ﻗﺎﺭﺍﻣﺎﻳﺪﯨﻦ ﺯﺍﭘﺎﺱ ﻣﯩﻘﺘﺎﺭﻯ ﺯﻭﺭ ﻛﯚﻟﻪﻣﻠﯩﻚ ﺗﻪﺑﺌﯩﻲ ﮔﺎﺯ ﺑﺎﻳﻘﺎﻟﺪﻯ

ﺷﯩﻨﺨﯘﺍ ﺋﺎﺧﺒﺎﺭﺍﺕ ﺋﺎﮔﯧﻨﺘﻠﯩﻘﯩﻨﯩﯔ ﺧﻪﯞﻩﺭ ﻗﯩﻠﯩﺸﯩﭽﻪ، ﺋﯘﻳﻐﯘﺭ ﺋﺎﭘﺘﻮﻧﻮﻡ ﺭﺍﻳﻮﻧﯩﺪﯨﻜﻰ ﺑﯩﺮ ﻧﯧﻔﯩﺖ ﺷﯩﺮﻛﯩﺘﻰ ﻗﺎﺭﺍﻣﺎﻳﺪﯨﻦ ﺯﺍﭘﺎﺱ ﻣﯩﻘﺘﺎﺭﻯ 30 ﻣﯩﻠﻴﺎﺭﺩ ﻛﯘﭖ ﻣﯧﺘﯩﺮ ﻛﯧﻠﯩﺪﯨﻐﺎﻥ ﺯﻭﺭ ﻛﯚﻟﻪﻣﻠﯩﻚ ﺗﻪﺑﺌﯩﻲ ﮔﺎﺯ ﻗﺎﺗﻠﯩﻤﻰ ﺑﺎﻳﻘﯩﻐﺎﻥ. ﺧﻪﯞﻩﺭﺩﻩ ﻳﯧﯖﻰ ﺗﯧﭙﯩﻠﻐﺎﻥ ﺗﻪﺑﺌﯩﻲ ﮔﺎﺯ ﻗﺎﺗﻠﯩﻤﯩﺪﯨﻦ ﻛﯜﻧﯩﮕﻪ 47.1 ﻣﯩﻠﻴﻮﻥ ﻛﯘﭖ ﻣﯧﺘﯩﺮ ﮔﺎﺯ ﺋﯩﺸﻠﻪﭘﭽﯩﻘﯩﺮﯨﺶ ﻣﯘﻣﻜﯩﻨﭽﯩﻠﯩﻜﻰ ﺑﺎﺭﻟﯩﻘﯩﻨﻰ ﯞﻩ ﺑﯘﻧﯩﯔ ﺑﯩﻠﻪﻥ ﺋﯘﻳﻐﯘﺭ ﺋﺎﭘﺘﻮﻧﻮﻡ ﺭﺍﻳﻮﻧﯩﻨﯩﯔ ﺷﯩﻤﺎﻟﯩﺪﯨﻜﻰ ﺟﺎﻳﻼﺭﻧﻰ ﮔﺎﺯ ﺑﯩﻠﻪﻥ ﺗﻪﻣﯩﻨﻠﻪﺵ ﻣﻪﺳﯩﻠﯩﺴﻰ ﺋﺎﺳﺎﻧﻠﯩﺸﯩﺪﯨﻐﺎﻧﻠﯩﻘﯩﻨﻰ ﺑﯩﻠﺪﯛﺭﺩﻯ.

ﺧﻪﯞﻩﺭﺩﻩ، ﮔﺎﺯ ﻗﺎﺗﻠﯩﻤﯩﻨﯩﯔ ﻗﺎﻳﺴﻰ ﺷﯩﺮﻛﻪﺕ ﺗﻪﺭﯨﭙﯩﺪﯨﻦ ﺑﺎﻳﻘﺎﻟﻐﺎﻧﻠﯩﻘﯩﻨﻰ ﺗﯩﻠﻐﺎ ﺋﺎﻟﻤﯩﻐﺎﻥ ﺑﻮﻟﺴﯩﻤﯘ ﻟﯧﻜﯩﻦ ﻣﻪﺯﻛﯘﺭ ﮔﺎﺯ ﻗﺎﺗﻠﯩﻤﯩﻨﯩﯔ ﺟﻪﻧﯘﺑﯩﻲ ﺟﯘﯕﻐﺎﺭ ﺋﻮﻳﻤﺎﻧﻠﯩﻘﯩﺪﯨﻦ ﺑﺎﻳﻘﺎﻟﻐﺎﻧﻠﯩﻘﯩﻨﻰ ﺋﯧﻼﻥ ﻗﯩﻠﻐﺎﻥ. ﺧﯩﺘﺎﻱ ﺩﺍﺋﯩﺮﯨﻠﯩﺮﯨﻨﯩﯔ ﺋﺎﺷﻜﺎﺭﯨﻠﯩﺸﯩﭽﻪ، ﺟﯘﯕﻐﺎﺭ ﺋﻮﻳﻤﺎﻧﻠﯩﻘﯩﺪﺍ ﺑﺎﺭ، ﺩﻩﭖ ﻗﺎﺭﺍﻟﻐﺎﻥ ﺋﻮﻣﯘﻣﻰ ﺗﻪﺑﺌﯩﻲ ﮔﺎﺯ ﺯﺍﭘﺎﺱ ﻣﯩﻘﺘﺎﺭﻯ6.8 ﻣﯩﻠﻴﺎﺭﺩ ﺗﻮﻧﻨﺎ ﺑﻮﻟﯘﭖ، ﻫﺎﺯﯨﺮﻏﯩﭽﻪ ﺑﯘﻧﯩﯔ 3 ﺩﻩﻥ ﺑﯩﺮ ﻗﯩﺴﯩﻤﻰ ﺋﯩﺴﭙﺎﺗﻼﻧﻐﺎﻥ.

ﺧﯩﺘﺎﻳﻨﯩﯔ ﺗﻪﺑﺌﯩﻲ ﮔﺎﺯ ﺋﯩﺴﺘﯩﻤﺎﻝ ﻗﯩﻠﯩﺶ ﻣﯩﻘﺘﺎﺭﻯ ﻳﯩﻠﺪﯨﻦ - ﻳﯩﻠﻐﺎ ﻛﯚﭘﻪﻳﻤﻪﻛﺘﻪ. ﺋﯘ 2006- ﻳﯩﻠﻰ 6.55 ﻣﯩﻠﻴﺎﺭﺩ ﻛﯘﭖ ﻣﯧﺘﯩﺮ ﺗﻪﺑﺌﯩﻲ ﮔﺎﺯ ﺋﯩﺴﺘﯩﻤﺎﻝ ﻗﯩﻠﻐﺎﻥ ﺑﻮﻟﯘﭖ، 2005 - ﻳﯩﻠﺪﯨﻜﯩﺪﯨﻦ % 19 ﺋﺎﺷﻘﺎﻥ. ﺧﯩﺘﺎﻱ ﺩﺍﺋﯩﺮﯨﻠﯩﺮﻯ ﺋﯘﻳﻐﯘﺭ ﺋﺎﭘﺘﻮﻧﻮﻡ ﺭﺍﻳﻮﻧﯩﺪﯨﻜﻰ ﻧﯧﻔﯩﺖ ﯞﻩ ﺗﻪﺑﺌﯩﻲ ﮔﺎﺯ ﺯﺍﭘﯩﺴﯩﻨﻰ ﺋﯧﭽﯩﺶ ﻳﻪﺭﻟﯩﻚ ﺧﻪﻟﻘﻨﯩﯔ ﺗﯘﺭﻣﯘﺷﯩﻨﻰ ﻳﺎﺧﺸﯩﻼﺵ ﺭﻭﻟﯩﻨﻰ ﺋﻮﻳﻨﺎﻳﺪﯗ، ﺩﻩﭖ ﻗﺎﺭﯨﺴﯩﻤﯘ، ﻟﯧﻜﯩﻦ ﻳﻪﺭﻟﯩﻚ ﭘﯘﻗﺮﺍﻻﺭ ﺑﯘﻧﯩﯔ ﻣﯘﻫﯩﺘﻨﻰ ﯞﻩﻳﺮﺍﻥ ﻗﯩﻠﯩﺶ، ﺳﯘ ﻳﯧﺘﯩﺸﻤﻪﺳﻠﯩﻚ ﯞﻩ ﻛﯚﭼﻤﻪﻧﻠﻪﺭﻧﻰ ﻛﯚﭘﻪﻳﺘﯩﯟﯦﺘﯩﺸﺘﯩﻦ ﺑﺎﺷﻘﺎ، ﻳﻪﺭﻟﯩﻚ ﺧﻪﻟﻘﻘﻪ ﻫﯧﭽﻘﺎﻧﺪﺍﻕ ﭘﺎﻳﺪﯨﺴﻰ ﺗﻪﮔﻤﯩﮕﻪﻧﻠﯩﻜﯩﺪﯨﻦ ﺷﯩﻜﺎﻳﻪﺕ ﻗﯩﻠﻤﺎﻗﺘﺎ. (ﺋﻪﺭﻛﯩﻦ)