ﺧﯩﺘﺎﻱ "ﺷﯩﻨﺠﺎﯓ ﺋﻮﻣﯘﻣﯩﻲ ﺗﺎﺭﯨﺨﻰ" ﻧﻰ ﻳﯧﺰﯨﺸﻨﻰ ﺑﺎﺷﻠﯩﺪﻯ

ﺧﯩﺘﺎﻳﻨﯩﯔ ﺷﯩﻨﺠﺎﯓ ﺧﻪﯞﻩﺭ ﺗﻮﺭﯨﻨﯩﯔ ﺋﯘﭼﯘﺭﯨﻐﺎ ﻗﺎﺭﯨﻐﺎﻧﺪﺍ ﺧﯩﺘﺎﻱ ﺩﯙﻟﻪﺗﻠﯩﻚ ﭼﻮﯓ ﮬﻪﺟﯩﻤﻠﯩﻚ ﺋﯩﺠﺘﯩﻤﺎﺋﯩﻲ ﭘﻪﻥ ﺗﻪﺗﻘﯩﻘﺎﺗﻠﯩﺮﻯ ﻻﻳﯩﮭﯩﺴﯩﮕﻪ ﻛﯩﺮﮔﯜﺯﯛﻟﮕﻪﻥ "ﺷﯩﻨﺠﺎﯕﻨﯩﯔ ﺋﻮﻣﯘﻣﯩﻲ ﺗﺎﺭﯨﺨﻰ" ﺭﻩﺳﻤﻰ ﻳﯧﺰﯨﻠﯩﺸﻘﺎ ﺑﺎﺷﻼﻧﻐﺎﻥ.

ﺧﻪﯞﻩﺭﺩﻩ ﻛﯚﺭﺳﯩﺘﯩﻠﯩﺸﯩﭽﻪ، ﻣﻪﺯﻛﯘﺭ ﺗﺎﺭﯨﺦ ﺟﻪﻣﯩﻲ 10 ﻳﯩﻠﻠﯩﻖ ﻣﯚﮬﻠﻪﺕ ﺑﯩﻠﻪﻥ 13 ﺗﻮﻡ ﻗﯩﻠﯩﭗ ﻳﯧﺰﯨﻠﯩﺪﯨﻜﻪﻥ. ﺑﯘﻧﯩﯖﺪﺍ ﺋﯘﻳﻐﯘﺭ ﺋﯧﻠﯩﻨﯩﯔ ﺳﯩﻴﺎﺳﯩﻲ، ﺋﯩﻘﺘﯩﺴﺎﺩﯨﻲ ﻣﻪﺩﻩﻧﯩﻴﻪﺕ ﯞﻩ ﻣﯩﻠﻠﻪﺗﻠﻪﺭ ﺗﺎﺭﯨﺨﻰ ﮬﻪﺭ ﺗﻪﺭﻩﭘﺘﯩﻦ ﻳﻮﺭﯗﺗﯘﻟﯩﺪﯨﻜﻪﻥ. ﺧﯩﺘﺎﻱ ﺩﺍﺋﯩﺮﯨﻠﯩﺮﻯ ﺑﯘ ﻛﯩﺘﺎﺑﻨﯩﯔ ﺋﻪﯓ ﺋﻪﺗﺮﺍﭘﻠﯩﻖ ﯞﻩ ﺋﻪﯓ ﺋﯩﻠﻤﯩﻲ ﺑﻮﻟﯩﺪﯨﻐﺎﻧﻠﯩﻘﯩﻨﻰ ﺑﯩﻠﺪﯛﺭﻣﻪﻛﺘﻪ.

ﺧﻪﯞﻩﺭﺩﻩ ﺑﺎﻳﺎﻥ ﻗﯩﻠﯩﻨﯩﺸﯩﭽﻪ، ﺧﯩﺘﺎﻱ ﮬﯚﻛﯜﻣﯩﺘﻰ ﺑﯘ ﺋﻪﺳﻪﺭﻧﻰ ﻳﯧﺰﯨﺶ ﺋﯜﭼﯜﻥ ﺭﯗﺳﯩﻴﻪ، ﺋﻪﻧﮕﯩﻠﯩﻴﻪ ﻗﺎﺗﺎﺭﻟﯩﻖ ﺩﯙﻟﻪﺗﻠﻪﺭ ﯞﻩ ﺑﯧﻴﺠﯩﯔ، ﻧﻪﻧﺠﯩﯔ ﻗﺎﺗﺎﺭﻟﯩﻖ ﺟﺎﻳﻼﺭﺩﯨﻜﻰ ﺋﺎﺭﺧﯩﭙﺨﺎﻧﯩﻼﺭﻏﺎ ﺋﺎﺩﻩﻡ ﺋﻪﯞﻩﺗﯩﭗ، ﺷﯩﻨﺠﺎﯓ ﺗﺎﺭﯨﺨﯩﻐﺎ ﺋﺎﺋﯩﺖ ﺋﺎﺭﺧﯩﭗ ﻣﺎﺗﯧﺮﯨﻴﺎﻟﻠﯩﺮﯨﻨﻰ ﺗﻮﭘﻼﺷﻨﻰ ﺷﯘﻧﯩﯖﺪﻩﻙ 10 ﻧﻪﭼﭽﻪ ﭘﺎﺭﭼﻪ ﭼﻪﺗﺌﻪﻝ ﺋﺎﻟﯩﻤﻠﯩﺮﯨﻨﯩﯔ ﺷﯩﻨﺠﺎﯓ ﺗﺎﺭﯨﺨﯩﻐﺎ ﺋﺎﺋﯩﺖ ﺋﻪﺳﻪﺭﻟﯩﺮﯨﻨﻰ ﺧﯩﺘﺎﻱ ﺗﯩﻠﯩﻐﺎ ﺗﻪﺭﺟﯩﻤﻪ ﻗﯩﻠﯩﺸﻨﻰ ﭘﯩﻼﻧﻠﯩﻐﺎﻥ.

ﺑﯘﻧﯩﯖﺪﯨﻦ ﺑﯩﺮ ﻗﺎﻧﭽﻪ ﺋﺎﻱ ﺋﯩﻠﮕﯩﺮﻯ ﺋﯚﺗﻜﯜﺯﯛﻟﮕﻪﻥ ﻣﻪﺯﻛﯘﺭ ﭘﯩﻼﻧﺌ ﻏﺎ ﺋﺎﺋﯩﺖ ﻳﯩﻐﯩﻨﺪﺍ ﺋﺎﭘﺘﻮﻧﻮﻡ ﺭﺍﻳﻮﻥ ﻛﻮﻣﭙﺎﺭﺗﯩﻴﻪ ﺳﯧﻜﺮﯨﺘﺎﺭﻯ ﯞﺍﯓ ﻟﯧﭽﯘﻩﻥ "ﺷﯩﻨﺠﺎﯓ ﺗﺎﺭﯨﺨﻰ ﺑﯩﺮ ﺳﯩﻴﺎﺳﯩﻲ ﻣﻪﺳﯩﻠﻪ" ﺩﻩﭖ ﻛﯚﺭﺳﯩﺘﯩﭗ، ﺋﺎﺗﺎﻟﻤﯩﺶ ﻣﯩﻠﻠﯩﻲ ﺑﯚﻟﮕﯜﻧﭽﯩﻠﻪﺭﻧﯩﯔ ﺗﺎﺭﯨﺨﻨﻰ ﺑﯘﺭﻣﯩﻠﯩﺸﯩﻐﺎ ﻗﺎﺭﺷﻰ ﺗﯘﺭﯗﺷﻨﻰ ﺗﻪﺷﻪﺑﺒﯘﺱ ﻗﯩﻠﻐﺎﻥ ﺋﯩﺪﻯ. ﺑﯩﺮﺍﻕ، ﺧﯩﺘﺎﻱ ﺩﺍﺋﯩﺮﯨﻠﯩﺮﻯ 50 ﻳﯩﻠﺪﯨﻦ ﺑﯘﻳﺎﻥ "ﺋﯘﻳﻐﯘﺭ ﻗﯩﺴﻘﯩﭽﻪ ﺗﺎﺭﯨﺨﻰ"، "ﺷﯩﻨﺠﺎﯓ ﻗﯩﺴﻘﯩﭽﻪ ﺗﺎﺭﯨﺨﻰ" ﯞﻩ ﺷﯩﻨﺠﺎﯓ ﻳﻪﺭﻟﯩﻚ ﺗﺎﺭﯨﺨﻰ" ﺩﯦﮕﻪﻧﺪﻩﻙ ﺗﺎﺭﯨﺦ ﻛﯩﺘﺎﺑﻠﯩﺮﯨﻨﻰ ﻧﻪﺷﯩﺮ ﻗﯩﻠﯩﭗ، ﺋﯘﻳﻐﯘﺭﻻﺭﻧﻰ ﺋﻮﻗﯘﺷﯩﻐﺎ ﻣﻪﺟﺒﯘﺭﻟﯩﻐﺎﻥ ﺑﻮﻟﺴﯩﻤﯘ، ﻟﯧﻜﯩﻦ ﮬﺎﺯﯨﺮﻏﯩﭽﻪ ﺗﯧﺨﻰ ﺋﯘﻳﻐﯘﺭﻻﺭ ﺋﻪﺗﯩﺮﺍﭖ ﻗﯩﻠﯩﺪﯨﻐﺎﻥ ﯞﻩ ﻳﺎﺧﺸﻰ ﻛﯚﺭﯨﺪﯨﻐﺎﻥ ﺑﯩﺮﻩﺭ ﺭﺍﺳﺘﭽﯩﻞ ﺗﺎﺭﯨﺨﻨﻰ ﻳﯧﺰﯨﭗ ﭼﯩﻘﺎﻟﻤﺎﻱ، ﺗﺎﺭﯨﺨﻘﺎ ﺳﯩﻴﺎﺳﯩﻲ ﺋﯚﻟﭽﻪﻡ ﻗﻮﻟﻠﯩﻨﯩﭗ ﻛﻪﻟﺪﻯ. (ﺋﯜﻣﯩﺪﯞﺍﺭ)