ﺋﯘﻟﯘﻏﭽﺎﺕ ﻧﺎﻫﯩﻴﯩﺴﯩﺪﻩ ﺑﯩﺮ ﻛﯚﻣﯜﺭ ﻛﺎﻥ ﻗﯘﺩﯗﻗﯩﺪﺍ ﭘﺎﺭﺗﻼﺵ ﻳﯜﺯ ﺑﻪﺭﺩﻯ

16- ﺩﯦﻜﺎﺑﯩﺮ ﻛﯜﻧﻰ ﻗﯩﺰﯨﻞ ﺳﯘ ﻗﯩﺮﻏﯩﺰ ﺋﺎﭘﺘﻮﻧﻮﻡ ﺋﻮﺑﻼﺳﺘﯩﻐﺎ ﺗﻪﯞﻩ ﺋﯘﻟﯘﻏﭽﺎﺕ ﻧﺎﻫﯩﻴﯩﺴﯩﺪﯨﻜﻰ ﺑﯩﺮ ﻛﯚﻣﯜﺭ ﻛﺎﻥ ﻗﯘﺩﯗﻗﻰ ﭘﺎﺭﺗﻼﭖ ﻛﯧﺘﯩﭗ، ﺗﯚﺕ ﺋﯩﺸﭽﻰ ﺋﯚﻟﮕﻪﻥ، ﺋﯩﻜﻜﻰ ﻧﻪﭘﯩﺮﻯ ﻳﺎﺭﯨﻼﻧﻐﺎﻥ.

ﺷﯩﻨﺨﯘﺍ ﺧﻪﯞﻩﺭ ﺗﻮﺭﯨﻨﯩﯔ ﺑﯘ ﻫﻪﻗﺘﻪ ﺗﺎﺭﻗﺎﺗﻘﺎﻥ ﺋﯘﭼﯘﺭﯨﺪﯨﻦ ﻗﺎﺭﯨﻐﺎﻧﺪﺍ، ﻣﻪﺯﻛﯘﺭ ﻛﯚﻣﯜﺭ ﻛﺎﻥ ﯞﻩﻗﻪﺳﻰ ﺋﯘﻟﯘﻏﭽﺎﺕ ﻧﺎﻫﯩﻴﯩﺴﻰ، ﺋﯘﻟﯘﻏﭽﺎﺕ ﻳﯧﺰﯨﺴﻰ ﺗﻪﯞﻩﻟﯩﻜﯩﺪﻩ ﻳﻪﻧﻰ ﻧﺎﻫﯩﻴﻪ ﻣﻪﺭﻛﯩﺰﯨﺪﯨﻦ 123 ﻛﯩﻠﻮﻣﯧﺘﯩﺮ ﻧﯧﺮﯨﺪﺍ ﻳﯜﺯ ﺑﻪﺭﮔﻪﻥ ﺑﻮﻟﯘﭖ، ﺋﻪﻳﻨﻰ ﯞﺍﻗﯩﺘﺘﺎ ﻛﺎﻥ ﺋﺎﺳﺘﯩﺪﺍ ﺋﯜﭺ ﻧﻪﭘﻪﺭ ﺋﯩﺸﭽﻰ ﺋﯩﺸﻠﻪﯞﺍﺗﻘﺎﻥ ﺋﯩﻜﻪﻥ.

ﻫﺎﺯﯨﺮ، ﻗﯩﺰﯨﻞ ﺳﯘ ﺩﺍﺋﯩﺮﯨﻠﯩﺮﻯ ﯞﻩﻗﻪﻧﯩﯔ ﺳﻪﯞﻩﺑﻠﯩﺮﯨﻨﻰ ﺗﻪﻛﺸﯜﺭﯛﺵ ﯞﻩ ﺋﯚﻟﮕﯜﭼﯩﻠﻪﺭﻧﯩﯔ ﺋﺎﺧﯩﺮﻩﺗﻠﯩﻚ ﺋﯩﺸﻠﯩﺮﯨﻨﻰ ﺑﯩﺮ ﺗﻪﺭﻩﭖ ﻗﯩﻠﯩﺶ ﺧﯩﺰﻣﻪﺗﻠﯩﺮﯨﻨﻰ ﺟﯩﺪﺩﯨﻲ ﺋﯧﻠﯩﭗ ﺑﺎﺭﻣﺎﻗﺘﺎ ﺋﯩﻜﻪﻥ. ﺑﯩﺮﺍﻕ، ﺋﯘﻟﯘﻏﭽﺎﺕ ﻗﯩﺮﻏﯩﺰ ﯞﻩ ﺋﯘﻳﻐﯘﺭﻻﺭﻧﻰ ﺋﺎﺳﺎﺱ ﻗﯩﻠﻐﺎﻥ ﻧﺎﻫﯩﻴﻪ ﺑﻮﻟﺴﯩﻤﯘ، ﺋﻪﻣﻤﺎ، ﺧﯩﺘﺎﻱ ﺋﺎﺧﺒﺎﺭﺍﺕ ﯞﺍﺳﯩﺘﯩﻠﯩﺮﻯ ﻗﺎﺯﺍﻏﺎ ﺋﯘﭼﺮﯨﻐﯘﭼﯩﻼﺭﻧﯩﯔ ﻣﯩﻠﻠﯩﻲ ﻛﯩﻤﻠﯩﻜﻰ ﺷﯘﻧﯩﯖﺪﻩﻙ ﻣﻪﺯﻛﯘﺭ ﻛﺎﻧﻨﯩﯔ ﻫﯚﻛﯜﻣﻪﺕ ﺑﯩﻠﻪﻥ ﺑﻮﻟﻐﺎﻥ ﻣﯘﻧﺎﺳﯩﯟﯨﺘﻰ ﻫﻪﻣﺪﻩ ﻗﺎﺯﺍﻏﺎ ﺋﯘﭼﺮﯨﻐﯘﭼﯩﻼﺭﻏﺎ ﺗﯚﻟﻪﻡ ﺗﯚﻟﻪﺵ ﻣﻪﺳﯩﻠﯩﺴﻰ ﻗﺎﺗﺎﺭﻟﯩﻘﻼﺭ ﻫﻪﻗﻘﯩﺪﻩ ﻫﯧﭻ ﻧﯧﻤﻪ ﻳﺎﺯﻣﯩﻐﺎﻥ.

ﺧﻪﯞﻩﺭﻟﻪﺭﺩﯨﻦ ﻗﺎﺭﯨﻐﺎﻧﺪﺍ، ﻫﺎﺯﯨﺮ ﺋﯘﻳﻐﯘﺭ ﺋﯧﻠﯩﻨﯩﯔ ﻛﯚﭘﻠﯩﮕﻪﻥ ﻛﯚﻣﯜﺭ ﻛﺎﻧﻠﯩﺮﻯ ﺋﯩﭽﻜﯩﺮﯨﺪﯨﻦ ﭼﯩﻘﻘﺎﻥ ﺧﯩﺘﺎﻱ ﺧﻮﺟﺎﻳﯩﻨﻠﯩﺮﯨﻨﯩﯔ ﻗﻮﻟﯩﻐﺎ ﺋﯚﺗﻜﻪﻥ. ﺋﯘﻧﯩﯖﺪﯨﻦ ﺑﺎﺷﻘﺎ ﻳﻪﻧﻪ ﺧﯩﺘﺎﻱ ﭘﯘﻟﺪﺍﺭ ﺧﻮﺟﺎﻳﯩﻨﻼﺭ ﺋﯘﻳﻐﯘﺭ ﺋﯧﻠﯩﺪﯨﻜﻰ ﻛﯚﻣﯜﺭ ﺯﺍﭘﯩﺴﻰ ﻣﻮﻝ ﺟﺎﻳﻼﺭﺩﺍ ﺧﺎﻟﯩﻐﺎﻧﭽﻪ ﻛﺎﻥ ﺋﺎﭼﻤﺎﻗﺘﺎ. ﺋﯘﻻﺭ ﭘﯘﻝ ﺗﯧﭙﯩﺸﻨﯩﻼ ﻛﯚﺯﻟﻪﭖ، ﻛﺎﻥ ﺋﯩﺸﭽﯩﻠﯩﺮﯨﻨﯩﯔ ﺑﯩﺨﻪﺗﻪﺭﻟﯩﻜﯩﮕﻪ ﻛﯚﯕﯜﻝ ﺑﯚﻟﻤﯩﮕﻪﻥ، ﻧﻪﺗﯩﺠﯩﺪﻩ ﻧﯘﺭﻏﯘﻧﻠﯩﻐﺎﻥ ﺑﯩﺨﻪﺗﻪﺭﻟﯩﻚ ﺋﯚﻟﭽﯩﻤﯩﮕﻪ ﺗﻮﺷﻤﯩﻐﺎﻥ ﭼﻮﯓ ﻛﯩﭽﯩﻚ ﻛﺎﻧﻼﺭ ﭘﻪﻳﺪﺍ ﺑﻮﻟﻐﺎﻥ ﯞﻩ ﻫﺎﺩﯨﺴﯩﻠﻪﺭ ﺩﺍﯞﺍﻣﻠﯩﻖ ﻳﯜﺯ ﺑﯧﺮﯨﭗ ﺗﯘﺭﻏﺎﻥ. ( ﺋﯜﻣﯩﺪﯞﺍﺭ)