ﺷﺎﯕﺨﻪﻱ ﻫﻪﻣﻜﺎﺭﻟﯩﻖ ﺗﻪﺷﻜﯩﻼﺗﻰ "ﺋﯜﭺ ﺧﯩﻞ ﻛﯜﭺ" ﻛﻪ ﻗﺎﺭﺷﻰ ﻫﻪﻣﻜﺎﺭﻟﯩﻘﻨﻰ ﻳﻪﻧﯩﻤﯘ ﻛﯜﭼﻪﻳﺘﻤﻪﻛﭽﻰ

ﺷﺎﯕﺨﻪﻱ ﻫﻪﻣﻜﺎﺭﻟﯩﻖ ﺗﻪﺷﻜﯩﻼﺗﻰ ﭘﻪﻳﺸﻪﻧﺒﻪ ﻛﯜﻧﻰ " ﺗﯧﺮﺭﻭﺭﭼﯩﻠﯩﻖ، ﺑﯚﻟﮕﯜﻧﭽﯩﻠﯩﻚ ﯞﻩ ﺩﯨﻨﯩﻲ ﺭﺍﺩﯨﻜﺎﻟﻠﯩﻖ" ﻗﺎ ﻗﺎﺭﺷﻰ ﻫﻪﻣﻜﺎﺭﻟﯩﻘﻨﻰ ﻳﻪﻧﯩﻤﯘ ﻛﯜﭼﻪﻳﺘﯩﺪﯨﻐﺎﻧﻠﯩﻘﯩﻨﻰ ﺑﯩﻠﺪﯛﺭﺩﻯ.

ﺷﺎﯕﺨﻪﻱ ﻫﻪﻣﻜﺎﺭﻟﯩﻖ ﺗﻪﺷﻜﯩﻼﺗﯩﻨﯩﯔ ﺑﺎﺵ ﺳﯧﻜﺮﯨﺘﺎﺭﻯ ﺟﺎﯓ ﺩﯦﮕﯘﺋﺎﯓ ﭘﻪﻳﺸﻪﻧﺒﻪ ﻛﯜﻧﻰ ﻣﻮﺳﻜﯟﺍﺩﯨﻜﻰ ﻣﯘﺧﺒﯩﺮﻻﺭﻧﻰ ﻛﯜﺗﯜﯞﯦﻠﯩﺶ ﻳﯩﻐﯩﻨﯩﺪﺍ "ﺑﯩﺰ ﺋﯜﭺ ﺧﯩﻞ ﻛﯜﭼﻨﯩﯔ ﭘﺎﺋﺎﻟﯩﻴﻪﺗﻠﯩﺮﯨﮕﻪ ﺯﻩﺭﺑﻪ ﺑﯧﺮﯨﺸﺘﻪ ﺯﻭﺭ ﻣﯩﻘﺪﺍﺭﺩﺍ ﺧﯩﺰﻣﻪﺕ ﺋﯩﺸﻠﯩﺪﯗﻕ، ﺋﻪﻣﻪﻟﯩﻲ ﺋﯜﻧﯜﻣﻠﻪﺭﻧﯩﻤﯘ ﻗﻮﻟﻐﺎ ﻛﻪﻟﺘﯜﺭﺩﯗﻕ. ﺑﯘﻧﺪﯨﻦ ﻛﯧﻴﯩﻦ، ﻫﻪﺭ ﻗﺎﻳﺴﻰ ﺋﻪﺯﺍ ﺩﯙﻟﻪﺗﻠﻪﺭ ﺑﯘ ﺗﻪﺭﻩﭘﺘﯩﻜﻰ ﻫﻪﻣﻜﺎﺭﻟﯩﻘﻨﻰ ﺗﯧﺨﯩﻤﯘ ﻛﯜﭼﻪﻳﺘﯩﺪﯗ" ﺩﯦﺪﻯ. ﺋﯘ ﺷﺎﯕﺨﻪﻱ ﻫﻪﻣﻜﺎﺭﻟﯩﻖ ﺗﻪﺷﻜﯩﻼﺗﯩﻐﺎ ﺋﻪﺯﺍ ﺩﯙﻟﻪﺗﻠﻪﺭﻧﯩﯔ ﺑﺎﺵ ﻣﯩﻨﯩﺴﺘﯩﺮﻟﯩﺮﯨﻨﯩﯔ ﻳﯩﻐﯩﻨﯩﻐﺎ ﻗﺎﺗﻨﯩﺸﯩﺶ ﺋﯜﭼﯜﻥ ﻣﻮﺳﻜﯟﺍﻏﺎ ﻛﻪﻟﮕﻪﻥ. ﺋﻪﻧﮕﯩﻠﯩﻴﻪ ﺏ ﺏ ﺱ ﺭﺍﺩﯨﺌﻮ - ﺗﯧﻠﯧﯟﯨﺰﯨﻴﻪ ﺋﯩﺴﺘﺎﻧﺴﯩﺴﯩﻨﯩﯔ ﺧﻪﯞﯨﺮﯨﮕﻪ ﻗﺎﺭﯨﻐﺎﻧﺪﺍ، ﻣﻪﺯﻛﯘﺭ ﺗﻪﺷﻜﯩﻼﺗﻨﯩﯔ ﻳﯩﺘﻪﻛﭽﯩﻠﯩﺮﻯ ﺑﻮﻟﻐﺎﻥ ﺧﯩﺘﺎﻱ ﯞﻩ ﺭﯗﺳﯩﻴﻪ، ﺋﯚﺯﺑﯧﻜﯩﺴﺘﺎﻥ ﯞﻩ ﻗﯩﺮﻏﯩﺰﯨﺴﺘﺎﻧﺪﺍ ﻳﯧﻘﯩﻨﻘﻰ ﺑﯩﺮ ﻧﻪﭼﭽﻪ ﺋﺎﻱ ﺋﯩﭽﯩﺪﻩ ﻳﯜﺯ ﺑﻪﺭﮔﻪﻥ ﺋﯚﻛﺘﯩﭽﻰ ﭘﺎﺋﺎﻟﯩﻴﻪﺗﻠﻪﺭﺩﯨﻦ ﺋﻪﻧﺪﯨﺸﻪ ﻗﯩﻠﻤﺎﻗﺘﺎ. ﺧﯩﺘﺎﻱ ﺋﯘﻳﻐﯘﺭ ﻣﯘﺳﺘﻪﻗﯩﻠﭽﯩﻠﯩﺮﯨﻨﻰ، ﺭﯗﺳﯩﻴﻪ ﺑﻮﻟﺴﺎ ﭼﯧﭽﻪﻧﻠﻪﺭﻧﻰ " ﺗﯧﺮﺭﻭﺭﭼﻰ" ﺩﻩﭖ ﺋﺎﺗﺎﭖ، ﺋﯘﻻﺭﻧﻰ ﺑﺎﺳﺘﯘﺭﯗﺷﻘﺎ ﺋﯘﺭﯗﻧﻤﺎﻗﺘﺎ.

ﺟﺎﯓ ﺩﯦﮕﯘﺋﺎﯓ ﻳﻪﻧﻪ ﺷﺎﯕﺨﻪﻱ ﻫﻪﻣﻜﺎﺭﻟﯩﻖ ﺗﻪﺷﻜﯩﻼﺗﯩﻨﯩﯔ ﻏﻪﺭﺑﻜﻪ ﻗﺎﺭﺷﻰ ﻛﯜﭺ ﺋﻮﻳﯘﺷﺘﯘﺭﻏﺎﻧﻠﯩﻘﯩﻨﻰ ﺋﯩﻨﻜﺎﺭ ﻗﯩﻠﯩﭗ، ﻣﻪﺯﻛﯘﺭ ﺗﻪﺷﻜﯩﻼﺗﯩﻨﯩﯔ ﺑﯩﺮ ﻫﻪﺭﺑﯩﻲ ﺋﯩﺘﺘﯩﭙﺎﻗﻘﺎ ﺋﺎﻳﻠﯩﻨﯩﺶ ﻧﯩﻴﯩﺘﻰ ﻳﻮﻗﻠﯩﻘﯩﻨﻰ ﺗﻪﻛﯩﺘﻠﯩﺪﻯ. ﺑﯩﺮﺍﻕ ﺋﯘ ﺋﺎﻣﯧﺮﯨﻜﯩﻨﯩﯔ ﺋﯚﺯﺑﯧﻜﯩﺴﺘﺎﻧﺪﯨﻦ ﻗﻮﺷﯘﻥ ﭼﯧﻜﯩﻨﺪﯛﺭﯛﺷﻨﯩﯔ ﺋﯧﻨﯩﻖ ﯞﺍﻗﺘﯩﻨﻰ ﺑﯩﻜﯩﺘﯩﺸﯩﻨﻰ ﺋﯜﻣﯜﺩ ﻗﯩﻠﯩﺪﯨﻐﺎﻧﻠﯩﻘﯩﻨﻰ ﺑﯩﻠﺪﯛﺭﺩﻯ. ﻧﯘﺭﻏﯘﻥ ﺋﺎﻧﺎﻟﯩﺰﭼﯩﻼﺭ، ﺷﺎﯕﺨﻪﻱ ﻫﻪﻣﻜﺎﺭﻟﯩﻖ ﺗﻪﺷﻜﯩﻼﺗﯩﻨﯩﯔ ﺑﺎﺭﻏﺎﻧﺴﯩﺮﻯ ﺋﺎﻣﯧﺮﯨﻜﯩﻨﯩﯔ ﺋﻮﺗﺘﯘﺭﺍ ﺋﺎﺳﯩﻴﺎﺩﯨﻜﻰ ﺗﻪﺳﯩﺮ ﻛﯜﭼﯩﻨﻰ ﺳﯩﻘﯩﭗ ﭼﯩﻘﯩﺮﯨﺸﻘﺎ ﻫﻪﺭﯨﻜﻪﺕ ﻗﯩﻠﯩﯟﺍﺗﻘﺎﻧﻠﯩﻘﯩﻨﻰ ﺑﯩﻠﺪﯛﺭﻣﻪﻛﺘﻪ. ﺷﺎﯕﺨﻪﻱ ﻫﻪﻣﻜﺎﺭﻟﯩﻖ ﺗﻪﺷﻜﯩﻼﺗﻰ ﺑﯘ ﻳﯩﻞ 7 - ﺋﺎﻳﺪﺍ، ﺋﺎﻣﯧﺮﯨﻜﯩﻨﻰ ﺋﻮﺗﺘﯘﺭﺍ ﺋﺎﺳﯩﻴﺎﺩﯨﻜﻰ ﺑﺎﺯﯨﻠﯩﺮﯨﺪﯨﻦ ﻗﻮﺷﯘﻥ ﭼﯩﻜﯩﻨﺪﯛﺭﯛﺷﻨﻰ ﺗﻪﻟﻪﭖ ﻗﯩﻠﻐﺎﻥ ﺋﯩﺪﻯ. (ﺋﺎﺭﺯﯗ)