ﺧﯩﺘﺎﻱ ﺳﺎﻗﭽﯩﻠﯩﺮﻯ ﺷﻪﺭﻗﻰ ﺗﯜﺭﻛﯩﺴﺘﺎﻥ ﺗﯧﺮﺭﻭﺭﭼﯩﻠﯩﺮﯨﻨﯩﯔ ﻳﻮﺷﯘﺭﯗﻧﯘﯞﺍﻟﻐﺎﻧﻠﯩﻘﯩﻨﻰ ﺑﯩﻠﺪﯛﺭﺩﻯ

ﺋﯘﻳﻐﯘﺭ ﺋﺎﭘﺘﻮﻧﻮﻡ ﺭﺍﻳﻮﻧﻠﯘﻕ ﺳﺎﻗﭽﻰ ﺩﺍﺋﯩﺮﯨﻠﯩﺮﻯ، ﺋﺎﺗﺎﻟﻤﯩﺶ ﺷﻪﺭﻗﯩﻲ ﺗﯜﺭﻛﯩﺴﺘﺎﻥ ﺋﯩﺴﻼﻣﯩﻲ ﻫﻪﺭﯨﻜﯩﺘﯩﻨﯩﯔ ﺗﯧﺮﺭﻭﺭﻟﯘﻕ ﻻﮔﯩﺮﯨﻐﺎ ﻗﺎﺭﺷﻰ ﺋﯧﻠﯩﭗ ﺑﯧﺮﯨﻠﻐﺎﻥ ﻫﯘﺟﯘﻡ ﺟﻪﺭﻳﺎﻧﯩﺪﺍ ﻗﯧﭽﯩﭗ ﻛﻪﺗﻜﻪﻥ ﺗﯧﺮﺭﻭﺭ ﮔﯘﻣﺎﻧﺪﺍﺭﻟﯩﺮﯨﻨﻰ ﺗﯘﺗﯘﺵ ﻫﻪﺭﯨﻜﯩﺘﯩﻨﯩﯔ ﺩﺍﯞﺍﻣﻠﯩﺸﯩﯟﺍﺗﻘﺎﻧﻠﯩﻘﯩﻨﻰ ﺑﯩﻠﺪﯛﺭﺩﻯ.

ﺧﯩﺘﺎﻱ ﺳﺎﻗﭽﻰ ﺩﺍﺋﯩﺮﯨﻠﯩﺮﯨﻨﯩﯔ ﺑﯩﻠﺪﯛﺭﯛﺷﯩﭽﻪ، ﯞﻩﻗﻪﺩﻩ ﻗﯧﭽﯩﭗ ﻛﻪﺗﻜﻪﻥ ﻛﯩﺸﯩﻠﻪﺭﻧﯩﯔ ﺭﺍﻳﻮﻧﺪﯨﻜﻰ ﻫﺎﯞﺍ ﺷﻪﺭﺗﻠﯩﺮﻯ ﺗﯜﭘﻪﻳﻠﯩﺪﯨﻦ ﺋﯘﺯﺍﻗﻘﺎ ﻛﯧﺘﯩﺸﻰ ﻣﯘﻣﻜﯩﻦ ﺋﻪﻣﻪﺱ ﺋﯩﻜﻪﻥ. ﭼﯜﻧﻜﻰ ﺭﺍﻳﻮﻧﺪﺍ ﻫﺎﯞﺍ ﻧﺎﻫﺎﻳﯩﺘﻰ ﺳﻮﻏﺎﻕ ﺑﻮﻟﯘﭖ ﻧﯚﻟﺪﯨﻦ ﺗﯚﯞﻩﻥ 20، 30 ﺩﻩﺭﯨﺠﯩﮕﻪ ﻳﯧﺘﯩﺪﯨﻜﻪﻥ. ﺷﯘﻧﯩﯔ ﺋﯜﭼﯜﻥ ﺋﯘﻻﺭ ﺭﺍﻳﻮﻧﺪﺍ ﺋﺎﻟﺪﯨﻦ ﺗﻪﻳﻴﺎﺭﻻﻧﻐﺎﻥ ﻳﻪﺭ ﺋﺎﺳﺘﻰ ﮔﻪﻣﯩﻠﻪﺭﮔﻪ ﻳﻮﺷﯘﺭﯗﻧﯘﯞﺍﻟﻐﺎﻥ ﺑﻮﻟﯘﺷﻰ ﻣﯘﻣﻜﯩﻦ ﺋﯩﻜﻪﻥ.

ﺧﯩﺘﺎﻱ ﺳﺎﻗﭽﯩﻠﯩﺮﯨﻨﯩﯔ ﺋﯧﻴﺘﯩﺸﯩﭽﻪ، ﺳﺎﻗﭽﯩﻼﺭ ﺗﯧﺮﺭﻭﺭﭼﯩﻼﺭﻧﻰ ﺑﺎﻳﻘﺎﭖ ﺋﯘﻻﺭﻧﻰ ﺗﯘﺗﯘﺵ ﺋﯜﭼﯜﻥ ﻣﺎﺷﯩﻨﺎ ﺑﯩﻠﻪﻥ ﻗﻮﻏﻠﯩﻐﺎﻧﺪﺍ، ﺗﯧﺮﺭﻭﺭﭼﯩﻼﺭﻧﯩﯔ ﺗﯘﻳﯘﻗﺴﯩﺰ ﻛﯚﺯﺩﯨﻦ ﻏﺎﻳﯩﺐ ﺑﻮﻟﯘﺷﻰ، ﺋﯘﻻﺭﻧﯩﯔ ﺋﺎﻟﺪﯨﻦ ﺗﻪﻳﻴﺎﺭﻟﯩﻖ ﻗﯩﻠﯩﭗ ﻳﻮﻝ ﺋﯜﺳﺘﯩﺪﻩ ﻳﺎﺳﯩﻐﺎﻥ ﻳﻪﺭ ﺋﺎﺳﺘﻰ ﮔﻪﻣﯩﻠﻪﺭﮔﻪ ﻳﻮﺷﯘﺭﯗﻧﯘﯞﺍﻟﻐﺎﻧﻠﯩﻘﯩﻨﻰ ﻛﯚﺭﺳﯩﺘﯩﺪﯨﻜﻪﻥ. ﺳﺎﻗﭽﯩﻼﺭﻧﯩﯔ ﺑﯩﻠﺪﯛﺭﯛﺷﯩﭽﻪ، ﺑﯘ ﮔﻪﻣﯩﻠﻪﺭﻧﯩﯔ ﺋﺎﻏﺰﻯ ﻧﺎﻫﺎﻳﯩﺘﻰ ﺋﯘﺳﺘﯩﻠﯩﻖ ﺑﯩﻠﻪﻥ ﻳﺎﺳﺎﻟﻐﺎﻥ ﺑﻮﻟﯘﭖ، ﺋﯘﻻﺭﻧﻰ ﺗﯧﭙﯩﺶ ﻗﯩﻴﯩﻦ ﺋﯩﻜﻪﻥ.

ﺧﯩﺘﺎﻱ ﻫﯚﻛﯜﻣﯩﺘﻰ، 5‏- ﻳﺎﻧﯟﺍﺭ ﻛﯜﻧﻰ ﭘﺎﻣﯩﺮ ﺋﯩﮕﯩﺰﻟﯩﻜﯩﺪﻩ ﺋﺎﺗﺎﻟﻤﯩﺶ ﺷﻪﺭﻗﯩﻲ ﺗﯜﺭﻛﯩﺴﺘﺎﻥ ﺗﯧﺮﺭﻭﺭﭼﯩﻠﯩﺮﯨﻨﯩﯔ ﺑﯩﺮ ﻻﮔﯩﺮﯨﻐﺎ ﻫﯘﺟﯘﻡ ﻗﯩﻠﯩﭗ 18 ﻧﻪﭘﻪﺭ ﺗﯧﺮﺭﻭﺭ ﮔﯘﻣﺎﻧﺪﺍﺭﯨﻨﻰ ﺋﯚﻟﺘﯜﺭﮔﻪﻧﻠﯩﻜﯩﻨﻰ ﯞﻩ 17 ﻛﯩﺸﯩﻨﻰ ﺗﯩﺮﯨﻚ ﻗﻮﻟﻐﺎ ﭼﯜﺷﯜﺭﮔﻪﻧﻠﯩﻜﯩﻨﻰ ﺑﯩﻠﺪﯛﺭﮔﻪﻥ. ﺧﯩﺘﺎﻱ ﺳﺎﻗﭽﯩﻠﯩﺮﯨﻨﯩﯔ ﺑﯩﻠﺪﯛﺭﯛﺷﯩﭽﻪ، ﯞﻩﻗﻪﺩﻩ ﺑﯩﺮ ﻗﯩﺴﯩﻢ ﻛﯩﺸﯩﻠﻪﺭ ﻗﯧﭽﯩﭗ ﻛﻪﺗﻜﻪﻥ. ﻟﯧﻜﯩﻦ ﺧﯩﺘﺎﻱ ﻫﯚﻛﯜﻣﯩﺘﯩﻨﯩﯔ ﯞﻩﻗﻪﺩﻩ ﺋﯚﻟﮕﻪﻥ ﯞﻩ ﺗﯩﺮﯨﻚ ﻗﻮﻟﻐﺎ ﭼﯜﺷﻜﻪﻧﻠﻪﺭﻧﯩﯔ ﻛﯩﻤﻠﯩﻜﻰ ﻫﻪﻣﺪﻩ ﯞﻩﻗﻪﻧﯩﯔ ﻗﺎﻳﺴﻰ ﻳﻪﺭﺩﻩ، ﻗﺎﻧﺪﺍﻕ ﻳﯜﺯ ﺑﻪﺭﮔﻪﻧﻠﯩﻜﻰ ﻫﻪﻗﻘﯩﺪﻩ ﺋﯧﻨﯩﻖ ﺋﯘﭼﯘﺭ ﺑﻪﺭﻣﯩﮕﻪﻧﻠﯩﻜﻰ، ﺧﻪﻟﻘﺌﺎﺭﺍ ﻣﻪﺗﺒﯘﺋﺎﺗﺘﺎ ﺗﯜﺭﻟﯜﻙ ﺳﯘﺋﺎﻟﻼﺭﻧﯩﯔ ﭘﻪﻳﺪﺍ ﺑﻮﻟﯘﺷﯩﻐﺎ ﺳﻪﯞﻩﺏ ﺑﻮﻟﻐﺎﻥ. (ﻗﺎﻧﺎﺕ)