"ﺷﯩﻨﺠﺎﯓ ﺋﻮﻣﯘﻣﯩﻲ ﺗﺎﺭﯨﺨﻰ" ﻧﻰ ﻳﯧﺰﯨﺶ ﺧﯩﺰﻣﻪﺕ ﻳﯩﻐﯩﻨﻰ ﺋﯧﭽﯩﻠﺪﻯ

ﺧﯩﺘﺎﻱ ﻫﯚﻛﯜﻣﯩﺘﯩﻨﯩﯔ ﺑﯩﯟﺍﺳﯩﺘﻪ ﺭﻩﻫﺒﻪﺭﻟﯩﻜﯩﺪﻩ ﺑﯘﻧﯩﯖﺪﯨﻦ ﺋﯩﻜﻜﻰ ﻳﯩﻞ ﺋﯩﻠﮕﯩﺮﻯ ﺑﺎﺷﻼﻧﻐﺎﻥ "ﺷﯩﻨﺠﺎﯓ ﺋﻮﻣﯘﻣﯩﻲ ﺗﺎﺭﯨﺨﻰ" ﻧﻰ ﻳﯧﺰﯨﺶ ﺧﯩﺰﻣﯩﺘﻰ ﻳﯧﯖﻰ ﺑﺎﺳﻘﯘﭼﻘﺎ ﻛﯩﺮﺩﻯ. 27- ﺋﺎﭘﺮﯨﻞ ﻛﯜﻧﻰ ﺋﯘﻳﻐﯘﺭ ﺋﺎﭘﺘﻮﻧﻮﻡ ﺭﺍﻳﻮﻧﻠﯘﻕ ﭘﺎﺭﺗﻜﻮﻣﻨﯩﯔ ﻣﯘﺋﺎﯞﯨﻦ ﺳﯧﻜﺮﯦﺘﺎﺭﻯ ﻳﺎﯓ ﮔﺎﯓ ﯞﻩ ﺳﯩﻴﺎﺳﯩﻲ ﻛﯧﯖﻪﺷﻨﯩﯔ ﻣﯘﺋﺎﯞﯨﻦ ﺭﻩﺋﯩﺴﻰ ﯞﯗ ﺩﻭﻧﻔﯘ ﻗﺎﺗﺎﺭﻟﯩﻖ ﺧﯩﺘﺎﻱ ﺑﺎﺷﻠﯩﻘﻠﯩﺮﯨﻨﯩﯔ ﺭﻩﻫﺒﻪﺭﻟﯩﻜﯩﺪﻩ ﺋﯜﺭﯛﻣﭽﯩﺪﻩ "ﺷﯩﻨﺠﺎﯓ ﺋﻮﻣﯘﻣﯩﻲ ﺗﺎﺭﯨﺨﻰ" ﺗﻪﻫﺮﯨﺮ ﻫﻪﻳﺌﯩﺘﯩﻨﯩﯔ ﺋﯩﻜﻜﯩﻨﭽﻰ ﻗﯧﺘﯩﻤﻠﯩﻖ ﻳﯩﻐﯩﻨﻰ ﺋﯧﭽﯩﻠﻐﺎﻥ.

ﺧﯩﺘﺎﻱ ﺋﺎﺧﺒﺎﺭﺍﺕ ﯞﺍﺳﯩﺘﯩﻠﯩﺮﯨﻨﯩﯔ ﺋﺎﺷﻜﺎﺭﯨﻠﯩﺸﯩﭽﻪ، ﺧﯩﺘﺎﻳﻨﯩﯔ ﻫﻪﺭ ﻗﺎﻳﺴﻰ ﺟﺎﻳﻠﯩﺮﯨﺪﯨﻦ ﻛﻪﻟﮕﻪﻥ 50 ﻧﻪﭼﭽﻪ ﻧﻪﭘﻪﺭ ﻣﯘﺗﻪﺧﺨﻪﺳﯩﺴﻨﯩﯔ ﻗﺎﺗﻨﯩﺸﻰ ﺑﯩﻠﻪﻥ ﺋﯚﺗﻜﯜﺯﯛﻟﮕﻪﻥ ﺑﯘ ﻳﯩﻐﯩﻨﺪﺍ، ﭘﺎﺭﺗﻜﻮﻡ ﻣﯘﺋﺎﯞﯨﻦ ﺳﯧﻜﺮﯨﺘﺎﺭﻯ ﻳﺎﯓ ﮔﺎﯓ "ﺷﯩﻨﺠﺎﯓ ﺋﻮﻣﯘﻣﯩﻲ ﺗﺎﺭﯨﺨﻰ"ﻧﻰ ﻳﯧﺰﯨﺸﺘﺎ ﺷﯩﻨﺠﺎﯕﻨﯩﯔ ﺋﺎﻻﻫﯩﺪﯨﻠﯩﻜﯩﻨﻰ ﭼﻮﻗﯘﻡ ﺋﯩﭙﺎﺩﯨﻠﻪﭖ، ﺩﯙﻟﻪﺗﻨﯩﯔ ﺑﯩﺮﻟﯩﻜﻰ، ﻣﯩﻠﻠﻪﺗﻠﻪﺭﻧﯩﯔ ﺋﯩﺘﺘﯩﭙﺎﻗﯩﻨﯩﯔ ﺷﯩﻨﺠﺎﯓ ﺗﺎﺭﯨﺨﯩﺪﯨﻜﻰ ﺑﺎﺷﺘﯩﻦ ﺋﺎﺧﯩﺮﻯ ﺋﺎﺳﺎﺳﯩﻲ ﺋﯧﻘﯩﻢ ﺑﻮﻟﯘﭖ ﻛﻪﻟﮕﻪﻧﻠﯩﻜﻰ، ﯞﻩﺗﻪﻧﭙﻪﺭﯞﻩﺭﻟﯩﻜﻨﯩﯔ ﺷﯩﻨﺠﺎﯓ ﺗﺎﺭﯨﺨﯩﻨﯩﯔ ﺋﺎﺳﺎﺳﯩﻲ ﻧﯘﻗﺘﯩﺌﯩﻨﻪﺯﻩﺭﻯ ﺋﯩﻜﻪﻧﻠﯩﻜﯩﻨﻰ ﺗﻮﻟﯘﻕ ﺗﻮﻧﯘﭖ ﻳﯧﺘﯩﺶ ﯞﻩ ﺋﯩﮕﯩﻠﻪﺵ ﻻﺯﯨﻤﻠﯩﻘﯩﻨﻰ ﺗﻪﻟﻪﭖ ﻗﯩﻠﻐﺎﻥ.

ﺋﯘ ﺳﯚﺯﯨﺪﻩ ﻳﻪﻧﻪ ﭘﺎﺭﺗﯩﻴﻪ ﯞﻩ ﻫﯚﻛﯜﻣﻪﺗﻨﯩﯔ "ﺷﯩﻨﺠﺎﯓ ﺋﻮﻣﯘﻣﯩﻲ ﺗﺎﺭﯨﺨﻰ"ﻧﻰ ﻳﯧﺰﯨﺸﻨﻰ ﭘﯜﺗﯜﻥ ﻛﯜﭺ ﺑﯩﻠﻪﻥ ﻗﻮﻟﻼﭖ، ﻣﻪﺑﻠﻪﻍ ﺟﻪﻫﻪﺗﺘﯩﻦ ﻛﺎﭘﺎﻟﻪﺗﻜﻪ ﺋﯩﮕﻪ ﻗﯩﻠﯩﺪﯨﻐﺎﻧﻠﯩﻘﯩﻨﻰ ﺗﻪﻛﯩﺘﻠﯩﮕﻪﻥ.

ﺳﯩﻴﺎﺳﯩﻲ ﻛﯧﯖﻪﺵ ﻣﯘﺋﺎﯞﯨﻦ ﺭﻩﺋﯩﺴﻰ ﯞﯗ ﺩﻭﻧﻔﯘ ﺑﻮﻟﺴﺎ، ﻣﻪﺯﻛﯘﺭ ﺗﺎﺭﯨﺦ ﮔﯘﺭﯗﭘﭙﯩﺴﯩﻨﯩﯔ ﺋﯩﻜﻜﻰ ﻳﯩﻠﻠﯩﻖ ﺧﯩﺰﻣﻪﺕ ﺋﻪﻫﯟﺍﻟﯩﻨﻰ ﺧﯘﻻﺳﯩﻼﭖ، ﺑﯘ ﻳﯩﻞ ﻣﻪﺯﻛﯘﺭ ﻛﯩﺘﺎﺑﻨﯩﯔ ﺩﻩﺳﻠﻪﭘﻜﻰ ﻧﯘﺳﺨﯩﺴﻰ ﯞﻩ ﺑﯩﺮ ﻗﯩﺴﯩﻢ ﻣﺎﺗﯧﺮﯨﻴﺎﻟﻼﺭﻧﯩﯔ ﺗﻪﻳﻴﺎﺭ ﺑﻮﻟﯩﺪﯨﻐﺎﻧﻠﯩﻘﻰ ﻫﻪﻣﺪﻩ ﻣﯘﻧﺎﺳﯩﯟﻩﺗﻠﯩﻚ ﻣﺎﻗﺎﻟﯩﻼﺭ ﺗﻮﭘﻠﯩﻤﻰ ﻧﻪﺷﯩﺮ ﻗﯩﻠﯩﻨﯩﺪﯨﻐﺎﻧﻠﯩﻘﯩﻨﻰ ﺑﯩﻠﺪﯛﺭﮔﻪﻥ.

"ﺷﯩﻨﺠﺎﯓ ﺋﻮﻣﯘﻣﯩﻲ ﺗﺎﺭﯨﺨﻰ" ﺧﯩﺘﺎﻱ ﺑﻮﻳﯩﭽﻪ ﺗﯘﻧﺠﻰ ﻗﯧﺘﯩﻢ ﻳﯧﺰﯨﻠﯩﺪﯨﻐﺎﻥ ﺋﯘﻳﻐﯘﺭ ﺋﯧﻠﯩﻨﯩﯔ ﻗﻪﺩﯨﻤﺪﯨﻦ ﺗﺎﺭﺗﯩﭗ ﺗﺎﻛﻰ ﻫﺎﺯﯨﺮﻏﯩﭽﻪ ﺑﻮﻟﻐﺎﻥ ﺋﻮﻣﯘﻣﯩﻲ ﺗﺎﺭﯨﺨﯩﻨﻰ ﺋﻪﻛﯩﺲ ﺋﻪﺗﺘﯜﺭﯨﺪﯨﻐﺎﻥ ﻛﯩﺘﺎﺏ ﺑﻮﻟﯘﭖ، ﻛﯚﭖ ﺗﻮﻣﻠﯘﻕ ﺑﯘ ﺋﻪﺳﻪﺭﻧﻰ ﻳﯧﺰﯨﺶ ﯞﻩ ﭼﻪﺕ ﺗﯩﻠﻠﯩﺮﯨﺪﯨﻜﻰ ﺋﯘﻳﻐﯘﺭ ﺋﯧﻠﻰ ﺗﺎﺭﯨﺨﯩﻐﺎ ﺋﺎﺋﯩﺖ ﻣﺎﺗﯧﺮﯨﻴﺎﻟﻼﺭﻧﻰ ﺗﻮﭘﻼﺵ ﻫﻪﻡ ﺗﻪﺭﺟﯩﻤﻪ ﻗﯩﻠﯩﺶ ﻗﺎﺗﺎﺭﻟﯩﻖ ﺧﯩﺰﻣﻪﺗﻠﻪﺭ ﺧﯩﺘﺎﻱ ﻫﯚﻛﯜﻣﯩﺘﯩﻨﯩﯔ ﺯﻭﺭ ﻣﻪﺑﻠﻪﻍ ﺳﯧﻠﯩﺸﻰ ﯞﻩ ﺭﻩﻫﺒﻪﺭﻟﯩﻚ ﻗﯩﻠﯩﺸﻰ ﺋﺎﺳﺘﯩﺪﺍ ﺩﺍﯞﺍﻣﻼﺷﻤﺎﻗﺘﺎ. ﺋﺎﻟﺪﯨﻨﻘﻰ ﻗﯧﺘﯩﻤﻠﯩﻖ ﺧﯩﺰﻣﻪﺕ ﻳﯩﻐﯩﻨﯩﻐﺎ ﻗﺎﺗﻨﺎﺷﻘﺎﻥ ﺋﺎﭘﺘﻮﻧﻮﻡ ﺭﺍﻳﻮﻥ ﭘﺎﺭﺗﻜﻮﻡ ﺳﯧﻜﺮﯨﺘﺎﺭﻯ ﯞﺍﯓ ﻟﯧﭽﯜﺋﻪﻥ ﻣﻪﺯﻛﯘﺭ ﻛﯩﺘﺎﺑﻨﻰ ﻳﯧﺰﯨﺸﻨﯩﯔ ﺯﻭﺭ ﺳﯩﻴﺎﺳﯩﻲ ﺋﻪﻫﻤﯩﻴﻪﺗﻜﻪ ﺋﯩﮕﻪ ﺋﯩﻜﻪﻧﻠﯩﻜﻰ، ﺋﯘﻧﯩﯔ ﻣﯘﻗﯩﻤﻠﯩﻘﻨﻰ ﻗﻮﻏﺪﺍﺵ ﺋﯜﭼﯜﻥ ﭘﺎﻳﺪﯨﻠﯩﻖ ﺋﯩﻜﻪﻧﻠﯩﻜﯩﻨﻰ ﺗﻪﻛﯩﺘﻠﯩﮕﻪﻥ ﺋﯩﺪﻯ.

ﺋﯘﻳﻐﯘﺭ ﺋﯧﻠﯩﻨﯩﯔ ﺋﻮﻣﯘﻣﯩﻲ ﺗﺎﺭﯨﺨﻰ ﺗﯘﻧﺠﻰ ﻗﯧﺘﯩﻢ 1940-ﻳﯩﻠﻰ ﺋﺎﺗﺎﻗﻠﯩﻖ ﺋﯘﻳﻐﯘﺭ ﺳﯩﻴﺎﺳﯩﻲ ﺭﻩﻫﺒﯩﺮﻯ ﯞﻩ ﺗﺎﺭﯨﺨﭽﯩﺴﻰ ﻣﯘﻫﻪﻣﻤﻪﺩ ﺋﯩﻤﯩﻦ ﺑﯘﻏﺮﺍ ﺗﻪﺭﯨﭙﯩﺪﯨﻦ ﻳﯧﺰﯨﻠﻐﺎﻥ ﺑﻮﻟﯘﭖ، "ﺷﻪﺭﻗﯩﻲ ﺗﯜﺭﻛﯩﺴﺘﺎﻥ ﺗﺎﺭﯨﺨﻰ" ﺩﻩﭖ ﺋﺎﺗﺎﻟﻐﺎﻥ ﻣﻪﺯﻛﯘﺭ ﻛﯩﺘﺎﺏ 60 ﻳﯩﻠﻼﺭﺩﯨﻦ ﺑﯘﻳﺎﻥ ﺧﯩﺘﺎﻱ ﻫﯚﻛﯜﻣﯩﺘﻰ ﺗﻪﺭﯨﭙﯩﺪﯨﻦ ﭼﻪﻛﻠﯩﻨﯩﭗ ﻛﻪﻟﻤﻪﻛﺘﻪ. (ﺋﯜﻣﯩﺪﯞﺍﺭ)