ﺧﯩﺘﺎﻱ ﺩﺍﺋﯩﺮﯨﻠﯩﺮﻯ ﺋﯘﻳﻐﯘﺭ ﺋﯧﻠﯩﻨﻰ ﻣﯩﯔ ﻳﯩﻠﺪﯨﻦ ﺑﯧﺮﻯ ﺑﺎﺷﻘﯘﺭﯗﭖ ﻛﯧﻠﯩﯟﺍﺗﯩﻤﯩﺰ، ﺩﯨﺪﻯ

ﺧﯩﺘﺎﻱ ﺩﺍﺋﯩﺮﯨﻠﯩﺮﻯ ﺋﯘﻳﻐﯘﺭ ﺋﺎﭘﺘﻮﻧﻮﻡ ﺭﺍﻳﻮﻧﯩﻨﯩﯔ ﺗﯩﻜﻪﺱ ﻧﺎﻫﯩﻴﯩﺴﯩﺪﯨﻜﻰ ﺑﻮﺳﺘﺎﻥ ﻳﯧﺰﯨﺴﯩﺪﺍ ﺑﺎﻳﻘﺎﻟﻐﺎﻥ ﻗﻪﺩﯨﻤﻰ ﺧﺎﺭﺍﺑﯩﻠﯩﻘﻨﻰ ﺧﯩﺘﺎﻳﻨﯩﯔ ﺷﯩﻨﺠﺎﯕﻨﻰ ﻣﯩﯔ ﻧﻪﭼﭽﻪ ﻳﯜﺯ ﻳﯩﻞ ﺑﯘﺭﯗﻥ ﺗﺎﯓ ﺳﯘﻻﻟﯩﺴﻰ ﺩﻩﯞﺭﯨﺪﻩ ﺑﺎﺷﻘﯘﺭﻏﺎﻧﻠﯩﻘﯩﻨﻰ ﻣﺎﺩﺩﻯ ﺋﯩﺴﭙﺎﺗﻰ، ﺩﻩﭖ ﺟﺎﻛﺎﺭﻟﯩﺪﻯ.

ﺋﯘﻳﻐﯘﺭ ﺋﺎﭘﺘﻮﻧﻮﻡ ﺭﺍﻳﻮﻧﻰ ﻗﻪﺩﯨﻤﻰ ﻣﯩﺮﺍﺳﻼﺭ ﯞﻩ ﺋﺎﺭﺧﯩﺌﻮﻟﻮﮔﯩﻴﻪ ﺗﻪﺗﻘﯩﻘﺎﺕ ﺋﯩﻨﺴﺘﯩﺘﯘﺗﯩﻨﯩﯔ ﻣﯘﺗﻪﺧﻪﺳﺴﯩﺴﻰ ﻟﯘ ﺋﺎﻧﮕﻮ، ﺷﯩﻨﺨﯘﺋﺎ ﺋﺎﺧﺒﺎﺭﺍﺕ ﺋﺎﮔﯧﻨﺘﻠﯩﻘﯩﻐﺎ ﺗﯩﻜﻪﺱ ﺩﻩﺭﻳﺎﺳﯩﻨﯩﯔ ﺷﯩﻤﺎﻟﯩﻲ ﻗﯩﺮﻏﯩﻘﯩﺪﯨﻜﻰ ﺑﻮﺳﺘﺎﻥ ﻳﯧﺰﯨﺴﯩﺪﺍ ﺗﯧﭙﯩﻠﻐﺎﻥ ﻗﻪﺩﯨﻤﻰ ﻗﻪﻟﺌﻪﻧﻰ ﺷﻴﺎﯞﺷﺎﯕﺠﯜﻥ، ﺩﻩﭖ ﺋﺎﺗﯩﻠﯩﺪﯨﻐﺎﻥ ﺗﺎﯓ ﺳﯘﻻﻟﯩﺴﻰ ﻗﯩﺴﯩﻤﻠﯩﺮﯨﻐﺎ ﺋﺎﺋﯩﺖ ﻗﻮﺭﻏﺎﻥ، ﺩﻩﭖ ﺗﻪﻛﯩﺘﻠﯩﮕﻪﻥ.

ﺋﯘﻳﻐﯘﺭ ﺋﺎﭘﺘﻮﻧﻮﻡ ﺭﺍﻳﻮﻧﯩﻨﯩﯔ ﺗﺎﺭﯨﺨﯩﻨﻰ ﺧﯩﺘﺎﻱ ﺗﺎﺭﯨﺨﭽﯩﻼﺭ ﺑﯩﻠﻪﻥ ﺋﯘﻳﻐﯘﺭ ﺗﺎﺭﯨﺨﭽﯩﻼﺭ ﺋﻮﺧﺸﯩﻤﯩﻐﺎﻥ ﻧﯘﻗﺘﯩﺪﺍ ﺗﯘﺭﯗﭖ ﭼﯜﺷﻪﻧﺪﯛﺭﻣﻪﻛﺘﻪ ﯞﻩ ﺑﯘ ﺑﻪﺯﯨﺪﻩ ﺧﯩﺘﺎﻱ ﺩﺍﺋﯩﺮﯨﻠﯩﺮﻯ ﺗﻪﺭﯨﭙﯩﺪﯨﻦ ﺳﯩﻴﺎﺳﻰ ﻣﻪﺳﯩﻠﻪ ﺳﯜﭘﯩﺘﯩﺪﻩ ﻣﯘﺋﺎﻣﯩﻠﻪ ﻗﯩﻠﯩﻨﻤﺎﻗﺘﺎ.

8 - ﺋﻪﺳﯩﺮﻧﯩﯔ ﺋﻮﺗﺘﯘﺭﻟﯩﺮﯨﺪﺍ ﺋﯩﺴﻼﻡ ﻗﻮﺷﯘﻧﻰ ﺗﺎﯓ ﺳﯘﻻﻟﯩﺴﻰ ﻗﯩﺴﯩﻤﻠﯩﺮﯨﻨﻰ ﺗﺎﻻﺱ ﺩﻩﺭﻳﺎ ﺑﻮﻳﯩﺪﺍ ﻣﻪﻏﻠﯘﭖ ﻗﯩﻠﯩﭗ، ﺧﯩﺘﺎﻱ ﺧﺎﻧﻠﯩﻘﻠﯩﺮﯨﻨﻰ ﻣﻪﻧﭽﯩﯔ ﺳﯘﻻﻟﯩﺴﯩﻐﯩﭽﻪ ﺋﯘﻳﻐﯘﺭ ﺩﯨﻴﺎﺭﯨﻐﺎ ﺩﻩﺳﺴﯩﻤﻪﺱ ﻗﯩﻠﯩﯟﻩﺗﺘﻰ، ﺩﻩﭖ ﻳﺎﺯﻏﺎﻥ ﺗﺎﺭﯨﺨﭽﻰ ﺗﯘﺭﻏﯘﻥ ﺋﺎﻟﻤﺎﺳﻨﻰ ﻣﯩﻠﻠﯩﻲ ﺑﯚﻟﮕﯜﻧﭽﯩﻠﯩﻚ ﺑﯩﻠﻪﻥ ﺋﻪﻳﯩﺒﻠﯩﮕﻪﻥ.

ﺑﯩﺰ ﺑﻮﺳﺘﺎﻥ ﻳﯧﺰﯨﺴﯩﺪﯨﻜﻰ ﻗﻪﺩﯨﻤﻜﻰ ﻗﻪﻟﺌﻪ ﺗﻮﻏﺮﯨﺴﯩﺪﺍ ﻣﻪﻟﯘﻣﺎﺕ ﺋﯧﻠﯩﺶ ﺋﯜﭼﯜﻥ ﺋﯘﻳﻐﯘﺭ ﺋﺎﺭﺧﯧﺌﻮﻟﻮﮒ ﺋﯩﺪﺭﯨﺲ ﺋﺎﺑﺪﯗﺭﯗﺳﯘﻟﻐﺎ ﺗﯧﻠﯧﻔﻮﻥ ﻗﻮﻟﻐﺎﻥ ﺑﻮﻟﺴﺎﻗﻤﯘ، ﻟﯧﻜﯩﻦ ﺋﯘ ﺳﯘﺋﺎﻟﯩﺮﯨﻤﯩﺰﻏﺎ ﺟﺎﯞﺍﭖ ﺑﯧﺮﯨﺸﻨﻰ ﺭﻩﺕ ﻗﯩﻠﺪﻯ. (ﺋﻪﺭﻛﯩﻦ)