ﺧﯩﺘﺎﻱ ﭘﺎﻣﯩﺮ ﺋﯩﮕﯩﺰﻟﯩﻜﯩﺪﻩ ﻳﯜﺯ ﺑﻪﺭﮔﻪﻥ ﯞﻩﻗﻪﺩﻩ ﺗﯩﺮﯨﻚ ﻗﻮﻟﻐﺎ ﭼﯜﺷﻜﻪﻥ ﺋﺎﺗﺎﻟﻤﯩﺶ ﺗﯧﺮﺭﻭﺭﭼﯩﻼﺭﻧﻰ ﺋﻮﭼﯘﻕ ﺳﻮﺕ ﻗﯩﻠﯩﺪﯨﻜﻪﻥ

ﺋﯘﻳﻐﯘﺭ ﺋﯧﻠﻰ ﻗﻪﺷﻘﻪﺭ ﯞﯨﻼﻳﻪﺗﻠﯩﻚ ﭘﺎﺭﺗﻜﻮﻣﻨﯩﯔ ﺳﯧﻜﺮﯦﺘﺎﺭﻯ ﭼﻰ ﺩﺍﮔﺎﯓ، ﺧﯩﺘﺎﻱ ﺑﯩﺨﻪﺗﻪﺭﻟﯩﻚ ﻗﯩﺴﯩﻤﻠﯩﺮﯨﻨﯩﯔ ﻳﺎﻧﯟﺍﺭ ﺋﯧﻴﯩﺪﺍ ﭘﺎﻣﯩﺮ ﺋﯩﮕﯩﺰﻟﯩﻜﯩﺪﻩ ﺋﺎﺗﺎﻟﻤﯩﺶ ﺷﻪﺭﻗﯩﻲ ﺗﯜﺭﻛﯩﺴﺘﺎﻥ ﺗﯧﺮﺭﻭﺭﭼﯩﻠﯩﺮﯨﻨﯩﯔ ﺑﺎﺯﯨﺴﯩﻐﺎ ﻗﺎﺭﺷﻰ ﺋﯧﻠﯩﭗ ﺑﺎﺭﻏﺎﻥ ﻫﻪﺭﯨﻜﯩﺘﻰ ﺟﻪﺭﻳﺎﻧﯩﺪﺍ ﺗﯩﺮﯨﻚ ﻗﻮﻟﻐﺎ ﭼﯜﺷﻜﻪﻥ 17 ﻛﯩﺸﻰ ﻫﻪﻗﻘﯩﺪﻩ ﺋﻮﭼﯘﻕ ﺳﻮﺕ ﺋﯩﭽﯩﻠﯩﺪﯨﻐﺎﻧﻠﯩﻘﯩﻨﻰ ﺑﯩﻠﺪﯛﺭﺩﻯ.

ﭼﻰ ﺩﺍﮔﺎﯓ 10‏- ﻣﺎﺭﺕ ﻛﯜﻧﻰ ﺑﯧﻴﺠﯩﯖﺪﺍ ﺋﯚﺗﻜﯜﺯﯛﻟﮕﻪﻥ ﻣﯘﺧﺒﯩﺮﻻﺭﻧﻰ ﻛﯜﺗﯜﯞﯦﻠﯩﺶ ﻳﯩﻐﯩﻨﯩﺪﺍ ﺑﻪﺭﮔﻪﻥ ﺑﺎﻳﺎﻧﺎﺗﯩﺪﺍ، ﺳﻮﺗﻨﯩﯔ ﻗﺎﭼﺎﻥ ﯞﻩ ﻗﺎﻳﺴﻰ ﻳﻪﺭﺩﻩ ﺋﯩﭽﯩﻠﯩﺪﯨﻐﺎﻧﻠﯩﻘﻰ ﻫﻪﻗﻘﯩﺪﻩ ﺋﯧﻨﯩﻖ ﺑﯩﺮ ﻧﯩﻤﻪ ﺩﯦﻤﯩﮕﻪﻥ. ﺋﻪﻣﻤﺎ ﺳﻮﺗﻨﯩﯔ ﺋﺎﻣﻤﯩﻐﺎ ﺋﻮﭼﯘﻕ ﺋﯧﻠﯩﭗ ﺑﯧﺮﯨﻠﯩﺪﯨﻐﺎﻧﻠﯩﻘﯩﻨﻰ ﺑﯩﻠﺪﯛﺭﮔﻪﻥ.

ﺧﯩﺘﺎﻱ ﺩﺍﺋﯩﺮﯨﻠﯩﺮﻯ، ﻳﺎﻧﯟﺍﺭ ﺋﯧﻴﯩﻨﯩﯔ ﺑﺎﺷﻠﯩﺮﯨﺪﺍ ﺧﯩﺘﺎﻱ ﺳﺎﻗﭽﯩﻠﯩﺮﯨﻨﯩﯔ ﭘﺎﻣﯩﺮ ﺋﯩﮕﯩﺰﻟﯩﻜﯩﺪﯨﻜﻰ ﺋﺎﺗﺎﻟﻤﯩﺶ ﺷﻪﺭﻗﯩﻲ ﺗﯜﺭﻛﯩﺴﺘﺎﻥ ﺗﯧﺮﺭﻭﺭﭼﯩﻠﯩﺮﯨﻨﯩﯔ ﺑﺎﺯﯨﺴﯩﻐﺎ ﻗﺎﺭﯨﺘﺎ ﺋﯧﻠﯩﭗ ﺑﯧﺮﯨﻠﻐﺎﻥ ﻫﯘﺟﯘﻣﯩﺪﺍ، 18 ﺋﺎﺗﺎﻟﻤﯩﺶ ﺗﯧﺮﺭﻭﺭﭼﯩﻨﯩﯔ ﺋﯚﻟﺘﯜﺭﯛﻟﮕﻪﻧﻠﯩﻜﯩﻨﻰ ﯞﻩ 17 ﻛﯩﺸﯩﻨﯩﯔ ﺗﯩﺮﯨﻚ ﻗﻮﻟﻐﺎ ﭼﯜﺷﻜﻪﻧﻠﯩﻜﯩﻨﻰ ﺩﯗﻧﻴﺎﻏﺎ ﺟﺎﻛﺎﺭﻟﯩﻐﺎﻥ ﻫﻪﻣﺪﻩ ﺑﯘ ﺋﺎﺗﺎﻟﻤﯩﺶ ﺗﯧﺮﺭﻭﺭﭼﯩﻼﺭﻧﯩﯔ ﺋﻪﻟﻘﯩﺪﻩ ﺗﻪﺷﻜﯩﻼﺗﻰ ﺑﯩﻠﻪﻥ ﻳﯧﻘﯩﻦ ﻣﯘﻧﺎﺳﯩﯟﯨﺘﻰ ﺑﺎﺭﻟﯩﻘﯩﻨﻰ ﺋﯩﻠﮕﯩﺮﻯ ﺳﯜﺭﮔﻪﻥ ﺋﯩﺪﻯ.

ﻟﯧﻜﯩﻦ ﺧﯩﺘﺎﻱ ﻫﯚﻛﯜﻣﯩﺘﯩﻨﻰ، ﯞﻩﻗﻪﻧﯩﯔ ﻗﺎﻳﺴﻰ ﺟﺎﻳﺪﺍ ﻳﯜﺯ ﺑﻪﺭﮔﻪﻧﻠﯩﻜﻰ ﻫﻪﻣﺪﻩ ﻫﯘﺟﯘﻡ ﺟﻪﺭﻳﺎﻧﯩﺪﺍ ﺋﯚﻟﺘﯜﺭﯛﻟﮕﻪﻧﻠﻪﺭ ﻳﺎﻛﻰ ﺗﯩﺮﯨﻚ ﻗﻮﻟﻐﺎ ﭼﯜﺷﻜﻪﻧﻠﻪﺭﻧﯩﯔ ﻛﯩﻤﻠﯩﻜﻰ ﻫﻪﻗﻘﯩﺪﻩ ﺋﯧﻨﯩﻖ ﺋﯘﭼﯘﺭ ﺑﻪﺭﻣﯩﮕﻪﻧﻠﯩﻜﻰ، ﺧﻪﻟﻘﺌﺎﺭﺍ ﺑﯘﻧﺪﺍﻕ ﺑﯩﺮ ﯞﻩﻗﻪﻧﯩﯔ ﻳﯜﺯ ﺑﯧﺮﯨﭗ-ﺑﻪﺭﻣﯩﮕﻪﻧﻠﯩﻜﻰ ﻫﻪﻗﻘﯩﺪﻩ ﺗﺎﻻﺵ-ﺗﺎﺭﺗﯩﺸﻼﺭﻧﯩﯔ ﺋﻮﺗﺘﯘﺭﯨﻐﺎ ﭼﯩﻘﯩﺸﯩﻐﺎ ﺳﻪﯞﻩﺏ ﺑﻮﻟﻐﺎﻥ.

ﺑﻪﺯﻯ ﺳﯩﻴﺎﺳﯩﻲ ﯞﻩ ﻫﻪﺭﺑﯩﻲ ﻣﯘﻻﻫﯩﺰﯨﭽﯩﻠﻪﺭ، ﺧﯩﺘﺎﻱ ﺳﺎﻗﭽﯩﻠﯩﺮﯨﻨﯩﯔ ﺭﺍﻳﻮﻧﺪﺍ ﻗﺎﻧﯘﻧﺴﯩﺰ ﻛﯚﻣﯜﺭﻛﺎﻥ ﺋﯩﺸﻠﯩﺘﯩﯟﺍﺗﻘﺎﻥ ﺋﯘﻳﻐﯘﺭﻻﺭﻏﺎ ﻫﯘﺟﯘﻡ ﻗﯩﻠﯩﭗ، ﺑﯩﮕﯘﻧﺎﻫ ﻛﯩﺸﯩﻠﻪﺭ ﺋﯚﻟﺘﯜﺭﮔﻪﻥ ﺑﻮﻟﯘﺷﻰ ﻣﯘﻣﻜﯩﻦ، ﺩﻩﭖ ﺧﯘﻻﺳﻪ ﭼﯩﻘﺎﺭﻏﺎﻥ ﺋﯩﺪﻯ. (ﻗﺎﻧﺎﺕ)