ﺋﯜﺭﯛﻣﭽﯩﺪﻩ ﺋﻮﻗﯘﻏﯘﭼﯩﻼﺭﻧﯩﯔ ﺋﻮﺗﺘﯘﺭﺍ ‏- ﺑﺎﺷﻼﻧﻐﯘﭺ ﻣﻪﻛﺘﻪﭘﻠﻪﺭﮔﻪ ﻛﯩﺮﯨﺸﻰ ﻗﯩﻴﯩﻦ ﺑﻮﻟﻤﺎﻗﺘﺎ

ﺳﯧﻨﺘﻪﺑﯩﺮ ﻛﯩﺮﯨﺸﻰ ﺑﯩﻠﻪﻥ ﺋﯜﺭﯛﻣﭽﯩﺪﯨﻜﻰ 300ﺩﯨﻦ ﺋﺎﺭﺗﯘﻕ ﺋﻮﺗﺘﯘﺭﺍ ﻫﻪﻣﺪﻩ ﺑﺎﺷﻼﻧﻐﯘﭺ ﻣﻪﻛﺘﻪﭘﻠﻪﺭ ﺋﻮﻗﯘﺵ ﺑﺎﺷﻼﺵ ﻣﯘﺭﺍﺳﯩﻤﻰ ﺋﯚﺗﻜﯜﺯﯛﭖ ،3 - ﺳﯧﻨﺘﻪﺑﯩﺮﺩﯨﻦ ﺑﺎﺷﻼﭖ ﻳﯧﯖﻰ ﻣﻪﯞﺳﯘﻣﻠﯜﻙ ﺩﻩﺭﺳﻨﻰ ﺭﻩﺳﻤﯩﻲ ﺑﺎﺷﻠﯩﺪﻯ.

ﺋﯜﺭﯛﻣﭽﻰ ﺷﻪﻫﻪﺭﻟﯩﻚ ﻣﺎﺋﺎﺭﯨﭗ ﺋﯩﺪﺍﺭﯨﺴﻰ ﺑﺎﺷﻠﯩﻘﻰ ﻟﻰ ﺟﻴﻪﻧﺸﯩﯖﻨﯩﯔ ﺷﯩﻨﺨﯘﺍ ﺋﺎﮔﯧﻨﺘﻠﯩﻘﻰ ﻣﯘﺧﺒﯩﺮﯨﻐﺎ ﺋﺎﺷﻜﺎﺭﯨﻠﯩﺸﯩﭽﻪ، ﺑﯘ ﻳﯩﻞ ﻳﯧﯖﻰ ﺋﻮﻗﯘﺵ ﻣﻪﯞﺳﯜﻣﯩﺪﻩ ﺋﯜﺭﯛﻣﭽﯩﺪﯨﻜﻰ ﺑﺎﺭﻟﯩﻖ ﺋﻮﺗﺘﯘﺭﺍ ﻫﻪﻡ ﺑﺎﺷﻼﻧﻐﯘﭺ ﻣﻪﻛﺘﻪﭘﻠﻪﺭﺩﻩ ﺋﻮﻗﯘﻏﯘﭼﻰ ﺳﺎﻧﻰ ﭘﻪﯞﻗﯘﻟﺌﺎﺩﺩﻩ ﺋﯧﺸﯩﭗ ﻛﯧﺘﯩﺶ ﺋﻪﻫﯟﺍﻟﻰ ﻛﯚﺭﯛﻧﮕﻪﻥ ﺑﻮﻟﯘﭖ ، ﻣﻪﻛﺘﻪﭘﻠﻪﺭ ﺋﺎﺳﺎﺳﻪﻥ ﺗﻮﻳﯘﻧﻤﺎ ﻫﺎﻟﻪﺗﺘﻪ ﺋﯩﻜﻪﻥ ﺷﯘﻧﺪﺍﻗﻼ ﺋﻮﻗﯘﻏﯘﭼﻰ ﺋﯧﺸﯩﭗ ﻛﯧﺘﯩﺶ ﺋﻪﻫﯟﺍﻟﻰ ﺋﯧﻐﯩﺮﻻﺷﻘﺎﻥ ﻳﯧﻘﯩﻨﻘﻰ ﺋﯜﭺ ﻳﯩﻠﺪﯨﻦ ﺑﯘﻳﺎﻥ، ، ﺳﯩﻨﯩﭗ ﻳﯧﺘﯩﺸﻤﻪﺳﻠﯩﻚ، ﭘﺎﺭﺗﺎ ﻳﯧﺘﯩﺸﻤﻪﺳﻠﯩﻚ ،ﺋﻮﻗﯘﺗﻘﯘﭼﻰ ﻳﯧﺘﯩﺸﻤﻪﺳﻠﯩﻜﺘﻪﻙ ﺋﻪﻫﯟﺍﻝ ﺟﯩﺪﺩﯨﻲ ﺑﻮﻟﻤﺎﻗﺘﺎ ﺋﯩﻜﻪﻥ.

ﻟﻰ ﺟﻴﻪﻧﺸﯩﯖﻨﯩﯔ ﺑﯩﻠﺪﯛﺭﯛﺷﯩﭽﻪ ، ﺑﻮﻟﯘﭘﻤﯘ ﺋﻮﺗﺘﯘﺭﺍ ﻣﻪﻛﺘﻪﭘﻠﻪﺭﺩﻩ ﺋﯚﺗﻜﻪﻥ ﻳﯩﻠﺪﯨﻜﯩﮕﻪ ﻗﺎﺭﯨﻐﺎﻧﺪﺍ ﻧﻪﭼﭽﻪ ﺋﻮﻧﻤﯩﯔ ﺋﻮﻗﯘﻏﯘﭼﻰ ﻛﯚﭘﻪﻳﮕﻪﻥ. ﻣﻪﻛﺘﻪﭘﻠﻪﺭ ﺑﯘ ﺋﻮﻗﯘﻏﯘﭼﯩﻼﺭﻧﻰ ﺳﯩﻨﯩﭙﻼﺭﻧﻰ ﻛﯧﯖﻪﻳﺘﯩﺶ ﺋﺎﺭﻗﯩﻠﯩﻖ ﻗﻮﺑﯘﻝ ﻗﯩﻠﯩﺸﻘﺎ ﻣﻪﺟﺒﯘﺭ ﺑﻮﻟﻐﺎﻥ. ﺑﻪﺯﻯ ﺳﯩﻨﯩﭙﻼﺭﺩﺍ ﺋﻮﻗﯘﻏﯘﭼﯩﻼﺭ ﺳﺎﻧﻰ 60ﺗﯩﻦ ﺋﯧﺸﯩﭗ ﻛﻪﺗﻜﻪﻥ. ﻫﻪﺗﺘﺎ ﺩﻩﺭﺱ ﺑﺎﺷﻼﻧﻐﺎﻥ ﺑﻮﻟﺴﯩﻤﯘ ، ﺑﺎﺷﻼﻧﻐﯘﭺ ﻣﻪﻛﺘﻪﭘﻠﻪﺭﻧﯩﯔ ﺑﻪﺯﻯ ﺳﯩﻨﯩﭙﻠﯩﺮﯨﺪﺍ ﺋﻮﻗﯘﻏﯘﭼﯩﻼﺭ ﺋﯚﺭﻩ ﺗﯘﺭﯗﭖ ﺩﻩﺭﺱ ﺋﺎﯕﻼﺷﻘﺎ ﻣﻪﺟﺒﯘﺭ ﺑﻮﻟﻐﺎﻥ.

ﺋﯜﺭﯛﻣﭽﻰ ﺷﻪﻫﻪﺭﻟﯩﻚ ﻣﺎﺋﺎﺭﯨﭗ ﺋﯩﺪﺍﺭﯨﺴﯩﻨﯩﯔ ﺋﯧﻨﯩﻘﻠﯩﺸﯩﭽﻪ، ﺋﯜﺭﯛﻣﭽﯩﺪﻩ ﺋﻪﺳﻠﻰ ﺋﻮﻟﺘﯘﺭﯗﺷﻠﯘﻕ ﻳﻪﺭﻟﯩﻚ ﻧﻮﭘﯘﺳﻨﯩﯔ ﺋﻮﻗﯘﺵ ﻳﯧﺸﯩﺪﯨﻜﻰ ﭘﻪﺭﺯﻩﻧﺘﻠﯩﺮﯨﻨﯩﯔ ﺳﺎﻧﻰ ﺋﯘﻧﭽﻪ ﻛﯚﭖ ﺋﻪﻣﻪﺱ ﺑﻮﻟﯘﭖ ، ﻳﯧﻘﯩﻨﻘﻰ ﻳﯩﻠﻼﺭﺩﯨﻦ ﺑﯘﻳﺎﻥ ﺋﯜﺭﯛﻣﭽﯩﺪﻩ ﺋﺎﻗﻤﺎ ﻧﻮﭘﯘﺳﻨﯩﯔ ﺷﯩﺪﺩﻩﺕ ﺑﯩﻠﻪﻥ ﺋﯚﺭﻟﯩﺸﻰ ﻧﻪﺗﯩﺠﯩﺴﯩﺪﻩ، ﻣﻪﻛﺘﻪﭘﻠﻪﺭﺩﻩ ﺋﻮﻗﯘﻏﯘﭼﯩﻼﺭ ﻳﯩﻠﺪﯨﻦ ‏- ﻳﯩﻠﻐﺎ ﺋﯧﺸﯩﭗ ﺑﺎﺭﻣﺎﻗﺘﺎ.

ﺑﻮﻟﯘﭘﻤﯘ ﺧﯩﺘﺎﻱ ﻫﯚﻛﯜﻣﯩﺘﻰ 2004 - ﻳﯩﻠﻰ 9 - ﺋﺎﻳﺪﯨﻦ ﺑﺎﺷﻼﭖ ﺷﻪﻫﻪﺭﻟﻪﺭﮔﻪ ﻛﯩﺮﮔﻪﻥ ﺩﯦﻬﻘﺎﻥ ﺋﯩﺸﭽﯩﻼﺭﻧﯩﯔ ﭘﻪﺭﺯﻩﻧﺘﻠﯩﺮﯨﻨﯩﯔ ﺋﻮﻗﯘﺵ ﻫﻪﻗﻘﯩﻨﻰ ﺑﯩﻜﺎﺭ ﻗﯩﻠﯩﺶ ﺳﯩﻴﺎﺳﯩﺘﯩﻨﻰ ﻳﯜﺭﮔﯜﺯﯛﺷﻜﻪ ﺑﺎﺷﻠﯩﻐﺎﻧﺪﯨﻦ ﻛﯧﻴﯩﻦ، ﺋﯜﺭﯛﻣﭽﯩﺪﯨﻜﻰ ﻣﻪﻛﺘﻪﭘﻠﻪﺭﺩﻩ ﺧﯩﺘﺎﻱ ﺋﺎﻗﻘﯘﻥ ﺋﯩﺸﭽﯩﻼﺭﻧﯩﯔ ﭘﻪﺭﺯﻩﻧﺘﻠﯩﺮﻯ ﻫﻪﺳﺴﯩﻠﻪﭖ ﻛﯚﭘﯩﻴﯩﭗ ﻣﻪﻛﺘﻪﭘﻠﻪﺭﺩﻩ ﻳﯘﻗﯩﺮﯨﻘﯩﺪﻩﻙ ﺋﻮﻗﯘﻏﯘﭼﻰ ﺋﯧﺸﯩﭗ ﻛﯧﺘﯩﺶ ﺋﻪﻫﯟﺍﻟﻰ ﺋﯧﻐﯩﺮﻻﺷﻤﺎﻗﺘﺎ ﺋﯩﻜﻪﻥ. (ﮔﯜﻟﭽﯧﻬﺮﻩ)