﯩﺪﯗ.(ﺋﯜﻣﯩﺪﯞﺍﺭ)