ﺑﯘ ﻧﯚﯞﻩﺗﻠﯩﻚ ﺋﯜﺭﯛﻣﭽﻰ ﻳﻪﺭﻣﻪﻧﻜﯩﺴﻰ، ﻳﻪﺭﻟﯩﻚ ﺋﯩﻘﺘﯩﺴﺎﺩﻯ ﺳﻮﺩﺍ ﻳﻪﺭﻣﻪﻧﻜﯩﺴﯩﺪﯨﻦ ﺩﯙﻟﻪﺕ ﺩﻩﺭﯨﺠﯩﻠﯩﻚ ﺋﯩﻘﺘﯩﺴﺎﺩﻯ ﺳﻮﺩﺍ ﻳﻪﺭﻣﻪﻧﻜﯩﺴﻰ ﺩﻩﺭﯨﺠﯩﺴﯩﮕﻪ ﺋﯚﺳﺘﯜﺭﯛﻟﮕﻪﻧﺪﯨﻦ ﻛﯧﻴﯩﻨﻜﻰ ﺗﯘﻧﺠﻰ ﻗﯧﺘﯩﻤﻠﯩﻖ ﻳﻪﺭﻣﻪﻧﻜﻪ ﻫﯧﺴﺎﺑﻠﯩﻨﯩﺪﯨﻐﺎﻥ ﺑﻮﻟﻐﺎﭼﻘﺎ، ﺧﯩﺘﺎﻱ ﺳﻮﺩﺍ ﻣﯩﻨﯩﺴﺘﯩﺮﻟﯩﻘﻰ، ﺧﯩﺘﺎﻱ ﺧﻪﻟﻘﺌﺎﺭﺍ ﺳﻮﺩﯨﻨﻰ ﺋﯩﻠﮕﯩﺮﻯ ﺳﯜﺭﯛﺵ ﺟﻪﻣﺌﯩﻴﯩﺘﻰ ﯞﻩ ﺋﯘﻳﻐﯘﺭ ﺋﺎﭘﺘﻮﻧﻮﻡ ﺭﺍﻳﻮﻧﻠﯘﻕ ﺧﻪﻟﻖ ﻫﯚﻛﯜﻣﯩﺘﻰ ﺑﺎﺵ ﺑﻮﻟﯘﭖ ﺋﯚﺗﻜﯜﺯﮔﻪﻥ.

ﻳﻪﺭﻣﻪﻧﻜﯩﻨﯩﯔ ﺋﯧﭽﯩﻠﯩﺶ ﻣﯘﺭﺍﺳﯩﻤﯩﻐﺎ ﺧﯩﺘﺎﻳﻨﯩﯔ ﻫﻪﺭ ﻗﺎﻳﺴﻰ ﺋﯚﻟﻜﻪ ﻫﻪﻡ ﺧﻮﯕﻜﻮﯓ ﺋﺎﻻﻫﯩﺪﻩ ﻣﻪﻣﯘﺭﯨﻲ ﺭﺍﻳﻮﻥ ﺭﻩﻫﺒﻪﺭﻟﯩﺮﻯ ﻫﻪﻡ ﺳﻮﺩﺍ ﺋﯚﻣﻪﻛﻠﯩﺮﯨﺪﯨﻦ ﺑﺎﺷﻘﺎ، ﺋﯘﻳﻐﯘﺭ ﺋﯧﻠﯩﮕﻪ ﭼﯧﮕﺮﯨﺪﺍﺵ ﺑﻮﻟﻐﺎﻥ ﺳﻪﻛﻜﯩﺰ ﺩﯙﻟﻪﺕ ﺋﻪﻟﭽﯩﺨﺎﻧﺎ ﯞﻩﻛﯩﻠﻠﯩﺮﯨﻨﻰ ﻫﻪﻡ ﺳﻮﺩﺍ ﺋﯚﻣﻪﻛﻠﯩﺮﯨﻨﻰ ﺋﻪﯞﻩﺗﻜﻪﻧﺪﯨﻦ ﺑﺎﺷﻘﺎ، ﻳﻪﺭﻣﻪﻧﻜﯩﻨﯩﯔ ﺑﺎﺷﻠﯩﻨﯩﺶ ﻣﯘﺭﺍﺳﯩﻤﯩﻐﺎ ﻳﻪﻧﻪ ﺷﺎﯕﺨﻪﻱ ﻫﻪﻣﻜﺎﺭﻟﯩﻖ ﺗﻪﺷﻜﯩﻼﺗﻰ ﺑﺎﺵ ﻛﺎﺗﯩﭙﻰ ﭘﻮﻻﺕ ﻧﯘﺭﻏﺎﻟﯩﻴﻮﻑ، ﺗﯜﺭﻛﯩﻴﻪ ﺩﯙﻟﻪﺕ ﺋﯩﺸﻠﯩﺮﻯ ﻣﯩﻨﯩﺴﺘﯩﺮﻯ ﻛﯘﺭﺷﺎﺕ ﺗﯜﺯﻣﻪﻥ ﯞﻩ ﻳﻪﻧﻪ ﺋﺎﻣﯧﺮﯨﻜﺎ، ﻛﻮﺭﯨﻴﻪ، ﻫﯩﻨﺪﻭﻧﯧﺰﯨﻴﻪ، ﻣﻮﯕﻐﯘﻟﯩﻴﻪ ﻗﺎﺗﺎﺭﻟﯩﻖ ﺩﯙﻟﻪﺗﻠﻪﺭﻧﯩﯔ ﺋﺎﻻﻗﯩﺪﺍﺭ ﻣﯩﻨﯩﺴﺘﯩﺮ ﺋﻪﺭﺑﺎﭘﻠﯩﺮﯨﻤﯘ ﺋﯩﺸﺘﯩﺮﺍﻙ ﻗﯩﻠﻐﺎﻥ.

ﻳﻪﺭﻣﻪﻧﻜﯩﮕﻪ 25 ﺩﯙﻟﻪﺕ ﻫﻪﻡ ﺭﺍﻳﻮﻥ، ﺧﯩﺘﺎﻱ ﺋﯩﭽﯩﺪﯨﻦ ﻳﯩﮕﯩﺮﻣﻪ ﻧﻪﭼﭽﻪ ﺋﯚﻟﻜﻪ ﺷﻪﻫﻪﺭﻟﻪﺭﺩﯨﻦ ﻛﻪﻟﮕﻪﻥ ﺳﻮﺩﺍ ﺋﯚﻣﻪﻛﻠﯩﺮﻯ ﯞﻩ ﻣﯧﻬﻤﺎﻧﻼﺭ ﺑﻮﻟﯘﭖ ﺋﻮﺗﺘﯘﺯ ﻣﯩﯖﺪﯨﻦ ﻛﯚﭘﺮﻩﻙ ﺋﺎﺩﻩﻡ ﻗﺎﺗﻨﺎﺷﻘﺎﻥ. ﺷﯘﻧﺪﺍﻗﻼ ﺋﯜﺭﯛﻣﭽﻰ ﺧﻪﻟﻘﺌﺎﺭﺍ ﺳﻮﺩﺍ ﻳﻪﺭﻣﻪﻧﻜﯩﺴﯩﻨﯩﯔ ﺋﯧﭽﯩﻠﯩﺶ ﻣﯘﺭﺍﺳﯩﻤﯩﻐﺎ ﻗﺎﺗﻨﺎﺷﻘﺎﻥ ﺧﻪﻟﻘﺌﺎﺭﺍﻟﯩﻖ ﺗﻪﺷﻜﯩﻼﺕ ﻫﻪﻡ ﺩﯙﻟﻪﺕ ﯞﻩﻛﯩﻠﻠﯩﺮﻯ - 2008 ﻳﯩﻠﻠﯩﻖ ﻣﻪﺭﻛﯩﺰﻯ، ﻏﻪﺭﺑﯩﻲ ﺟﻪﻧﯘﺑﻰ ﺋﺎﺳﯩﻴﺎ ﺭﺍﻳﻮﻧﻰ ﺋﯩﻘﺘﯩﺴﺎﺩﻯ ﻫﻪﻣﻜﺎﺭﻟﯩﻖ ﻣﯘﻫﺎﻛﯩﻤﯩﺴﯩﮕﻪ ﻗﺎﺗﻨﺎﺷﻘﺎﻥ.

ﺋﯜﺭﯛﻣﭽﯩﺪﯨﻦ ﺑﯧﺮﯨﻠﮕﻪﻥ ﺧﻪﯞﻩﺭﻟﻪﺭﮔﻪ ﻗﺎﺭﯨﻐﺎﻧﺪﺍ، ﺑﯘ ﻳﯩﻠﻠﯩﻖ ﻳﻪﺭﻣﻪﻧﻜﯩﮕﻪ ﻗﺎﺗﻨﺎﺷﻘﺎﻥ ﺳﻮﺩﺍ ﺋﯚﻣﻪﻛﻠﯩﺮﻯ ﻫﻪﻡ ﺳﻮﺩﯨﮕﻪﺭﻟﻪﺭ ﺋﯩﻠﮕﯩﺮﯨﻜﻰ ﻳﯩﻠﻼﺭﺩﯨﻜﯩﮕﻪ ﻗﺎﺭﯨﻐﺎﻧﺪﺍ ﺋﺎﻻﻫﯩﺪﻩ ﻛﯚﭖ ﺑﻮﻟﯘﭖ،ﺑﯘﻟﺘﯘﺭﻗﯩﻐﺎ ﻗﺎﺭﯨﻐﺎﻧﺪﺍ ﺯﺍﻝ ﺋﯩﭽﻰ ﻳﺎﻳﻤﺎ ﺋﻮﺭﻧﯩﺪﯨﻦ 249 ﻯ، ﺯﺍﻝ ﺳﯩﺮﺗﯩﺪﺍ ﻳﻪﻧﻪ 40 ﻳﺎﻳﻤﺎ ﺋﻮﺭﻧﻰ ﻛﯚﭘﻪﻳﺘﯩﻠﮕﻪﻥ. ﺑﯘ ﻗﯧﺘﯩﻤﻠﯩﻖ ﻳﻪﺭﻣﻪﻧﻜﯩﻤﯘ ﺳﻮﺩﺍ ﺋﺎﻻﻗﻪ ﯞﻩ ﻣﻪﺑﻠﻪﻍ ﺳﯧﻠﯩﺸﻨﻰ ﺋﺎﺳﺎﺱ ﻗﯩﻠﻐﺎﻥ.

ﮔﻪﺭﭼﻪ ﺋﯜﺭﯛﻣﭽﻰ ﺧﻪﻟﻘﺌﺎﺭﺍ ﺳﻮﺩﺍ ﻳﻪﺭﻣﻪﻧﻜﯩﺴﻰ 17 ﻳﯩﻠﺪﯨﻦ ﺑﯘﻳﺎﻥ ﺋﻮﺧﺸﺎﺵ ﯞﺍﻗﯩﺖ، ﺋﻮﺧﺸﺎﺵ ﺋﻮﺭﯗﻧﺪﺍ ﻳﯩﻠﺪﯨﻦ ‏ - ﻳﯩﻠﻐﺎ ﻛﯧﯖﯩﻴﯩﭗ ﺩﺍﯞﺍﻡ ﻗﯩﻠﯩﯟﺍﺗﻘﺎﻥ ﺑﻮﻟﺴﯩﻤﯘ، ﻳﻪﺭﻟﯩﻚ ﺋﯘﻳﻐﯘﺭ ﻛﺎﺭﺧﺎﻧﺎ ﻫﻪﻡ ﺳﻮﺩﯨﮕﻪﺭﻟﯩﺮﯨﮕﻪ ﺋﯩﻨﺘﺎﻳﯩﻦ ﭼﻪﻛﻠﯩﻚ ﻫﺎﻟﺪﺍ ﺋﻮﺭﯗﻥ ﺑﯧﺮﯨﻠﻤﻪﻛﺘﻪ. ﺑﯘ ﻗﯧﺘﯩﻤﻠﯩﻖ ﻳﻪﺭﻣﻪﻧﻜﯩﺪﻩ ﺋﯘﻳﻐﯘﺭ ﺳﻮﺩﯨﮕﻪﺭﻟﯩﺮﯨﻨﯩﯔ ﻗﺎﻧﭽﯩﻠﯩﻚ ﻧﯩﺴﺒﻪﺗﻨﻰ ﺋﯩﮕﯩﻠﻪﻳﺪﯨﻐﺎﻧﻠﯩﻘﻰ ﻧﺎﻣﻪﻟﯘﻡ.

ﺋﯘﻳﻐﯘﺭ ﺋﯧﻠﯩﺪﻩ ﭼﺎﺗﻤﺎ ﯞﻩﻗﻪﻟﻪﺭ ﻳﯜﺯ ﺑﻪﺭﮔﻪﻥ، ﺧﯩﺘﺎﻱ ﻫﯚﻛﯜﻣﯩﺘﻰ ﺭﺍﻳﻮﻧﺪﺍ ﻗﺎﺗﺘﯩﻖ ﺑﺎﺳﺘﯘﺭﯗﺷﻨﻰ ﺩﺍﯞﺍﻣﻠﯩﻖ ﻗﯩﻠﯩﯟﺍﺗﻘﺎﻥ ﺑﯩﺮ ﭘﻪﻳﺘﺘﻪ ﺋﯧﭽﯩﻠﻐﺎﻥ ﺑﯘ ﺧﻪﻟﻘﺌﺎﺭﺍ ﺳﻮﺩﺍ ﻳﻪﺭﻣﻪﻧﻜﯩﺴﻰ، ﺩﯗﻧﻴﺎ ﻣﻪﺗﺒﯘﺋﺎﺗﯩﻨﯩﯖﻤﯘ ﻧﻪﺯﯨﺮﯨﮕﻪ ﺋﯧﻠﯩﻨﺪﻯ. ﺧﻪﯞﻩﺭﻟﻪﺭﺩﻩ ﺋﯜﺭﯛﻣﭽﻰ ﻳﻪﺭﻣﻪﻧﻜﯩﺴﯩﻨﯩﯔ ﺋﯘﻳﻐﯘﺭ ﺋﯧﻠﯩﻨﯩﯔ ﺋﯩﻘﺘﯩﺴﺎﺩﻯ ﻣﻪﻧﭙﻪﺋﻪﺗﯩﻨﯩﻼ ﻧﯩﺸﺎﻥ ﻗﯩﻠﻐﺎﻥ ﺋﻪﻣﻪﺱ، ﺑﻪﻟﻜﻰ ﺧﯩﺘﺎﻳﻨﯩﯔ ﺳﻮﺩﺍ ﺋﺎﻻﻗﻪ ﻫﻪﻡ ﻣﻪﺑﻠﻪﻍ ﺳﯧﻠﯩﺶ ﺳﻪﻫﻨﯩﺴﻰ ﺑﻮﻟﯘﯞﺍﺗﻘﺎﻧﻠﯩﻘﻰ ﻗﻪﻳﺖ ﻗﯩﻠﯩﻨﻤﺎﻗﺘﺎ.